أستشاره

[hassanin_lada]

انا كان عندي كام استفسار كده كنت عاوز حد يقولي عليهم
اولا:نور العربيه في الطوالي بيعلي ويوطي هل في سبب للمشكله دي ولا ده عادي
ثانيا:كنت من فتره غيرت كرسي النص بس من ساعتها لما اجي اطلع علي الغيار الاول بسحب جامد من الثبات اسمع صوت ونه زي اللي بتيجي في الكرونه لما بتبقي بايظه بس مش بتكمل وتروح خالص مع العلم ان العربيه علي السريع صوت الكرونه زي الفل..
ثالثا:المتور وده اهم حاجه:من ساعة ماعملت الشنبر والريح لما بزود عن 80 بشم ريحه(انا ماغيرتش زيت التلين)والريحه زي مايكون في زيت بيتحرق(العربيه مش بتنقص+فيش اي زيوت من تحت العربيه)وانا كده هتجنن
واسف للاطاله :)

[MEKAWY2000]

الاضاءه تتخفض ولا منسوب النور فى فرق لو منسوب النور ده بيتغير مع الحمل وعندك مفتاح ضبط ليه اسفل التابلوه من جهه اليسار
الونه شحم بليه النص

زيت التلين متغيرش لما عملت طقم الشنبر وبتقرص على السياره الله يسامحك ياجميل
الريحه بص عل الشكمان والفرن من ناحيه الموتور هتلاقى عليه اكيد زيت او على المانفو بتاع الكاربرتير

[ahmed_gamal777]

الاضاءه تتخفض ولا منسوب النور فى فرق لو منسوب النور ده بيتغير مع الحمل وعندك مفتاح ضبط ليه اسفل التابلوه من جهه اليسار
الونه شحم بليه النص

ممكن تبص كمان على سير الدينمو
خاصة لو كنت عند تزويد بيعلى النور
ممكن

زيت التلين متغيرش لما عملت طقم الشنبر وبتقرص على السياره الله يسامحك ياجميل
الريحه بص عل الشكمان والفرن من ناحيه الموتور هتلاقى عليه اكيد زيت او على المانفو بتاع الكاربرتير

على حد علمى زيت التلين بيتغير بعد
1000كيلو
يفضل تغير مع غسيل المكنة والحوض والشاسية
من تحت على هيدوليك رفع
وتشفها بتبرق من تحت
وانا شاء الله الريحة هتمنع
(كان مرة فية كيس تحت علبة البيئة وكلما ازود الريحة تزيد وكانت ريحة بلاستيك بتحرك وعشان سوسن عملتها معاية قبل كدة
فى قفلة كهرباء وبلاستيك بيتحرق
فتم التاكد من اسفل السيارة والغسيل والريحة منعت

ياريت لو حد متخصص يبصل فى تركيب الكرونة بعد موضوع
كرسى النص
فى حاجة فى نقل حركة الكردان مش مريحانى
ممكن تروح لميكانيكى شاطر يتاكد من الموضوع دا
وحمداللة على السلامة يا بلديات
ok

[hassanin_lada]

الف شكر ليك ياميكاوي وبلديات احمد جمال..انا انشألله هغير زيت بكره وبالنسبه لبلية كرسي النص لو سبتها علي كده هل ممكن تحصل مشكله ولا عادي انا اصلا مش بأمرك بالعربيه بس انا بحب اجرب العربيه علي كل وضعيت واكتشفت ده لما بقرص فالطلعه..وبالنسبه للقرص يا ميكاوي باشا انا 80 يعني مش بقرص علي العربيه انا ماقولتش 180 :d ..بالنسبه للاضائه بتزهي وتنخفض قوة النور ياعني وانا لسا مغير كتاوت داخلي واقعدة دنمو كامله للعلم بس...

[hassanin_lada]

وقاعدة دنمو

[MEKAWY2000]

لو قاعده سيلكونات الدينمو يبقى الشحن بينخفض اثناء الاناره العاليه وده محتاج تغيير القاعده كامله بس فى حاجه طالما سيكون يضرب يبقى فى مشكله ممكن يكون الاحمال عاليه او فى مشكله فى الدفيره فامن الاحطياط تركيب فيوز ضغط عالى على كتاوت الشحن لو انت مركب كتاوت خارجى وده افضل

[MEKAWY2000]

وبعدين ا/ احمد جمال يكفى اى رد منه هيكون كافى وفيه الخلاصه

[hassanin_lada]

لا هو داخلي فيش فيه خارجي..وبالنسبه لبقية كلامك انا مافهمتش حاجه ..وهل الموضوع ده يعمل مشكله ولا عادي

[MEKAWY2000]

السيلكون الموجود داخل الدينمو بيغنى عن الكتاوت الخارجى لاكن لو سيلكون ضرب منهم بيعمل مشكله فى الشحن الشحن بيضعف فبلتالى النور يضعف بتنحل المشكله بتغيير قاعده السيلكونات ويركب فيوز ضغط عالى يستحمل الشحن ويضرب لو فى مشكله السيلكون بيضرب فى حالتين الشحن العالى او استهلاك تيار اعلى من الخارج عن حدود البطاريه
فايده السيلكون هو استمرار التيار فى اتجاه اخر وليس العكس

[MEKAWY2000]

وبعدين ا/ احمد جمال يكفى اى رد منه هيكون كافى وفيه الخلاصه

[hassanin_lada]

ثانكس مكاوي باشا علي المتابعه..بس بالنسبه لبلية كرسي النص فيها مش كله لو سبتها ؟؟

[gameeelkamal]

السلام عليكم ورحمه الله وبركاته
النهارده كنت معى مستورد قطع غيار لادا استعمال فعزبه شلبى المهم طبعا سألته على ريحه العادم الى مجننانى
فرد عليا بأن فيه عازل حرارى بيبقى فوق الفتيس وفبره وديه مش موجوده عندى وعشان كده ريحه العادم بتدخل عليا فالصالون انا افتكرت فعلا واحنا بننزل الفتيس كانت موجوده بس لما ركبناه تانى نسينا نحطها يارب تطلع هيا السبب
محدش يعرف ياجماعه العازل ده او الصوف الحرارى ده بيتباع فين وبرضه هجرب نصيحه اخونا احمد جمال ممكن يكون فى زيت من الاويل سيل كان لسه مطبعشس بتاع الفتيس وكان الزيت بينقص لاكن الحمد لله دلوقتى حكم ممكن يكون فى زيت على جسم الفتيس وبيتحرق معى السخونيه هوا الى بيعمل الريحه دى كمان فلما تتغسل يروح الله المستعان هجرب وأنشاء الله هتابع معاكم للأفاده .

[MEKAWY2000]

ياريت تقول وصلت لايه بالنسبه للعزل الحرارى موجود فى التوفيقيه وده عباره عن زجاج مطحون مع فوم حرارى

[hassanin_lada]

السلام عليكم ورحمه الله وبركاته
النهارده كنت معى مستورد قطع غيار لادا استعمال فعزبه شلبى المهم طبعا سألته على ريحه العادم الى مجننانى
فرد عليا بأن فيه عازل حرارى بيبقى فوق الفتيس وفبره وديه مش موجوده عندى وعشان كده ريحه العادم بتدخل عليا فالصالون انا افتكرت فعلا واحنا بننزل الفتيس كانت موجوده بس لما ركبناه تانى نسينا نحطها يارب تطلع هيا السبب
محدش يعرف ياجماعه العازل ده او الصوف الحرارى ده بيتباع فين وبرضه هجرب نصيحه اخونا احمد جمال ممكن يكون فى زيت من الاويل سيل كان لسه مطبعشس بتاع الفتيس وكان الزيت بينقص لاكن الحمد لله دلوقتى حكم ممكن يكون فى زيت على جسم الفتيس وبيتحرق معى السخونيه هوا الى بيعمل الريحه دى كمان فلما تتغسل يروح الله المستعان هجرب وإن شاء الله هتابع معاكم للأفاده .

ايوه ياباشا ياريت تقولني انت وصلت لايه لحسن انا هتجنن من الريحه دي وربنا يستر..هي الريحه دي بتشمها علي سرعه عاليه مش كده؟؟

[MEKAWY2000]

عملت ايه دى نقطه مهمه وبيبحث عنها كذا عضو