أستشاره

[tifa55555]

يا ريت تقولنا الاخبار ايه
انا بنتى والله بتعيط لما تروح معايا مشوار من ريحة العادم وحاجه تخنق الصراحه
تكون سايق وبنتك بتعيط وراك وتقول انا عاوزه انزل من العربيه
رغم ان الشكمان سليم بس مش عارف الريحه دى منين
ربنا يحلها من عنده

[hassanin_lada]

انا مش عارف ليه محدش معبرنا..وكان في عضو قال انه لقي زيت علي الفتيس وغسله وحط عازل وقال هجرب وابلغكو ومن ساعتها محدش جه..ده حتي احمد جمال وميكاوي اختفو خالص

[gameeelkamal]

لازالت الريحه موجوده معى الاسف انا زهقت واتخنقت وبدمع كل ماركب العربيه

[hassanin_lada]

لا اله الا الله..يعني ماخفتش شويه..وهل الريحه دي وانت واقف ولا لما تسحب بالعربيه..وهل انت متأكد ان الشغل اللي عملته تمام ولا اي كلام (العازل وغسل الفتيس)

[tifa55555]

لا حول ولا قوة الا بالله
انا قولت العازل ده حيحلها
ربنا يحلها من عنده

[hassanin_lada]

انا شفت فتحه كبيره في المتوره بفبرايه جنب الفرن كده تقريبا...هي دي بتاعت ايه ؟؟

[hassanin_lada]

طب ايه العربيه هتفضل طول عمرها بريحه كده..دي لسا 2006 ومتهنتش بيها :(

[gameeelkamal]

العازل تمام والريحه بتبان بعد ال 80 على السرعات لعاليه وساعات من اول ما طلع بالعربيه ربنا انشاء الله يهدينا للحل
سؤال يأخوانى الموتور عندكم بيعرق زيت وهل فى حته بتجيب زيت من عند الجوان بتاع السلندر فوق طلمبه البنزين كده بس من وش الموتور يعنى من ناحيه السيور كده وحاله الكربراتير ايه عندكم عشان الميكانيكى النهارده قالى كربراتير
بكره فى واحد فالعباسيه بيقولوا كان شغال طول عمره فتوكيل لادا ومتخصص لادا بس هروحلوا بكره واقولوكوا قالى ايه انشاء الله

[gameeelkamal]

والحته دى بتعرق مبترشحشى زيت والموتور الحمد لله حالته كويسه انا لسه معمره تقريبا

[gameeelkamal]

برضه كمان هرفعها واغسلها وارجعها على الصاج ومش هخلى عليها نقطه زيت وهجرب واشوف واقولكم انشاء الله

[hassanin_lada]

انا عندي الريحه في الاول كانت علي 120 بس مع فتره لقيتها بتظهر علي 80 فاقولت ممكن يكون الشنبر...وبالسبه للكاربارتير انا لسا مغير اكس وشباك ومنعت دخانه سوده خالص..اعتقد ان كده الكربرتير تمام

[tifa55555]

انا عندى الريحه بتظهر على ال80
او لما اشد جامد على التالت

[hassanin_lada]

هي غالبا بتبقي ريحه عادم مش كده بس بتبقي قويه ؟؟

[gameeelkamal]

أيوا وبتحرق ساعات فالعين

[hassanin_lada]

كمان بتحرق في العين !!هو انا عندي عادي مش بتحرق ولا حاجه..طيب هو ممكن يكون من وساخت البنزين 80 مثلا؟؟