مشاركة لبعض اسعار قطع غيار لادا سمارة

[enternext]

ايه حكاية جوز المساعدين الاماميين اللى ب 350 ج والجوز الخلفى ب 300 وجداد انا اشتريت الجوز الاماميين ب 600 ج روسى من عند الموجى اللى فى الحرفيين وسالت عليهم عند حمدى لادا قالى انهم ب 650 فاعتقد ان اللى جيبتهم دول مش روسى

يا باشا انا مشترتهمش انا سالت عليهم بس
بس الحاجة ممكن تسال عليهم بنفسك الملح فى التوفيقة وكمان فى محلين كمان شغالين فى قطع غيار الادا سمارا واحد اسمه اوتو لادا فى اول ممر قبل المول وانت جاى من على الشارع وواحد اسمه المركز الروسى وده على شارع رمسيس والاثلاثة تكد تكون اسعرهم متقاربة واول مره اسمع 600 جنية ده
عموما اسال ومش هتخسر حاجة

[ahmedshehata45]

انا فعلا سألت عليهم عند حمدى لادا وبعد كدة عند الموجى اللى فى الحرفيين واشترتهم من عند الموجى لانه كان ارخص بخمسين جنيه وهم روسى فعلا

[enternext]

انا فعلا سألت عليهم عند حمدى لادا وبعد كدة عند الموجى اللى فى الحرفيين واشترتهم من عند الموجى لانه كان ارخص بخمسين جنيه وهم روسى فعلا

بما انك اشتريت يا باشا
ممكن تنزل التوفيقية وتسال على المحلات الى قولتلك عليها اهو منه تعرف السعر وفى نفس الوقت تقدر تفيد الاعضاء اذا كان الحاجة الى عند الناس ده جديده ولا استعمال وطبعا غالبا انت ممكن تعرف الاختلاف من النظر للحاجة
ومنتظر ردك
ومنك نستفيد يا باشا

[ahmedshehata45]

للاسف انا من السويس ومش نازل مصر اليومين دول

[ahmedshehata45]

شكرا للادارة لتثبيت الموضوع وارجو من اخوانى فى المنتدى المزيد من المشاركة لمساعدتنا على معرفة اسعار قطع غيار لادا سمارة وشكرا مرة اخرى

[ahmedshehata45]

ايه يا جماعة هو مفيش حد عايز يشاركنا فى موضوع قطع غيار الادا السمارة عايزين شوية نشاط يا اخوانى فى المنتدى وشكرا لكل من شارك

[SHNORY]

ايه يا جماعة هو مفيش حد عايز يشاركنا فى موضوع قطع غيار الادا السمارة عايزين شوية نشاط يا اخوانى فى المنتدى وشكرا لكل من شارك

ولا تزعل نفسك يا باشا
4 ابواب 800 جنيه (في بورسعيد 850 وعند زغلول في الحضره ب800)
اكصدام امامي او خلفي 175 جنيه
التابلوه في بورسعيد 650 جنيه بالكونسول
اسعار بورسعيد دي واحد صاحبي كان هناك وقالي عليها
والاسعار مش نهائيه لاني كنت بسال بس مش بشتري وساعتها الكلام حيختلف بس انا قولتهم من باب العلم بالشيئ

[ahmedshehata45]

الف شكر ليك يا اخ shnory وفى انتظار مشاركات اخرى

[ahmedshehata45]

انا سالت على سيرفو السمارة الروسى عند حمدى لادا ولقيته ب 350 ج بس لسة ما جيبتهوش

[gebreel]

المنتدى ده تماااااااااااااام اخر حاجة و شكرا على الموضوع ده لأن السمارة بصراحة مطلعة عيني بس احلى حاجة في العربية دي موتورها 100 100 صباحو تجميع و شد و استحمال و البودي بتاعها 10/10 المهم
انا لسا سائل على جوز مساعدين امامي 500 جنيه
تيل فرامل امامي 65 جنيه
بالنسبة للمحلات ففي عندوكو قي التوفيقية
-حمدي لادا
-الفهد راجل 100 100 بس معندوش فصال
-ولاد حسين
ارجو اني اكون فيدتوكم

[ahmedshehata45]

الف شكر ليك يا اخى superiorboy على مشاركتك معانا وارجو لك التوفيق
انا اشتريت سيرفو السمارة ب 155 ج بس ده الصينى من عند مؤسسة رمسيس فى التوفيقية وعلى فكرة انا سألت على السيرفو الروسى وطلع ب 295 ج وسالت عليه عند سيد نصار فى التوفيقية برده وقاللى انه ب 320 ج وعند حمدى لادا ب 350 ج

[mohamedsaadaly]

السيرفو انا جبته ب ??? من الوكاله من هشام ابو حديد بالعافيه ولكن لقيته جديد من فتحي عبد العظيم في شارع رمسيس ناصيه التوفيقيه ب??? وروسي اصلي وهو حاجته كويسه لكن بدون فصال ولكن عندي مشكلة اني مش لاقي ميكانيكي او كهربائي فاهمها كويس ودا كلفني كتير لدرجة اني بفكر ابيعها برغم انها عربية كويسة جدا ومصروف عليها لكن زهقت من الصنايعية

[SHNORY]

السيرفو انا جبته ب ??? من الوكاله من هشام ابو حديد بالعافيه ولكن لقيته جديد من فتحي عبد العظيم في شارع رمسيس ناصيه التوفيقيه ب??? وروسي اصلي وهو حاجته كويسه لكن بدون فصال ولكن عندي مشكلة اني مش لاقي ميكانيكي او كهربائي فاهمها كويس ودا كلفني كتير لدرجة اني بفكر ابيعها برغم انها عربية كويسة جدا ومصروف عليها لكن زهقت من الصنايعية

بس السعر ده غالي اوي انت لو كنت فاصلت معاه كان ممكن تاخده ب!!! او &&& هههههه(بهزر معاك )
يا راجل يا طيب اكتبلنا الاسعار كويس وراجع مشاركتك بعد ما تكتبها
وكل سنه وانت طيب

[ahmedshehata45]

[QUOTE=mohamedsaadaly;573604]السيرفو انا جبته ب ??? من الوكاله من هشام ابو حديد بالعافيه ولكن لقيته جديد من فتحي عبد العظيم في شارع رمسيس ناصيه التوفيقيه ب??? وروسي اصلي وهو حاجته كويسه لكن بدون فصال ولكن عندي مشكلة اني مش لاقي ميكانيكي او كهربائي فاهمها كويس ودا كلفني كتير لدرجة اني بفكر ابيعها برغم انها عربية كويسة جدا ومصروف عليها لكن زهقت من الصنايعية[/QUOTE
يا اخى العربية السمارة دية عربية ممتازة وخسارة تفرط فيها بس دور على حد فاهم فيها

[gebreel]

فيه الميكانيكي اللي بتعامل معاه فاهمها كويس و راجل 100 100 و محترم جدا يديلك الميعاد يجيلك فيه و ميشتغلش غير في عربيتك لحد ماتخلص و بعدين يمسك عربية تانية لو عاوز تليفونه قولي و هو موجود في الزيتون اول يمين من قبل كوبري المطرية عند بنزينة مصر و ادخل بعد كدة في اول يمين من جنب عمر افندي
اسمو الاسطى عصام