مشاركة لبعض اسعار قطع غيار لادا سمارة

[hassanmm]

سعر الكوبلن الصينى والروسى .........

سيارتى لادا سمارة مو 91 محتاج جوز كبالن . سألت عليهم عند محلات اللادا معظمهم قال إن الجوز الصينى 150 جنيه والجوز الروسى 400جنيه . طبعا فرق السعر كبير جدا.
وسؤالي هو هل أحد جرب الكبالن الصيني ؟ أفيدونى جزاكم الله خير حيث أننى على وشك تغيير الكبالن . ودمتم سالمين.

[SHNORY]

فى ميكانيكى كويس اسمه مجدى شغال فى ورشة عند سينما مترو كده .... وانت جاى من البحر ورايح على سينما امير قبل ماتوصلها حتلاقى سينما مترو على شمالك وبنزينة على يمينك قصادها ... كلمه يجيلك عند البنزينة

مجدى 0107576655 ... هو كويس وانا اتعاملت معاه فى لادا عادية ولادا سمارة ... بالتوفيق

منوره قسم لادا يا افندم
اول مره اعرف ان حضرتك زميله في السماره
شكرا لمرورك القيم

ياجماعة أنا معايا سمارة 94 وبسمع كل يوم الصبح صوت شخشخة وانا ماشي بس لما العربية تسخن الصوت بيروح ولما أسبها تبرد يرجع الصوت تاني هل ياترى حد ممكن يفيدنى الصوت ده من أيه ...... وشكرا

الشخشخه دي لو بتروح لما تفصل دبرياش يبقي عيب من الديسك
لو بتروح لما تزود بنزين يبقي فيه حاجه محلوله ومع اهتزاز العربيه وهي بارده بتسمع صوتها
ولما العربيه بتسخن وموتورها بيثبت حتلاقي الصوت بيروح
طبعا دي الاحتمالات البسيطه للموضوع
بس حاول تفتح الكبوت وتشوف الشخشخه جايه منين
كان عندي عيب يشبه للعيب ده تقريبا وكان من حاجه محلوله ولما اتربطت الصوت راح

سيارتى لادا سمارة مو 91 محتاج جوز كبالن . سألت عليهم عند محلات اللادا معظمهم قال إن الجوز الصينى 150 جنيه والجوز الروسى 400جنيه . طبعا فرق السعر كبير جدا.
وسؤالي هو هل أحد جرب الكبالن الصيني ؟ أفيدونى جزاكم الله خير حيث أننى على وشك تغيير الكبالن . ودمتم سالمين.

لو حتجيب روسي تجيبه من موزع معتمد للادا وحد تكون واثق فيه
لو مش كده يبقي هات الصيني وجربهم
لان الفرق في العلبه مش في الكوبلن وييجي بعدهم فرق في ضمير اللي بيبيع

[hobby10]

منوره قسم لادا يا افندم
اول مره اعرف ان حضرتك زميله في السماره
شكرا لمرورك القيم

شكرا ليك ياشنورى ... وحضرتك برضه نورتنا فى الرينو ... اما بقى السمارة دى فهى اللى اتعلمت عليها وزميلة الكفاح

[hassanmm]

شكرا جزيلا يا سيد shnory وجزاك الله خير ........

[SHNORY]

شكرا ليك ياشنورى ... وحضرتك برضه نورتنا فى الرينو ... اما بقى السمارة دى فهى اللى اتعلمت عليها وزميلة الكفاح :m_yes[1]:

شكرا ليكي وانا اتشرف بوجودي في اي مكان فينايل موتورز وسط اعضائه المحترمين

شكرا جزيلا يا سيد shnory وجزاك الله خير ........

العفو يا باشا
والشكر لكل اعضاء المنتدي

[Loltoty]

انا اشتريت لادا سماره مودل 95 وعندي مشكله في اوكر البابان الي قدام الاكر بايظه ومش لقيها هل لها بديل رجاء الرد مع العلم انا من سوهاج والعربيه فيها التكيف ملغي التوصلات بتعته مش عارف ليه وعايز اعرف الكبالان الصيني كويسه ولا وكمان عاوز طبلون جديد يعمل كام ولا اريح دماغي واكسيه جلد

[Loltoty]

المساعدين الي وره خفيفه اغيرها ولا تنفع تظبط

[Loltoty]

رجاء الرد عشان انا فكك الطبلون والكرسي والبابان وعاوز اظبط الدنيا وكمان عاوز اغيري الفونيس بحاجه شكلها حلو والمريات وكمان عاوز اعرف حل في المرش لزام اجيب العصايا للاخر عشان تجيب مرش وادي مشاكل الي هاوي سماره

[Loltoty]

لو في اي كماليات حلوه للعربيه لادا سمارا او تطبع عليها وتظبط الشكل

[SHNORY]

انا اشتريت لادا سماره مودل 95 وعندي مشكله في اوكر البابان الي قدام الاكر بايظه ومش لقيها هل لها بديل رجاء الرد مع العلم انا من سوهاج والعربيه فيها التكيف ملغي التوصلات بتعته مش عارف ليه وعايز اعرف الكبالان الصيني كويسه ولا وكمان عاوز طبلون جديد يعمل كام ولا اريح دماغي واكسيه جلد

حضرتك لو قصدك علي الاكره اللي بتفتح الباب من بره فهي موجوده بس انا طبعا بتكلم علي اسكندريه والقاهره معرفش ادل حضرتك علي حد في سوهاج
والعربيه مفيهاش تكييف بس هي فيها دفايه ودي وصلات ميه سخنه
وبيلغوها علشان مع عمر العربيه الطويل متعملش بارومه جوه العربيه
الكبالن مقدرش افيدك فيها بس تقريبا اتكلمنا عليها كذا مره في نفس الموضوع ممكن حضرتك تراجعه من الاول
والتابلوه برضه مكتوب عنه
بس حقولك انه مفيش منه جديد
لو عندك استعداد تصرف عليها ممكن تجيب تابلوه بتاع عربيه تانيه زي الانسر مثلا بس حتغير في القواعد بتاعته وفي الضفيره بتاعه العربيه
وانا كنت شاري التابلوه ب570 جنيه بتاع السماره مش بتاع الانسر

المساعدين الي وره خفيفه اغيرها ولا تنفع تظبط

هو المفروض تغيرها
بس لو انت شايف انها حتقضي معاك الغرض خليها
لو بتشيل احمال في العربيه او طريقك فيه مطبات كتير يبقي غيرهم

رجاء الرد عشان انا فكك الطبلون والكرسي والبابان وعاوز اظبط الدنيا وكمان عاوز اغيري الفونيس بحاجه شكلها حلو والمريات وكمان عاوز اعرف حل في المرش لزام اجيب العصايا للاخر عشان تجيب مرش وادي مشاكل الي هاوي سماره

تغيير الفوانيس حيحتاج منك تعديل في جسم العربيه
وموضوع المرش ده هو تظبيطه الميكانيكي بيعملها وهي بسيطه جدا

لو في اي كماليات حلوه للعربيه لادا سمارا او تطبع عليها وتظبط الشكل

دي مقدرش افيدك فيها اوي
اكيد الاخوه في قسم الكماليات ممكن يفيدوك اكتر
او يكون حد معانا هنا عمل تعديلات في عربيته

[zizomizo]

الشخشخه دي لو بتروح لما تفصل دبرياش يبقي عيب من الديسك
لو بتروح لما تزود بنزين يبقي فيه حاجه محلوله ومع اهتزاز العربيه وهي بارده بتسمع صوتها
ولما العربيه بتسخن وموتورها بيثبت حتلاقي الصوت بيروح
طبعا دي الاحتمالات البسيطه للموضوع
بس حاول تفتح الكبوت وتشوف الشخشخه جايه منين
كان عندي عيب يشبه للعيب ده تقريبا وكان من حاجه محلوله ولما اتربطت الصوت راح

شكرا أخي shnory على ردك
الشخشة دي والعربية ماشية بس مبتظهرش والعربية واقفة خالص
يعني لما بمشي بالعربية الصبح بعد التسخين تفضل تعمل الصوت متقطع وليس متواصل لحوالي 5 أو 6 كيلو

[metcha1817]

انا عندى تسريب ميه من ناحية الشمال عند سير التقسيمة كدة
هل مكان الطرمبة عند سير التقسيمة ولا فين مكانها والتسريب ده يبقى ايه؟
و عايز اعرف سعر طرمبة الميه بتاعت سمارة موديل 95 - 1500 cc

[metcha1817]

انا لسه جايب الحاجات دى من عند الشركة الشرقية فى اسكندرية ورا المحافظة لسمارا موديل 95: ردياتير جديد 440
قربة مياة 45
تركيب 30 جنيه
حد يقولى الاسعار دى كويسة ولا انضحك عليا

[gebreel]

انا العربية عندي سمارة 2004 بتهبط جامد مع التحميل فالميكانيكي بتاعي قالي السوست مع الاستخدام بتنضغط في بعض و نحطلها كاوتش تعلية 5 سم في كل ناحية علشان ترجع زي الاول و لما تحمل فيها ماتهبطش قوي كدة

كنت عاوز اعرف ده صح ولا غلط و تأثيره ايه على ثبات العربية لأني اسمع ان العلايات دي بتأثر جامد في الثبات فهل في حالتي دي هتأثر بردو؟

و تتكلف كام تقريبا كدة الشغلانة دي

[SHNORY]

انا لسه جايب الحاجات دى من عند الشركة الشرقية فى اسكندرية ورا المحافظة لسمارا موديل 95: ردياتير جديد 440
قربة مياة 45
تركيب 30 جنيه
حد يقولى الاسعار دى كويسة ولا انضحك عليا

سعر القربه كويس
انما الرياديتيش مقدرش افيدك فيه

انا العربية عندي سمارة 2004 بتهبط جامد مع التحميل فالميكانيكي بتاعي قالي السوست مع الاستخدام بتنضغط في بعض و نحطلها كاوتش تعلية 5 سم في كل ناحية علشان ترجع زي الاول و لما تحمل فيها ماتهبطش قوي كدة

كنت عاوز اعرف ده صح ولا غلط و تأثيره ايه على ثبات العربية لأني اسمع ان العلايات دي بتأثر جامد في الثبات فهل في حالتي دي هتأثر بردو؟

و تتكلف كام تقريبا كدة الشغلانة دي

هي بتهبط لما حد يركب معاك ولا هي بقت هبطانه من كتر التحميل حتي لو محدش راكب؟؟؟
لو هبطانه علطول ركبلها علايات بس ترجعها للمقاس الاصلي بتاعها
انما لو حتعلي العربيه اكتر من وضعها الطبيعي
فخد بالك انها حتعوم معاك علي السرعات العاليه
والله اعلم