إعـــــــلان

Collapse

.

,
See more
See less

مشاركة لبعض اسعار قطع غيار لادا سمارة

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • نويت ان شاء الله ابيع السمارة حبيبتى عشان نويت احدث بحاجة احدث وغالبا هاجيب بردك سمارة الجديدة السيدان يعنى ان شاء الله مش هابعد عنكم وده لينك الموضوع للى عايز يشوف الصور بتاعتها

    Comment


    • محمد سعدية مولعها

      بسم الله الرحمن الرحيم
      عندي اخبار حلوة لكل اللي معاه لادا سمارا
      محمد سعدية في صلاح الدين شارع الاشراف تاجر استعمال خارج النهاردة كنت عنده بدور علي جهازين للفرامل قدام لاقيته منزل كل حاجة للسمارا وارد الخارج عنده كل حاجتها تقريبا و روسي اصلي و الاسعار ممتازة اللي محتاج حاجة حايلاقيها عنه و معاملته كويسة و عنده ابنه ممتاز في التعامل زي والده بصراحة ناس كويسة جدا
      رقم الموبايل يتاعه للي عاوز اي حاجة يتصل بيه و ان شاء الله كله موجود (01227140599

      Comment


      • المشاركة الأصلية كتبت بواسطة power44man مشاهدة المشاركة
        بسم الله الرحمن الرحيم
        عندي اخبار حلوة لكل اللي معاه لادا سمارا
        محمد سعدية في صلاح الدين شارع الاشراف تاجر استعمال خارج النهاردة كنت عنده بدور علي جهازين للفرامل قدام لاقيته منزل كل حاجة للسمارا وارد الخارج عنده كل حاجتها تقريبا و روسي اصلي و الاسعار ممتازة اللي محتاج حاجة حايلاقيها عنه و معاملته كويسة و عنده ابنه ممتاز في التعامل زي والده بصراحة ناس كويسة جدا
        رقم الموبايل يتاعه للي عاوز اي حاجة يتصل بيه و ان شاء الله كله موجود (01227140599
        الف شكر للمعلومة وان شاء اللع اخوانا فى الاسكندرية يجربوا التعامل معاه ويقولونا الاسعار

        Comment


        • power44man
          تسلم يا برنس..
          ممكن الاقى عنده فبر القوايم الاماميه ولا ملوش فى الرفايع وهيقولى انا بشتغل فى الحديد ( موتور - فتيس - كده..)

          Comment


          • السلام عليكم أصدقائي
            محتاج طمبورتين خلفيين ضروري أجيبهم من فين أنا من القاهرة وهل أجيبهم جديد ولا مستعمل... وسعر الجديد بكام وسعر المستعمل كام... أرجو الرد ضروري علشان الفرامل عندي زي الزفت
            [B][SIZE=4]توقيع/ عمرو السقا[/SIZE][/B]
            [B][SIZE=4][/SIZE][/B]
            [B][SIZE=4]قل لمن يحمل هما--أن همه لن يدوم ____ مثلما تفني السعاده ---هكذا تفني الهموم[/SIZE][/B]
            [CENTER][FONT=Comic Sans MS][SIZE=4][/SIZE][/FONT] [/CENTER]
            [CENTER][FONT=Comic Sans MS][SIZE=4][B]البولونيز فخر الصناعة البولندية[/B][/SIZE][/FONT][/CENTER]

            Comment


            • الطنابير الخلفيه جديده معاك من 150 للزوج وطالع..
              انا جبت واحده استيراد ب 50 جنيه..
              دا بعد ما اشتريت الجديده.. رحت رجعتها وجبت الاستيراد ولما الميكانيكى شافها شكرلى فيها جدا..

              Comment


              • ياجماعه بعد اذنكم انا هشتري ان شاء الله اول عربية ليا وبعد لف كتير شوفت ان الاسمارة افضل حل بس كان عندي كام سؤال اولا العربية عالية زي الادا ٢١٠٥ و٢١٠٧ ولا واطية لان الشارع اللي انا ساكن فيه مش متسفلت وفيه مطبات كتير ثانيا هل قطع الغيار متوفرة في اسكندريه ولا لا لاني لاحظت ان فيه مشكلة في الرفايع حسب مبعض الزملاء في المنتدي بيلوا ثالثا هل العربية تقيلة في بيعها فعلا شوية ولكم مني جزيل الشكر

                Comment


                • وهل في عيوب اخري اخد بالي منها بالنسبه للعربية دي وهي معايا ؟

                  Comment


                  • الاخ المحترم... islamtayel
                    فعلا العربيه تقيله فى بيعها شويه..
                    بس لما تقارن سعرها بنوعيتها وكفاءتها يبقا هى احسن من الفيات بكل انواعها .. وارخص من الهوندا سيفيك تمانينات والمازدا 323 تمانينات لان عشان تجيب حاجه كويسه من النوعيات اليابانى دى مش اقل من 20 الف وهتلاقى برضه فيها مصاريف وممكن تكون قطع الغيار مش متوفره غير انها غاليه عشان يابانى..
                    انت ممكن تجيب سمارا تسعينات ب 17 الف..
                    صحيح الرفايع (الفبر واللذى منه مش متوفر شويه للادا سمارا) لكن كفايه ان كل القطع التانيه بتنزل جديد وليها توكيل وهتقى الصينى والتركى والروسى واللذى منه.. وحيث انك من اسكندريه فالموضوع سهل .. انا من البحيره عشان كده الموضوع صعب بالنسبه لى لانى بضطر انزل اسكندريه لو وقفت على حاجه..
                    انما انت من اسكندريه وعندك صلاح الدين والفراهده والبلغارى وكذا مكان..
                    استخير.. وتوكل على الله.. وشور علي الاخوه فى المنتدى لو ظهر قدامك واحده .. اعرض صورها وسعرها وامكانياتها وشوف رأيهم ايه.. وهتلاقى على دوبيزل اعلانات ليها..

                    Comment


                    • اولا شكرا علي ذوقك يا استاذ عمرو
                      ثانيا انت معني كلامك ان دي افضل عربية في رنج حوالي ٢٠٠٠٠ الف طيب هل في عيوب معينه في العرببة دي بتحتاج صيانه ومتابعه بشكل دوري؟

                      Comment


                      • المشاركة الأصلية كتبت بواسطة islamtayel مشاهدة المشاركة
                        اولا شكرا علي ذوقك يا استاذ عمرو
                        ثانيا انت معني كلامك ان دي افضل عربية في رنج حوالي ٢٠٠٠٠ الف طيب هل في عيوب معينه في العرببة دي بتحتاج صيانه ومتابعه بشكل دوري؟
                        العربية دية ما شاء الله عليها بقالها 6 سنين معابا وتعمل بكفاءة عالية وعلى فكرة ممتازة جوة البلد وفى السفر ومبتسخنش خالص على عكس ما يقول البعض انها بتسخن وعلى ما باسمع ان قطع غيارها منتشرة عندكم فى الاسكندرية وعلى فكرة انا كنت جايب السمارا بتاعتى من عندكم فى الاسكندرية وربنا يوفقك ان شاء الله فى عربية كويسة بس لازم طبعا تكون ايدك فيها وعلى فكرة اعطالها قليلة جدا وكمان عندك فى الاسكندرية الاخ شنورى وهو ما شاء الله خبير فيها

                        Comment


                        • جبت كربراتير جديد ب 500 ج من التوفيقية صينى وطرمبة بنزين روسى اصلى ب 100 ج من عندنا فى السويس وطقم جوانات تركى ب 80 ج عشان جوان وش السلندر كان ضارب فقررت اجيبلها طقم جوانات واغير الجوانات كلها بالمرة طالما فكينا الموتور

                          Comment


                          • على فكرة سالت على الكربراتير الروسى وكان ب 930 ج

                            Comment


                            • اصدقاء اللادا سمارا المحترمين
                              سلام الله عليكم ورحمته وبركاته
                              احب اخد رايكم في عربية لادا سمارا 2010 - استعمال خفيف
                              من حيث قوه العربية - ومهم جدا ارتفاعها عن الارض عن الشوارع والمطبات اللي بنمشي فيها
                              وحاجه كمان مهمه هي تعمل في حدود سعر ؟؟
                              العربية معروضه عليا ولسه ما اخدتش قرار
                              امبارح نزلت سألت علي قطع الغيار في التوفيقه، البياع قال لي نصيحه ما تخدها، قلت له ليه، هي قطع الغيار مش موجودة، قال لي قطع الغيار غاليه، سألته يعني ايه بيكون بكام؟ قال لي الفانوس بـ 250 جنيه، المساعدين قدام 750، والمساعدين وراء بـ 450 ، وهلم جرا

                              رجاء من سيادتكم سرعة الرد عشان اخد قرار، علي فكره انا معايا بولونيز وقطع غيارها تكاد تكون ببلاش، يعني الفانوس كامل بـ 15 جنيه، المساعدين صيني بـ 80 جنيه جديد، والاستيراد بـ 60 جنيه وهلم جره

                              Comment


                              • المشاركة الأصلية كتبت بواسطة amro_ahameed مشاهدة المشاركة
                                اصدقاء اللادا سمارا المحترمين
                                سلام الله عليكم ورحمته وبركاته
                                احب اخد رايكم في عربية لادا سمارا 2010 - استعمال خفيف
                                من حيث قوه العربية - ومهم جدا ارتفاعها عن الارض عن الشوارع والمطبات اللي بنمشي فيها
                                وحاجه كمان مهمه هي تعمل في حدود سعر ؟؟
                                العربية معروضه عليا ولسه ما اخدتش قرار
                                امبارح نزلت سألت علي قطع الغيار في التوفيقه، البياع قال لي نصيحه ما تخدها، قلت له ليه، هي قطع الغيار مش موجودة، قال لي قطع الغيار غاليه، سألته يعني ايه بيكون بكام؟ قال لي الفانوس بـ 250 جنيه، المساعدين قدام 750، والمساعدين وراء بـ 450 ، وهلم جرا

                                رجاء من سيادتكم سرعة الرد عشان اخد قرار، علي فكره انا معايا بولونيز وقطع غيارها تكاد تكون ببلاش، يعني الفانوس كامل بـ 15 جنيه، المساعدين صيني بـ 80 جنيه جديد، والاستيراد بـ 60 جنيه وهلم جره
                                معظم اللى فى القسم هنا معاهم لادا سمارا القديمة الهاتشباك ودية تفريبا اخرها 1997 اما السمارا 2 الجديدة السيدان فدية مختلفة فارجة من الاخوة لو حد عنده معلومات عنها يفيدك وربنا يوفقك

                                Comment

                                Working...
                                X