مشكلة فى الحرارة

[darkmask]

يا جماعة أنا خلاص غلب غلبى ومش عارف أعمل أيه
أنا معايا لادا 2105 موديل 95
من حوالى شهر العربية فجأة بدأت تسخن بجنون
وخصوصا فى المشوار الطوالى والحرارة بقت ممكن تعدى النص
أول حاجة غيرت ساعة الحرارة
وبعدها الريداتير بنحاس 3 ماسورة
غيرت الشكمان بالكامل قولت ممكن يكون مسدود
غيرت بوجيهات وابلاتين وكوندينسر
ظبطت اسبراتير وفتحت التكهات
غيرت تيل فرامل وأتأكدت أن الفرامل مش قافشة
وأخر حاجة أمبارح غيرت جوان وش السلندر
يمكن يكون ضرب
وجربت بالليل حوالى الساعة 1.30 الصبح
فى الطوالى قربت على النص يعنى لو بالنهار حتعدى النص
أفيدونى أفادكم الله
فاضل ايه ممكن يتعمل

[Gelgel2004]

اخبار كوع الثرموستات ايه ؟؟؟

[HAITHAM1985]

أنت عملت كل حاجة مفضلش غير :

بتحط ميه من الحنفية ولا ميه خضرا ؟؟؟

نوع الزيت اللى بتستخدمه ؟؟؟

نضفت البوابة throttle valve ولا إيه ؟؟؟

المروحة بتاعة الريداتير كااااااااام ريشة وبتشتغل عند درجة كام 75 ولا 90 ولا 105 ؟؟؟

الترموستات بتشتغل عند درجة كام 75 ولا 90 ولا 105 ؟؟؟

رد عليي وأنا هافكر بردوه فى أى حاجة تانية .........

[Mohamedmaree91]

هو نوع الزيت يفرق فى التبريد

[darkmask]

اخبار كوع الثرموستات ايه ؟؟؟

ماذا تقصد بكوع الثرموستات؟

[darkmask]

أنت عملت كل حاجة مفضلش غير :

بتحط ميه من الحنفية ولا ميه خضرا ؟؟؟

نوع الزيت اللى بتستخدمه ؟؟؟

نضفت البوابة throttle valve ولا إيه ؟؟؟

المروحة بتاعة الريداتير كااااااااام ريشة وبتشتغل عند درجة كام 75 ولا 90 ولا 105 ؟؟؟

الترموستات بتشتغل عند درجة كام 75 ولا 90 ولا 105 ؟؟؟

رد عليي وأنا هافكر بردوه فى أى حاجة تانية .........

كنت بحط ميه من الحنفية وبعدها جربت الميه الخضرا

نوع الزيت كالتكس

مش عارف يعنى أيه بوابة throttle valve

المروحة بتاعة الريداتير6 ريشة وبتشتغل مباشر مع الموتور ؟

لا يوجد ترموستات

[hassanin_lada]

لا يوجد ترموستات !! ازاي !!

[MEKAWY2000]

الجو حر وانسب زيت للالدا20w50او15w50غير كده الموتور هيسخن ويعلى

[darkmask]

الجو حر وانسب زيت للالدا20w50او15w50غير كده الموتور هيسخن ويعلى

دول تبع أنه شركة ؟ شيل ولا بترومين ولا أيه؟؟

[darkmask]

لا يوجد ترموستات !! ازاي !!

المروحة شغالة مباشر
ما بتشتغلش عند درجة حرارة معينة وتفصل
لأنها راكبة فى عمود الكرنك بتاع الموتور

[Gelgel2004]

ماذا تقصد بكوع الثرموستات؟

ده الكوع بتاع الميه اللى بتخرج من الرادياتر
اسال الميكانيكى بتاعك - لو شايل الثرموستات
خليه يرجعه تانى و يركب ثرموستات بتفتح بدرى شويه 88/92 ة الميه الخضراء تركيز 50 %
و الرادياتير يتغسل من قدام كويس.
و ممكن تزود ريش المروحه الى 8 او ا10 بتاعه اليابانى
الاهم




تعمل قميص للرادياتير علشان الهواء يبرد بتركيز - هتفرق معاك كتير جدا -
تحياتى
بالمره اكشف على سلوك البوجيهات و جربها بالجهاز و لو محتاج تغيرها هات الحرير
و طبعا طلمبه الميه اساسى تكشف عليها .
تحياتى........

[darkmask]

ده الكوع بتاع الميه اللى بتخرج من الرادياتر
اسال الميكانيكى بتاعك - لو شايل الثرموستات
خليه يرجعه تانى و يركب ثرموستات بتفتح بدرى شويه 88/92 ة الميه الخضراء تركيز 50 %
و الرادياتير يتغسل من قدام كويس.
و ممكن تزود ريش المروحه الى 8 او ا10 بتاعه اليابانى
الاهم
تعمل قميص للرادياتير علشان الهواء يبرد بتركيز - هتفرق معاك كتير جدا -
تحياتى
بالمره اكشف على سلوك البوجيهات و جربها بالجهاز و لو محتاج تغيرها هات الحرير
و طبعا طلمبه الميه اساسى تكشف عليها .
تحياتى........

حسأل على موضوع الثرموستات ده
المشكلة فى حاجة أنها فجأة بقت تسخن
بدون أى مقدمات
مرة واحدة وبتسخن فى الطوالى وده اللى يجنن
وسلوك البوجيهات أنا مركب الحريرى
والطلمبة جديدة وأتاكدت أنها شغالة
ربنا يستر حجرب

[darkmask]

أنا أمبارح واصلت المشوار
روحت لبتاع الريداتير وقاللى الريداتير زى الفل
وغسلى دورة تبريد الماتور عن طريق فصل الكوع الواصل للريداتير
وأتأكد أن ثرموستات الكوع متشال خالص
وبعدها روحت قيست عداد الحرارة طلع سليم ولمبة الحرارة
وفى الأخر أستقريت على أن الجو شكله وحش قوى والحرارة تستاهل تترفع
وربنا يسهل لما الشتا يجى شوية يبقى يبان
أنا ما عنديش بصراحة حاجة تانية ممكن تتعمل

[besokate]

هي اللادا كده في الصيف انا عندي مؤشر الحرارة رفع لوحدة في الصيف غير الشتا خالص
بس الصراحه هيا ماشيه كويس معايا مبتوقفش غير بقه لو عملت مشاوير كتيرة بيها في عز الضهر وبعدين الزحمه بتخنق العربيه
لكن عالطوالي بتسخن برضه بس ماشيه كويس

[yoyo2015]

كلنا لهههههههههههههههها