البنزين لا يصل للكاربراتير

[husam169]

السلام عليكم
ارجو المساعده من الاخوه الاعضاء
سياره لادا 2107 2004 مصري
المشكله ان السياره مبتدورش بسهوله وساعات بفضل ادور لحد ما البطاريه تفضي خالص
امبارح عملت كده فكيت العمه بتاع الكربراتير ولقيت اني لما بكارك بنزين مفيش بنزين بيوصل للكاربتير (بيبقي فيه بك صغير كده بيحدف بنزين لما بتكارك) لقيته مبيحدفش حطيت شويه بنزين ف الكربراتير ودوت دارت بصعوبه ورحت بيها مشوار عادي
النهارده نفس المشكله حطيت بنزين بردو مدارتش والبك لما بكارك بنزين مبيحدفش بنزين ف الكرباتير والخرطوم اللي داخل ع الكربراتير مش جايب بنزين
مش عارف ايه الحل
والعربيه لو واخده هوا اعمل ايه عشان اخلي البنزين يوصل للكاربراتير
وشكراااا

[Thebutcherr]

غير فلتر البنزين ممكن يكون مسدود لو فضلت كده يبقى اكشف على طرمبة البنزين

[merosss]

ممكن يكون الرداخ بتاع البنزين او الطرمبة ...طبعا الحل الاسهل تشوف ميكانيكى كويس قريب يشوف العيب منين بالضبط

[Land_Cruiser]

غير فلتر البنزين ممكن يكون مسدود لو فضلت كده يبقى اكشف على طرمبة البنزين

+1
غير فلتر البنزين و يارب يطلع هو السبب و تكون الطرمبه سليمه. للاسف البنزين كله شوائب اليومين دول

[Thebutcherr]

صح كمان رداخ الكربيراتير تمام يا meross و ده كمان سهل و رخيص
يعنى فلتر , رداخ كربراتير,طرمبة

[MEKAWY2000]

وممكن يكون الخرطوم الىجاى من التنك منفس هواء بيسحب هواء مع البنزين وممكن الطلمبه الرداخ مخروم الامر سهل تابعدوره البنزين من اول التنك الى الكاربرتير
نبدا من اول التانك تاكد من تركيب الخرطوم جيدا
اسفل السياره خرطوم الراجع يوجد مشترك
راجع فلتر البنزين
راجع الطلمبه ورداخ الطلمبه
لايوجد اكثر من ذالك ومستنى النتيجه للمعرفه

[hassanin_lada]

ماهي اول مابتدور بتشتغل عادي بقي اكيد مش الطرومبه

علي فكره ممكن تكون البوجيهات مصمده عشان كده مابتدور علي طول

[husam169]

المشكله ان مفيش ميكانيكي قريب وعايزها تدور عشان تروح للميكانيكي
قبل كده فلتر البنزين كان بيبقي مليان علي طول دلوقتي فاضي
ولما بشفط بنزين من الخرطوم اللي ماسك ف الفلتر بافيز الفلتر بيتملي بنزين وشويه ويفضي تاني او يتبقي شويه صغيره
السؤال بقي هو طبيعي ان الفلتر يبقي فاضي او مش مليان اوي لو التانك فيه عشره لتر بنزين بس؟
السؤال التاني هي طرمبة البنزين دي هي اللي موجوده بعد الفلتر علي طول وماسكه ف الموتور؟

[husam169]

ولو حطيت شوية بنزين ف الكربراتير وزقيت العربيه هتدور ولا لا؟علي وضعها ده يعني

[MaherZzZ]

روح لمكانيكى خليه ينضفلك الكربراتير كويس وغير الفلتر بتاع البنزين .. وشوف هيحصل اية لو محصلش حاجة يبقي الرداخ ... اساسى

[alking_2006]

غير فلتر البنزين
اكشف على طرمبة البنزين لو العيب لازال قائم

[nicegypt]

العيب رداخ البنزين وانا مغمض وبدون الشك ف اي حاجة تانية .. بالتوفيق

[husam169]

الحمد لله تم حل المشكله
روحت للميكانيكي بعت معايا واحد من عنده دورهالي وودتهاله
المشكله كانت ف رشاش البنزين الموجود ف الكربراتير( اللي بيحدف بنزين اما تكارك حتي لو العربيه مش دايره) ده كان مسدود سلكه ودورنا العربيه والعربيه بردو كانت قالبه كهربا لواحدها ظبطها
وكنت جايب فلتر بنزين وبوجيهات خليته يركبهم بعد مدارت
وظبط الاسبراتير والابلاتين
بقت بتدور عادي
المشكله دلوقتي انها بقت بتقطع جامد اوي ولازم عشان اطلع بيها ازود بنزين جامد عشان متبطلش
وبتقطع وتنتش ع التاني والتالت والرابع يا اما ازود بنزين جامد او اللعربيه تاخد سرعتها
ايه السبب ف كده
ممكن تكون البوجيهات اصل ملقتش غير نوع ب25ج
الكوندسر ليه علاقه؟

[hassanin_lada]

ابلتين وكوندونس طبعا يخلو العربيه تقطع وحالتها مايعلم بيها الا ربنا

غالبن الابلتين لادع

[husam169]

الحمد لله تم حل المشكله والعربيه بقت كويسه
الصبح العربيه دارت من اول مره
وبالنسبه للنتشه والتقطيع اللي كانوا موجودين
فكيت البوجيهات الجديده اللي كانت راكبه لقيت فيهم واحد قافل خالص عدلته وركبته والحمد لله بقت تمام ومفيش تقطيع ولا نتش
ابقوا خلوا بالكم من الحكايه دي عشان الميكانيكي كان هيخليني اغير الكربراتير كله
وشكرا لكل الاعضاء اللي ردوا