المفروض نعمل ايه؟؟؟

[mohammed dodda]

ياباشا الادا من العربيات اللى مميزة بانها بتاعت شغل فانت مش لازم تعملها عدد كيلو مترات وكده لان اغلب قطع الغيار اللى بتجيبها الا مضروبة فهتتعب
الكلام ده لو معاك عربية فافى

...ياباشا عارف انها بتاعة شغل وحاجاتها فيه منها الاصلى والمضروب وكله على قد فلوسك.... لكن كل ما تراعيها وتلحق المشكلة قبل وقوعها كل ما هترتاح ومش لازم تستنى لما الحاجة تجيب اخرها الفكر ده ياريت رجالة اللادا يغيروه وده اللى انا عامل الموضوع عشانه

[hassanin_lada]

...ياباشا عارف انها بتاعة شغل وحاجاتها فيه منها الاصلى والمضروب وكله على قد فلوسك.... لكن كل ما تراعيها وتلحق المشكلة قبل وقوعها كل ما هترتاح ومش لازم تستنى لما الحاجة تجيب اخرها الفكر ده ياريت رجالة اللادا يغيروه وده اللى انا عامل الموضوع عشانه

كلام جميل وزي الفل

بس انزل علي ارض الواقع

اللي بيجيب الادا مش حبنا فيها ابسلوتلي

ده بيجبها عشان حمالت اسية

ومابتقولش لا

بنزين 80

قطع غياراها عند البقال

ورخيصه

ومقابل ده كله هو بيستحمل رخامتها و صوتها وعبشتها وتقل الدركسيون

يعني اللي بيجبها بيجبها عشان مايصرفش عليها غير في الشديد القوي

وبعدين حاجة الادا مالهاش عمر مش زي الاماني ولا اليباني

ماشيه بالبركه يعني

[mohammed dodda]

كلام جميل وزي الفل

بس انزل علي ارض الواقع

اللي بيجيب الادا مش حبنا فيها ابسلوتلي

ده بيجبها عشان حمالت اسية

ومابتقولش لا

بنزين 80

قطع غياراها عند البقال

ورخيصه

ومقابل ده كله هو بيستحمل رخامتها و صوتها وعبشتها وتقل الدركسيون

يعني اللي بيجبها بيجبها عشان مايصرفش عليها غير في الشديد القوي

وبعدين حاجة الادا مالهاش عمر مش زي الاماني ولا اليباني

ماشيه بالبركه يعني

...طيب ايه رأيك ياباشا ان الفلوس اللى اشتريت بيها العربية كانت ممكن تجيبلى فيات 131 او ستروين ax أو بيجو205 ومش هتصدق لو قولتلك كمان ان اتعرضت عليا أكسيل فابريكا دواخل.... طبعا غير ال128 وغيرها.... ومع ذلك أخترت الادا : أقوى فى التحمل والسفر-صيانتها سهلة وحاجاتها متوفرة ورخيصة-تمشى بأى بنزين-وبتمسك سعر لونضيفة و حبيت تغيرها..يمكن عشان انا عملى شوية ومبهتمش بالكماليات ومش فارقة معايا الشكل بس ارتحتيلها

[hassanin_lada]

...طيب ايه رأيك ياباشا ان الفلوس اللى اشتريت بيها العربية كانت ممكن تجيبلى فيات 131 طب الفيات وماشي او ستروين ax مابستريحلهاشأو بيجو205 ودي اصلا تعمل 18 بالكاتير قوووووووووووووووووووووووي واصلا مايعتبرش فيها كنبه ومش هتصدق لو قولتلك كمان ان اتعرضت عليا أكسيل فابريكا دواخل طيب ماتكمل حالتها ايه ؟؟

عبشتها ايه عاوز كام عشان تقف علي رجليها ؟؟.... طبعا غير ال128 ياراجل 128 ايه دي الشاسيه بالعها ضايع وعربيه ماتستحملش وغيرها.... ومع ذلك أخترت الادا : أقوى فى التحمل والسفر-صيانتها سهلة وحاجاتها متوفرة ورخيصة-تمشى بأى بنزين-وبتمسك سعر لونضيفة و حبيت تغيرها..يمكن عشان انا عملى شوية ومبهتمش بالكماليات ومش فارقة معايا الشكل بس ارتحتيلها

طيب لو معاك تمن دايو هل بردو هتجيب الادا ؟

ولا هتفكر في كرستاله او اوبل ؟؟


انا معاك ان العربيه كويسه بس فيها عيوب توديها في داهية

[mohammed dodda]

دايو!!! لو معايا 40 الى 50 ألف(تمن الدايو) هجيب فيكترا a نضيفة....انا اقصد ان الادا هى افضل اختيار فى رينجها

[Ahmed_BYD_F0]

انا متفق معاكوا ان اللادا تستحمل الشغل

بس الواحد استحملها كتير زى ما اخونا قال

جه وقت التغيير

يعنى لو انا معايا 48000 جنيه تفتكروا اجيب عربية ايه بس تكون جديدة مش مستعملة

[hassanin_lada]

انا متفق معاكوا ان اللادا تستحمل الشغل

بس الواحد استحملها كتير زى ما اخونا قال

جه وقت التغيير

يعنى لو انا معايا 48000 جنيه تفتكروا اجيب عربية ايه بس تكون جديدة مش مستعملة

انا عندي اشتري دايو لانوس موديل 2008 احسن من الف لادا بالمبلغ ده

[AlGazar2]

انا عندي اشتري دايو لانوس موديل 2008 احسن من الف لادا بالمبلغ ده

مفيش لانوس نضيفه الموديل ده بالمبلغ ده
بالميت تعملها 55 الف

موديل 2005 يعمل كده ماشى

بس طبعا مع احترامى للادا و انها عربيه كمال اجسام بس دايو ب 3 فرد كاوتش و بابين احسن منها :)

[AlGazar2]

بالنسبه لزيت الفتيس
انا بفضل منتجات شل عن موبيل - لو عايز حاجة اعلى يبقى فالفولين بس غالى
يعنى لتر الزيت فى شل ب 18 فى موبيل ب 25 فى فالفولين ب 75 علما بان الشل انضف من الموبيل بس الفالفولين احسن من الاتنين بس غالى جدا طبعا الفتيس لزوجه 75-90 عشان تعرف تنقل و الفتيس ميبقاش عامل زى عمود الخرسانه الصبح و يعض فى النقلات خصوصا لو العربيه جديده او فتيسها سليم مش بايظ

زيت الكرونه ده بقى يتجاب فالفولين ( غالى اه بس الكارونه اغلى و لو حصل فيها مشكله ولا قفشت و انت ماشى كده خلاص العربيه اتشيعت ) و تقريبا بيبقى لزوجه 140 مش متاكد بس بيبقى زيت تقيل بعد فالفولين الشل على طول و بلاش موبيل بحس ان حاجته مضروبه فى مصر فى الزيوت

[AlGazar2]

و انا مع صاحب الموضوع ان لازم العربيه تتعامل كويس و يتعملها صياناتها فى معادها عشان ما تفتحش معاه خصوصا العربيات دى بتستحمل تستحمل بس لما بتفتح بتطفح و تبقى عايزالها بالميت الف جنيه عشان تتلم فى حاجة لو كنت عملتها ب 20 جنيه مكانتش سحبت وراها حاجاااااات

طبعا الفتيس مبيتغيرش غير لو باظ خالص سواء قفش و ده نادر طول ما فيه زيت او اتكسر
الطنابير لو فيها عالى و واطى جامد و ممكن تتخرط مره واحده بس و يبقى الخراطه مجرد مس بس مش بيشيل منها كتير يعنى اكتر من نص مللى يبقى تجيب طنابير جديده و دى المفروض بتقعد كتير الا لو بتستخدم تيل مضروب و ناشف او التيل خلص و بقى حديد بياكل فى حديد

قواعد الموتور لما تبوظ و ملهاش عمر محدد بس بتبان تلاقى فى هزه و صوت حديد بيخبط فى بعضه و انت طالع و انت بتفرمل و رعشه جامده فى بدايه الطلعه و تجيب قواعد طريه مش ناشفه عشان الناشفه هتتشقق و تتقطع او مش هتاخد و تدى مع الماتور و يبقى كانك دفعت فلوس فى الارض بالظبط

[mohammed dodda]

انا متفق معاكوا ان اللادا تستحمل الشغل

بس الواحد استحملها كتير زى ما اخونا قال

جه وقت التغيير

يعنى لو انا معايا 48000 جنيه تفتكروا اجيب عربية ايه بس تكون جديدة مش مستعملة

.....سوزوكى التو

[mohammed dodda]

بس طبعا مع احترامى للادا و انها عربيه كمال اجسام بس دايو ب 3 فرد كاوتش و بابين احسن منها :)

.....مش للدرجة دى ياباشا...من وجهة نظرى طول ما انا بتكلم تحت ال50 الف انا عندى الادا احسن من الانوس ببساطة لانها بتدينى اللى انا عايزه ببلاش الا ربع وامشى بيها وانا مش خايف من اى سواق حمار يخيشهالى...فى بلدنا بس الكورى ليه قيمة وسعر ..هوه كويس بس ميدفعش فيه الهبل اللى بنشوفه فى السوق ده...انا لو معدى ال50 الف هجيب صنى او لانسر كرستالة او فيكترا 97 ولو اتجننت وجبت كورى هجيب اكسنت 2006 احسن عندى من الانوس دى

[mohammed dodda]

قواعد الموتور لما تبوظ و ملهاش عمر محدد بس بتبان تلاقى فى هزه و صوت حديد بيخبط فى بعضه و انت طالع و انت بتفرمل و رعشه جامده فى بدايه الطلعه

....وده اللى انا حسيت بيه بالضبط عشان كده ناوى اغيرها ان شاء الله

[AlGazar2]

.....مش للدرجة دى ياباشا...من وجهة نظرى طول ما انا بتكلم تحت ال50 الف انا عندى الادا احسن من الانوس ببساطة لانها بتدينى اللى انا عايزه ببلاش الا ربع وامشى بيها وانا مش خايف من اى سواق حمار يخيشهالى...فى بلدنا بس الكورى ليه قيمة وسعر ..هوه كويس بس ميدفعش فيه الهبل اللى بنشوفه فى السوق ده...انا لو معدى ال50 الف هجيب صنى او لانسر كرستالة او فيكترا 97 ولو اتجننت وجبت كورى هجيب اكسنت 2006 احسن عندى من الانوس دى

رأيك يحترم طبعا يا باشا

بس اللانوس فعليا فى السوق المصرى افضل من اللادا و اريح منها - و افضل من الصنى و الكريستاله و الاوبل 97 لان كل دول فات عليهم كتير اووووووى و الحاله النضيفه فيهم محدش بيفرط فيها و بيبقى سعرها مبالغ فيه غير قطع غيارهم الى اغلى من اللانوس بمراحل

و للعلم اللانوس احسن من الاكسنت كفايه البعد عن غبور ده فى حد ذاته غنيمه

[Ahmed_BYD_F0]

انا عندي اشتري دايو لانوس موديل 2008 احسن من الف لادا بالمبلغ ده

انا معاك فى الموضوع ده بس انا عايز حاجة جديدة مش مستعملة