مشكلة رجة فى لادا عن ســـرعة 80 كم/ساعة

[ahmad--ezzat]

عندى لادا 2105 العربية كويسة فى الموتور وكل حاجة تمام بس على سسرعة 70 80 العربية بتترج اكنى ماشى على 150 لما تعدى ال 80 بتبقى زى الفل
رحت للميكانيكى قالى مشكلة كردان بس مفهمتش منو اوى لانو قليل الكلام ورخم شوية
اعمل اية؟ مع ان المشكلة دى بعملها كل مرة عند ميكانيكى شكل
ومش بعرف بيعملو اية
اعمل اية فى المشكلة دى؟؟؟؟

[H.ibrahim]

بما انها بتترج جامد زى انت مابتقول يبقى اوع تفتحها لحسن تفور عليك نيهههههههههههههههههههههههه بهزر طبعا
المهم فى احتمالين فى الموضوع ده :-
الاول : صليبة الكردان تكون بايظة ولايمكن اصلحها وديه بتتغير و ثمنها فى حدود 25 جنيه تقريبا .
الثانى : عمود الكردان ممكن يكون اتفتل بلغة الصنايعية او اتعوج وفيها حل ياما يتغير بالكامل اذا كان الفتل كبير او يمكن استعداله فى حالة الفتل حاجة بسيطة حسب الحالة .
اخيرا فى احتمال مستبعد شوية و هو ان قاعدة الفتيس تكون مقطوعة او مفكوكة و بتتغير و ثمنها فى حدود 25 جنيه تقريبا.

[ahmad--ezzat]

شكرا ياباشا هيا فعلا طلعت صليبة الكردان عايزة تتغير بس على فكرة ب 18 جنية مش ب 25 هههه اللف شككررررررر

[firstknight216]

معلش انا مش عارف لحقتك ولا لأ
المهم المشكلة ديه حصلت ومعايا والتفصيل على اللينك ده

http://www.nilemotors.net/Nile/showthread.php?t=38612

[ahmedkb]

المشكلة دى كانت حصلت معايا
بس كان حاجة تانية
لما كنت بوصل ل 80 كنت بحس برجة جامدة جدا فى الفتيس
بس الحمد لله طلعت حاجة اسمها الفلنشة
هى كاوتشة وكانت مقطوعة غيرتها والحمد لله تمام

[ahmedsamir79]

علي فكره ممكن الموضوع ترصيص العجل

[mohamed2002]

المشكلة دى كانت حصلت معايا
بس كان حاجة تانية
لما كنت بوصل ل 80 كنت بحس برجة جامدة جدا فى الفتيس
بس الحمد لله طلعت حاجة اسمها الفلنشة
هى كاوتشة وكانت مقطوعة غيرتها والحمد لله تمام

يا ريت لو تقولنا النوع اللي جبته وسعره وصناعته واخباره اية معاك لاني عندي نفس المشكلة وجبت واحدة مقعدتش اسبوعين

[ahmad--ezzat]

لا لا لا دى مش بتفرق معاها ترصيص خالص
المشكلة بتبقى غالبا يا كردان عايز يترف
ياما فلنشة عايزة تتغير

[Adham]

العجل اللي ورا لو عاوز يترصص برضة يعمل كدة

1- رصص عجل ورا

2- شوف قاعدة الموتور والفتيس

3- شوف فلانشة الكردان

وممكن تجرب حاجة
شوف هل الرجه دي بتبان عالتالت و الرابع وللا عالرابع بس عالسرعه دي

لو بتبان عالسرعه سواء كان الغيار التالت او الرابع يبقى ترصيص عجل ورا و قدام الاول

لو بتبان على غيار معين وبتروح عالغيار التاني برغم ان العربية على نفس السرعه يبقى تشوف قاعدة الموتور و ضبط الموتور نفسة من حيث كهرباء و بوجيهات و اللذي منة