تعبت من السخونية

[youssef_elgbaly]

السلام عليكم
معايا لادا 2105 العربية طبعا كنت كاتب فى المنتدى ان عملت عمرة كاملة وكاتبها بالتفصيل
العربية تاكسى وبشغلها طرف واحد وبقول للسواق خلى بالك كل شوية من المؤشر مع انى بسبب الحرارة ركنتها شهر والله خلصت كل فلوسى رحت لبتاع الردياتير نظف الردياتير النحاس وتمام ركب تسخن برده رحتله قالى شوف وش السلندر قولتله انا لسه معمر الموتور رحت للميكانيكى قالى موتورك تمام المهم جبت ردياتير المونيوم وغيرت المروحة 6 ريشة ب 8 رشة دايركت ماعنديش ترموستات برده اقل مشوار تلاقى العلامة على النص وهاتبدى تعدى او توصل قبل الاحمر بشوية
غيرت قربة الميا كاملة استيراد وغطا قربة جديد و جبت 2 غطاء ردياتير جديد وجبت مياه خضار وغيرت كل الخراطيم بتاعة الردياتير جديدة مافيش اى تسريب الفرق بين الردياتير النحاس والالومنيون هى هى العربية بتسخن ومشغلها طرف واحد زهقتنى والله رحت للميكانيى اللى عملى العمرى علشان اخليه يحل الوش قلتله انا اخد ردياتير بتاع واحد صاحبى سليم وحطيته عندى لاقيتها بتسخن قالى طالما عملت كل ده يبقى نحل الوش مع انه ميكانيى ممتاز وعروف بسمعته وشغله فى المواتير
حلينا وش السلندر الوش جميل جدا مافهوش اى حاجة قالى هات 2 جوان 1 دبل وواحد عادى جبت وركبنا وطلعت اجرب برده بتسخن قالى كده الموتور بتاعك والله انا قلتلتك مافيش فيه اى حاجة عمال ارمى فلوس وخلاص زهقت
طرمبة المياه ايطالى وبتقلب جامد وجرب ادور والعربية باردة واشيل الغطاء الصبح وادور بتقلب جامد اوى الميكانيكى قالى بس طيب على عداد الامبير اكشف عليه طبعا انا بحس بالسخونية بتاعة الخراطيم بتوصل لدرجة الغلى وبحس انها بتبقى طرية جدا المهم اشتريت برده ساعة حرارة جديدة قولت مش هاتيجى عليها الموتور طالع منه ضغط هواء جامد على الردياتير بحس بضغط هواء جامد فى دورة المياه هى اللى عملت كده لما حكمت دورة التبريد صح
وغيرت الجكمان كامل
الموتور 100% عمرة جامدة وسحب
العربية لو سبتها دايرة سلانسيه على الواقف تسخن تجيب النص فى مثلا 10 دقايق
للعلم قبل العمرة كنت شغال بقربة المياه الغطاء بتاعتها مشروخ من على الجمب وغطاء الرديايتر الاولانى كانت السوستة مفصولة عن الغطاء وكنت بحط السوستة واركب فوقيها الغطا واتاكد مافيش تريب مياه والعربية عمرها ماكانت بتسخن
لما حكمت دلوقتى دورة التبريد صح بتسخن اعمل ايه فى حل اشيل ضغط الهواء السخن اللى داخل على الردياتير لو دورت 5 دقايق وشلت غطاء الردياتير يحمينى مياه ساعة لما افتحه اكنك بتفتح حاجة ساقعة من الضغط وبعد كده عادى وكل شوية اجيب مياه حضرا وكل واحد بتاع ردياتير يوقعها فى الارض ويشيل ويربط وياخد فلوس
حتى السواق بتاع طرف بالليل قولتله شوفلك عربية تانية العربية بتسخن دلوقتى علشان انت فاتح بيت برده ومحتاج مصاريف
فى ضغط هواء فى الردياتير اشيل الهواء ده ازاى؟

[hugan]

ربنا معاك
يعني مشغل المروحه دايركت مع الطلمبه وبردو بتسخن
ما جربتش تظبط خلوص التاكيهات

[saddam]

صديقي المواطن
حاول تشوف اﻷسبراتير ليكون ملفوف وبيسخن العربية وكمان بصراحة ال لادا طول عمرها مشكلتها في الراديتير بتاعها والقصة مش إنك تغير بنحاس أو ألمنيوم لازم الراديتير 3 أو 4 مواسير ولازم تكبر حجمه ثم مين قال لك إن عدد ريش المروحة لما يزيد يساوي تبريد أكثر الكلام ده مش علمي ومش صح ومش وطني والصح هو قوة موتور المروحة وعدد لقاته لازم مروحة جبارة واﻷصح تركيب مروحة إضافية أمامية على ثرموستات 76 إلى 86:ومشاكلك حتتحل وبالنسبة للغطا لازم نوع نظيف جدا وغالي
ودمتم للنضال

[aw2100]

بص بعد اللى حكيته ده اكيد فية شرخ داخلى فى وش السلندر ممكن تركب وش استعمال وتجربه انا فى ال128 كان الوش 10/10 ورغم كده كان بيجيب مية من الجاكمان بعد ماعملت عمرة رودية للوش وغيرتلة الصبابات وطقم جوايد وقفلنا الوش فى الموتور وده بسبب الخراط شرخة من الدق والشرخ ماعرفنهوش فين ومش باين نهائى وجيبت وش استعمال وركب وظبط العربية واضح انها مش مشكلة دورة التبريد دى مشكلة فى وش السلندر وربنا معاك

[youssef_elgbaly]

التاكيهات اتظبط مرتين مرة مع العمرة ومرة تانية لما حلينا وش السلندر ظبط تاكيهات برده للعلم الوش اتخرط ومتظبط من صباب ودليل واوسيل صباب جديد وتم تغير جوانات الوش تانى للتاكيد ولما فكينا الوش مافهموش اى حاجة اعتقد لو كان فى شرخ ولا حاجة كان الميكانيمكى او الخراط شافه ومافيش تسريب اى ميه انا عملت حركة النهاردة بس بالردياتير الالومنيوم دورت سلانسيه وقول اشيل غطاء الردياتير واسيبها اشوف هاتسخن ولا لا فضلت نص ساعة شغالة درجة الحرارة على النص انا عمرى ما الحرارة عملت معاياي كده قبل كده العربية اتعفرتت وبالنسية للغطاء جيب اتنين وقولت للراجل هات احلى حاجة عندك المشكلة لما اركب الغطاء بتاعء الرديايتر كده الدورة بتبقى محكمة وهنا بقى من كتر الضغط الاقى مستوى المياه فى القربة بيعلى يعنى بيروح من الردياتير ويجى فى القربة لو فكيت الغطاء وسبتها من غير غطاء مستوى المياه فى القربة تمام مابيزيدش السواق بتاع الصبح ايده اتحرقت والله من المياه كل شوية يفتح الغطاء وقولتله خلى بالك وانت بتفتح وحط قماشة او خرقة كبيرة وافتح سنة سنة
الضغط عامل اكنى بتفتح حاجة ساقعة ولما بتسخن ممكن المياه تيجى تبهدل وتعمل حروق لازم اغيطها كويس وانا بفتح وبحس بخرطوم القربة بيطرى من السخونية لما العربية بتبرد بيرجع ينشف تانى بحط ايدى على غطاء التاكيهات من فوق ناحية ترس الكامة سخونية جامدة شويو شوي هاوديها مستشفى الحميات :d

[max_ziro]

ركب ثرموستات الكوعة لو انت شايلها
عشان المية مبتلحقش تبرد فى الريداتير و محتاجة الريداتير يبردها و تخش باردة على الموتور
عملت معايا كدة فى اوبل

.

[alaa7778]

ركب مروحة من برة شفط قوية على ثرومثتات 90 وهى مستحيل تسخن انا عامل كدة والتكيف بيشتغل كمان من غير ماتسخن ابدا
وبردو ركب الغطا القديم
اهم حاجة تكون المروحة قوية

[youssef_elgbaly]

انا سالت الميكانيكى انه يركب ترموستات قالى انت كده احسن والعربية معايا بقالها 3 سنين وكانت كويسة جدا فى الحرارة ولما كنت شاريها كانت برده الترموستات ملغية وكانت فيها ردياتير حديد هى روسى موديل 95 وغيرته بنحاس 3 ماسورة وماكنتش بتعدى فى الصيف فى اشد الحر حته صغيرة اوى بعد الشرطتين البيض على الامبير معرفش ايه اللى حصل ومعايا ردياتير الومنيوم وواحد نحاس 3 ماسورة النهاردة الراجل طلع الصبح اتصل بيا قال عطلان فى المنشية بتسخن جامد وكل شوية يفتح الغطا ويزود ميا الميا بتروح للقربة قلتله تعالى واحدة واحده وشكلى هاركنها والله زهقت حتى لو بعتها ماينفعش ابعها كده حرام بسبب السخونية

[hugan]

انا سالت الميكانيكى انه يركب ترموستات قالى انت كده احسن والعربية معايا بقالها 3 سنين وكانت كويسة جدا فى الحرارة ولما كنت شاريها كانت برده الترموستات ملغية وكانت فيها ردياتير حديد هى روسى موديل 95 وغيرته بنحاس 3 ماسورة وماكنتش بتعدى فى الصيف فى اشد الحر حته صغيرة اوى بعد الشرطتين البيض على الامبير معرفش ايه اللى حصل ومعايا ردياتير الومنيوم وواحد نحاس 3 ماسورة النهاردة الراجل طلع الصبح اتصل بيا قال عطلان فى المنشية بتسخن جامد وكل شوية يفتح الغطا ويزود ميا الميا بتروح للقربة قلتله تعالى واحدة واحده وشكلى هاركنها والله زهقت حتى لو بعتها ماينفعش ابعها كده حرام بسبب السخونية

كده ظهرت طالما المياه بتروح للقربه
يبقي كده في نفخ في العربيه

المياه مش بتقعد في الردياتير
المشكله كده في البلوك
او في وش السلندر
وفي الغالب البلوك فيه شرخ زي ماتفضل الاخ في المشاركه السابقه

لاءن كان عندي عربيه 25 وكان فيها نفس المشكله وكنت لسه شاريها واتضح انها لسه معمره من صاحبها الطبيب
وبعد العمره عمملت نفس المشكله الموجوده عندك والراجل باعها ليا عن طريق تاجر
ومن اول يوم المياه ماكنتش بتفضل في الردياتير اقل مشوار الاقي المياه كلها راحت علي الفربه
والردياتير فاضي
الميكانيكي بتاعي كا ن ناصح اول ما قولت له علي العيب
قالي عندك شرخ في البلوك نتيجه العمره
وان الخراط شحط الشمايز جامد عملت شرخ
في جسم البلوك
ومالوش حل الاتغيير البلوك او موتور استيراد
وانتهت بشراء موتور بولونيز وسقطته

[youssef_elgbaly]

كده ظهرت طالما المياه بتروح للقربه
يبقي كده في نفخ في العربيه

المياه مش بتقعد في الردياتير
المشكله كده في البلوك
او في وش السلندر
وفي الغالب البلوك فيه شرخ زي ماتفضل الاخ في المشاركه السابقه

لاءن كان عندي عربيه 25 وكان فيها نفس المشكله وكنت لسه شاريها واتضح انها لسه معمره من صاحبها الطبيب
وبعد العمره عمملت نفس المشكله الموجوده عندك والراجل باعها ليا عن طريق تاجر
ومن اول يوم المياه ماكنتش بتفضل في الردياتير اقل مشوار الاقي المياه كلها راحت علي الفربه
والردياتير فاضي
الميكانيكي بتاعي كا ن ناصح اول ما قولت له علي العيب
قالي عندك شرخ في البلوك نتيجه العمره
وان الخراط شحط الشمايز جامد عملت شرخ
في جسم البلوك
ومالوش حل الاتغيير البلوك او موتور استيراد
وانتهت بشراء موتور بولونيز وسقطته

تسلم على الردود بشمهندس
النهاردة اخد ردياتير نحاس من واحد صاحبى وركبته وسبتها دايرة سلانسيه ربع ساعة واخدنا مشوار نص ساعة ماسخنتش قولت من الردياتير والله ورحت اشتريت النهارده ردياتير نحاس 3 ماسورة واخد القديم منى واخد 400 جنيه وهو بيكب قالى انت فى حاجة عندك فى الوش قولتله عمرت من شهرين وفكيت الوش وعملت جوانات تانى من يومين وللعلم انا فعلا مركب شمايز وديه اول مرة اركب شمايز والموتور كان معايا من 3 سنين البلوكة لما فكيت الوش المجارى بتاعه المياه كانت مليانة مياه حوالين البساتم ودرجة حرارة البلوك مش سخنة جامد انا بحس بسخونية جامد لما بحط ايدى على غطا التاكيهات فوق ترس الكتينة علطول الموتور كل حاجة اتعملت فيه وخرط وشميز الا الكرنك ماجيناش جمب الكرنك خالص ولما غيرت الردياتير الحرارة بقت قبل النص بشوية فى ربع ساعة سلانسيه وبحس بسخونة فى الوش والخراطيم لما اخد الردياتير من صحبى قبل ماشتريه ركبته وقفلت الغطاء بس كنت شايل قربة المياه خالص ومسخنتش
لما اشتريت ردياتير جديد النهاردة بحس بسخونة فى الخراطيم والوش والحرارة زادت قبل النص بحته صغيره اوى وبعدين وصلت للنص اخد بعضى ورحت لميكانيكى تانى ولا اعرفه ولا يعرفنى حكتله على الحكايه قام باصص عند فوق البوجيهات وقال حمار حمار بقله نعم حضرتك مين ده اللى حمار قالى الميكانيكى بقاله فى ايه طيب هههههههههههههه
بيقولى والله معنديش صنيعيه وشغال لوحدى ومش هاعرف لما احل الوش وبيسالنى يقولى لما فكينا الوش البستم كان بيطلع فى البلوكة للاخر خالص ولا تحتيها بشويه قولتله لا البستم كا بيطلع فى الاخر خالص وانا لافف المروحة بايدى وتحط ايدك على البلوكة والبستتم 1 و 4 كانو فوق متساوين مع البلوكة وحواليها مياه كلها فى المجارى قالى طيب تعالى بعد يوم كده اكون جالى صنيعى علشان يفك قولتله ماشى ومشيت.
وتم تغير المروحة ب 8 ريشة ومافيش فرق وفى راجع على القربة الردياتير الجديد نحاس كامل بخزن جديدة يدوبك اخد القديم وركب الجديد بخزن جديدة
مستنى السواق بكرة بقى يجربها كويس واقوله بتعدى النص معاك ولا ايه انا زهقت من التجارب

[hugan]

اهم حاجه تشوف المياه بتروح علي القربه ولا محافظه علي مستواها

[youssef_elgbaly]

وبالنسبة لمستوى المياه فى القربة مثلا ازودها النص او تحت النص بشوية بعد شوية الاقيها اتملت مياه افتح الردياتير الاقى المياه نقصت انفخ فى القربة تانى الميا ترجع للردياتير من غير مازود مياه ومش بحتاج ازود بس راجع على القربة وبيفضى الردياتير ارجع انفخ المياه تظبط فى الردياتير تانى

[amr011111]

غير الميكانيكى

[mfs3570]

يا باشا انا كان عندي نفس المشكله وبرده ظهرت بعد العمره ............ وعارف طلع العيب ايه.......................................... طرمبه الزيت بايظه بس بترفع ضعيف ... وبما ان انت عامل عمره والاجززاء مازالت تحت التليين يعني فيه احتكاك عالي ده محتاج زيت باستمرار ...... ومفيش زيت يبقا الطبيعي تسخن ................. تحياتي

[youssef_elgbaly]

يا باشا انا كان عندي نفس المشكله وبرده ظهرت بعد العمره ............ وعارف طلع العيب ايه.......................................... طرمبه الزيت بايظه بس بترفع ضعيف ... وبما ان انت عامل عمره والاجززاء مازالت تحت التليين يعني فيه احتكاك عالي ده محتاج زيت باستمرار ...... ومفيش زيت يبقا الطبيعي تسخن ................. تحياتي

طرمبة الزيت بتاعتى ساعت العمرة قالى ضعيفة بتنور معاك قولتله لا قالى نغيرها علشان لو حصل حاجة ماتبوظ الدنيا قولتله ماشى نغيرها روحت اشتريت واحدة استيراد ب 60 جنيه وجربها واشتريت ليها ترس 20 جنيه اللى بيسقط عليه الاسبراتير من فوق والقديمة عندى هنا ومابتنورش خالص وانا ماشى وبالنسبة للعمرة معمولة بقالها شهرين ولينت ميه ميه وكنت حاطط خرطوم ميه فى القربه وسايبها شغالة يومين ومتابع الحرارة ولينت مشوارين برج العرب على 40 رايح لليوم الاول واليوم التانى جيت 60 ومنزلتش عليها سواقين والعربية قعدت معايا شهر بسسب الحرارة مبهدلانى وكنت بلين ببنزين 92 كمان ايام العجز اللى كانت مافيش بنزين وتم تغير زيت وفلتر بعد التلين