كيفية ضبط مسمارى البنزين والهواء فى اللادا 2107

[أبو يحيى]

السلا عليكم ورحنة الله
الأخوة الأفاضل أعضاء المنتدى
عندى استفسار
عندى سيارة لادا 2107 وكان مؤشر ال econ على الأصفر عند السلانسيه
وحاليا بقى فى الأخضر فى السلانسيه فكده عادى ولا العربية محتاجة ضبط بنزين وهوا لأنى ملاحظ ان
صوتها على شوية فى السلانسيه ولو محتاجة ضبط بنزين وهوا كيف أضبطهم وأين أماكن المسامير الخصة بالبنزين والهواء
أسف للاطالة ولكم جزيل الشكر

[aw2100]

العربية انجكشن ولا كاربراتير ؟؟؟

[أبو يحيى]

السلام عليكم
كاربراتير

[Zing0]

بص يا ريس
مبدئياً ضبط الكربراتير يتحدد أكتر من استهلاك البنزين (و تهبب سن البوجية) و ريحة العادم و الدخان الأسود من الشاكمان
دى مؤشرات تقولك الكربراتير محتاج ضبط أكيد
موضوع ضبط الهوا و البنزين فى الكربراتير من الموضوعات اللى عاوزة تجربة و حساسية شوية
لو الكربراتير عندك فابريكا (مغيرتش بيكات قبل كده يعنى اللى موجود 112/150/150/150)
هتقفل الهوا عالآخر (من غير متقرّط) و تفتحة لفتين كاملين
و البنزين لفه واحده و ممكن تزود سنه كمان لحد متظبط السلانسية على 800 لفه/د
====================
لو البكات متغيرة يبقى حوار تانى

ضبط الكربراتير
=============
- المفروض تكون حرارة المحرك فى الدرجة العادية للتشغيل قبل ضبط الكربراتير, بمعنى ضبط الكربراتير و العربية -سخنة مش باردة, و يكون ضبط السلانسية حينها على 750 - 800 لفة/ دقيقة

إعمل نقطة بداية للضبط, و هى:
1- مسمار الهواء: يتم ربطه بهدوء إلى قاعدته ثم فتحه 2 لفه
2- مسمار البنزين: يتم ربطة للآخر و فتحه 1 لفه, و يمكن زيادة نصف لفه لو المكنه مش عاوزه تدور.
---------------------
بعد كدة الخطوات بالترتيب:
1- دور المكنه هتلاقيها مبرجله و صوتها عالى (جرار زراعى).... عادى
2- إربط مسمار الهواء للداخل, المكنه هتبرجل أوى و تترج و ممكن تتوقف, إرجع إفتح من وضع التوقف بمقدار نصف لفه فقط, و جرب تدور المكنه, لو مش عاوزه تدور زود نص لفه كمان و جرب.
* هنا بقى اللعبه: هتزود نص لفه كل مرة و تنتظر فترة لا تقل عن 10 ثوانى علشان المحرك يستجيب للتغير براحته. و هتفضل تزود بالطريقة دى (نص لفه و تنتظر 10 ثوانى و تتابع صوت المكنه بودانك مش من خلال عداد RPM ) المفروض المكنه يبقى صوتها ناعم و منتظم , زود برضه لحد ما تلاقى مفيش تغيير فى الصوت مع فتح المسمار / أو لما تلاقى المكنه هتبدأ تبرجل تانى, إرجع لأفضل وضع سابق. كده أوعى تلمس مسمار الهوا تانى.
3- إفتح مسمار البنزين من نقطة بداية الضبط (اللفه الكامله) بمقدار ربع إلى نصف لفه علشان تضبط الـ RPM بتاع السلانسية سواء عالى أو واطى.
=========================
المفروض بعد الشغل ده:
---------------
مسمار الهواء يكون مفتوح بمقدار نصف لفه من نقطة بداية الضبط (يعنى 1 و نص : 2 و نص لفه)
مسمار البنزين يكون أقل من ( لا يصل إلى) 2 لفه كامله
غير كده يبقى الكرباتير نفسه مش مضبوط و محتاج البشمهندس معتز بتاع الكربراتير و لازم تغير البكات بتاعته
ملحوظة: يجب التأكد من كفاءة نظام الإشعال (تقسيمة الكاتينه و الأبلاتين و الكوندنسر و البوجيهات و الموبينه و أسلاك البوجيهات قبل ضبط الكربراتير لأن الحاجات دى بتأثر) و كمان التأكد من نظافة فلتر البنزين و الهوا و الكربراتير نفسه و عدم إنسداد البيكات.

بعد الضبط , إطلع مشوار حوالى 10 كيلو عالأقل, و بعدين شوف شكل البوجيهات (السن مش القلاووظ)
- لو عليها كربون (مهببة) يبقة بنزين زيادة
- لو لونها أبيض أو رمادى فاتح يبقى هوا زيادة
- الصح يبقى لونها بنى الفاتح (بيج) مائل للرمادى مفيش مشكلة

و دى صور من الكتالوج لتوضيح أماكن مسامير الهوا و البنزين

[hassan.cotton7]

السلام عليكم اللة يبركلك لان الموضوع دة مجننانتى وشكرا

[أبو يحيى]

ألف شكر على المعلومات القيمة والجهد الكبير

[hassanin_lada]

بص جرب اظبط العربية عند حد متخصص لو لقيت المؤر نازل في الاخضر حاجه من 2

ياما كهربا واطيه بتاعت العربية ياما في خرطوم مفصول في الكاربرتير (خرطوم ضغط) هتلاقي لونه ابيض او شفاف

[aw2100]

ظبط العربية بتقلل مسمار البنزين لغاية مالعربية تقف وبعدين تعليه شوية لما الموتور يبقى صوته واطى جدا ويتهز وبعدين تضبط الهواء سنه سنه لغاية لما تلاقى هز الموتور اقل مايمكن وبعدين تدوس بنزين مفاجئ وتشوف صوت الموتور بيعلى مفاجئ ولا بيبقى مكتوم وتبدء تغير الكهرباء من الأسبراتير لغاية لما تلاقى استجابة الموتور مع البنزين سريعة وبعدين تظبط السلانسية تانى لغاية rbm 8 او صوت الموتور مايبقاش عالى وده كله تكون فاكك عمة الكاربراتير وربنا يقويك !!

[abokoko]

بص يا ريس
مبدئياً ضبط الكربراتير يتحدد أكتر من استهلاك البنزين (و تهبب سن البوجية) و ريحة العادم و الدخان الأسود من الشاكمان
دى مؤشرات تقولك الكربراتير محتاج ضبط أكيد
موضوع ضبط الهوا و البنزين فى الكربراتير من الموضوعات اللى عاوزة تجربة و حساسية شوية
لو الكربراتير عندك فابريكا (مغيرتش بيكات قبل كده يعنى اللى موجود 112/150/150/150)
هتقفل الهوا عالآخر (من غير متقرّط) و تفتحة لفتين كاملين
و البنزين لفه واحده و ممكن تزود سنه كمان لحد متظبط السلانسية على 800 لفه/د
====================
لو البكات متغيرة يبقى حوار تانى

ضبط الكربراتير
=============
- المفروض تكون حرارة المحرك فى الدرجة العادية للتشغيل قبل ضبط الكربراتير, بمعنى ضبط الكربراتير و العربية -سخنة مش باردة, و يكون ضبط السلانسية حينها على 750 - 800 لفة/ دقيقة

إعمل نقطة بداية للضبط, و هى:
1- مسمار الهواء: يتم ربطه بهدوء إلى قاعدته ثم فتحه 2 لفه
2- مسمار البنزين: يتم ربطة للآخر و فتحه 1 لفه, و يمكن زيادة نصف لفه لو المكنه مش عاوزه تدور.
---------------------
بعد كدة الخطوات بالترتيب:
1- دور المكنه هتلاقيها مبرجله و صوتها عالى (جرار زراعى).... عادى
2- إربط مسمار الهواء للداخل, المكنه هتبرجل أوى و تترج و ممكن تتوقف, إرجع إفتح من وضع التوقف بمقدار نصف لفه فقط, و جرب تدور المكنه, لو مش عاوزه تدور زود نص لفه كمان و جرب.
* هنا بقى اللعبه: هتزود نص لفه كل مرة و تنتظر فترة لا تقل عن 10 ثوانى علشان المحرك يستجيب للتغير براحته. و هتفضل تزود بالطريقة دى (نص لفه و تنتظر 10 ثوانى و تتابع صوت المكنه بودانك مش من خلال عداد RPM ) المفروض المكنه يبقى صوتها ناعم و منتظم , زود برضه لحد ما تلاقى مفيش تغيير فى الصوت مع فتح المسمار / أو لما تلاقى المكنه هتبدأ تبرجل تانى, إرجع لأفضل وضع سابق. كده أوعى تلمس مسمار الهوا تانى.
3- إفتح مسمار البنزين من نقطة بداية الضبط (اللفه الكامله) بمقدار ربع إلى نصف لفه علشان تضبط الـ RPM بتاع السلانسية سواء عالى أو واطى.
=========================
المفروض بعد الشغل ده:
---------------
مسمار الهواء يكون مفتوح بمقدار نصف لفه من نقطة بداية الضبط (يعنى 1 و نص : 2 و نص لفه)
مسمار البنزين يكون أقل من ( لا يصل إلى) 2 لفه كامله
غير كده يبقى الكرباتير نفسه مش مضبوط و محتاج البشمهندس معتز بتاع الكربراتير و لازم تغير البكات بتاعته
ملحوظة: يجب التأكد من كفاءة نظام الإشعال (تقسيمة الكاتينه و الأبلاتين و الكوندنسر و البوجيهات و الموبينه و أسلاك البوجيهات قبل ضبط الكربراتير لأن الحاجات دى بتأثر) و كمان التأكد من نظافة فلتر البنزين و الهوا و الكربراتير نفسه و عدم إنسداد البيكات.

بعد الضبط , إطلع مشوار حوالى 10 كيلو عالأقل, و بعدين شوف شكل البوجيهات (السن مش القلاووظ)
- لو عليها كربون (مهببة) يبقة بنزين زيادة
- لو لونها أبيض أو رمادى فاتح يبقى هوا زيادة
- الصح يبقى لونها بنى الفاتح (بيج) مائل للرمادى مفيش مشكلة

و دى صور من الكتالوج لتوضيح أماكن مسامير الهوا و البنزين

اللى اعرفه من الميكانيكى
رقم - 1 - بنزين السرعه
رقم - 2 - الهواء

رقم - 3 - بك السلانسيه

؟؟؟

[أبو يحيى]

السلام عليكم
الأخوة الأفاضل
أنا فهمت مسمار البنزين ومسمار الهواء فائدتهم ايه
بس اللى مش فاهمه مسمار السلانسيه ده فكرة عمله ايه بالضبط وفايدته ايه
وجزاكم الله خيرا

[أبو يحيى]

السلام عليكم
الموتور صوته عالى شوية
وعايز أقلل البزين سنة صغيرة ( أحرك مسمار البنزين يمين ولا شمال ) ( أو بالمقارنة بعقارب الساعة ) ونفس الوضع لمسمار الهواء و السلانيسيه ( أى اتجاه يقلل والأخر يزود ) ( برضه بالمقارنة بعقارب الساعة )
ولكم جزيل الشكر

[Mohamed Karm]

انا عندى مسمار البنزين مفتوح اقل من لفه ولو زاد عن كدة يطلع هباب من الشكمان اما مسمار الهواء مفتوح حوالى 3لفات ويزيد

[Zing0]

انا عندى مسمار البنزين مفتوح اقل من لفه ولو زاد عن كدة يطلع هباب من الشكمان اما مسمار الهواء مفتوح حوالى 3لفات ويزيد

غالباً بيك البنزين للسرعه الواطيه (السلانسية) هتلاقية متغير برقم أقل
مش مشكله المهم العربية تكون مضبوطه , و لا بتهبب و لا متكتفه و مبتسحبش

[angel 2014]

غالباً بيك البنزين للسرعه الواطيه (السلانسية) هتلاقية متغير برقم أقل
مش مشكله المهم العربية تكون مضبوطه , و لا بتهبب و لا متكتفه و مبتسحبش

طيب لو متكتفه ومتسحبش وrbmمظبوط علي 8 وصوت الموتور مش عالي وميبيترجش اعمل ايه؟؟؟؟؟؟؟
ازود هوا ولا اعمل ايه وبالتفصيل ياباشا لو سمحت احسن انا مش قادر اعرف العربيه مظبوطه كده ولا انا بيتهيئلي ولا ايه ؟؟؟؟؟؟؟؟؟؟

[angel 2014]

وهل المسمار اللي لونه ازرق وبلاستيك ده هوه مسمار الهوا ؟؟؟