هل النيفا الجديدة تستحق الشراء؟

[tamerafifi]

دى اول مشاركه لى فى نايل موتورز احب اهنى القائمين على الموقع لان انامكنتش اعرفو بس بقالى حوالى شهر بستفيد جدا من المعلومات ومشاركات الاعضاء ثانيا انا بفكر اشترى عربية جديدة وكنت بفكر فى نيسان صنى بس الفترة دى شفت النيفا الجديدة انا عارف ان لاوجه للمقارنه بين العربيتين بس المشكله دلؤتى فى شوارع مصر الزحمه والمطبات والقيادة بغباء فحسيت ان العربيه المناسبه فى مصر دلؤتى النيفا عربيه ناشفه الى عايز يخبطنى يتفضل ونشوف مين الخسران اما الصنى فعربيه محترمه وناعمه بس يتخاف عليها فى مصر فدلؤتى النيفا الجديدة تستاهل الشراءانتو عارفين ان الفلوس مش ساهله دلؤتى؟؟؟؟؟ يعنى عرفت انها باور وتكييف وانجكشن وزجاج كهرباء طيب متانتها وصيانتها وقطع الغيار فى المتناول باسعار مناسبه ؟ ولوحبيت ابيع بعد اربعة سنين مثلا هخسر كتير ؟ بفكر فى شراء النيفا الجديدة بس مش واخد القرار لسه ولكم شكرى

[tamerafifi]

ليه البداية دى يا رجاله دا محدش قلى انت بتقول ايه؟ دى بداية مش مشجعه خالص ولا ممكن ان محدش بيحب الادا نيفا ؟؟ ممكن بردو

[hamdy]

انا لو مكانك عمر ما افكر فيها يا راجل دولا حتي مكلفوش خطرهم يعملوا اي حاجة فيها بومبيه عشان تحس انك راكب عربية جديدة

[فادى]

اللادا نيفا سيارة رائعة على الطرق غير المعبدة, متينة بشكل استثنائى, و قدراتها على الطرق الوعرة تضاهى سيارات يصل ثمنها الى الربع مليون,
و لكن فى المقابل فانها تفتقد للراحة و الأداء الجيد على الطرق العادية.
هى سيارة رائعة لو كنت تريد السير فى طرق غير معبدة, و تمارس هواية صدم الأخرين, أما لو كنت تريد سيارة للاستخدام اليومى, فيمكنك اختيار أى سيارة أخرى عادية, لو كنت عايز عربية تستحمل و أكثر متانة يمكنك اختيار سيارة اوروبية سيدان عادية, سوف توفر لك قدرا أكبر من الراحة و اداء أفضل على الطرق العادية.
السيارات الأوروبية عادة أكثر متانة من الأسيوية, ليس لانعدام الضمير لدى الأسيويين فقط, بل لأنهم يعانون من مشكلة كبيرة لديهم تتمثل فى نقص الموارد المعدنية.

[ramy_fiat_2000]

ايه يا جماعه كلكم عليه كده ليه الراجل خايف على العربيه وخصوصا فى ظل القانون الجديد بلطج فى السواقه تنفد من الخناقه هههههههههههههههههههههههههه
محدش يزعل بهزر
المهم هيه النيفا جميله جدا وانا عن نفسى بحبها بس فيها مشكله ان شكلها هوه هوه مفيش جديد غير ان الموتور بقى انجيكشن زجاج كهرباء تكيف باور فتيس غرز موتور 1700 cc مش عارف يعنى ايه 1700 بس هوه ده الموتور بتاعها المشكله الاكبر سعرها بيبتدى من 65000 جنيه لـــــــــــــــــــــــــــــيه بشترى فيتارا ولا فيتارا ولا تكونش فيتارا

[NaderNabil]

بعد اذن اللي يدافع عن النيفا الجديدة...بغض النظر عن متانتها الاستثنائية و قوتها الفريدة من نوعها ....ياريت يتفرج عليها بنفسه و يأخذ بعض الدقائق ليتفحصها عن قرب بعيدا عن الكلام المعسول و المديح....

السيارة متوفرة بمعرض المصرية للسيارات...كورنيش المعادي

[Nour_Peugeot]

العربية يا جماعة لازم تعرفو انها ارخص عربية 4*4 في بلدنا 65 الف

و انا شايف بالكامليات الفيها و سعرها ده كويسه جدا

بس معروف ان اللادا مش هتحسحك بنفس الراحة في اي عربية تانيه يعني عفشها اقوي و انشف

من العربيات الياباني اما لو حضرتك لسه جديد في السواقة و مش هتاثر معاك الراحة اوووي

خلاص توكل علي الله

و علي فكره هي مش معني انها مش مريحه انها وحشه العربية اقل راحة من الياباني و الاوربي احسبها انت بقي

[speed demon666]

طب يا ريت يا باشا بعد اذنك تقولنا ايه العيوب و الحسنات و احنا أصحاب القرار , أصل بصراحه انا ناوي إن شاء الله اجيب العربيه دي بس لسه مخدتش قرار نهاءي
أكون شاكر ليك لو وضحتلنا وجه نظرك

[ahmedsrs]

لو حضرتك ساكن فى ريف او عندك ارض وبتحمل معاك عمال ومحتاج عربية شغل يبقى دى احسن عربية ممكن تجيبها لو فى المدينة ومشاويرك فى المدينة يبقى دى اسوء عربية ممكن تجيبها

[tamerafifi]

شاكر لكل المساعدة وانا اسف انا لسه مخلص شغل وببص على النت دلؤتى اولا انا من سكان القاهرة ثانيا انا ماخدش القرار لغايه دلؤتى علشان انا مش مستقر انا هجيب قسط وإن شاء الله هبتدى فى اجراءات الورق من العمل عندى اول السنة دى يعنى بعد شهرين فعندى فترة كويسه استقر فيها على عربيه ربنا يوفقنا فيها انتو عارفين الفلوس بتيجى ازاى يا رجاله علشان كدا قلت افتح الموضوع على الموقع واعرف رئيكو

[shanodaa]

اذهب وشاهدها بنفسك اكيد فيها حاجه جديده وممكن يكون فيها كملايات

[MaZaGAngeE]

حد شاف العربية ؟
ايه رايكم فيها ؟

[speed demon666]

انا رحت المعرض و اتفرجت عليها العربيه كانت كويسه ..... واسعه من الكنبه اللي ورا على عكس ما كنت متخيل و الشنطه كمان واسعه , الباور بيتاعها ممتاز انا جربتو , الصاج تقيل .... انا بصراحه مركزتش في موضوع التقفيل بس لفت نظري حاجه غريبه على الرغم من انو مكتوب في الاعلان ان الصاج معالج ضد الصدأ الا ان انا لقيت نقر كانت في الشنطه عامله زي البارومه لأن كان في صدأ نازل منها,الباب كان فيه دقدقه كأنو كان عند السمكري بس كانت من جوا , لما شغلت الموتور كان صوتو( و أعتقد ان ده العادي) كان عالي و لما زودت كان فيه تقطيعه غريبه مسمعتهاش في موتور انجكشن قبل كده ,البكتات اللي في الجناب شكلها مش ظريف , التبلوه تحس انك راكب عربيه من موديلات الثمانينات او أول التسعينات زي مثلا الشاهين الأرجنتا حاجه زي كده ,الاسعار كان فيها بعض الاختلافات يعني البدايه 64900 جنيه دي فيها باور و تكييف و كاسيت بعد 71900 جنيه بيحطلك بأه الجنوط و الاكصدام و الشبكه اللي فوق , انا العربيه داخله دماغي بس ناس كتير خلوني قلقان منها , ايه رأيكم

[أبومعاذ]

بلاش بلاش بلاش
العربية دي لو كانت نازلة بموتور ديزل كنت اول واحد افكر فيها بس العربية نازلة بموتور 1700!!! وبنزين و اصلا لادا مش مشهورة بانها بتوفر بنزين و غالبا اللي هيشتريها مش هيحس انه راكب عربية جديدة لانها مش مريحة او بلغة السوق مش ركوبة
من ناحية تانية هي عملية جدا للمهندسين اللي شغلهم في مواقع او للناس اللي بيعدوا باستمرار على طرق غير ممهدة غير كدا بلاش احسن

[fahd_628]

بلاش بلاش بلاش

كانت مع والدى و بيقولى اسواء سيارة ركبها فى حياتة