هل النيفا الجديدة تستحق الشراء؟

[mexmarine]

بصفتى احد ملاك النيفا من قبل احب اوضح كلام مهم للغايه

1- مع السعر الجديد نقول 65000 موضوع سعر إعادة البيع هيبقى فى الارض
لان المتوفر حاليا موديلات 1982 و 1984 و سعرهم واحد يعنى فى حدود 20 الف و دى لو هيضربها الدم هتبقى 40 الف

2- بالنسبه للعربيه مرهقه جدا للسائق و خاصة فى السفر(من غير بور و تكييف)
3-بالنسبه للمدينه عشره على عشره فى الشتاء و فى الصيف بتسخن جامد جدا(مش عارف عملوا تعديل للردياتير و للا لأ)
4- نصيحه لو فارق السعر من 65000 الى 71000 علشان الجنوط و الاكصدام و الراك بتاع السقف يبقى هاتهم على حسابك اوفر

انا كنت جايب جنوط لاندروفر استعمال خارج15" بـ1200 جنيه و اكصدام امامى
بـ450 جنيه(اجمد من اللى فيها) و ستاند خلفى للإستبن بتاع شيروكى ب500 جنيه
و الباكيتات بـ400 بالتركيب بـ100 جنيه يعنى الفيلم كله بتاع 2700 جنيه مش 7000 جنيه !!!
5- موتور العربيه جبار فعلا و عيوبه لا تذكر بالنسبه للادا
6- عفشه رهيبه تصد فى اى مطبات (إنساها)
7- قطع غيارها ماليه البلد مثلا فوانيس اماميه الباغه ب 5 جنيه D: , الصاج بتاعها موجود من رفارف و خلافه,, البريبريز بـ 80 جنيه (حاجه ببلاش كده)
8- اقتراحات ممكن تعدل الصالون بفارق السعر اللى وفرته(كراسى ريكارو مريحه) و ريدياتير كبير و مروحة موتور 8 ريشه .
9- عندنا فى الاسكندريه الميكانيكى بتاعها متوفر و بأرخص الاسعار ولا مركز صيانه و لا غيره بصراحه
10- مشكلتها ايضا فى البنزين (بتسحب بنزين كتير الصفيحه كانت 170 كيلو)
لكن بامانة الله فى السفر كانت موفره جدا جدا جدا فوق ال300 كيلو للصفيحه)


ارجو انى قدرت اوفر بض المعلومات (لكن عن الطرازات القديمه و ان كنت اشك انه هنالك اى اختلاف فيما عدا الاوبشنز الجديده)

[M!NA]

بصفتى احد ملاك النيفا من قبل احب اوضح كلام مهم للغايه

1- مع السعر الجديد نقول 65000 موضوع سعر إعادة البيع هيبقى فى الارض
لان المتوفر حاليا موديلات 1982 و 1984 و سعرهم واحد يعنى فى حدود 20 الف و دى لو هيضربها الدم هتبقى 40 الف

2- بالنسبه للعربيه مرهقه جدا للسائق و خاصة فى السفر(من غير بور و تكييف)
3-بالنسبه للمدينه عشره على عشره فى الشتاء و فى الصيف بتسخن جامد جدا(مش عارف عملوا تعديل للردياتير و للا لأ)
4- نصيحه لو فارق السعر من 65000 الى 71000 علشان الجنوط و الاكسدام و الراك بتاع السقف يبقى هاتهم على حسابك اوفر

انا كنت جايب جنوط لاندروفر استعمال خارج15" بـ1200 جنيه و اكصدام امامى
بـ450 جنيه(اجمد من اللى فيها) و ستاند خلفى للإستبن بتاع شيروكى ب500 جنيه
و الباكيتات بـ400 بالتركيب بـ100 جنيه يعنى الفيلم كله بتاع 2700 جنيه مش 7000 جنيه !!!
5- موتور العربيه جبار فعلا و عيوبه لا تذكر بالنسبه للادا
6- عفشه رهيبه تصد فى اى مطبات (إنساها)
7- قطع غيارها ماليه البلد مثلا فوانيس اماميه الباغه ب 5 جنيه D: , الصاج بتاعها موجود من رفارف و خلافه,, البريبريز بـ 80 جنيه (حاجه ببلاش كده)
8- اقتراحات ممكن تعدل الصالون بفارق السعر اللى وفرته(كراسى ريكارو مريحه) و ريدياتير كبير و مروحة موتور 8 ريشه .
9- عندنا فى الاسكندريه الميكانيكى بتاعها متوفر و بأرخص الاسعار ولا مركز صيانه و لا غيره بصراحه
10- مشكلتها ايضا فى البنزين (بتسحب بنزين كتير الصفيحه كانت 170 كيلو)
لكن امانة اله فى السفر كانت موفره جدا جدا جدا فوق ال300 كيلو للصفيحه)


ارجو انى قدرت اوفر بض المعلومات (لكن عن الطرازات القديمه و ان كنت اشك انه هنالك اى اختلاف فيما عدا الاوبشنز الجديده)

طيب ايه أخبار أقصى سرعة قدرت تجيبها بيها (بأمان) ... و ايه أخبار الstability؟
و عاملة ايه معاك في الملفات و المنحنيات الجامدة؟؟ (زي طريق شرم كدا)

[tamerafifi]

طيب سؤال اخر انا مشفتش فى مصر اى حد راكب النيفا 4 باب بس شوفت فى المنتدا صورها وسئلت عليها فى معرض الامل واحد رد عليا وهوا نايم وقلى مافيش غير ال2 باب وحسسنى انى بشحت منه ومش عارف دا مبيعات ولا فراش ولا هو نظام معرض الامل كدا بتعاملو مع الناس بحس نيه ؟؟ ما علينا فى حد يعرف ان ال4 باب بتنزل مصر ولا لا؟؟

[mohamed2002]

طيب سؤال اخر انا مشفتش فى مصر اى حد راكب النيفا 4 باب بس شوفت فى المنتدا صورها وسئلت عليها فى معرض الامل واحد رد عليا وهوا نايم وقلى مافيش غير ال2 باب وحسسنى انى بشحت منه ومش عارف دا مبيعات ولا فراش ولا هو نظام معرض الامل كدا بتعاملو مع الناس بحس نيه ؟؟ ما علينا فى حد يعرف ان ال4 باب بتنزل مصر ولا لا؟؟

ال4 باب مش بتنزل عندنا خالص ,موجودة برة في روسيا واوربا

[tamerafifi]

شاكر ليك يا محمد بيه مع ان كان نفسى تكون فى مصر ال4 باب فيها شكل من الهمر

[ahmed76]

انا بأفكر اشتريها يا استاذ تامر و محتاج راى الزملاء
وعامة ال4*4 شكلها اكيد مش حلو زى النيسان
لكن شوارعنا فى مصر مش زى شوارع اليابان والمانيا
اكيد فى المانيا مافيش بلاعة فى نص الشارع
وسؤال للسادة الزملاء هى الشيروكى القديمة برده مش مريحه ذى النيفا الجديده
وهل حد ركب النيفا الجديده وجرب عفشتها يمكن الروس طوروا فيها يا جماعة ليه نحكم قبل ما نركبها
وشكرا

[speed demon666]

انا في رأي الشخصي ان عفشتها هي أحسن عفشه لطرقنا الممتعه نظرا لما تتمتع به من نعومه و لا يوجد مطبات مفاجئه و حفر و بلاعات زي الدول التخلفه التي لا تراعي حق المواطن في القياده الامنه و الاستمتاع بسيارته اللي دافع فيها دم قلبه

[ashrafhosnyy]

السلام عليكم
فيه حاجة مهمة يا جماعة
ضريبة السيارة دى كام ؟
السيارة دى 1700
يعنى حسب معلوماتى تقع فى الفئة اللى ضريبتها 1000 جنيه
بس أنا كنت سمعت معلومة أنهم بيفكروا يعاملوا التجميع المحلى بالحد الأدنى
ومش عارف اذا كان الكلام ده صحيح ولا لأ !
المهم لأنى كنت بأفكر جديا أشترى السيارة دى للمشاوير وللمزرعة فقولت أروح أتأكد بنفسى من معرض الأمل
وهناك سألت الموجود عن ضريبة السيارة :k41:
فرد عليا وقال لى "تخشلها فى ألفين جنيه":k20:
أتخضيت طبعا وأندهشت وأذبهليت
وقلت له ليه مش المفروض انها ألف جنيه ؟
قال لى ماهو فيه حاجات تانية فيه رسم معرفش ايه وغيره وحاجات بتتحسب من الضريبة ففى الآخر بتخش لها فى ألفين جنيه :k28:
الحقيقة دماغى راحت ميت حتة وأنا واقف
يعنى أدفع على ال لادا نيفا ألفين جنيه فى السنة ضريبة بس
وعربيتى الأوبل فيكترا أدفع عليها 300 جنيه
طيب ما أنا ممكن أجيب شيفروليه فرونتيرا أو شيروكى
والعربيات دى سعرها نزل جدا فى المستعمل بعد موضوع الضريبة
ولأنها موديل قديم هأدفع برضه ضريبة ألف جنيه
و 4 باب كمان
أو ممكن أشترى نصف نقل دبل كابينة وأقفل الصندوق فايبر وتبقى أقوى وتخدم أكتر
المهم لقيت نفسى سرحت وأنا واقف والراجل بيبص لى :k20:
أخدت بعضى ومشيت وأنا برضه سرحان
:k52:
هى البلد دى مستكترة على شعبها "نيفا" !!؟:k17:
نفسى أعرف رأيكم
:k37::K13::k23:

[speed demon666]

يا باشا .... الأخ اللي قالك الرقم ده اكيد كان ضارب حاجه مغشوشه:k43: , لان ال 1000 جنيه ديه الحد الاقصى للفئه اللي اكتر من 1600 سيسي و الحد الادنى ليها لما بنكون اكتر من 1620 سي سي بيكون 600 جنيهز و ممكن كمان تسال خبرائنا في المنتدى اكيد هيقدرو يفيدوك و كمان الاضمن تروح المرو يعنى هيكون من المنبع.
انما اللي قالو الباشا ده كان من حقك ساعتها انك تسحب الحته الخرطوش تعملو شكل سيريالي في دماغو

[ehabthefirst]

اعتقد نعم تستحق

[Amr_Moh]

ana shaifha kwaiesa
ka se3r we emkaniaat

[amirhamed]

اللادا لادا حتى ولو موديل 2009 ودا رأي شخصي.

[eng / AhmeD]

بلاش
هي حلوة للمهندسين
كانت مع أبويا و اتقلب بيها مرتين علي الطريق

[tamerafifi]

من الواضح ان الاستقصاء دا مش فى صالح النيفا لانى كنت فاكر بردو ان بينزل فيها 4باب يعنى كدا عربيه غير اسريه بالمره لو ابويا وامى معايا ومراتى ثلثهم ابئا اقول لمين بئا ينط على الكنبه الخلفيهسؤال هفكر فيه كتير اوى الى ينفع الاسرة فعلا عربيه 4باب