عفشه اللادا

[Truman]

كلام حضرتك سليم تماما و انا عارف ان حل الإستعمال حل نص لبة زى ما بيقولوا لكن للأسف فى أوقات كتير مش بتلاقى القطع اللى أنت عايزها أو بتبقى موجودة بس مشكوك فى منشأها و كمان الصنيعى كتير بيفضل أنه يستخدم قطع إستيراد علشان بيقدر يفرق بين الكويس و الوحش فيها و بيقدر يرجعها لو ماكنتش سليمة و ده صعب أن يحصل فى الجديد
بس أنا مع حضرتك أن ده حل للمضطر و ليس الحل الأمثل و شاكر جدا لإهتمامك

[x_gomgom]

هو لاسف حل للمضطر انك تجيب استيراد و انا محطوط بالفعل في الموقف دا حاليا بس هتعمل ايه انت مضطر في ظل غياب قطع الغيار..
انا حاليا مشكلتي ان المارش مش نافع بسبب اني كنت بحمل علي المارش في الدواره لان البطاريه كانت نايمه مما ادي لتلف ملف المارش الداخلي... و الحل مارش استيراد!!!!
طبعا انا حزين جدا لاني اولا مش مطمن لاستيراد ثانياً انا مش عارف المارش دا او اي ان كانت القطعه اللي هنجيبها استيراد دي ايه ظروفها....
و ربنا يسترها علينا جميعا..
شكراً

[Truman]

هو لاسف حل للمضطر انك تجيب استيراد و انا محطوط بالفعل في الموقف دا حاليا بس هتعمل ايه انت مضطر في ظل غياب قطع الغيار..
انا حاليا مشكلتي ان المارش مش نافع بسبب اني كنت بحمل علي المارش في الدواره لان البطاريه كانت نايمه مما ادي لتلف ملف المارش الداخلي... و الحل مارش استيراد!!!!
طبعا انا حزين جدا لاني اولا مش مطمن لاستيراد ثانياً انا مش عارف المارش دا او اي ان كانت القطعه اللي هنجيبها استيراد دي ايه ظروفها....
و ربنا يسترها علينا جميعا..
شكراً

عندك حق قطعة زى المارش فيها دواير كهربائية أو ميكانيكية بلاش تجيبها مستعملة - ممكن تسأل عند حمدى لادا فى شاع دمشق مصر الجديدة أن شاء الله هتلاقى عنده هو صحيح حراق و بيقفل على الساعة 8 بالليل بس غالبا هتلاقى عنده و بالتوفيق أن شاء الله

[x_gomgom]

للاسف مفيش مارش جديد كامل ...
عشان كدا بقول متخايش اعتمادك ( وكلنا على الله) على الاستيراد في ظل وجود الجديد ....
و في محل اخر بمناسبه حمدي لادا عندك الفهد دا برضه محترم جدا و مش حراق قوي
شكراً ليك

[yasoxp]

ياجماعه موضوع تربيط العفشه فى اللادا ده امر صحى جدا للعربيه انا اول مجبي العربيه وبعد حوالى 3000 كم انا رحت عند عفشجى معرفه اربط عنده العفشه فأقترحت عليه انو بعد ميربط على الصواميل يضيف لكل صاموله واحده تانيه بعدها بنسميها صاموله زنق حيث بعد هذه العمليه لا يمكن ان تحل الصواميل مره اخرى من مكانها (عامل مهندس عليه بحكم شغلى) راح لفحنى الكريمه وقلى التى

اولا ان تربيط العفشه بيرجع للاستخدام يعنى لو انتا بتعدى عل مطابات وطرق كتير غير ممهده هتحتاج تربط عفشه كتير بعكس اللى عايش فى مكان مفهوش اى مشاكل فى الطرق

ثانيا ان مع كل مطب ونقره فى الارض بيحصل تحميل قوى على العفشه وبدل ان يتسبب المطب او غيره فى اعوجاج الشدادات الوة التأثير على المقصات والبيضات بيحصل ان الصواميل بتسيب يعنى سنون بتعدى من الصاموله وده اللى بيخلينا عايزين نروح نربط عليها تانى يعنى دى حمايه للعربيه مش عيب قوى جدا ثانيا كل من يشترى اللادا عارف انو هيحتاج يتابع العفشه بأستمرار

ثالثا التعامل مع انسان امين لا اكتر الصنايعيه معدش عندهم ضمير وتربيط العفشه شغلانه بسيطه والعائد منها يكاد يكون صغير فالاكثريه منهم مبتعملش الشغلانه ميه فى الميه بيسيبو حاجه ترجعلهم بيها بعد اسبوع

يعنى اللى بيربط العفشه لازم يتأكد من الاتى

1- الصنايعى ربطله على العفشه الامامه والبيضات طلها
2- صلايب عمود الكردان وقطعه الصاج الحمايه لانها بتعمل صوت بتحسسك ان العشه سيبه
3- تربيط العفشه الخلفيه برده مش اللى قدام بس برده ورا لازم يشيك عليها

بالنسبه لموضوع المساعدين عندنا فى الاسكندرية بنركب مساعدين التيوتا اليابانى الدبابه وده بعد انتهاء العمر بالمساعدين الفبريكه بيركبو بدل المساعدين اللى ورا اما فى الامام ففى مساعدين المانى من الاخر

اهم حاجه من الاخر الصنيعى لانو هو العامل الاساسى وهو اللى بيدلك على قطعه الغيار الجيده ويبعدك عن المضروبه

من الاخر راضى الصنيعى واديلو اكتر من حقه هيزبطك

[x_gomgom]

شكرا علي المعلومه المفيده جدا و طبعا الملاحظات المهمه جداً
بس انا عندي سؤال ليك:
مساعدين انهي موديل في الكرولا اللي بيركبوا في الادا موديل كام يعني؟ و اشتريهم من محلات التيوتا ولا موجودين عند كل المحلات..
و المساعدين الالماني اللي حضرتك اشرت اليهم سابقاً ممكن تقولنا علي نوعهم و هل هما زيت بس ولا زيت و غاز؟؟
و طبعا اكرر شكري ليك مره اخري

[yasoxp]

بالنسبه الى المساعدين انا اخذت المعلومات دى من العفشحى اللى كنت بتعامل معاه وهو قلى ان فى انواع المانى وده سهل السؤال عليها فى الاسكندريه فى سموحه لا المحلات هناك امينه وبتعرض كل الاصناف بس هو مقليش النوع اه هو قلى هات الالمانى

اما لمساعدين التيوتا فى التيوتا الدبابه النصف نقل ومتسألش ازاى هو ده اللى اتقلى وتأكدت من اكثر من شخص وقلى نفس الكلام وعلشان اطمنك كان فيهم بعض اصحاب التكسيات بالاسكندرية

وقولك على الادهى من هذا قلى ان اجيب سوست فيات 132 وهو هيزبط ارتفاعها (هيقص منها بعض الحلقات ) وهيركبهالى وبعد كده هلاقى العربيه ملبن

انا كان معايا لادا 2107 موديل 2008 عمر شهرين يعنى انا كنت بجمع معلومات للمستقبل بس اللى سألتهم كانو مركبين ومجربين كل ده

وهقولك تانى ياباشا الاهم الصنيعى هو اللى بيظبط كل حاجه معاك ولو حس انك زبونه وعمرك ما هتروح لحد غيره هيزبطلك الدنيا كلها

طبعا صنيعيه العفشه فى الاسكندرية وخصوصا للعربه اللادا مقلكش خبراء

اكتر عربيه تكسى فى الاسكندرية

وبصراحه انا بره مصر انا فى قطر وبعت العربيه قبل مسافر ومش هقول لك انا كنت عامل جنازة فى البيت يوم العربيه متباعت بس والدى ضغط عليا علشان مفيش حد هيأخذ باله منها وهتبقى عرضه للسرقه

[yasoxp]

للتوضيح فقط المساعدين التويتا والسوست بدل الخلفيه يعنى افادتهم علشان تحميل العربيه مش اكتر يعنى لو انتا مبتحملش فى العربيه عدد ورا يبقى انتا مش محتاج قوى التعديل ده

بالنسبه للالمانى بيركب بدل المساعدين الاماميه

وبالنسبه الى السوست الماميه قلى تجبها مستعمله وأكمد عليا اكتر من مره انى مركبش جديد لا الجديد بيكون بالبلدى مش ملين وبيكون قاسى جدا على العربيه وممكن يعكل مشاكل وممكن لأ

يعنى الافضل تخليك مع الروسى المستعمل

ولما تتعاممل مع العربيه تتعامل بسياسه الجوز يعنى تغير مساعد او سسته يمين يبقى تغير الشمال معاهم حتى لو كويسسين عنهم احتياطى للطوارىء

وده طبعا بالنسبه للشراء تتعامل بالجوز برده علشان يبقى فى توازن فى العفشه ومتتعبكش خالص

[x_gomgom]

شكراً جزيلاً ليك علي المعلومات المفيده جداً و يا رب ترجع بالسلامه ان شاء الله....
شكراً للإفاده

[yasoxp]

العفو ياباشا

واتمنى من جميع المشاركين التفاعل مع بعضنا البعض كى تتم الافاده للجميع فى كافه الموضوعات

[abuhaitham]

أأحذرك ثم أحذرك ثم أحذرك من تركيب سوستة (ياي) سيارة بيجو مستعمل أو جديد في سيارة لادا لآنه هيجيب لك أجلها في أقل من شهر لأنه مصمم للبيجو وهي كما نعلم وزنها ثقيل أما الادا فوزن الهيكل أخف من البيجو مما يجعل السوستة بتاعة البيجو ناشفة جدا بالنسبة للسيارة الادا وغير مناسب لها بالمرة وتدمر العربية هذا الكلام عن تجربة شخصية .وبما أن سوستة الادا رفيعة وضعيفة يمكنك استخدام سوست الفيات 131 فهي الأقرب والأنسب للسيارة الادا ولكن تجيب النوع الكويس ويمكن تحتاج تقص منه شوية (10سم تقريبا ) حسب الرتفاع السيارة من الأمام وهذا يحتاج عفشجي خبرة حتى تكون السيارة مرتاحة ومستوية أفقيا أو مرفوعة قليلا من الخلف وليست مرفوعة كثيرا من الخلف (مكفية) وهذا عن تجربة شخصية أيضا وشكرا

[x_gomgom]

بجد يا جماعه شكراً على المعلومات القيمه جدا و المفيده جداً...
و يا ريت كلنا نشارك بتجاربنا عشان نفيد بعض...
جزاكم الله كل خير

[abdoulrhman]

ياجماعه انا عنديمغير المقصات لاستعمال لانها بتكون اتقل من الجديده والمساعدين ورا جايبهم بتوع شيفورليه الدبابه وطقم الجلب اسمه جلب دبانه والبض بلغاري ركب وادعيلي وعلي فكره انا مش بهدي لاي تكسير في الشارع خالص

[doohaarama]

عيب صنايعى