اقتراح لخفض حرارة الادا

[x_gomgom]

انا مش بتكلم علي تظام الحقن... او الاشعال....
يا باشا انا عارف انها انجكشن... هديك مثال عشان تفهم قصدي:
مكنه الادا السير الكاتينه بتاعها جنزير من ساعه ما نزلت... و موضوغ بلوف التكيهات دا مش موجود بالادا... و عندك تكنولجيا فتح الصباب و الغلق زي ما هي مكانيكيه بحته مفيش نظام مثلا cvvt و دا ييتحكم الكترونيا في توقيت فتح الصمامات و ما الى ذلك من تكنولوجيات تساوجب تغيير تكنولوجيات و قطع ميكانيكيه داخل المحرك....
و لو عليز تتأكد من كلامي بص علي مكنه لادا انجكشن و الكربراتير هتلاقيها هي هي مع طبعا اختلاف انهم شالوا الكربراتير و ووضعوا نظام الانكشن . وهي نفس نفس المكنه دون اي تغيير جزري...
ارجو اكون وضحتلك كلامي

[x_gomgom]

انا بتكلم هنا عن ال2107 و نفس الكلام النيفا فقط و لا اقصد موديل اخر (الكالينا و 2110 دا موضوع تاني و تكنزلزجي مغاير عن ما ذكرته)
ال2110 دا موضوع مغاير تماما و اسمع و الله اعلم ان المكنه مش روسي هي شراكه مع شركه اخري...
ارجو اكون افدت

[cobraa2008]

لا احنا لو هانتكلم عن المواتير ال2110 فيها نظام حقن الكتروني يتحكم فيه كمبيوتر مسئول عن دخول نسبة الهواء والوقود

اما سير الكاتينة فا ليس جنزير بل عادي ( جلد ) موش عارف تكوينه ولاكن موش جنزير علشان كده الادا تغيرت من التسعينات


وده لليضاح ليس الا ولزيادة المعلومات وللنظر الى الماكينة تم التغيييييييير تمام حيث الماكينة اصبحت توضع بالعرض وليس بالطول زي زماااااااااااااااااااااااااااااااااان




وشكرا

[cobraa2008]

وعلى العموم تغيييييييييير الزيت بيفرق كتييييييييير في اداء العربية


على العموم انا دلوقتي تقريبا داخل على 10000 وانا حاطط زيت موبيل 1 ابو خمسة الاف كيلو

وده مأثر عندي على الحرارة في الظهر فقط

[x_gomgom]

انا كان كل كلامي عن الادا 2107 و النيفا و هم بالففعل لم يطلهم التطوير حتي الان و اتمني ذلك في القريب العاجل...
انا بصراحه معنديش معلومات كافيه عن ال 2110 بس انا شفت الموتور بتاعها هو مختلف جذريا عن مواتير 2107 و النيفا من حيث جميع النواحي( التحكم الالكتروني في الموتور control unit- و طبعا السير الجنزير دا اتلغي فيها - بلوف التكيهات و نظام valve timming مختلف نهائيا)
انا شايف ان شركه لادا بتحاول تتطور من نفسها....
بس ارجه بخصوص موضوع الزيت و اكرر ان التخليقي زيت غير مناسب لموتور الادا 2107 و يستحسن استخدام زيت معدني...
ارجو اكون افدت

[x_gomgom]

سؤال بس انا علي حد علمي ان الادا ال 2110 اول موديل كان 2006؟؟؟ و مفيش موديل تسعينات خالص كما ذكرت عنها سابقاً..
برجاء الافاده

[x_gomgom]

بس الحقيقه ان الادا و للاسف الشديد بخصوص الموديلات القديمه الي الان عيوبها زي ما هيا و لم تتغير و لسه التطوير الشامل لم يطولها(بيض الدركسيون - مشاكل الفتيس و الدسك و السطوانه- و العيب اللي بجد مطلع عيني اليومين دول الكرونه الغربيه داخله علي 190,000 نيفا 93 ).....

[cobraa2008]

اول موديل ليها تقريبا كان 2004 او 2002 وهي تعتبر التطور الطبيعي للجاجة الساقعة قصدي السمارة
وعلى العموم بعض المشاكل اليي انت بتقول عليها برده ما تحلتش
انا على 17 الف غيرت طقم دبرياج كااااااااااااااااااااااااامل

ومشاكل الحرارة قرفاني
بس بصورة عامة العربية تحفة من جميع المقايس

[x_gomgom]

ربنا يباركلك فيها و يكفيك شرها....
و شكراً للافاده

[Truman]

أول موديل من 2110 ظهر فى روسيا سنة 1996 و 2111 الإستيشن ظهرت 1998 و 2112 الهاتش ظهرت 2001

معلومات منقولة من http://en.wikipedia.org/wiki/VAZ

عسى أكون أفدت

[x_gomgom]

شكرا علي المعلومه

[asdy97]

أقترع صديق لى استبدال مروحة الردياتير باخرى تركب مباشر على الموتور علشان تعمل تبريد طول الوقت
انا جربت و النتيجة مش بطالة و كمان حافظ على البطارية احسن
نفس الصديق اقترح تعديل مجرى مياة التبريد و الغاء وصلة رجوع المياة السخنة للموتور مرة اخرى
اية رايكم

السلام عليكم
العربية اللادا على اد مهى عربية متعبة بس انا بحبها جدا شخصيا انا اتعلمت عليها السواقه و كانت 2105 موديل 95 روسي
العربية كانت زيرو و كانت بتاعت ولدى
اقلكم شيء اللادا متلعبش في كهربتها خالص و هى تكون زي الساعه مشكله الحرارة ظهرت في اول سنه للعربية معنا و كان حلها اننا شلنا ترموستات الكوع بتعها خالص و جبنا كوع فاضي في منه مصري و في منه تركى و سدناه بعصاية مكنسة
و من وقتها و العربية حرارتها مظبوطة زي الساعه و العربية بعناها سنه 2002 منغير اي مشاكل حرارة و كانت بالماية الخضرا اللي جية بيها من بلدها
بالنسبة للزيت فكان والدى في الصيف يحطلها موبل العلبة الفضي و في الشتا يحطلها موبل العلبة السودا او العكس بس انا معرفش الحكمه من كدا

[masrawy1441]

سلام عليكم
انا بستعمل زيت بترومين ( دا سعودى ) بصراحه مرتاح معاه جدا ومش بيسخن العربية وبيخلى صوتها كويس
بغيره كل 1500 كيلو

[khaledazizeg]

انا معايا لادا كالينا والعربية مطلعة عين الى جابونى وكل اما امشى بيها فىالصيف مع التكيف لازم درجة الحرارة تعلى لغاية الاحمر والمياه كمان تعمل انفجار وتترمى برا الرادياتير لغاية اما اتخنقت منها وبقيت علطول راكنها

[Truman]

انا معايا لادا كالينا والعربية مطلعة عين الى جابونى وكل اما امشى بيها فىالصيف مع التكيف لازم درجة الحرارة تعلى لغاية الاحمر والمياه كمان تعمل انفجار وتترمى برا الرادياتير لغاية اما اتخنقت منها وبقيت علطول راكنها

هو حضرتك العربية من توكيل الأمل و لا جايه من بره
لو العربية مش مواصفات الشرق الأوسط بتكون دورة التبريد فيها أصغر و بتحصل دايما المشاكل دى (اللانشيا ديدرا الشحنة اللى جات مصر فى التسعينات كانت كده)
ممطن حضرتك تروح التوكيل و هما أن شاء الله يفيدوك بس عليك أنك تكون صبور و تستحملهم علشان هما غشم شويتين!