حد امتلك زلموكه 94 ؟؟؟

[هانى القناوى]

ياريت لو حد يعرف كل تفاصيل مرسيدس e200 موديل 1994
من حيث
1 / اعطالها هل كثيره ام متوسطه ؟؟ واغلب اعطالها هايكون ايه بالظبط ؟؟
2 / استهلاكها كام للبنزين داخل المدينه وخارجها ؟وبتاخد بنزين ايه 80 ولا 90 ولا 92 ؟؟
3 / بالنسبه للتاكيف هل تكيف قوى يعنى تلج فى شهر 6 و7 وهل اعطاله كتيره وماهى ؟؟
4 / والمكنه سودا ولا بيضه وهل بتفرق ؟؟
5 / انا سمعت ان فى منها شرق اوسط وخليجى واوروبى !! اى منهم الافضل ولماذا وازاى اعرف افرقهم عن بعض
6 / الاسعار كام اليومين دول ؟؟ والعداد يفضل مايزيدشى على كام كيلو

يعنى عايز شرح واااااااافى تقرير كامل عن العربيه دى بالزات علشان ناوى اشترى واحدى

[mr mostafa]

العربية دى جميلة جدا جدا من احسن العربيات المرسيدس واستهلاكها فى البنزين زى العربيات الجديدة بالظبط ولازم يكون يا 90او 92 مش اقل من كدا ابدا والتكيف ثلاجة فريون 34 زى العربيات الجديدة بردوا وفيه منها اللى نازل بواحد ايرباج وفيه نازل باتنين وفيها abs وكراسى كهرباء وطارة كهرباء وتكيف تاتش اما المكنة فا الموديلات من اواخر 1993 و1994 و1995 دا نازل ماكينة بيضاء انجكشن زى بتاعت العيون بالظبط واحسن من الماكية السمراء اللى نزلت من اول موديل 1981 فى التمساحة حتى اول سنه 1993 فى الزلموكة وانصحك بالعربية دى بس تكون 1994 لا يعلى عليها

[mr mostafa]

السعر لو نظيفة جدا وعداد قليل 140.000

[mr mostafa]

الخليجى افضل بالنسبة للجو بتاعنا دى لان التكيف بيكون اشد طبعا وبتكون نازلة مكيفة وغلبا مفيهاش فتحة سقف وكراسى جلد لكن الاوروبى بتكون بفتحة سقف وكراسى قماش ومش مكيفة يعنى لو لقيتها من غير فتحة سقف و كراسى جلد تأكد انها خليجى وكمان فى ارقام بتكون على اللوحة اللى على الشاسية لو معاك واحد فاهم فى المرسيدس وعارف الارقام بتدل على ايه كدا يبقى انتى تمام يعنى مثلا زى الرقم 10 دى بتكون نازلة مانيوال بكن لو 12 بتكون اوتوماتيك

[هانى القناوى]

شكرا يا استاذ مصطفى على المعلومات دى
بجد بدات اطمن على العربيه دى
بس ماقواتش اعطالها هل كثيره ام متوسطه ؟؟ واغلب اعطالها هايكون ايه بالظبط ؟؟
يعنى لو هى حالتها10/8 الكابوت هايتفتح كام مره فى الشهر
طيب العداد الافضل مايعديش كام كيلو
وهل فعلا ان العمره بتاعتها بعد مليون كيلوا ولا ده تعبير مجازى
وبشكرا يا استاذ مصطفى

[هانى القناوى]

طيب ال e200 موديل 94
فيها مثبت سرعه ؟
طيب ينفع يركبلها ؟
طيب e200 موديل 95 تفرق فى ايه عن 94
ومين احسن فيهم

[MASERATI]

السلام عليكم و رحمة الله و بركاته

طاب هى أحسن و لا المرسيدس العيون ال200 مو1997-1998 الألمانى ؟؟؟

[هانى القناوى]

انا مستنى الاجابه مع الاستاذ MASERATI

[هانى القناوى]

ايه يا جماعه مافيش حد عنده معلومات يفيدنااااا
ياريت الادمن يشوف حل الناس كسلانه فى الرد ولا ايه ؟؟؟؟!!!!!!!

[mr mostafa]

الزلمكة 1994 e200 احسن من العيون واسرع منها لانها فى الوزن اخف من العيون وبالتالى التكيف هيكون احسن والتالى الناس كلها تنصح بشراء العيون لما تكون e240 وليس e200 لان 240 اقوى وبيستحمل فى العيون علشان وزنها فالزلموكة 1994احسن وبالنسبة للفرق بين 1994 و1995 لايوجد اى فارق ولزلموك بينزل فيها مثبت سرعة ولو مفيش فيها ممكن يركب بس انصحك يا اما تجبها بمثبت او لو جات من غير مثبت متربوش لانه اصلا ملوش اى لازمة على الطرق بتاعتنا دى وبالنسبة لو حالتها 8/10 ممكن متفتحش الكبوت الا كل 4 او 5 شهور كمان لان العربيات دى موفرة جدا وقطع الغيار تركب تنساها و بالنسب للماتور فعلا عمر جدا جدا جدا وكلامى صح ليه لان سعر الماتور بتاعها رخيص جدا بــ 3000 جنيه بس بالمقانة بالماكينة السوداء فى الموديلات من 1985 الى بداية عام 1993

[هانى القناوى]

شكرا يا mr mostafa على معلوماتك
تعبتك معايا

[هانى القناوى]

يعنى ادوعلى زلموكه 94 حالتا نظيفه
اصل فى عربيه كورولا 2007 معروضه 110 الف
وفى زلموكه e200 موديل 94 معروضه 115 الف
ايه رايك يا باشا تنصحنى بايه
اهم حاج انى مافتحشى الكبوت كل ماخرج يوميا صبح وليل
وتاكيف يكون شديد وتستحمل المطبات والطرق المكسره
مش مهم ان القطع الغيار غاليه بس المهم انها مش كل شهر تبوظ نفس الحاجه

[mr mostafa]

زلموكة طبعا ولا نقاش فى ذلك شرط الحالة ثم الحالة لان سعرها 135000 أو 140000 دى فى الحالات الكويسة لكن 115000 دى مش عارف هيكون نظمها ايه لان مرسيدس 1994 و1995 لهم سعر لوحدهم فى الزلموكة وبيفرقوا عن الموديلات السابقة على السنتين دوول

[هانى القناوى]

هو انا لسهه ماشوفتش العربيتين دا واحد قالى عليهم
طيب مش 95 دى بدايه العيون ؟؟
ولو حضرتك تعرف مكان ممكن ادور على الزلموكه 94 ياريت تقولى
ولو عايز اكشف على العربيه اوديها عند مين ؟؟
شكرا ليك يا باشا وتعبتك كتــــــــــــــــــــــــــــــــــر

[mr mostafa]

يا باشا ولا يهمك المهم أوائل 1995 زلموكة وبعدين فى منتصف 1995 نزلت العيون والكشف عن العربية فى التوكيل او الحرفيين اى حد من الناس اللى بتفهم هناك تشيكلك عليها وحضرتك دور على النت او لو حد معرفة