حد امتلك زلموكه 94 ؟؟؟

[هانى القناوى]

بجد مش عارف اشكرك
انت الوحيد اللى شرحتلى وفهمتنى
بجد متشكر جدااااااااا

[هانى القناوى]

طيب ادور فين ؟؟
لو تقدر تدلنى على الاماكن اللى الاقى فيها العربيه دى

[هانى القناوى]

طيب هو شكل الزلموكه 94 وامكانياتها نفس زلموكه اوائل 95 ولا فى اختلافات

[هانى القناوى]

معلشى ياباشا استحمل اسالتى الكتيره اصل مش عايز ادبس تانى كفايه المره الاولى

[mr mostafa]

يا باشا ولا يهمك مش هتدبس دى مرسيدس 94 مهما كان احسن من الجديد كله بس تكون حالة صح لكن التدبيسه الاولى كانت ايه

[هانى القناوى]

كانت بيجو 505 موديل 90
شركه بره جوه
بس المشكله فى التكيف مش حلو خاااااااااالص
دى اول عربيه جبتها على اساس انى اتعلم عليها علشان انا مابحبش العربيات الصغيره
بعد مابدات اتعلم وفهمت شويه على قدى لاقيتها مافهاشى امكانيات حلوه غير انها واسعه وثبات حلو
حتى التاكيف بيتاعها مش شغال وبعد ماصرفت عليه حوالى 500 برضوا مش حلو خاااالص
فازهقت منها

[mr mostafa]

تمام لكن فى فارق كبير بين المرسيدس والبيجو طبعا لصالح المرسيدس المهم اتوكل على الله واشترى مرسيدس 1994 شرط الحالة علشان متقولش انك اتدبست

[هانى القناوى]

انشاء الله يا باشا
بس ماقولتليش ايه ارفرق بين زلموكه 94 واللى بدايه 95 ؟؟
وادور فين ؟؟
سمعت ان فى سوق فى مدينه نصر صح ولا لا
ولو تعرف اماكن ياريت تقولى

[mr mostafa]

لا يوجد اى فرق بينهم سوى الموديل ومتجبهاش من سوق مدينة نصر اى معرض محترم يكون احسن او واحد يكون عنده فيلا فى القاهرة ومش بيستخدمها

[هانى القناوى]

طيب العداد الافضل مايزيدش على كام كيلو يا باشا ؟؟؟؟؟
بس فى حاجه مش فاهما فى العداد السرعه شورط صفرا بين 40 و60 شرط كتيره وبتقل عند عند 100 كنت عايز اعرف يعنى ايه

[mr mostafa]

العداد مابين 120الى 140 الف ولو فى اقل يبقى تمام والشرط اللى فى العداد دى بتدل على ان الاول اقصى سرعة يجاها 40مثلا او 60 والناقلة الثانية اقصى سرعة تجلها 90 مثلا وهكذا يعنى لو عند سرعة 40 شرطة صفرا واحدة يبقى دى اقصى سرعة بيجلها الناقلة الاولى وهكذا

[هانى القناوى]

شكرا يا باشا

[هانى القناوى]

بالنسبه لمؤشر الزيت ده كمان مش فاهمه يقصد ايه ب 0 1 2 3
والتنك بيشيل كام لتر بنزين

[هانى القناوى]

فى عربيات فى الباب من جوه جنب الاكره فى 2 زرار دول علشان ايه وفى عربيات مافهمشى الزرارين دول ؟؟

[mr mostafa]

يا باشا العفو لا شكر على واجب التنك بيأخذ 60 لتر بنزين وبالنسبة لمؤشر الزيت لو نزل عن الثلاثة تبقى عايزة تغير زيت اما لو تت الاثنين بقى يبقى يا عايزة تظبط يا الماكينة بايظة مفوته وبالنسبة للزراير اللى جنب اكرة الباب من جوه دى لظبط الكراسى الكهرباء والمخدع اللى فى الكرسى يعنى تحرك الكرسى لقدام او ورا او فوق وتحت والمخدع فوق وتحت والعربيات اللى مفيهاش بتكون الكراسى عادة يعنى اكرة يدوى ومش كهرباء والكهرباء احسن طبعا وبيفرق فى ثمن العربية ككماليات 5000 جنية