المشاركة الأصلية كتبت بواسطة svneleven
مشاهدة المشاركة
هتكلم عن نفسي بالنسبه لل ٥٠٨
من ساعة ما جبتها و بحط ٩٢ و المفروض انها كانت الاول لازم ٩٥ و ده الموصي به بعدين الدفعات الجديده اتعدلت رسمي بجواب من فرنسا انها تشتغل ٩٢ بدون مشاكل يعني انا كده ماشي في السليم
و حاليا فيه ناس اعرفهم وصلوا بيها بال ٩٢ ل ٨٠ الف كم و مفيش الهوا
انا عشان سواقتي في طرق زحمه مميته كانت ملحوظتي انها مش سلسه في الطلعه على السلانسيه بنعومة الهوندا مثلا و خصوصا ان الفتيس ٦ نقلات و ساعات لما بتبقى شبه واقفه يعني يدوب العجل بيتحرك بتطلع على التاني
قلت اجرب و احط ٩٥
الملاحظات
الموتور صوته اوطى و بقى انعم و بقت في الزحمه انعم من الياباني مش هنجيب سيرة السحب اكيد المسئله تبقى محسومه
تفتكر بعد التجربه دي نقول على ال ٩٥ موصي به و لا ممكن نقول الزامي بس لا ضرر من ال ٩٢
و بعدين الشعب المصري طبعه غريب
يجيب عربيه فوق ال ٤٠٠ الف و يبقى حريص على وجود كل الكماليات اللي مش اساسيه و ملهاش دعوه بالسواقه و مش هاين عليه ٥ الاف او ٦ الاف جنيه في السنه يعني بتمن الموبيل اللي بيتغير سنويا فرق تمن البنزين ال ٩٥ مقابل ال ٩٢ مع انه لو جاب الفئه الاقل مثلا و وفرله ٥٠ الف دول يغطوا معاه فرق التكلفه في ١٠ سنين او حتى يجيب كل الكماليات و برضه يحط ٩٥ و في المقابل هياخد نعومه و اداء قوي و ده السبب الاساسي اللي بيخليه يجيب عربيه فخمه مش الكماليات الاضافيه و الا كان اكتفى بالسيراتو هاي لاين و حط لها ٩٢ و وفر فلوسه اصلا
تحياتي لحضرتك


Comment