نداء الى الاستاذ مصطفى

[lonedoctor]

ياريت يا استاذ مصطفى تحكى لنا تجربتك الشخصية فى صيانة 10000 كيلو وانطباعك عن السيارة بعد الصيانة
وهل ضبطوا لك التاكيهات؟
وهل غيروا شئ فى فتحة سن البوجيهات؟
بالتوفيق دائما
تقبل تحياتى

[ehabpopo]

متابع

[mostafa123]

أخى العزيز والفاضل lonedoctor
السلام عليكم ورحمة الله وبركاته
بص يا سيدى الفاضل:

"كان فيه واحد دخل على واحد صاحبه فى الشغل فلقى خده أحمر قام سأله إيه اللى حصل؟؟.. قال له أنا كنت باكوى الهدوم والتليفون ضرب وبدل ما أحط السماعة على ودنى حطيت المكوة.. وهو بيدور شاف خده التانى لقاه برضه أحمر.. قال له.. الله !! وطيب والخد التانى إيه اللى خلاه احمر هو كمان؟؟ قال له أصل التليفون ضرب تانى"

انا بقى حصل لى نفس الموضوع... التليفون ضرب مرتين وحطيت المكوة على وشى مرتين.. أول مرة يوم ما رحت مركز صيانة القطامية يوم 4 اكتوبر 2010 وتانى مرة كانت بالأمس...

هى هى نفس العلقة.. لا قلم زاد ولا قلم نقص.. نفس الاقلام ونفس الشناكل ونفس الشلاليت...

أعتقد كده إنت أخدت فكرة عن اللى اتعمل فيا إمبارح...

تقبلوا تحياتى جميعا..

والسلام عليكم

[lonedoctor]

اخى الكريم حياك الله
لا استطيع ان اجد ما اقوله صراحة
اسال الله عز وجل ان يفرج همك
ودائما وابدا العجز والكيس بقدر
فاستعن بالله ولا تياس
الامر متروك للاستاذ عماد والاخت الفاضلة داليا لمعرفة مشكلة الاستاذ مصطفى ومساعدته قدر الامكان وانا على ثقة من ان الامر بسيط ان شاء الله
تقبل تحياتى

[kokyjoon]

سلام عليكم

كيف حالك أستاذ مصطفى

لازم تحكيلنا إيه اللى حصل علشان الزملاء فى المنتدى
يعرفو ونقدر نقف معاك لو فى مشكلة كبيرة

[mostafa123]

سلام عليكم

كيف حالك أستاذ مصطفى

لازم تحكيلنا إيه اللى حصل علشان الزملاء فى المنتدى
يعرفو ونقدر نقف معاك لو فى مشكلة كبيرة

بص يا أخى الفاضل..
أنا لما حكيت قبل كده عن اللى حصل فى القطامية اللواء حسن سليمان والأستاذ عماد حبيب قالوا لى أسلوبك حلو وليه ما بتكتبش قصص والكلام ده.. وأنا كنت كتبته فعلا بأسلوب معين علشان الرسالة توصل بوضوح وبوقع معين ويكون لها صدى معين.. واللى كتبته يومها كان يندرج رقابيا تحت عنوان مصرح لجميع الأعمار والمشاهدة (عفوا القراءة) العائلية..

لو كتبت حاجة المرة دى فاللى هكتبه ما ينفعش غير إن يسبقه الجملة الشهيرة "للكبار فقط" أو "+18" أو "لا يصرح بقراءة المقال إلا فى وجود رقابة عائلية"..

فوالله أنا ما كنت ناوى أكتب ولا ناوى أحكى إلا لما إنطلب منى على الخاص وعلى العام إن أقول اللى حصل فى المركز...

فلو سمحتم.. أنا لو اتكلمت مش هيبقى عندى حدود فى الكلام وأنا متأكد إنى هاخد بان من أول سطر هكتبه..

أما بقى نقول للأنسة داليا والأستاذ عماد فهم وبعد إذنكم عارفين كل حاجة من شهور ومش من إمبارح بس .. فالكلام لا ولن يفيد..فإيه اللى حصل يعنى قبل كده علشان يحصل حاجة المرة دى؟؟

فيه حاجة واحدة أخيرة بس هقولها فى الموضوع.. ياريت نقاشاتنا فى هذا المنتدى تنحصر فى المفيد بخصوص معلومات فنية .. قطع غيار .. تبادل معلومات وخبرات وخلافه.. إنما قسما بالله ... أشوف تانى أى محاولة لتجميل واقع مرير وتدليس على القراء... فده هاعتبره إستفزاز صريح وتصريح مباشر بأنى أفتح اللى حصل لى إمبارح ... فبرجاء.. أنا أعتز بصداقة جميع الإخوة هنا وأرجو أن تستمر هذه الصداقة فى إطار من الحب والود والتعاون وأنا حريص على ذلك .. ومراعاة لشعوركم أنا مش هكتب أى حاجة عن اللى حصل لى إمبارح.. وفى المقابل يا ريت تكونوا أنتم أيضا على نفس الحرص كى لا تفقدوا صداقتى اللهم إلا إذا كان رضاء الوكيل هو الأهم..

شكرا وده أخر كلام لى فى الموضوع

وهبتدى نقاش معاكم فى موضوع منفصل عن أكذوبة فتحة سن البوجيه وعلاقتها بإستهلاك البنزين فى سيارة البى واى دى على وجه الخصوص.. وهى دى نوعية المواضيع اللى هاتكلم فيها من هنا ورايح.. والكلام هيكون مبنى على دلائل وشواهد ووقائع وليس كلام مرسل وخلاص ...

شكرا لكم جميعا وأسف على إنفعالى اللى أنا مضطر ليه.. بس لازم الرسالة توصل للكل بمنتهى الوضوح إن الشفافية لابد أن تكون وستكون إن شاء الله تعالى هى السمة المميزة لهذا المنتدى..

والسلام عليكم ورحمة الله وبركاته

[gad_fcis]

معلش يا أستاذ مصطفى أنا مقدر اللي حضرتك حاسس به بس رجاء شخصي مني إكتب اللي حصل بحذافيره من غير متغلت في حد ولا حد يجيب اللوم عليك
أنا بطلب من حضرتك الطلب دة لأني واحد من الناس اللي هيشتري العربية و إحتمال كبير احجز بكرا و أنا في المعرض فممكن الكلام إلي حضرتك تكتبه دة يغير وجهة نظري في الشراء و أكيد وجهت نظر ناس تانية كتير و خصوصاً بعد ما سعر العربية زاد 67000 جنيه


أنا أسف اني بضغط عليك بس صدقني إنت ممكن بكلامك اللي هتكتبه هتحدد مصير شراء العربية لكثير من الناس

[Emad Habib]

بنطلبك على الموبايل يا دكتور من 25 دقيقه متواصل ولا ترد لغل المانع خير؟

[ehabpopo]

انا أوأيد كلام الاستاذ / gad_fcis وليس من باب الضغط على حضرتك والله .. لانك فى الاول وفى الاخر صديق وانت حر فى ان تخبرنا او لا تخبرنا ... ولاكن احنا كمان نعتز بصداقة حضرتك ومش عايزين نفقد صداقة اى زميل هنا فى هذا القسم وبصفتى ها ستلم سيارتى اليوم .. فمن حقنا عليك بما اننا جميعا اصدقاء ان تحكى ما حصل حتى اعلم ويعلم الجميع مع من نتعامل بالظبط ... وكمان زى ما بنشكرهم ونعطيهم حقهم فى المواقف الجيدة يجب ان نعطيهم حقهم ايضا فى المواقف السيئة ...
وماتكتبش اى شىء مماحصل الا وانت هادىء .. وكن متيقن ان ماتكتبة هو فائدة لنا جميعا قبل اى احد ..
نحن نعتز بصداقتك جدا يا دكتور .. حتى ولو ماكتبتش شىء

[mostafa123]

معلش يا أستاذ مصطفى أنا مقدر اللي حضرتك حاسس به بس رجاء شخصي مني إكتب اللي حصل بحذافيره من غير متغلت في حد ولا حد يجيب اللوم عليك
أنا بطلب من حضرتك الطلب دة لأني واحد من الناس اللي هيشتري العربية و إحتمال كبير احجز بكرا و أنا في المعرض فممكن الكلام إلي حضرتك تكتبه دة يغير وجهة نظري في الشراء و أكيد وجهت نظر ناس تانية كتير و خصوصاً بعد ما سعر العربية زاد 67000 جنيه


أنا أسف اني بضغط عليك بس صدقني إنت ممكن بكلامك اللي هتكتبه هتحدد مصير شراء العربية لكثير من الناس

لعن الله قوما ضاع الحق بينهم..

مهما كان غضبى من معاملة صغار العاملين فده لا ينفى أبدا أن العربية فى المجمل ممتازة ولكن لابد أن تدرك إن هناك شئ مش مظبوط فى مركز صيانة القطامية بعكس مركز إسكندرية..

مما يزيد الغضب إن المركز لا يجيد أو بالأصح بيفشل فى التعامل مع المشاكل الصغيرة فى السيارة وتظل بدون حل.. ماذا سيحدث لو تعرضنا لمشاكل جسيمة كالماركات الأخرى؟؟

الخلاصة: العربية جوهرة فى إيد جواهرجى بس للأسف لابس جوانتى فحام فبيضيع بريقها .. الجوانتى ده هو مركز الصيانة والعاملين فيه...

ومع ذلك أستخر الله فى شراء السيارة مهما كانت ماركتها حتى لو مرسيدس.. فلعل الله يجعل لك الخير فى سيات أو 128 وكل الشر فى مرسيدس أو bmw

[mostafa123]

بنطلبك على الموبايل يا دكتور من 25 دقيقه متواصل ولا ترد لغل المانع خير؟

شكرا للأستاذ عماد
أنا أسف لإنى كنت فى صلاة الظهر والتليفون فى المكتب وقد قمت بالإتصال به ...
أسف على الإنفعال فى التليفون وهو معاه تفاصيل اللى حصل طبعا بعد ما أصر يعرف ماذا حدث..
والسلام عليكم

[memos]

استاذى العزيز مصطفي انا لا اعرف وجه انزعاجك من مركز الصيانه بهذا الوضع وايه هي الاسباب التى تجعلهم يعاملونك بسوء انا كنت هناك من 4 ايام عشان نفس الاسباب وقابلت الانسه داليا ووصت عليا الناس وقلتلهم كل الي عندي من ظبط التاكيهات والبوجيهات والمروحه صوتها عالي وحاجات تانيه وفعلا انا شفتهم بيفكوا وش التاكيهات واكيد قاسوها لانهم قالولي انها مضبوطه وربطولي المروحه كانت مفكوكه وكان التربيتو بتاع العربيه واقع عملهولي والمقابله كانت جميله بود لا معامله سيئه ولا حاجه ارجو ان تذكر الامر الذي حدث معاك لان الامر محير لك تحياتي

[bassem.naguib]

معلش يا أستاذ مصطفى أنا مقدر اللي حضرتك حاسس به بس رجاء شخصي مني إكتب اللي حصل بحذافيره من غير متغلت في حد ولا حد يجيب اللوم عليك
أنا بطلب من حضرتك الطلب دة لأني واحد من الناس اللي هيشتري العربية و إحتمال كبير احجز بكرا و أنا في المعرض فممكن الكلام إلي حضرتك تكتبه دة يغير وجهة نظري في الشراء و أكيد وجهت نظر ناس تانية كتير و خصوصاً بعد ما سعر العربية زاد 67000 جنيه


أنا أسف اني بضغط عليك بس صدقني إنت ممكن بكلامك اللي هتكتبه هتحدد مصير شراء العربية لكثير من الناس

انا أوأيد كلام الاستاذ / gad_fcis وليس من باب الضغط على حضرتك والله .. لانك فى الاول وفى الاخر صديق وانت حر فى ان تخبرنا او لا تخبرنا ... ولاكن احنا كمان نعتز بصداقة حضرتك ومش عايزين نفقد صداقة اى زميل هنا فى هذا القسم وبصفتى ها ستلم سيارتى اليوم .. فمن حقنا عليك بما اننا جميعا اصدقاء ان تحكى ما حصل حتى اعلم ويعلم الجميع مع من نتعامل بالظبط ... وكمان زى ما بنشكرهم ونعطيهم حقهم فى المواقف الجيدة يجب ان نعطيهم حقهم ايضا فى المواقف السيئة ...
وماتكتبش اى شىء مماحصل الا وانت هادىء .. وكن متيقن ان ماتكتبة هو فائدة لنا جميعا قبل اى احد ..
نحن نعتز بصداقتك جدا يا دكتور .. حتى ولو ماكتبتش شىء

+111111

لعن الله قوما ضاع الحق بينهم..

مهما كان غضبى من معاملة صغار العاملين فده لا ينفى أبدا أن العربية فى المجمل ممتازة ولكن لابد أن تدرك إن هناك شئ مش مظبوط فى مركز صيانة القطامية بعكس مركز إسكندرية..

مما يزيد الغضب إن المركز لا يجيد أو بالأصح بيفشل فى التعامل مع المشاكل الصغيرة فى السيارة وتظل بدون حل.. ماذا سيحدث لو تعرضنا لمشاكل جسيمة كالماركات الأخرى؟؟

الخلاصة: العربية جوهرة فى إيد جواهرجى بس للأسف لابس جوانتى فحام فبيضيع بريقها .. الجوانتى ده هو مركز الصيانة والعاملين فيه...

ومع ذلك أستخر الله فى شراء السيارة مهما كانت ماركتها حتى لو مرسيدس.. فلعل الله يجعل لك الخير فى سيات أو 128 وكل الشر فى مرسيدس أو bmw

استاذى العزيز مصطفي انا لا اعرف وجه انزعاجك من مركز الصيانه بهذا الوضع وايه هي الاسباب التى تجعلهم يعاملونك بسوء انا كنت هناك من 4 ايام عشان نفس الاسباب وقابلت الانسه داليا ووصت عليا الناس وقلتلهم كل الي عندي من ظبط التاكيهات والبوجيهات والمروحه صوتها عالي وحاجات تانيه وفعلا انا شفتهم بيفكوا وش التاكيهات واكيد قاسوها لانهم قالولي انها مضبوطه وربطولي المروحه كانت مفكوكه وكان التربيتو بتاع العربيه واقع عملهولي والمقابله كانت جميله بود لا معامله سيئه ولا حاجه ارجو ان تذكر الامر الذي حدث معاك لان الامر محير لك تحياتي

ما هو المشكلة مش في المقابلة ولا المعاملة .. المشكلة في أن اللي أنا طالبه يخلص ويتعمل .. المهم يا أيمن العربية عاملة معاك أيه بعد الصيانة .

[lonedoctor]

استاذى العزيز مصطفي انا لا اعرف وجه انزعاجك من مركز الصيانه بهذا الوضع وايه هي الاسباب التى تجعلهم يعاملونك بسوء انا كنت هناك من 4 ايام عشان نفس الاسباب وقابلت الانسه داليا ووصت عليا الناس وقلتلهم كل الي عندي من ظبط التاكيهات والبوجيهات والمروحه صوتها عالي وحاجات تانيه وفعلا انا شفتهم بيفكوا وش التاكيهات واكيد قاسوها لانهم قالولي انها مضبوطه وربطولي المروحه كانت مفكوكه وكان التربيتو بتاع العربيه واقع عملهولي والمقابله كانت جميله بود لا معامله سيئه ولا حاجه ارجو ان تذكر الامر الذي حدث معاك لان الامر محير لك تحياتي

والله انا قلت نفس الكلام من قبل
الاشياء اللى انا طلبتها الحمد لله كلها اتعملت وفى وقت بسيط وان كان لى بعض التعليقات على اسلوب المعاملة او المظهر العام بس دى اشياء ليست عيوب جوهرية اطلاقا والتوكيل كل يوم الحمد لله فى تطور مستمر والحمد لله
انا حاسس يا استاذ مصطفى ان فى واحد باصص لك فى سيارتك او مديك عين محترمة علشان يكرهك فيها
ياريت تقرا المعوذتين كده بنية ان ربنا يذهب عنك الشر ده
وان شاء الله الاستاذ عماد يحل لك المشكلة وبسيطة ان شاء الله
تقبل تحياتى

[lonedoctor]

بالمناسبة يا استاذ memos ايه هو التريبتو ده؟