نداء الى الاستاذ مصطفى

[mohamed9999]

بالمناسبة يا استاذ memos ايه هو التريبتو ده؟

????????

[bassem.naguib]

بالمناسبة يا استاذ memos ايه هو التريبتو ده؟

????????

التوربيتو ده هو الجزء البلاستيك اللي بيبقى تحت المساحات .. بمعنى اخر الحته البلاستيك اللي بتبقى متثبت عندها المساحات .

[mostafa123]

الإخوة الأفاضل
إحتراما لرغباتكم وحتى لا يظن البعض إنى متحامل على الشركة سأقص لكم ما حدث بإختصار شديد وسأتجاهل تفاصيل كثيرة دون تعليق منى وحتى دون أن أضع علامة تعجب أو إستفهام.. سأترك لكم الحكم كما حكم الأستاذ عماد بنفسه...

ذهبت وفى جعبتى ملاحظة واحدة فقط.. تخيلوا .. ملاحظة واحدة فقط.. ألا وهى الكشف على نظام التعليق الخلفى
بسبب هبوط السيارة بشدة عندما يركب معى حتى ولو فردين بالكنبة الخلفية.. واحد إبن حلال من اللى واقفين شاف شبورة ونقط ماء داخل الفانوس الخلفى شمال وسألنى إيه ده.. الحقيقة أستغربت جدا من نقط الماء التى بداخل الفانوس وما سببها .. وعليه كان أمر الشغل فيه ملاحظتين فقط .. الكشف على التعليق الخلفى وفحص الفانوس.. بالإضافة لتغيير الزيت والفلتر...

دخلت السيارة مباشرة على تغيير الزيت وتبادلت أنا والفنى الإشارات والتحيات وانا اعلى فى الصالة.. بعدما انتهى من تغيير الزيت وتربيط العفشة ذهبت السيارة للكهربائى لفحص الفانوس.. العربية قعدت أكثر من ساعة من غير ما حد يقرب منها وأنا فوقها بالظبط وأدام عينى.. بعد ساعة .. واحد بن حلال من جوة أخد السيارة وطلع بيها من غير ما يتعمل فيها اى شئ بتاتا غير تغيير الزيت وتربيط العفشة..
اللى خرج بالعربية قال لى أتفضل حاسب الأول وجرب ولو فى حاجة أبقى تعالى .. أنا عارف إن العربية ماتعملش فيها أى حاجة بس مرضيتش أعمل زى المرة اللى فاتت لما رفضت إنى أدفع قبل كل ما اللى فى العربية يخلص .. أنا دفعت لسبب هتعرفوه بعدين... بعد ما دفعت ندهت للمهندس وقلت له بعد إذن حضرتك.. أنا جاى بملاحظتين .. إذا كانت الملاحظة الظاهرة منهم لم يتم بشأنها أى شئ ونقط الماء زى ماهى والشبورة داخل الفانوس زى ماهى يبقى أكيد اللى مش ظاهرة ماتعملتش برضه ده غير إنى من فوق متابع العربية ولم أجلس ثانية واحدة ولم أغفل عنها ولو للحظة.. المهندس شاف الفانوس ولقى فعلا اللى باقوله صح .. قال لى أنا أسف هدخل لك العربية تانى.. قلت له أتفضل.. طلعت فوق فى الصالة ومسكت الساعة ومرت 30 دقيقة بالتمام والكمال وكنت قلت مع نفسى لو الوقت ده عدى من غير ما يتعمل فيها حاجة يبقى اقول لهم خلاص مش عايز حاجة وطلعوا لى العربية.. عظيم؟.. بعد نص ساعة نزلت لرجل الأمن على باب العنبر وقلت له لو سمحت العربية اللى هناك دى أنا بالفعل حاسبت عليها ومن فضلك طلعها لى برة وده السبب اللى خلانى أدفع فى الأول.. قال فين تصريح الخروج.. قلت له الأخ ده اخده منى .. قعد يدور عليه لحد ما أتاكد إن الوصل فعلا موجود.. بعد كده الأخ اللى كان خد من الوصل أول مرة دخل ياخد العربية.. لحد هنا وأنا غيظى محدود ومكتوم.. الأخ سأل واحد إسمه صبحى قال له .. العربية دى خلاص خلصت؟؟ قال أيوة خلصت... ما رأيكم فى الصدق المهنى والأحترافى لصبحى باشا؟
وخرجت السيارة بعد ماقعدت نص ساعة كمان بدون أن يمد احد إيده فيها والفانوس زى ماهو بالشبورة ونقط الماء اللى فيه ..

المحصلة فى تلك الزيارة..

أنا دفعت 82,5 جنيه مقابل الآتى:
50 جنيه صيانة
25 فلتر
7,5 ضريبة مبيعات..

إيه اللى تم من ناحية المصنعية فى الزيارة؟؟

تغيير زيت والفلتر وتربيط عفشة..

الملاحظة الاولى: لا شئ
الملاحظة الثانية: لاشئ

لستة الكشف الدورى على العربية اللى المركز نفسه كاتبها اول ما تدخل على إيدك اليمين..لا شئ غير تربيط العفشة وتنظيف فلتر الهواء واللى عمل ده هو اللى غير الزيت..

يعنى بإختصار.. صيانة العشر الآف أنا رحتها علشان أدفع مصنعية تغيير زيت وفلتر ب 57,5 جنيه.. ومفيش حاجة اتعملت فى العربية سواء إذا كانت ملاحظة أنا كاتبها او كانت صيانة دورية اللهم إلا تنظيف الفلتر وتربيط العفشة.. وكمان أخدت يوم أجازة من الشغل علشان أغير زيت وفلتر ب 57,5 جنيه فى 3 ساعات بدل ما أغيره بخمسه جنيه فى خمس دقائق..

ده كان من الناحية الفنية

أخيرا .. أشكر المهندس إيميل على إطراب سماعنا بألفاظ رقراقة وجميلة لما شاف صبى طلع من الهانجر وقال له "إيه اللى طلع لك من تحت يا معر......" كان هذا نموذج بسيط لما طربت به اسماعنا فى الزيارة

لكم الحكم..

والسلام عليكم

[lonedoctor]

واضح انهم غيروا ليك الزيت اللى اخذته معاك ولم يستخدموا زيت من عندهم تمام؟
انا شايف يا استاذ مصطفى انك سريع الغضب ولما بتلاقى الامور موش زى مانت عايز بتزهق بسرعة معلش سامحنى فى التعليق ده ومتزعلش منى
انا لو مكانك وخاصة انى جاى من مسافة كبيرة وواخد يوم اجازة من الشغل يبقى لازم ما ارجعش الا بالشئ اللى انا عايزه حتى ولو جلست 10 ساعات
كان لازم تطلب مقابلة مدير المركز الامهندس حسن صفوت وتشتكى له واظن انه كان هيساعدك ان شاء الله
عندك ارقام تليفونات الانسة داليا متعلقة على اول باب وان داخل على اليمين كنت اتصلت بيها فورا وحكيت لها اللى حصل وهى ممكن تبلغ صاحب الشركة فورا ولو موجود وقت ما كنت هناك اكيد كانت هترتبك لك مقابلته
السلوك العام للناس فى المركز انا عارف انه موش مريح وانا علقت على الكلام ده فى مشاركتى بخصوص صيانة الالف واظن انه ده ثقافة طاغية على الناس فى القاهرة بشكل عام فى كل مكان تروحه موش فى التوكيل بس والموضوع ده انا انتبهت له الحقيقة لما نزلت اسكندرية يوم فى اجازتى قبل عودتى للسعودية لزيارتى ناس اقاربى هناك بصراحة لقيت اهل اسكندرية ناس محترمين جدا فى التعامل واسلوب الكلام ومساعدتهم للغريب لانى كان العنوان صعب على شوية وانا مااعرفش حاجة فى اسكندرية خالص وده فكرنى بالقاهرة من 15 سنة فاتوا
انا عندى اقتراح انك احسن خد موعد فى مركز اسكندرية للصيانة ومعلش اعتبره يوم فسحة وتوكل على الله وظبط سيارتك هناك وموش هترجع الا مرضى ان شاء الله
لك منى ارق تحياتى

[bassem.naguib]

الأخ العزيز / مصطفى .. أحب أوضح لحضرتك أنك بالنسبة ليا شخصية محترمة .. ده أولاً .

ثانياً .. من حق حضرتك فعلاً تنفعل على اللي حصل معاك أن العربية تخش زي ما تخرج وفيها نفس الملاحظات من غير ما تتعمل .. بس أنا اللي كنت متوقعه أنك تثير في التوكيل موضوع استهلاك البنزين أو ارتفاع صوت المحرك بعد عدد معين للفات المحرك .. ومحصلش أي استجابه .

ثالثاً : بالنسبة للاقتباس اللي واخده من كلام حضرتك ليا ملاحظات عليها أرجو أن تتقبلها بصدر رحب :

فيه حاجة واحدة أخيرة بس هقولها فى الموضوع.. ياريت نقاشاتنا فى هذا المنتدى تنحصر فى المفيد بخصوص معلومات فنية .. قطع غيار .. تبادل معلومات وخبرات وخلافه
حضرتك شايف أنه بيحصل حاجة غير كدة !! بدليل المقابلة اللي اتعملت وتم فيها نقاش حول السيارة وفنياتها .. واللي لولا المنتدى مكنش تمت هذه المقابلة ولا الناس دي عرفت بعضها .
.. إنما قسما بالله ... أشوف تانى أى محاولة لتجميل واقع مرير وتدليس على القراء
حضرتك تقصد مين بالظبط في الجملة دي .. أنا عن نفسي أحسب جميع الأعضاء الذين ليس لهم صلة بالتوكيل (والناس اللي ليها صلة بالتوكيل معروفة بالاسم وليسوا مستترين) بيوصلوا الصورة الحقيقية عن السيارة وعن أداء التوكيل بدون أي تجميل ولا رتوش .
... فده هاعتبره إستفزاز صريح وتصريح مباشر بأنى أفتح اللى حصل لى إمبارح ...
من غير تهديد .. من المفترض أن حضرتك تقول اللي حصل معاك لتوضيح الصورة أمام الجميع .. حتى لا ينخدع أحد .. وحضرتك وضحت بصورة صحيحة أن السيارة حلوة ولكنها في أيد جواهرجي يبخث قيمتها .
فبرجاء.. أنا أعتز بصداقة جميع الإخوة هنا وأرجو أن تستمر هذه الصداقة فى إطار من الحب والود والتعاون وأنا حريص على ذلك .. ومراعاة لشعوركم أنا مش هكتب أى حاجة عن اللى حصل لى إمبارح.. وفى المقابل يا ريت تكونوا أنتم أيضا على نفس الحرص كى لا تفقدوا صداقتى اللهم إلا إذا كان رضاء الوكيل هو الأهم..
زي ما وضح إيهاب .. أننا جميعاً نعتز بصداقتنا ببعض ومن ضمنهم حضرتك طبعاً .. فالعلاقات الطيبة بين البشر أقوى من أي شيء .

وهبتدى نقاش معاكم فى موضوع منفصل عن أكذوبة فتحة سن البوجيه وعلاقتها بإستهلاك البنزين فى سيارة البى واى دى على وجه الخصوص.. وهى دى نوعية المواضيع اللى هاتكلم فيها من هنا ورايح.. والكلام هيكون مبنى على دلائل وشواهد ووقائع وليس كلام مرسل وخلاص ...
في انتظار الموضوع

شكرا لكم جميعا وأسف على إنفعالى اللى أنا مضطر ليه.. بس لازم الرسالة توصل للكل بمنتهى الوضوح إن الشفافية لابد أن تكون وستكون إن شاء الله تعالى هى السمة المميزة لهذا المنتدى..
الشفافية مهمة طبعاً .. بس الأهم منها أنك متعصبش نفسك .. لأن مفيش حاجة مستهلة .
والسلام عليكم ورحمة الله وبركاته

وعليكم السلام ورحمة الله وبركاته .

[bassem.naguib]

واضح انهم غيروا ليك الزيت اللى اخذته معاك ولم يستخدموا زيت من عندهم تمام؟
انا شايف يا استاذ مصطفى انك سريع الغضب ولما بتلاقى الامور موش زى مانت عايز بتزهق بسرعة معلش سامحنى فى التعليق ده ومتزعلش منى
انا لو مكانك وخاصة انى جاى من مسافة كبيرة وواخد يوم اجازة من الشغل يبقى لازم ما ارجعش الا بالشئ اللى انا عايزه حتى ولو جلست 10 ساعات
كان لازم تطلب مقابلة مدير المركز الامهندس حسن صفوت وتشتكى له واظن انه كان هيساعدك ان شاء الله
عندك ارقام تليفونات الانسة داليا متعلقة على اول باب وان داخل على اليمين كنت اتصلت بيها فورا وحكيت لها اللى حصل وهى ممكن تبلغ صاحب الشركة فورا ولو موجود وقت ما كنت هناك اكيد كانت هترتبك لك مقابلته

+1

السلوك العام للناس فى المركز انا عارف انه موش مريح وانا علقت على الكلام ده فى مشاركتى بخصوص صيانة الالف واظن انه ده ثقافة طاغية على الناس فى القاهرة بشكل عام فى كل مكان تروحه موش فى التوكيل بس والموضوع ده انا انتبهت له الحقيقة لما نزلت اسكندرية يوم فى اجازتى قبل عودتى للسعودية لزيارتى ناس اقاربى هناك بصراحة لقيت اهل اسكندرية ناس محترمين جدا فى التعامل واسلوب الكلام ومساعدتهم للغريب لانى كان العنوان صعب على شوية وانا مااعرفش حاجة فى اسكندرية خالص وده فكرنى بالقاهرة من 15 سنة فاتوا
متقلبش المواجع يادكتور .. فعلاً السلوكيات بقت حاجة زفت
انا عندى اقتراح انك احسن خد موعد فى مركز اسكندرية للصيانة ومعلش اعتبره يوم فسحة وتوكل على الله وظبط سيارتك هناك وموش هترجع الا مرضى ان شاء الله
لك منى ارق تحياتى
رغم اتفاقي مع كلام حضرتك .. بس مش منطق برضه أني اسافر اسكندرية علشان أعمل صيانة !! يعني هما بتوع اسكندرية بيفهموا وبتوع مصر مبيفهموش .. وإذا كان الوضع كذلك .. يبقى من الأسهل نجيب الفنيين بتوع اسكندرية في القاهرة .. على الأقل علشان كثافة السيارة في القاهرة أكتر .. ولو أنها حتيجي على دماغ أستاذ/ محمود

[ahmed1981]

هي طبعاً حاجة تحرق الدم
لكن ليه حضرتك طالما واخد أجازة محاولتش تاخد حقك بالكامل
واضح إنهم لما بيلاقوا واحد ساكت وراضي بيكروتوا الشغل
طيب ليه سمحتلهم بكده
من وجهة نظري إن الإيجابية إنك تجيب اخرهم بالذوق
لو مفيش فايدة تروح لمديرهم
لو مفيش فايدة ممكن شكوى لحماية المستهلك عشان يفوقوا شوية

وبرضه الشرح التفصيلي هنا في المنتدى مهم جداً لحماية إخوانك من الصورة الوردية التي ترتسم

وصدقني لو الناس رضيت ووافقت إن صيانة العشر الاف تكون غيار زيت
المرة القادمة التوكيل هيخليها كشف على الزيت فقط

أنتم من يحرك التوكيل وهذا طبيعة في فكر المستثمر المصري إلا قلة قليلة
لن يعطيك حقك وأنت ساكت
فكل ما يأخذه من سكوتك هو مكسب

[lonedoctor]

اخى الكريم استاذ زياد او استاذ باسم حياك الله
شكرا لمشاركتك الطيبة وتعليقك على كلامى وده اعتبره شرف لى من سعادتك
حقيقة كل ما كتبته من تعليقات كانت تدور فى ذهنى ولكن لم امتلك الشجاعة لذكرها حرصا على مشاعر الاستاذ مصطفى ومراعاة حالة الغضب التى يمر بها والتى اسال الله سبحانه وتعالى ان يذهب ما به من هم وغم ويفرج كربه ان شاء الله
اكيد طبعا الناس فى مركز القطامية بيفهموا فى السيارة زى بتوع اسكندرية بس انا نصحته بكدة لفارق الاسلوب والمعاملة فى فرع اسكندرية
وفعلا انا استغربت ليه ما فتحش موضوع البنزين والتاكيهات زى ما اتفقنا قبل كده واتمنى لما يهدى كده ويروق دمه يوضوح لنا السبب ان شاء الله
اعتقد انه الاستاذ عماد اتصل بيه وهيحل مشكلته ان شاء الله فى القريب العاجل
تقبلوا تحياتى

[mmmmgogommmm]

مساء الخير يا استاذ/باسم -------------------ياراجل دة انا املى فى الموضوع دة فى اللة ثم فى مركز صيانة اسكندرية سيبوهملى والنبى -----------------------بس انا قلقان من الكلام دكتور مصطفى----انا مقدر سبب ضيقة ومش بنكرة علية بس اسلوب كتابتة زرع جوايا الشك والقلق من العربية----------محتاجين توضيح وتصريح من التوكيل يشرح فية اللى حصل ----------------الاستاذ مصطفى مش هيخسر حاجة لو موضحش انما التوكيل هيخسر مصداقيتة-----احنا محتاجين رد-----------يعنى انا هدفع 67000جنية بعد المرابحة هيبقوا72000-----هل من المعقول انى اتقبل الكلام دة من غير ما اقلق واتردد وافكر اغير حجزى------اتمنى التوكيل يطمنا

[mostafa123]

الإخوة الأفاضل جميعا
السلام عليكم ورحمة الله وبركاته
زى ما قلت قبل كده أنا مش عايز أتكلم وده لإنى فعلا شبه فاقد لإعصابى ومنفعل وممكن حد يزعل منى بالإضافة إلى إنى من الصعب جدا أن أصل لحالة الغضب التى أنا عليها الآن إلا إذا كان هناك ما يوصلنى لهذه الحالة..
للاسف ردودكم كلها لم تنتبه للسبب الذى أثار غضبى فى هذه الزيارة..
والله ثم والله ثم والله وأحلف وأنا صادق فى حلفانى..
أنا مايهمنيش العربية أتعملت ولا لأ... طظ فى العربية ولاحتى تولع بجاز..
السبب الرئيسى فى غضبى هى سياسة إستحمار العميل وما قد يترتب عليها من مصائب..
يعنى إيه..؟؟؟!!!!
يعنى لما تحب تستغفل عميل أو تستحمره فده يبقى فى شئ مش ظاهر ويبقى مدارى علشان بس الشكل العام يبقى حلو..
إنما تدخل العربية تقعد ساعتين ونص من غير الملاحظة دى تتعمل ده ممكن نسميه إهمال.. إنما العميل يرجعها لك وتقعد نص ساعة جوة وتخرجها له تانى من غير ما يتعمل فيها حاجة وتكدب عليه وتقول له اتعملت رغم إنه شايف عربيته من فوق ما حدش قرب جنبها ورغم إن الملاحظة واضحة جدا ولاقاها زى ما هى فده بقى مش إسمه أهمال ..لا .. ده إسمه إستحمار للعميل...
فهمتهم يا حضرات إيه اللى مجننى؟؟
اللى مجننى إن العاملين هناك بيعاملوا العميل على إنه حمار ومش فاهم حاجة ومش واخد باله وبيشرب شاى وقهوة فوق ويسمع الفاظ قذرة ويقولوا له إدفع ويدفع وهو ساكت..ويا خد عربيته ويمشى وهو فاكر إن كله تمام.. اللى بيزيد حالة الغليان هو الإستحمار المصاحب لدفع فلوس .. يعنى إستحمار بفاتورة ..لأ وايه؟؟ عليه كمان ضريبة مبيعات.!!!!!؟؟؟؟؟!!!؟!؟!؟!؟

يا جماعة الموضوع بالنسبة لى فعلا ليس بالسهولة التى يتصورها البعض.. نفرض إن انا جديد فى السواقة ومش عارف الموتور من الفتيس وفى مصايب فى العربية وأنا لقلة خبرتى شايف إن الدنيا تمام وده بيحصل مع ناس كتير على فكرة... وبعد كده رحت صيانة العشر الاف من غير ما ابلغ على أى ملاحظة.. هل المفروض تغير له زيت وفلتر وتمشيه علشان هو ماتكلمش ولا تعمل لستة الفحص اللى انت كاتبها بنفسك يا مركز الصيانة على الباب من بره؟؟

حد بقى يقدر يجاوبنى ويقول لى لو أنا قعدت أشرب شاى وقهوة وما شفتش العربية من فوق وماكنش فى ملاحظة ظاهرة أعرف من خلالها الناس دى أشتغلت ولا لآ ودفعت ومشيت وأنا فاكر إن كل شئ تمام وصيانة العشر ألاف اتعملت كلها من الألف للياء وإن العربية أتوصلت على الكومبيوتر وهم فحصوا كل شئ ولاقوه تمام .. وبعد كده حصلت لى مصيبة بالعربية بسبب البهوات اللى مكسلين يحطوا إيديهم فى العربية ..ممكن حد يقول لى ساعتها مين المسؤول وعلى من يقع اللوم.؟؟؟.. على العميل اللى جه وضيع وقته ووضع ثقته فى مركز الصيانة وإنهم كمحترفين هيظبطوا العربية ودفع اللى قالوا له عليه؟؟ ولا على اللى خان الأمانة وإستحمر العميل وتسبب فى مصيبة.؟؟.

يا ريت أكون قدرت أوصلكم إيه اللى طير البرج اللى فاضل من نافوخى..

بعد إذنكم بقى أخد يوم ولا حاجة كده راحة من حرقة الأعصاب وارد على باقى التساؤلات..

على فكرة.. ربنا أنعم على بفكرة قلت يمكن تنفع فى التخلص من الشبورة ونقط الماء داخل الفانوس بدون فك ولا تركيب ولا الحوجة لصنايعى ماعندوش دم.. الحمد لله الفكرة نجحت وحلت المشكلة على الأقل مؤقتا لحد ما ألاقى وقت وصنايعى كويس يحل المشكلة نهائى.. ربنا ييسر أقول لكم بعدين عملت إيه..


والسلام عليكم

[sv065]

السلام عليكم ورحمة الله


في الواقع الكثير إعترض علي بسبب موضوع عمل الصيانة في الإسكندرية


وإن كان معهم كل الحق في ذلك إلا أني لا أريد ان أصل لما وصل له أ/مصطفي حين يري شقي عمره يهمل بهذا الشكل علي الرغم من أن تجربتي مع فرع القطامية كانت جيدة لحد كبير ولكننها والله علي ما أقول شهيد ربما لأنها في بداية إفتتاح المركز أي قبل الزحام الحالي الذي هو السبب الرئيسي لكثير من المشاكل المتتابعة


ولذلك سيارتي قطعت حوالي 45000 كم منها تقريبا 4500 كم سفر لعمل الصيانة أتحملها لأجل ما أجد من عناية فائقة بالعميل قبل سيارته وبدون أي مجاملة فعملاء اللادا شأنهم شأن عملاء الـ byd والكل سعيد هناك


لا أوجه نقد محدد لفرع ما فربما الظروف الغير مناسبة التي تخفي عن الكثير منها أدت لما حدث ولكن ما أتمناه في ظل الأهتمام الشديد الملحوظ الفترة الأخيرة من الوكيل تحليل السبب الذي يجعل الكثيرين يتحمل مشقة السفر كل هذه المسافة لإجراء الصيانة عن القيام بها في القاهرة؟ وليس نقل العاملين هناك للقاهرة فربما إذا ذهب العاملون بالقاهرة للإسكندرية لصار حالهم أحسن!!!! أو العكسإذا جاء عاملون الأسكندرية للقاهرة لصار حالهم سيء لا قدر الله....


عملاء شركة الأمل في إنتظار تعقيب أ/ عماد حبيب أو أي مسئول بالشركة بمنتهي الحيادية فما نحن بالنسبة لشركة الأمل إلا شركاء معهم في نجاح السيارة byd

[mmmmgogommmm]

دكتور مصطفى ///تحياتى لسيادتك---وواللة انا واعتقد جميعنا حاسين ومقدرين ومتفهمين لسبب غضبك بل واجزم لسيادتك انى شخصيا متفاعل مع حضرتك بوجدانى وخاصة وانا مقبل على الشراء وتم الحجز باالفعل-------- بس انا عاوز اقول لسيادتك احساس عندى----انا حاسس ان المشكلة فى الامبالاة الموجودة فى شخصية العامل باالاضافة الى ربما ضعف المستوى الفنى للعمالة---واعتقد ان الاستاذ/عماد وصل المشكلة لرئيس مجلس الادارة وباالمناسبة الاستاذ عماد على ما اعتقد غير مرتبط بعلا قة وظيفية باالتوكيل فى الوقت الحالى ولكنة غيور على السيارة لعلمة بامكانياتها وايضا غيور على جهد واستثمارات الشركة التى كان ينتمى اليها وظيفيا وهذا ما يدفعة لتخصيص جزء كبير من وقتة وجهدة لمساعدتنا فارجوك اهدا ودع الامر لة----ولا اخفيك سرا على الرغم من مناشدتى لك الهدوء وذلك من اجلك فقط اجدنى فى قمة الغضب والقلق والحيرة وما زلت اطالب مسؤلى التوكيل باالرد على ما حدث مع سيادتك----فلقد قررت شراء سيارة زيرو وتحمل تبعات ذلك من وضع جزء كبير من مدخراتى ثم الالتزام باقساط شهرية خصما من دخلى وذلك حتى لااجدنى مضطرا للانفعال بسبب تصرفات الصنايعية ولكن اذا كانت الامور بهذة الطريقة حتى ولو كانت افضل فى الاسكندرية فما جدوى ما كبدت نفسى من عناء---لذلك اطالب مسؤول العلاقات العامة باالشركة بالرد بشفافية تامة وتبرير ما حدث--وذلك ليس طعنا فى شهادة سيادتك ولا رجما للتوكيل ولكن حتى يتم استعادة الثقة----وتبقى نقطة اخيرة اتمنى لو اتسع صدر سيادتك لهاوهى -ارجو ان تسمح لى- انا غير مقتنع بقرار سيادتك عدم الدخول فى تفاصيل ما حدث وان كان لسيادتك مطلق الحرية فى ذلك ولكن ومن باب المراجعة اتمنى من سيادتك مراجعة قرارك هذا على ضوء ان الهدف من اجتماعنا فى هذا القسم هو لتبادل الخبرات والتجارب واساليب حل المشاكل المختلفة --واظن ان تجربة سيادتك تدخل فى هذا الاطار--مثال ذلك قول سيادتك ان هناك ما اشرت الية ليتم اصلاحة ولم يحدث مع تاكيدهم على عملة والانتهاء منة---الدرس المستفاد من هذة الخبرة التى تفضلت بنقلها الينا هو ضرورة متابعة السيارة اثناء عملية الصيانة وعدم الوثوق بكلام مجموعة الصيانة وتجربة السيارة او التاكد من ما تمت الاشارة الية من مشاكل ومدى صدقهم فى حلها وذلك قبل الخروج باالسيارة-----اذن استفدنا جميعا من خبرة سيادتك وتجربتك ولن تتكرر لاى منا نظرا اتفضلك بسردها علينا ولك الشكر منا والثواب من اللة---اتمنى الا اكون قد تجاوزت او اخطات او اسات---لكن تعترينى الحيرة واامل الا تكون قد اثرت على افكارى وان اكون قد استطعت نقل ما اريدة وافكر فية واعتقد جميعنا لسيادت واسف على الاطالة

[bassem.naguib]

اخى الكريم استاذ زياد او استاذ باسم حياك الله
باسم يا دكتور .. باسم .. مفيش زياد ده خالص .. هههههههه
شكرا لمشاركتك الطيبة وتعليقك على كلامى وده اعتبره شرف لى من سعادتك
أنا اللي ليا كامل الشرف أني بتعامل مع ناس محترمة أمثال حضرتك وأخرين كثيرين
حقيقة كل ما كتبته من تعليقات كانت تدور فى ذهنى ولكن لم امتلك الشجاعة لذكرها حرصا على مشاعر الاستاذ مصطفى ومراعاة حالة الغضب التى يمر بها
أنا كنت خايف برضه لحسن يزعل من كلامي علشان كدة كنت حريص في كل حرف بكتبه .. وأرجو لو كان زعل يتفهم ما كنت أقصده بدون إساءه ليه تماماً .
والتى اسال الله سبحانه وتعالى ان يذهب ما به من هم وغم ويفرج كربه ان شاء الله .. أمين
اكيد طبعا الناس فى مركز القطامية بيفهموا فى السيارة زى بتوع اسكندرية بس انا نصحته بكدة لفارق الاسلوب والمعاملة فى فرع اسكندرية
وفعلا انا استغربت ليه ما فتحش موضوع البنزين والتاكيهات زى ما اتفقنا قبل كده واتمنى لما يهدى كده ويروق دمه يوضوح لنا السبب ان شاء الله .. ده السبب اللي خلاني أكتب اللي كتبته
اعتقد انه الاستاذ عماد اتصل بيه وهيحل مشكلته ان شاء الله فى القريب العاجل
تقبلوا تحياتى

مساء الخير يا استاذ/باسم -------------------ياراجل دة انا املى فى الموضوع دة فى الله ثم فى مركز صيانة اسكندرية سيبوهملى والنبى
المفروض تضحي علشان الجميع يا محمود باشا ... وبعدين فرصة علشان تنزل مصر ونشوفك ... ولا أنت عاوز الناس كلها تجيلك وأنت قاعد في بيتكم مرتاح ... ههههههههه
-----------------------بس انا قلقان من الكلام دكتور مصطفى----انا مقدر سبب ضيقة ومش بنكرة علية بس اسلوب كتابتة زرع جوايا الشك والقلق من العربية
طبيعي تقلق .. بس مش من العربية في حد ذاتها .
محتاجين توضيح وتصريح من التوكيل يشرح فية اللى حصل التوكيل حيقول أيه بس مش محتاجة توضيح .. يعني صاحب التوكيل رامي استثمارات بملايين ومخطط لمشروعه بصورة معينة .. ويجي واحد فني يبوظله كل حاجة .. المشكلة بقت في انعدام الضمير لدى بعض الفنيين .
----------------الاستاذ مصطفى مش هيخسر حاجة لو موضحش انما التوكيل هيخسر مصداقيتة-----احنا محتاجين رد-----------يعنى انا هدفع 67000جنية بعد المرابحة هيبقوا72000-----هل من المعقول انى اتقبل الكلام دة من غير ما اقلق واتردد وافكر اغير حجزى------اتمنى التوكيل يطمنا

مش أنت بس اللي قلقان .. أستاذ/ محمد جاد الكريم برضه قلقان .. وبصراحة عندكم حق .

الإخوة الأفاضل جميعا
السلام عليكم ورحمة الله وبركاته
زى ما قلت قبل كده أنا مش عايز أتكلم وده لإنى فعلا شبه فاقد لإعصابى ومنفعل وممكن حد يزعل منى بالإضافة إلى إنى من الصعب جدا أن أصل لحالة الغضب التى أنا عليها الآن إلا إذا كان هناك ما يوصلنى لهذه الحالة..
للاسف ردودكم كلها لم تنتبه للسبب الذى أثار غضبى فى هذه الزيارة..
والله ثم والله ثم والله وأحلف وأنا صادق فى حلفانى..
أنا مايهمنيش العربية أتعملت ولا لأ... طظ فى العربية ولاحتى تولع بجاز..
السبب الرئيسى فى غضبى هى سياسة إستحمار العميل وما قد يترتب عليها من مصائب..
يعنى إيه..؟؟؟!!!!
يعنى لما تحب تستغفل عميل أو تستحمره فده يبقى فى شئ مش ظاهر ويبقى مدارى علشان بس الشكل العام يبقى حلو..
إنما تدخل العربية تقعد ساعتين ونص من غير الملاحظة دى تتعمل ده ممكن نسميه إهمال.. إنما العميل يرجعها لك وتقعد نص ساعة جوة وتخرجها له تانى من غير ما يتعمل فيها حاجة وتكدب عليه وتقول له اتعملت رغم إنه شايف عربيته من فوق ما حدش قرب جنبها ورغم إن الملاحظة واضحة جدا ولاقاها زى ما هى فده بقى مش إسمه أهمال ..لا .. ده إسمه إستحمار للعميل...
فهمتهم يا حضرات إيه اللى مجننى؟؟
اللى مجننى إن العاملين هناك بيعاملوا العميل على إنه حمار ومش فاهم حاجة ومش واخد باله وبيشرب شاى وقهوة فوق ويسمع الفاظ قذرة ويقولوا له إدفع ويدفع وهو ساكت..ويا خد عربيته ويمشى وهو فاكر إن كله تمام.. اللى بيزيد حالة الغليان هو الإستحمار المصاحب لدفع فلوس .. يعنى إستحمار بفاتورة ..لأ وايه؟؟ عليه كمان ضريبة مبيعات.!!!!!؟؟؟؟؟!!!؟!؟!؟!؟

يا جماعة الموضوع بالنسبة لى فعلا ليس بالسهولة التى يتصورها البعض.. نفرض إن انا جديد فى السواقة ومش عارف الموتور من الفتيس وفى مصايب فى العربية وأنا لقلة خبرتى شايف إن الدنيا تمام وده بيحصل مع ناس كتير على فكرة... وبعد كده رحت صيانة العشر الاف من غير ما ابلغ على أى ملاحظة.. هل المفروض تغير له زيت وفلتر وتمشيه علشان هو ماتكلمش ولا تعمل لستة الفحص اللى انت كاتبها بنفسك يا مركز الصيانة على الباب من بره؟؟

حد بقى يقدر يجاوبنى ويقول لى لو أنا قعدت أشرب شاى وقهوة وما شفتش العربية من فوق وماكنش فى ملاحظة ظاهرة أعرف من خلالها الناس دى أشتغلت ولا لآ ودفعت ومشيت وأنا فاكر إن كل شئ تمام وصيانة العشر ألاف اتعملت كلها من الألف للياء وإن العربية أتوصلت على الكومبيوتر وهم فحصوا كل شئ ولاقوه تمام .. وبعد كده حصلت لى مصيبة بالعربية بسبب البهوات اللى مكسلين يحطوا إيديهم فى العربية ..ممكن حد يقول لى ساعتها مين المسؤول وعلى من يقع اللوم.؟؟؟.. على العميل اللى جه وضيع وقته ووضع ثقته فى مركز الصيانة وإنهم كمحترفين هيظبطوا العربية ودفع اللى قالوا له عليه؟؟ ولا على اللى خان الأمانة وإستحمر العميل وتسبب فى مصيبة.؟؟.

يا ريت أكون قدرت أوصلكم إيه اللى طير البرج اللى فاضل من نافوخى..

بعد إذنكم بقى أخد يوم ولا حاجة كده راحة من حرقة الأعصاب وارد على باقى التساؤلات..

على فكرة.. ربنا أنعم على بفكرة قلت يمكن تنفع فى التخلص من الشبورة ونقط الماء داخل الفانوس بدون فك ولا تركيب ولا الحوجة لصنايعى ماعندوش دم.. الحمد لله الفكرة نجحت وحلت المشكلة على الأقل مؤقتا لحد ما ألاقى وقت وصنايعى كويس يحل المشكلة نهائى.. ربنا ييسر أقول لكم بعدين عملت إيه..


والسلام عليكم

أرجوك أهدأ يا مصطفى باشا .. وزي ما وضحت لحضرتك أن الموضوع مش مستاهل .. على الأقل علشان نفسك مش علشان حاجة تانية .

عاوز أقول لحضرتك حاجة وأرجوووووووووووووك متخدش كلامي بمحمل سيء ولا تزعل منه .. أنا كان نفسي ثورة الغضب اللي أنت فيها دلوقتي تنفجر في التوكيل بعد ما اكتشفت أنهم معملوش حاجة (وبيستحمروا العملاء على حد قولك) .. وزي ما قال م/ أحمد طالما اليوم كان أجازة يبقى ممشيش إلا وكل حاجة معمولة سواء بالذوق أو بغيره .. إنما غضبك كله في التوكيل أنصب في أنك تاخد العربية وتمشي كنوع من أنواع الاحتجاج على تصرفاتهم !!
أسمحلي أقول لحضرتك أنهم ولا في دماغهم التصرف بتاعك ده خالص .. بالعكس ده ممكن يكونوا قالوا بركة ياجامع .. إنما لو كان فيه كانت كل حاجة حتبقى تمام .

[memos]

علي فكره يا استاذ مصطفي انا اشتكيت من نفس المشكله الي عندك وطلبت تعليه العربيه قالولي انت مش غاز منقدرش نعليهالك ومحلوش مشكله المساعدين الخلفيه فلو عايز توصل الامر لحمايه المستهلك انا معاك

[ozama22]

الأخ العزيز / مصطفى .. أحب أوضح لحضرتك أنك بالنسبة ليا شخصية محترمة .. ده أولاً .

ثانياً .. من حق حضرتك فعلاً تنفعل على اللي حصل معاك أن العربية تخش زي ما تخرج وفيها نفس الملاحظات من غير ما تتعمل .. بس أنا اللي كنت متوقعه أنك تثير في التوكيل موضوع استهلاك البنزين أو ارتفاع صوت المحرك بعد عدد معين للفات المحرك .. ومحصلش أي استجابه .

ثالثاً : بالنسبة للاقتباس اللي واخده من كلام حضرتك ليا ملاحظات عليها أرجو أن تتقبلها بصدر رحب :

وعليكم السلام ورحمة الله وبركاته .

برافو باسم