byd f0

[bnoqo]

نرجو من السادة ملاك السيارة الـ byd f0 تصوير سيارتهم والتحدث بكل صراحة عن السيارة لانى راغب فى شراء هذه السيارة جدا

[x_gomgom]

العربيه الي الان معايا الى الان عامله 5000 كيلو و الحمد لله ماشيه تمام ...
انا عامل تقرير بسيط عن العربيه يا ريت تقراه http://www.nilemotors.net/Nile/192582-f0-1150-a.html
هي العربيه كقيمه مقابل سعر ممتازه جداً ...
و اي استفسار انا موجود

[bnoqo]

شكرا ليك ياسيدى

سيدى الفاضل اشكرك بس عندى بعض الملاحظات
1- ان عداد الار بى ام مش موجود فى العربية المتصورة فى احد الموضوعات ولا عربية حضرتك
2- العربية من غير جنوط زى ماهى موجودة فى النت وشكل العربية كده من غير فرامل اى بى اس
3- العربية كمان نازلة من غير بور ما انها فى الصين بتنزل بيه باور وفى منها 3 موديلات والثلاثة ببور ممكن من غير الاربى ام بس الثلاثة مكتوب فيهم باور
4- العربية زى الفل انا شفت ليها فيديوهات على موقع صينى عربية حكاية بس خايف من التقفيل المصرى للعربية واكيد انت فاهم


وعلى فكرة سبب السؤال عن العربية انى هاشترى بالتقسيط فعايز اعرف العربية مستقبلها معايا ايه وانا المشكلة لما بشترى حاجة بتفضل معايا ومش بفرط فيها ابدا

وانا لو عايز اجيبها زى ماهى نازلة فى الصين هل ممكن اشوف الحاجات ديه تركب ولا لأ واهو كله بحسابه وشكرا لذوقك

[vectra2ever]

شكر خاص للعضوx_gomgom لاني هجيب العربيه ان شاء الله واتصلت بيه وهوا تفضل مشكورا بكل زوق ورد علي كل استفساراتي بصدر رحب انا بشكره جدا لانو فادني كتير في قراري اني اشتري العربيه دي

[mmffor]

العربية غالية جدا على امكانياتها و التكييف ضعيف
انصحك ب اسبيرانزا 113

[x_gomgom]

سيدى الفاضل اشكرك بس عندى بعض الملاحظات
1- ان عداد الار بى ام مش موجود فى العربية المتصورة فى احد الموضوعات ولا عربية حضرتك
2- العربية من غير جنوط زى ماهى موجودة فى النت وشكل العربية كده من غير فرامل اى بى اس
3- العربية كمان نازلة من غير بور ما انها فى الصين بتنزل بيه باور وفى منها 3 موديلات والثلاثة ببور ممكن من غير الاربى ام بس الثلاثة مكتوب فيهم باور
4- العربية زى الفل انا شفت ليها فيديوهات على موقع صينى عربية حكاية بس خايف من التقفيل المصرى للعربية واكيد انت فاهم


وعلى فكرة سبب السؤال عن العربية انى هاشترى بالتقسيط فعايز اعرف العربية مستقبلها معايا ايه وانا المشكلة لما بشترى حاجة بتفضل معايا ومش بفرط فيها ابدا

وانا لو عايز اجيبها زى ماهى نازلة فى الصين هل ممكن اشوف الحاجات ديه تركب ولا لأ واهو كله بحسابه وشكرا لذوقك

هي العربيه تقفيل صيني بالكامل و مفيش منها مصري موضوع المواصفات (الباور - عداد rpm- و ال abs) الغير موجوده على حسب كلام الموزع و العهده على الراوي ان تم رفعها من السياره حتي يكون السعر منطقي (المفروض كانت ب 56 الف) و تنتشر....
انا عربيتي من غير باور (وهي مش محتاجه اساساً) و بدون abs و من غير جنزط و بدون عداد rpm تقفيل صيني كامل موديل 2010 ....
بالنسبه للاعتماديه انا شخصياً الي اليوم عامل حوالي 5000 او اكثر قليلاً و مستلم من شهر 12 الحمد لله حاسس انها اعتماديه جداً و طبعاً المفروض انك تتابع صيانتها و بدون اهمال عشان تقعد معاك كبر مده.....
و ربنا يوفقك في اختيارك و صلي استخاره و إن شاء الله خير...