موتور الf3

[daewoo]

هل فعلا ياجماعة موتور الf3 صينى بتكنولوجيا ميتسوبيشي انا قلقان جدا يا ريت حد ىطمنى

[lonedoctor]

ايوة صينى تحت اشراف متسوبيشى واطمن

[esmail_ali]

هو صينى فعلا مش يابانى بس مكتوب فى البروشر بتاعه انه يابانى بتكنولوجيا 4g18 لكن هو بتكنولوجيا 4g1 لكن الماتور بالكامل من جواه صينى 100% وده طبعا غش بس ياريتها تيجى على الماتور وبس ده كمان الفتيس صينى وفى عيب زى الزفت فى ونة فى الغيارات الاول والتانى والمارشدين وده نتيجى عيب فنى فى الفريزة اللى بتصنع التروس بتاعت الفتيس

[bassem.naguib]

هو صينى فعلا مش يابانى بس مكتوب فى البروشر بتاعه انه يابانى بتكنولوجيا 4g18 لكن هو بتكنولوجيا 4g1 لكن الماتور بالكامل من جواه صينى 100% وده طبعا غش بس ياريتها تيجى على الماتور وبس ده كمان الفتيس صينى وفى عيب زى الزفت فى ونة فى الغيارات الاول والتانى والمارشدين وده نتيجى عيب فنى فى الفريزة اللى بتصنع التروس بتاعت الفتيس

العربية عاملة معاك كام كيلو يا باشا ؟!

جرب كدة تغير زيت الفتيس بالكامل بنوعية جيدة .. وشوف أيه النظام .

[S O P H O S]

متابع بأهتمام ...

[esmail_ali]

غيرته ياباشا وغيرنالو بللى فى التوكيل بس الونة مش من البللى الونة من التروس ومن العمود اللى شايل البللى والعربية عاملة 700000

[bassem.naguib]

الونه دي مأثرة على أداء العربية؟! .. ولا مجرد صوت .. وهل هو صوت عادي ولا صوت مزعج ؟!

[esmail_ali]

صوت مزعج جدا جدا وملحوظ لأى حد وعيب عربية فى فخامة العربية دى يبقى فيها صوت مزعج جدا زى ده لدرجة انك لازم تشغل الكاسيت وتعلى صوته على الاقل على 30 علشان الصوت يخف شوية ده لو انت فاتح الزجاج لو نت قافله بقى تحس أنك راكب مترو مش عربية خالص حاجة بجد تحزن المفروض الفتيس ده كان يتغير فى الضمان بس اتقالى لو البللى اتغير الصوت هيروح ولكن بالعكس الصوت زاد وبقى اكتر من الأول ده غير انهم وهما بيفكوا وبيركبوا الكوبلن دقوا على الصليبة فباظ وغيرتوا على حسابى وبرده العربية مرجعتش زى الاول ولسه برده فيها ونة جامدة جدا وفيها رعشة مش عايزة تروح وقولتلهم عليها قالوللى الرعشة دى طبيعية من سرعة 30/40 تظهر وبعيدن تختفى وموجودة فى كل العربيات فى حين أنه معانا عربيتين تانين مفهاش رعشة ولا ونة جامدة اوى زى اللى عندى دى

[bassem.naguib]

روح التوكيل وخد حقك بالذوق .. ولو منفعش زعق معاهم علشان تاخد حقك .. أو جرب تروح فرع إسكندرية بيقولوا أحسن من القطامية .. وربنا يعينك .

بس الأول حاول تتصل بأستاذ/ عماد حبيب أو الأنسة/ داليا من خلال المنتدى هنا .. وشوف المشكلة حتتحل ولا أيه النظام .

[esmail_ali]

تفتكر أنى معملتش كده روحت كتير جدا وأستاذ عماد خلاهم غيروا بللى الفتيس وبصراحة الراجل وقف جنبى أنما فى الحقيقة مقدرش يحللى المشكلة لأن المشكلة الرئيسية هى ان الفنينين اللى هناك بيكسلوا يشتغلوا زى الناس وده السبب الرئيسى اللى سوء سمعة العربية على وخلى الطلب عليها قل لانه مش بس فيها عيوب صناعة منها ما يمكن معالجته ومنها ما يمكن التغاضى عنه ومنها ما لا يمكن احتماله زى صوت ونه الفتيس والرعشةاللى ما بين سرعة 30/40 واللى قالولى انها موجوده فى العربية من ساعة ما استلمتها العربية بقالها سنه ونص معايا معرفتش ولا حسيت بالرعشة دى غير بعد الفتيس ما اتفك اسال المهندس اقوله الرعشة دى من ايه يقولى هى كده اموت واعرف انا ازاى الرعشة دى هى كده ومصمم على انها فى كل العربيات مع انى ركبت عربيات تانى غير اللى معانا ومفيهاش رعشة ولا أى حاجة هما بالعربى كده خربوا الفتيس ولو رحت تانى هناك الله اعلم هيخربوا ايه تانى

[esmail_ali]

تفتكر انى معملتش كده دول ناس بيقوللى انه ده صوت طبيعى .... هل من الطبيعى انى ابقى راكب عربية 2011 وفيها صوت اعلى من صوت ونة المترو العربية مش رخيصة علشان يبقى فيها عيب قاتل زى ده والمفروض انه يتصلح على حساب الشركة الأم لو كانت شركة محترمة مكنتش سابت عيب زى ده يخفس سعر العربية فى الارض ويقلل من قيمتها السوقية وسعر اعادة البيع العربية فيما عدا ونة الفتيس انا راضى عنها جدا بس ونة الفتيس مخليانى مش طايقها راكب العربية كده وانا متكدر غصب عنى لأنى لو فكرت أبيع هخسر كتير بس اقول ايه ربنا معايا بقى فى مشوار وزارة الصناعة لأن حوار الرقابة دى مش جاى معاهم سكة فالموضوع لازم يتصعد علشان يتحل ومش هيتحل ليا لوحدى لأ فى ناس كتير جدا العربية مكرههم فى عيشتهم بيشتكو ا من حاجات تانى كتير من ضمنها العفشة وصاج العربية اللى الورق اللى صاج صفيحة السمنه بلاش صفيحة الزبالة علشان محدش يزعل اقوى منها والله ياراجل لو حد سد عليها بتتطبق اقولك ايه ولا ايه بس لو فتحت فى الكلام عن العربية دى محدش هيعرف يوقفنى خلينى ساكت أحسن

[esmail_ali]

دول ناس بيقوللى انه ده صوت طبيعى .... هل من الطبيعى انى ابقى راكب عربية 2011 وفيها صوت اعلى من صوت ونة المترو العربية مش رخيصة علشان يبقى فيها عيب قاتل زى ده والمفروض انه يتصلح على حساب الشركة الأم لو كانت شركة محترمة مكنتش سابت عيب زى ده يخفس سعر العربية فى الارض ويقلل من قيمتها السوقية وسعر اعادة البيع العربية فيما عدا ونة الفتيس انا راضى عنها جدا بس ونة الفتيس مخليانى مش طايقها راكب العربية كده وانا متكدر غصب عنى لأنى لو فكرت أبيع هخسر كتير بس اقول ايه ربنا معايا بقى فى مشوار وزارة الصناعة لأن حوار الرقابة دى مش جاى معاهم سكة فالموضوع لازم يتصعد علشان يتحل ومش هيتحل ليا لوحدى لأ فى ناس كتير جدا العربية مكرههم فى عيشتهم بيشتكو ا من حاجات تانى كتير من ضمنها العفشة وصاج العربية اللى الورق اللى صاج صفيحة السمنه بلاش صفيحة الزبالة علشان محدش يزعل اقوى منها والله ياراجل لو حد سد عليها بتتطبق اقولك ايه ولا ايه بس لو فتحت فى الكلام عن العربية دى محدش هيعرف يوقفنى خلينى ساكت أحسن

[hany901119]

والله يا سيدى انا اعرف ناس جابت من الآخر وغيرت الفتيس بره التوكيل بفتيس الانسر البوما 1600 بيجيبوا الفتيس بتاع الانسر وياخدو العمود والتروس اللى جواه وينقلوها لفتيس البى واى دى علشان مينفعش ياخد الفتيس على بعضه لأن فتيس البى واى دى فيه حساس مينفعش نقله علشان كده بيفضوا فتيس البى واى دى من التروس والحاجة اللى فيه ويسيبوا الحساس وينقلولوا حاجة فتيس الانسر يعنى بيخدوا بأختصار الفجوة بتاعة فتيس البى واى دى بس وينقلولها الحاجة بتاعة الانسر وريح دماغك خالص بدال التوكيل معندهوش فنيين كويسيين وكلنا عارفين كده لأن الموضوع ده مسمع اوى فوق ماتتصور بس ليا سؤال انت بتقول عندكم عربيات تانيه معملتش كده طيب ممكن اعرف العربيات دى ماشيه اد ايه وموديل كام ؟؟ وهل استنتج من كلامك ان حكاية الونه بتاعة الفتيس دى فى عربيات وعربيات لأ لأنى كنت راكب مره تاكسى وقالى ان موضوع ونة الفتيس ده اتحل فى العربيات اللى بعد شهر 6 2011 وواحد تانى قالى انه لقى بلية الفتيس فيبر مضغوط هل ده صحيح ؟؟؟ لكن موضوع الصاج ده انا شايف انه عادى لانه مش اقل يعنى من صاج الفيرنا ولا الاكسنت ولا الانوس اللى انا شخصيا جربتهم .....

[esmail_ali]

أنا سمعت الموضوع ده بس مش متأكد من مدى نجاحه لو تم تعديل الفتيس بفتيس البومه هل التروس والعمود بيركبوا مظبوطين داخل الفجوة بتاعه الفتيس ولا بيبقى فى مشاكل فى نقلهم وتركيبهم لو فعلا موضوع نقل التروس والعمود ده هينجح يبقى أن شاء الله مفيش مشكلة أن شاء الله هتبقى صعبة كل شئ بعد كده هيبقى بأمر الله مقدور عليه انما بخصوص الصاج فصاج اللانوس اشد من ال byd والفيرنا انما الاكسنت القديمة اشد منهم كلهم ياراجل انت لو فتحت الكابوت وبصيت على صدر العربية ووهزيته هزة بسيطة كده بأديك هتلاقيه بيلعب لعب ملوش حل ده غير ان الكمر اللى فى الاكصدامات اللى قدام وورا زباله خفيف جدا ولا ليه أى لازمة ولا بيمتص صدمة ولا كأنه موجود من أصله العربية لو خدت رزعة من قدام او ورا مبتنفعش تانى بيبقى حوار يزعل وينكد بجد فين الله يرحمك يا فيات 132 ولا حد كان يعرف يجى جنبى او يطلع منى او حتى يفكر ويغلط ويريح عليا ايام عربيات بجد مش ورق

[bassem.naguib]

يا باشا كل العربيات الجديدة صاجها ضعيف .. وده لاعتبارات كتير منها تخفيف الحمل على الموتور واستهلاك البنزين وعوامل الأمان .. كما أن السياسة التسويقية للسيارات عامة ماشية في اتجاه لو رفرف أتخبط غيره بواحد جديد ومتصلحوش لأن التكلفة تقريباً حتكون واحدة .. والحمد لله أن أسعار قطع غيار العربية كويسة جداً ومش غالية .

ده حتى موديلات المرسيدس والبي أم والفولفو الجديدة الصاج بتاعها نازل ضعيف .. ده إن كان أصلاً صاج مش فبر .. أنسى بقى ال 28 و ال 32 ده كان في زمن ناس عايمين فيه على وش الفتة