أقتراح بتنظيم مقابلة

[bassem.naguib]

فيه مشاركات اتشالت قبل دي .. كنا متفقين فيها على التجمع في "الربوة" يوم الجمعة 21 أو 28 /9 شوفوا اليوم اللي يناسبكم أيه والميعاد الساعة 6 مساء .

ومكان "الربوة" أخر الشارع اللي فيه سوق السيارات (خلي سوق السيارات على يمينك) لحد ما توصل للطريق الدائري وتلف الصينية وترجع تاني لنفس الطريق مكان التجمع حيكون على الناصية .

طول عمرك سباق بالخير يا باسم وانا اعتقد ان اقتراح المقابلة وتعارف الناس ببعض ده خير كبيييير ...
انا معاكم إن شاء الله ... بس ماليش فى اقتراحات الاماكن ... اى مكان معاكم ان شاء الله كويس... المهم الصحبة الحلوة ...

ربنا يخليك يا بوب وحمد الله على السلامة .. وتشرفنا بوجودك طبعاً والوصفة فوق أهي .

[memos]

اولا السلام عليكم ثانيا انا معاكم فى اى سكه يكش تروحوا غمره او سرس الليان

[bassem.naguib]

تنور طبعاً يا أيمن باشا .. مين قال جاي تاني .. ومحدش لسه أقترح اليوم .. ولا اختار أي يوم الجمعة 21 /9 ونتكل على الله .

[ehabpopo]

نخليها الجمعة الجاية 9/21... مافيش مشكلة .. الساعة كام يا معلم ؟؟؟؟

[hossam165]

السلام عليكم يا شباب
انا موافق علي الجمعة الجاية
حددو الساعة كام بسرعة

[bassem.naguib]

الساعة كام يا معلم .. الساعة كام بسرعة

كان فيه مشاركات بس اتمسحت بتقول أن المقابلة الساعة 6 .

[hossam165]

ان شاء الله الجمعة القادمة الساعة 5.10 بالضبط والي هيتأخر ذنبه علي جنبه
ومحدش ييجي وايده فاضية
يعني متكلفوش نفسكم ممكن عربية بي واي دي بلاس ماشي هقبلها
او اي حاجة تتاكل بس متكتروش فاخدة ضاني نص خروف شوية ريش ما يمنعش
ههههههههههههههه
نرجع للجد
الي موافق علي هذا الموعد يكتب موافق لو سمحتم يكتب موافق عشان نعرف مين الي جاي بالضبط
نرجو التأكيد بسرعة
وشكرا لحسن تعاونكم معنا جهاز عمليات البي واي دي بنايل موتورز

[flightbyd]

ممكن بعد صلاة الجمعة

[bassem.naguib]

أشمعنى يا باشا بعد صلاة الجمعة !! .. هي المشكلة في الجو اللي لسه حر .. وبعدين الساعة 6 علشان نكون اتغدينا وكدة علشان نقعد أطول فترة مع بعض إن شاء الله .. وأهو أنا وأنت نلاقي بياته في أي مستشفى فنروح بالليل علشان تكلفة الإقامة متبقاش كتير

بس لازم تيجي علشان ناخد أنا وأنت اللي فيه النصيب أنت معروف ليه طبعاً .. وأنا علشان اللي دعيتك ... هههههههه

[flightbyd]

ماشى يا عم بس بالراحة

[Ashraf_Ibrahim]

كان بودي والله يا شباب احضر معاكم المقابلة خصوصا اني كنت حابب اتعرف عليكم وعلى البي واي دي عن قرب واجربها لكن الجمعة الجاية دي هيكون صعب جدا اني احضر
ان شاء الله فرصة تانية ابقا اجي باذن الله

[hossam165]

لو سمحتم يا جماعة الخير
الي جاي يأكد علشان لو وقفت عليا انا واستاذ باسم واستاذ ايمن واستاذ ايهاب
يا عني احنا حتي الان 4 فقط لان استاذ flightbyd حتي الان باين انه بين اه و لا
يبقي مش هتفرق معانا المكان او الميعاد
فبعد اذنكم الي جايي يأكد بسرعة علشان نعرف هنتصرف اذايييي
وشكرا ليكم جميعا واتمني اني اشوف اكبر عدد ممكن من الاحباب المنتسبين لهذا المنتدي

[bassem.naguib]

كان بودي والله يا شباب احضر معاكم المقابلة خصوصا اني كنت حابب اتعرف عليكم وعلى البي واي دي عن قرب واجربها لكن الجمعة الجاية دي هيكون صعب جدا اني احضر
ان شاء الله فرصة تانية ابقا اجي باذن الله

يبقى لينا الشرف يا باشا .. وتتعوض إن شاء الله في المرات القادمة .

لو سمحتم يا جماعة الخير
الي جاي يأكد علشان لو وقفت عليا انا واستاذ باسم واستاذ ايمن واستاذ ايهاب
يا عني احنا حتي الان 4 فقط لان استاذ flightbyd حتي الان باين انه بين اه و لا
يبقي مش هتفرق معانا المكان او الميعاد
فبعد اذنكم الي جايي يأكد بسرعة علشان نعرف هنتصرف اذايييي
وشكرا ليكم جميعا واتمني اني اشوف اكبر عدد ممكن من الاحباب المنتسبين لهذا المنتدي

إن شاء الله فيه محمد جاد .. وححاول مع العمدة وليد .. وأسامة باشا .. وكان في عضو كاتب أنه جاي كمان بس مسبقش ليا التعرف بيه .. وربنا يسهل ويبقى العدد كبير لتعم الفائدة على الجميع .

[flightbyd]

اخوانى انشاء اللة بدون مقاطعة جاى بس لو تبدروا شوية

[أبو صلاح]

السلام عليكم
واضح ان في مشاركات واقعة وهي اللي بتحدد المكان بتاع المقابلة

عامة انا ممكن افترح ليكم مكان كويس (مش هقدر اجي لاني حاليا مقيم خارج مصر)
هو كافتريا ليموزين ودي في ارض شوق السيارات في الحس العاشر بجوار الشهر العقاري
بارك هناك واسع جداااااااااااا
في مكان ممكن يتجرب فيه العربيات بعيد عن الشارع
الكافتريا نفسها معقوله وفيها مطعم معقول