خدمة عملاء byd

[hefz]

خدمة عملاء الــbyd
لإستقبال شكاوى سيادتكم أو إقتراحاتكم بخصوص السيارة byd
يرجى المراسلة على الايميل الآتى :
bydservicecenter@yahoo.com
وذلك لسهولة التواصل ومتابعة سيادتكم فى إطار مشاكل خاصة بالسيارة او تقديم اى اقتراح أو استفسار عن
مواعيد الصيانة ـ وتوافر لقطع الغيار
شكوى طارئة فى السيارة ــ او شكوى متكررة
وايضا يمكن الإستفسار عن مواصفات وأسعار السيارة

وسوف نقوم بعرض المشاكل ولإستفسارات على المسؤلين بالشركة
مع خالص تحياتى
وأشكر سيادتكم على حسن ثقتكم بنا ....

أ/داليا فرج
خدمة عملاء byd

[Emad Habib]

bydservicecenter@yahoo.com

يمكن لجميع العملاء من لديه اى استفسار او ملحوظات على السيارات المراسله على الميل الموجود بعاليه

[bassem.naguib]

شكراً أ/ داليا على تعاونك مع أعضاء المنتدى وتفاعلك معهم كنوع من أنواع التواصل لحل المشكلات التي تقابل الأعضاء في سياراتهم والرد على استفساراتهم .

ونتمنى المزيد من التقدم لتوكيل السيارة في محاولته لإرضاء جميع عملائه .

وأرجو من جميع الأعضاء المراسلة على الميل المذكور للرد على الاستفسارات بالإضافة لعرض مشكلاتهم في مشاركة وماذا تم بشأنها .

[akmm]

شىء جميل ... وحد جرب واتصل اوتواصل على الميل ده والنتيجه ايه ؟

[bassem.naguib]

مبرووووووووووك تثبيت الموضوع .. نظراً لأهميته في خدمة أعضاء المنتدى والتواصل معهم .

شكراً للتوكيل للاهتمام بعملائه .. وشكراً لإدارة المنتدى للاهتمام بأعضائها وتقديم خدمات متميزة لأعضائها .

[samehenany05]

انا لسه باعت استفسار عن 2013 وسعرها واذا كان فى وكيل فى المنصوره وتليفوناته وإذا كان فى موديلات 2011 او 2012 بسعر ارخص شويه . ومستنى الرد لأنى بفكر اكون مالك byd

[bassem.naguib]

http://www.nilemotors.net/Nile/241616-a.html

[hzem]

تجليد فرش الأرضية

هل تجليد فرش الأرضية يخرج العربية من الضمان

[friends]

نصيحة منى ابعد عنها

[hzem]

نصيحة منى ابعد عنها

ليه؟؟؟؟؟؟؟

[miah]

انا بعت ايميل استفسر عن حاجات
و محدش عبرنى

[hefz]

سلام عليكم
اسفة بس يمكن الاميل مايكون وصل بطلب من حضرتك تبعت تقول حضرتك عاوز تستفسر على ايه بالضبط

أ/داليا فرج
خدمة العملاء

[kokyjoon]

سلام عليكم
كنا عاوزين حضرتك تنشرلنا هنا فى المنتدى كشف بأسعار قطع الغيار

[melad_bady]

على فكرة كلة كلام فى كلام ابعد عن التوكيل و اعمل اى حاجة عند مركز خدمة معتمد و احسن من ------ بتوع القطامية كلهم على بعضهم و اللى مش عاجبة الكلام يسالنى دة لو حد ----- واصق ان كلامى دة كدب فانا موجود و اجيبة و اثبتلة كلامى

الخروج عن النص فى الحديث سيقابل بتوقيع عقوبة الايقاف يرجى انتقاء
الالفاظ للتعبير عن وجه نظرك

مشرف 6 ب
3.05am
15/4/2013

[kobara]

التوكيل دة اسوا توكيل فى مصر ولو رجع بية الزمان مكنتش اشتريت العربية دى الناس بتوع التوكيل دول قمة فى سوء معاملة العملاء دة غير الاستغلال الشديد فى تغيير كل شىء فى العربية عندهم مهندس ولا فنى مش عارف اسمة حسام دة ماسك المعاينات والتصليح فى الدراسة الراجل دة قمة فى قلة الذوق فى التعامل اما تتناقش معاة تحس انوا شخص مش طايق يكلم حد دة غير الجشع وقلة الذمة فى تغيير مكونات السيارة اللى حتى ممكن تكون كويسة بس كل همة التغير غير غير بس دة غير انهم ممكن يكرروا بند مرتين فخلى بالكم عموما يا جماعة نصيحة اوعى حد يشترى العربية دى واللى هيشتريها يعرف انوا بيتعامل مع توكيل لادا فعلا تحس انك مش عميل عندهم تحس انهم مشغلينك عندهم لازم الناس تفكر فى التوكيل وانو يكون محترم قبل ميشترى اى عربية , حسبنا اللة ونعم الوكيل .