إعـــــــلان

**bassem.naguib** · 16-10-2012, 10:19 PM

من خلال متابعتي للمنتدى ومن خلال المناقشات مع الأعضاء في المقابلات الخاصة بالقسم خلصت للنقاط التالية :

* ظهور شكاوي من العملاء من طلب الصنايعية (لإكراميات) .. وده من وجهة نظري يعطي أنطباع سيء للعميل عن التوكيل .. والحل من وجهة نظري يتمثل في المراقبة من مشرفين التوكيل على العاملين به .. وكذلك وضع ضوابط لهم بأنه في حالة حدوث ذلك ستتدرج العقوبات بداية من خصومات حتى الفصل من التوكيل ...ومن وجهة نظري أيضاً لا يهدد العامل إلا العامل الذي مثله وهذا ما سيتضح في النقطة التالية .

* الاتفاق مع المدارس الفنية الصناعية وكذلك كليات الهندسة على تدريب بعضهم في فترة الصيف مقابل نظير مادي رمزي .. والعمل على اختيار المتميزين منهم والتعاقد معهم للعمل في التوكيل فور تخرجهم .. وبالتالي يشعر العامل الذي في التوكيل بأن وضعه الوظيفي مهدد لوجود فنيين ومهندسين آخرين من الممكن أن يأخذوا مكانه في حالة تقصيره في عمله أو الإخلال به في حالة تكرار الشكوى منه .

* استجلاب فنيين وخبراء من الصين لتدريب المهندسين والعمالة بشكل مستمر وعقد دورات تدريبية متقدمه لهم مع أخذ تعهد عليهم بأنهم لزاماً عليهم عدم ترك التوكيل فترة محددة نظير هذا التدريب المتقدم ويكون الحاصل على هذا التدريب وضعه متميز عن باقي زملاءه بعد اختياره كفرد كفء في التوكيل .

* ضرورة اعتماد مراكز خدمة وصيانة خارج التوكيل لمواجهة الضغط الحادث على التوكيل .

* الكماليات .... مليون علامة استفهام حول موقف التوكيل من توفيرها وتركيبها داخل التوكيل .. أو حتى ترك العميل بتركيبها خارج التوكيل بحجه خروجه من الضمان .. يعني لا هو راحم ولا مخلي رحمة ربنا تنزل .. وأعتقد أن الكماليات التي عليها إجماع من الزملاء تتمثل في [وحدات الرفع - سنسور بارك - كاسيت دي في دي مزود بشاشة gps وكاميرا خلفية للركن - أسبويلر ونواكل ...إلخ] .

* وجود feed back للعملاء من خلال الاتصال بهم بعد الصيانة للسؤال عن رضاهم عن الخدمة المقدمة لهم .. وهل فيه مشكلات ...إلخ مما يعطي للتوكيل انطباعات لأوجه القصور الحادثة ومحاولة إصلاحها .. وكذلك يشعر العميل بأهتمام التوكيل به .

* وأخيراً تعميق الشعور بالولاء للعامل تجاه التوكيل من خلال توفير الخدمات الصحية والاجتماعية وووو إلخ .. مما يعطي دافع له للعمل بإخلاص .

**bassem.naguib** · 18-10-2012, 01:31 AM

أيه الناس فجأة بقت راضية عن التوكيل ومعندهاش أي طلبات عاوزينها أو ملاحظات في الخدمة ؟!!! .. ده حتى الكمال لله وحده .

**alaa0000000** · 18-10-2012, 08:09 PM

المشاركة الأصلية كتبت بواسطة ziabassem مشاهدة المشاركة

أيه الناس فجأة بقت راضية عن التوكيل ومعندهاش أي طلبات عاوزينها أو ملاحظات في الخدمة ؟!!! .. ده حتى الكمال لله وحده .

السلام عليكم

والله يا استاذ / زياد ....يظهر الناس حصلها يأس من التوكيل لدرجة عدم الكلام !!!!

المشاركة الأصلية كتبت بواسطة ehabpopo مشاهدة المشاركة

الكلام ده اتقال كتيييييييييير وماحدش عايز اصلا يفكر فية ... بالعكس التوكيل مستواه فى النازل ....
حتى مجرد متابعة العربية بعد ماخلصت ... مافيهاش رقابة .. علشان العميل ياخد عربيتة ويمشى بيقعد اكتر من ساعة ونص ... مش شايف حد بيشتغل فى العربية .... وفى الاخر بنكتشف انها خلصت ...
هم بيحاولو ... وربنا يهدى الحال ويوفقهم ....بس المحاولات قلت جدا ...

السلام عليكم
استاذ/ ايهاب

طيب مفيش مكان للشكوى منهم ....حماية مستهلك اوغيرة ولو حتى محاضر لسوء الخدمة ؟؟؟؟

السيارة ذى ما بسمع انها جيدة ولكن التوكيل يخليك تفكر الف مره عند الشراء .....
نفسى افهم حاجه ..اللى شغالين فى توكيل رينو مصريين برضو ولا اجانب !!!!!!!!!!

**bassem.naguib** · 13-11-2012, 07:02 PM

للرفع

**ahmedselaraby** · 14-03-2013, 12:15 PM

مفيش إحترافيه , مفيش محاوله للوصول للأحسن , مفيش لباقه , مفيش كياسه , مفيش خدمة عملاء , المعامله هيليهلى , مفيش نظام

من أول أمن البوابه لحد أكبر رأس فى مركز الصيانه

عارفين ليه

حقولكم ليه

أنا حسيت انه كل الناس اللى شغاله فى توكيل بى واى دى حطين فى دماغهم و فى عقلهم الباطن و فى ضمائرهم و فى نفوسهم الاتى:

1- العربيه ديه رخيصه

2- إحنا كنا وكيل لادا أسوأ عربيه فى مصر , الناس كانت بتشتريها منا عشان سعرها رخيص مش أكتر من كده.

3- العربيه ديه صينى , و كل واحد كان عنده تجارب سيئه مع منتجات صينيه مفستكه و عمرها قصير.

4- عملاءنا ناس غلابه و معظمهم سواقين تاكسى (مع إحترامى و تقديرى الكامل لكل السائقين)

5- الناس ديه جايه مستنيه ايه , هو راكب ايه أصلا , يعنى يبقى راكب صينى أرخص عربيات السوق و جى عايز يتعامل معامله بشواتى , فاكر نفسه راكب ألمانى

6- عمرك ما حترضى الناس ابدا , الناس مايعجبهاش العجب و لا الصيام فى رجب , مهما عملت , و بعدين الناس جايه التوكيل عشان تتخانق.

7- هو انا أصلا باخد مرتب كام (بالمقارنه بالتوكيلات التانيه) , و المرتب ده معيشنى كويس و لا ماشيه بالستر , و فين مكافأة نهايه الخدمه , و فين التأمين الطبى و العلاجى لو لا قدر الله جرالى حاجه , و فين النسبه من الأرباح السنويه أو اللى بيسموها التوزيعات التشجيعيه , و فين تنظيم أوقات العمل بحيث انه يبقى فيه ساعه فى نصف اليوم راحه للغداء و الصلاه و خلافه , و فين العقود الممضيه لضمان حقى و ماحسش انى ممكن اترمى فل شارع فى أى وقت , و فين التأمينات الإجتماعيه , و فين الزى الموحد , المفروض يصرفولنا زى موحد , و فين الترقيات و الزيادات السنويه و فين النظام المظبوط اللى نمشى عليه , مفيش نظام طبعا و بعد كل ده عايزينى أدى أحسن ما عندى إزاى

8- لو حد فينا اتكلم و حاول انه يقول أفكار لتطوير نظام العمل فى شركة الأمل حياخد فوق دماغه , إزاى انا ابقى بفهم أحسن من الناس اللى فوق , اللى ماسكين مناصب قياديه , لو احنا قدمنا أى إقتراح حيقابل بإستهزاء و سخريه و ممكن بتوبيخ و يحطونى فى دماغهم

9 - أقصى أمانينا ان كل واحد فينا ياخد خبره كويسه و يطلع يشتغل فى توكيل تانى بيقدر الناس اللى شغاله فيه و بيكافئهم و بيديهم إمتيازات أعلى من هنا و نظام أحسن من هنا و بيئه أنضف من هنا أو ان الواحد يفتح ورشه خاصه تخصص بى واى دى و ما يستناش راتب أو أجر من حد

خلاصه القول , هم يشعرون بالدونيه و عدم الثقه بالنفس و لا بالمنتج

فيه ناس فى القيادات اللى فوق كل همها انها توفر لأصحاب التوكيل , توفر يعنى تبخل على التوكيل ما دام الدنيا ماشيه , خلاص , ليه أصرف كتير لما ممكن أصرف أقل

ناهيك عن انه إسلوب إدارة ضباط الجيش المتقاعدين عل معاش و بيمسكوا مناصب إداريه فى شركات , مختلف تماما عن إسلوب إدارة الناس اللى أصلا مجال دراستهم و خبراتهم طوال حياتهم هو إدارة الأعمال.

**bassem.naguib** · 14-03-2013, 01:06 PM

- هو انا أصلا باخد مرتب كام (بالمقارنه بالتوكيلات التانيه) , و المرتب ده معيشنى كويس و لا ماشيه بالستر , و فين مكافأة نهايه الخدمه , و فين التأمين الطبى و العلاجى لو لا قدر الله جرالى حاجه , و فين النسبه من الأرباح السنويه أو اللى بيسموها التوزيعات التشجيعيه , و فين تنظيم أوقات العمل بحيث انه يبقى فيه ساعه فى نصف اليوم راحه للغداء و الصلاه و خلافه , و فين العقود الممضيه لضمان حقى و ماحسش انى ممكن اترمى فل شارع فى أى وقت , و فين التأمينات الإجتماعيه , و فين الزى الموحد , المفروض يصرفولنا زى موحد , و فين الترقيات و الزيادات السنويه و فين النظام المظبوط اللى نمشى عليه , مفيش نظام طبعا و بعد كل ده عايزينى أدى أحسن ما عندى إزاى

8- لو حد فينا اتكلم و حاول انه يقول أفكار لتطوير نظام العمل فى شركة الأمل حياخد فوق دماغه , إزاى انا ابقى بفهم أحسن من الناس اللى فوق , اللى ماسكين مناصب قياديه , لو احنا قدمنا أى إقتراح حيقابل بإستهزاء و سخريه و ممكن بتوبيخ و يحطونى فى دماغهم

9 - أقصى أمانينا ان كل واحد فينا ياخد خبره كويسه و يطلع يشتغل فى توكيل تانى بيقدر الناس اللى شغاله فيه و بيكافئهم و بيديهم إمتيازات أعلى من هنا و نظام أحسن من هنا و بيئه أنضف من هنا أو ان الواحد يفتح ورشه خاصه تخصص بى واى دى و ما يستناش راتب أو أجر من حد

خلاصه القول , هم يشعرون بالدونيه و عدم الثقه بالنفس و لا بالمنتج

فيه ناس فى القيادات اللى فوق كل همها انها توفر لأصحاب التوكيل , توفر يعنى تبخل على التوكيل ما دام الدنيا ماشيه , خلاص , ليه أصرف كتير لما ممكن أصرف أقل

ناهيك عن انه إسلوب إدارة ضباط الجيش المتقاعدين عل معاش و بيمسكوا مناصب إداريه فى شركات , مختلف تماما عن إسلوب إدارة الناس اللى أصلا مجال دراستهم و خبراتهم طوال حياتهم هو إدارة الأعمال.

متهيألي يا أستاذ أحمد دي مش شكوى أو اقتراح من عميل .. ده ممكن يكون لسان حال واحد شغال في التوكيل .

**ahmedselaraby** · 14-03-2013, 02:18 PM

المشاركة الأصلية كتبت بواسطة bassem.naguib مشاهدة المشاركة

متهيألي يا أستاذ أحمد دي مش شكوى أو اقتراح من عميل .. ده ممكن يكون لسان حال واحد شغال في التوكيل .

مهو هو ده اللى بيضعف أى وكيل " لسان حال الناس اللى شغاله فيه "

الحاله الماديه و النفسيه و المعنويه و العلميه مسؤلية التوكيل

حديلك مثل على نفسى:

فى أول حياتى المهنيه , إشتغلت فى شركة تأمين فتره "بدون ذكر أسامى" فى الأول قبل الشغل إدونا كورس محتواه كله يتركز على قيمة الشركه و وضعها فى السوق و قيمه المنتج أو الخدمه اللى بيقدموها و كان الهدف من هذا الكورس رفع الروح المعنويه و إشعارك بالفخر انك تعمل بها و شعورك بأهميه الخدمه التى تقدمها و ان الشركه ديه رقم واحد فل السوق بلا منازع بل رقم واحد فل عالم

اهو هما بتوع بى واى دى عايزين كده , لازم يحسوا بقوة الشركة الصينيه الأم و انها شركه واعده جدا و طموحه و الدلائل كثيرة , و معلومات عن موديلاتها المستقبليه و مدى قدرتها على المنافسه , ده ينعكس على شعور العاملين فى التوكيل انهم بيصونوا عربيه محترمه تسعى حثيثا لتثبيت أقدامها فى الأسواق العالميه و لا تقل عن أى شركه أخى ناجحه و لها باع فى عالم السيارات

و فى حياتى المهنيه أيضا , إشتغلت فى شركة إتصالات كبرى فى مصر ""بدون ذكر أسامى" , علمونا إذاى نتعامل مع العملاء , و حاجات ممكن تفتكرها بسيطه بس هى عند العميل كبيره أوى و بتأثر عن إنطباعه عن الشركه , و إذاى تتعامل مع العميل الغضبان و إذاى تمتص غضبه و فل اخر يخلص معاك و هو مبسوط و بيمدح فيك و فل شركه

اهو ده بالظبط اللى لازم يكون فى كوادر شركة الأمل و يكون فيه رقابه عليهم , إزاى بيعاملو العميل , دا أنا يا راجل كنت واقف و جالى واحد قالى العربيه ديه حد إشتغل فيها و لا لسه , قلتله لسه , فراح قال للتانى هو انت معملتلوش أمر شغل , قالوا ايوه عملتلوا , فقلتلوا هو حضرتك لو تقصد أمر الشغل الكتابى , اه عملى , فقام بصلى و برقلى بعينه , اللى هو عايز يقولى لا حول و لا قوة إلا بالله , بقه ده كلام

الراجل اللى بياخد أمر الشغل , لما بشتكيله من حاجه فل العربيه , كذا مره فى كلامه يقولى , هى العربيه دى كده , هى كده , بإبتسامه صفرا تعنى هى عيوبها كده , ماحاولش حتى يكتب الكلام ده فى أمر الشغل , أو حتى يهتم , ده إحساسه بأنه مش مقتنع بالمنتج اللى بيصونو , و الله العظيم تلاته حسيت فى طريقته إستخفاف بالعربيه.

كلامى عن شركة الأمل و عن لسان حال اللى شغالين هناك , عشان انا لفيت كتير فى شركات و إشتغلت فى أكتر من مكان و عارف ايه هى مقومات النجاح و الفشل

حتى إسلوب إدارة ظباط الجيش المتقاعدين جربته و ذوقته , و عارف نقاط ضعفه و قوته.

و إقتراحى انهم لو غيروا ده , التوكيل حيبقى كويس

**ahmedselaraby** · 14-03-2013, 03:52 PM

المشاركة الأصلية كتبت بواسطة ehabpopo مشاهدة المشاركة

يعنى فى الاخر نستنتج انه موضوع إدارة ...
وعلى فكرة الادارة اهم شىء فى اى مؤسسة وخاصتا مراكز صيانة السيارات ... لان الفنيات سهلة وخاصتا ان فى مثل هذه المراكز بيشيلو قطعة الغيار ويركب غيرها ... يعنى يكفينا فنيات 60 الى 70 % ... وهاتزيد مع الوقت ...
ربنا يوفقهم ويتحسنوا اكتر من كدة

أحبك يا مستر إيهاب و سيادتك بتبسط المواضيع بعد ما انا أعقدها

, سيادتك تضطر تتدخل مشكورا ,

ربنا يوفق الجميع , البلد كلها ماشيه كده , هى جت على شركة الأمل

,

حاسس انو ينطبق عليا قول الشاعر ( مع ملحوظه أن المحبوبه هنا هى مصر أم الدنيا و يوم ولادتها هو يوم الثورة , ثورة الأمل) :

احلق في سماء الاهات وحيدا بلا احزان

اليوم سيكون لقائنا الاخير
ساسرق لحظات الاكوان كلها لاجمعها للقاء
سامكث ساكنا بلا حراك أتامل عينيك
ساصمت عن النطق واستمع الى عذب كلماتك
ساتنفس بشوق كل الاهات

=====

سامضي بلا روح عند الوداع
ساكفكف دموعي بحياء
لن التفت للوراء .... فلست اقدر على الفراق
ساهرب مسرعا
سامسي حزينا منذ اليوم
فلقد انقضى عمري السعيد وانا في شيخوخة الصبا
لماذا كل هذا الاسى
يادنيا ... لم حاربتني .. اليس لك عدو سواي
اليس لك شقي غيري حتى تشقيه
ايها الزمن التعيس اما كفاك ما مضى
اما كفاك ما اخذت ...

====

ايها الزمن ... تعال نتحاسب
ايها الحب ... اقبل لنتعاتب
ايها الخوف ... ارحل .. فاني امقتك ..

====

اقبلي يازهرتي الحمراء كي اشم عطرك الندي
اقبلي ياصور القلوب كي نتهامس
اقبلي ايتها الاحرف .. فليس لي انيس سواك

====

لقد رحلت محبوبتي مسرعة ... وتوارت سريعا عن ناظري
ماتت فرحتي عند اوان ولادتها ...
فؤادي يضيق علي وتخنقني عبراتي
الملم احزاني واجمعها ... لاحرقها بنيران السهاد
خوفي ... سعادتي ... روحي ... بسمتي ... احزاني احاطت بي وطوقتني باشواكها

====

الالم ينهش بدني المتعب ...
الذكريات ... تجعلني اتنهد
اما عينيك يامحبوبتي فتجعلني اهيم على وجهي في بحور الحب لاغترف بلا شبع رحيق الافراح

====

اليوم ذكراك هي كل مااملك ... لكنني لن استسلم
ساتسلق جدار الاحزان
جدار الاشواك
جدار الرفض
لاكون غدا بقرب ... بجوارك ...
المس جبينك البراق
اخلل بيدي خصلات شعرك الحريرية
احلق في سماء الاهات معك وحيدا بلا احزان

Comment

Comment

Comment

Comment

Comment

Comment

إعـــــــلان

.

موضوع جديد ( ماذا تطلب من التوكيل ) ...رايك ايه ؟؟؟

موضوع جديد ( ماذا تطلب من التوكيل ) ...رايك ايه ؟؟؟

Comment

Comment

Comment

Comment

Comment

Comment

Comment

Comment