تقرير صيانة 20 ألف ومهزلة جديدة بالقطامية

[lonedoctor]

من المستحيل ان تظن اخى الكريم ان مايحدث فى توكيل القطامية هو امر متعمد او سياسة مقصودة من شركة الامل بل هى قضية مترتبة على سوء اختيار الشركة للقائمين على مركز الصيانة لا اكثر ولا اقل
قارن بين ادارة مركز صيانة اسكندرية بالرغم من صغر حجمه و افتقادة للكثير من الامكانيات اذا ما قورن بمركز القطامية لكن رضاء العملاء عنه وما يقدم من خدمة جيدة جدا مختلف تماما بسبب حسن اختيار الفنيين وعلى راسهم المهندس اسامة مبروك الرجل الفاضل صاحب الاخلاق العالية والامانة والضمير اليقظ
سيدى الفاضل انها مسالة اخلاقية لا اكثر ولا اقل واذا لم ينتبه اصحاب الشركة الى هذه الفوضى الموجودة فى المركز وسوء مستوى الفنيين سواء الفنى او الاخلاقى وعدم رضاء العملاء عن هذا الوضع سيخسرون الكثير بعد ان حققت السيارة نجاحا غير مسبوق وكسبت احترام المستهلك المصرى
اتمنى ان تصل الرسالة وان تجد من يستمع لها

[melsheshtawy]

معلش مش فاهم تقصد أيه في الجزئية اللي تحتيها خط دي ؟!

أقصد يا أستاذ باسم إن محدش بيحاول يحل مشكله قبل حدوثها بتغيير النظام والسياسة جذريا ولكن كل حالة على حده يعنى الراجل ده هيقرفنا وصوته هيوصل نجيبة ونشوف حكايته إيه .. وممكن فى نفس الوقت إللى مشكلتك بتتحل فيه واحد تانى يكون واقف يهلل على نفس المشكلة ومحدش هيبصله برضه غير لو صوته وصل
يعنى بمعنى أدق حلول فرديه لناس عملت مشاكل وده لو أنا قبلت بيه معناه إنى بضيع حقى فى المشكله الجاية مقدما إلا لو جيت وكتبت تقرير زى ده وبعدها جالى التليفون إياه ورحت يوم تانى وهكذا (ومحدش فاضى بقى عشان كل مشكله يحلها بمشوارين وتقرير)

[alaa0000000]

السلام عليكم

كالعادة كل مره على كده !!!!!! يعملولك بلوه فى السيارة وبعدين يتصلوا بيك ...( اوعه تكون زعلت !!! احنا كنا بنهزر !!!!!)

مفيش فايدة ..مفيش فايدة................... اسوا توكيل فيكى يا مصر !!!!!!!!
شركة الامل كتبت شهادة وفاتها ....

[lonedoctor]

انا عندى اقتراح ممتاز كل لما ييجى موعد الصيانة بدل ما الواحد يروح مباشرة يكتب شكوى الاول على المنتدى وبالتالى هيتصلوا بيه ويقولوا له حقك علينا ويعطوله موعد مخصوص ويعاملوه معاملة خاصة وكدة يعنى يقوم يعمل صيانة عربيته كويس
تقبلوا تحياتى

[bassem.naguib]

كلامي اللي جاي ليس دفاعاً عن التوكيل إنما من منطلق أننا جميعاً أخوة في القسم ويجمعنا النقاش الهادي والكثير مننا يعرف بعضه البعض بصفة شخصية من خلال المقابلات التي توضح طبيعة شخصية كل عضو بعكس ما هو ظاهر من خلال الانترنت .

وكذلك كلامي إرساء لحقائق يجب وضعها في الاعتبار .. وقد يكون رسم للعلاقة بين العميل والتوكيل .. فأرجو أن تتقبلوها بصدر رحب .

أقصد يا أستاذ باسم إن محدش بيحاول يحل مشكله قبل حدوثها بتغيير النظام والسياسة جذريا ولكن كل حالة على حده يعنى الراجل ده هيقرفنا وصوته هيوصل نجيبة ونشوف حكايته إيه .. وممكن فى نفس الوقت إللى مشكلتك بتتحل فيه واحد تانى يكون واقف يهلل على نفس المشكلة ومحدش هيبصله برضه غير لو صوته وصل
يعنى بمعنى أدق حلول فرديه لناس عملت مشاكل وده لو أنا قبلت بيه معناه إنى بضيع حقى فى المشكله الجاية مقدما إلا لو جيت وكتبت تقرير زى ده وبعدها جالى التليفون إياه ورحت يوم تانى وهكذا (ومحدش فاضى بقى عشان كل مشكله يحلها بمشوارين وتقرير)

بص يا أستاذ / محمد أنا متضامن معاك قلباً وقالباً في المقام الأول .. وخاصة في جزئية طريقة تعامل وكلام الصنايعية .

ولكن أنا عاوز أوصل لحضرتك حاجة ممكن تكون غايبة عن بالك .. وهي فكرة المنتدى اللي أحنا فيه .. وهي متمثلة في التناقش بين الأعضاء في مشاكل عربياتهم ومميزاتها وعيوبها وفنياتها وكيفية التغلب عليها .. ومن ضمن النقاشات دي بيكون فيه مندوبين أو مسئولين عن التوكيل في بعض الأقسام بيوصلوا صورة رد الفعل للعملاء عن مستوى الخدمة .. ولو فيها قصور بيقوموا بالاتصال بالعملاء لمعالجة القصور ده زي ما حصل معاك ومع غيرك قبل كدة .. وأنا بصراحة شايف أن ده شيء كويس لأنه نوع من أنواع الـ feed back بينهم وبين العميل من خلال المنتدى (اللي لولاه أو غيره من المنتديات ما كان وصل استيائك وتضررك منهم) .

واتصالهم ده شيء من وجهة نظري أنه ايجابي وليس سلبي .. ولا من المفروض أنهم لا يبالوا أدنى أهتمام بمشاركتك .. وسوري في اللفظ يسيبوك ولا أكنهم شافوا مشاركتك وهما مش مضرورين .. وفي حالة الشكوى في حماية المستهلك حيجبهم .. وحيكون ردهم والله دي مش عيوب صناعة والعميل هو اللي رفض يجي يتابع معانا بعد كدة .. وحنحل المشكلة إن شاء الله .. وتتحل المشكلة .. فأي الطريقين أسهل .. أنهم يتصلوا بيك ويشوفوا الموضوع أيه .. ولا يطنشوا وتروح حماية المستهلك ويكلموهم ويحلوا المشكلة برضه .

وفي النهاية أنا من رأيي أنك تتمسك بحقك في الضمان والمتابعة معاهم حتى إتمام كافة الإصلاحات اللي أنت عاوزها .. ومتخرجش من التوكيل إلا وأنت مبسوط 24 قيراط .

أما بالنسبة لمقولتك أنك محدش فاضي يحل مشاكله بمشوارين وتقرير .. عاوز أسألك هل القصور ده اتعمل معاك قبل كدة في الصيانات السابقة .. ولا دي أول مرة ؟! .. باقي وجهة نظري حيكون من خلال المشاركات التالية .

من المستحيل ان تظن اخى الكريم ان مايحدث فى توكيل القطامية هو امر متعمد او سياسة مقصودة من شركة الامل بل هى قضية مترتبة على سوء اختيار الشركة للقائمين على مركز الصيانة لا اكثر ولا اقل
قارن بين ادارة مركز صيانة اسكندرية بالرغم من صغر حجمه و افتقادة للكثير من الامكانيات اذا ما قورن بمركز القطامية لكن رضاء العملاء عنه وما يقدم من خدمة جيدة جدا مختلف تماما بسبب حسن اختيار الفنيين وعلى راسهم المهندس اسامة مبروك الرجل الفاضل صاحب الاخلاق العالية والامانة والضمير اليقظ
سيدى الفاضل انها مسالة اخلاقية لا اكثر ولا اقل واذا لم ينتبه اصحاب الشركة الى هذه الفوضى الموجودة فى المركز وسوء مستوى الفنيين سواء الفنى او الاخلاقى وعدم رضاء العملاء عن هذا الوضع سيخسرون الكثير بعد ان حققت السيارة نجاحا غير مسبوق وكسبت احترام المستهلك المصرى
اتمنى ان تصل الرسالة وان تجد من يستمع لها

د. شريف .. ممكن يكون فعلاً فيه فنيين مستواهم ضعيف أو معندهمش ضمير .. وده مش في توكيل الأمل فقط .. لا في كل التوكيلات من كبيرها لصغيرها .. أنا شخصياً الميكانيكي بتاعي اشتغل فترة في توكيل سكودا علشان ياخد خبرة ويشوف العربيات دي بتتصلح ازاي .. وبعد كدة سابهم .. إذن هو رايح لهدف معين أنه يتعلم فقط مش يشتغل .. وكان بيحكيلي بلاوي بتحصل جوة التوكيل سواء منه أو من غيرة نابعة من قلة الخبرة أو ضعف المستوى .

بالنسبة لتوكيل إسكندرية .. فطبعاً من خلال مشاركات الأعضاء م/ أسامة مبروك من الناس المشهود لهم بالخلق الرفيع والفهم الفني العالي للسيارة .. وكذلك الفنيين العاملين هناك .. ولكن السؤال هنا .. هل الاهتمام ناتج من قلة الضغط على مركز اسكندرية وبالتالي إعطاء كل سيارة حقها .. أم من كفاءة الإدارة هناك ؟! أعتقد أن الإجابة هي الاتنين معاً .. ولو واحدة فيهم حصل فيها اخفاقات المنظومة كلها حتقع ووجهة النظر حتتغير .

السلام عليكم

كالعادة كل مره على كده !!!!!! يعملولك بلوه فى السيارة وبعدين يتصلوا بيك ...( اوعه تكون زعلت !!! احنا كنا بنهزر !!!!!)

مفيش فايدة ..مفيش فايدة................... اسوا توكيل فيكى يا مصر !!!!!!!!
شركة الامل كتبت شهادة وفاتها ....

لا والله يا أستاذ علاء أنا أتعاملت مع توكيلات كتير .. وللأسف ده الحال في معظم التوكيلات .. إلا القليل منها .. وبزيارة منك لأقسام المنتدى المختلفة حتعرف أن كلامي صح .

انا عندى اقتراح ممتاز كل لما ييجى موعد الصيانة بدل ما الواحد يروح مباشرة يكتب شكوى الاول على المنتدى وبالتالى هيتصلوا بيه ويقولوا له حقك علينا ويعطوله موعد مخصوص ويعاملوه معاملة خاصة وكدة يعنى يقوم يعمل صيانة عربيته كويس
تقبلوا تحياتى

هههههههههههههههه .. فكرة برضه


نيجي بقى نتناقش بدون انفعالات في الموضوع ده :

http://www.nilemotors.net/Nile/313646-a.html

ومحدش يضرب لحد ما نروح هناك
وأسف على الإطالة .. وأرجو أن تكون وجهة نظري وصلت

[melsheshtawy]

أستاذ باسم
أولا دعنى أشكرك على مشاركتك السابقة وأوضح ليك ما يلى:
فيما يخص إنهم كلمونى ودى حاجة كويسة فأنا أشهد بذلك والدليل إنى تقدمت بالشكر وبكرره مرة تانية للآنسة داليا والمهندس محمود عزام إللى كلمونى ولو حضرتك رجعت لمشاركتى الرئيسية هتلاقينى لم اذكر أى واحد ممن تسببوا فى المشكلة باسمه والأسماء إللى ذكرت قلت إنهم ناس على راسنا وبيحاولوا لكنى إنتقدت سياسة عامة بعيدا عن شخصنة المواضيع وده مش شكوى زى ما ناس كتير ممكن تفهم ده نقل تجربة للأمانة لأنى أشتريت السيارة بعد إطلاعى على المنتدى ده وغيره وواجبى أنقل صورة صحيحة عشان إللى حابب على كده أهلا وسهلا مش حابب يبقى هوه صاحب قراره
نيجى بقى لأهم نقطة وهل حدث معى إهمال قبل ذلك؟
الأجابة نعم ... أنا رحت التوكيل ده 5 مرات (بإستثناء أول مره فقط لم تدخل السيارة فى الموعد ولكن كل مرة انتظر الدور) بجانب أنه عند نقاشك لحل أحدى المشكلات بتحس الناس مش عارفة حاجة زى مثلا جهاز الإنذار إنذار ولا إيموبليزر عضة الفتيس (عمرى ما أتكلمت عنها لأنها مش مأثرة معايا جامد وأنا شارى العربيية وعارف بيها وراضى وبينى وبينك بالنسبة للشاهين إللى كانت معايا أهى نعمة) تقول عاوز أركب فوج لايت الصنايعى يقولك نلغى زرار سخانات الإزاز ونعمل مكانة زرار فوج لايت (بذمتك ده شغل توكيلات) مع إنه لو معندوش الذراع إلى فيه الزرار فى أكتر من 5 أماكن يحط فيهم المفتاح من غير ما يلغى حاجة تيجى تسلم العربية المهندس يقولك شيل إزازة البرفان إللى فى الشنطة لاتتاخد (طب يعقل يعنى آخد البرفان وأولى الفلاشة والأم بى ثرى وغطاء العربية بقى وإذا كان فى ورق يخص الشغل ما حضرتك عارف إن كل واحد فينا بيكون ليه متعلقات فى سيارتة زى بيته تمام وبالمناسبة العربية رجعت درج الفكة مافيهوش ولا مليم ومع ذلك لم اذكر مثل هذا 3 -4 جنيه مش حكاية يعنى)
يا أستاذ باسم أنا المهندس ده بشخصة تانى مرة يعتذرلى أنا شخصيا بسبب إنى مرة بكلمة عشان متأخر عن معادى حوالى ساعة بيكلمنى من غير ما يبصلى ومدينى ظهرة وماشى (كأنى جاى من غير حجز مثلا)(مرتين إعتذار فى 5 زيارات)
تبرير المواقف أكثر سوءا من الموقف يعنى تقوله جاى فى معادى يقولك ماشى بالدور طب والدور مجاش عليا ليه يقولك عملت أمر الشغل ونسيت أسجلة (طب مطلوب أعمل أيه لو أنا عندى صبر زيادة وقعدت 4 ساعات وهو لسه مسجلوش - أنا أصلا مش فاهم يعنى إيه يسجله بس واضح إنه تبرير للموقف -
حتة إن ده مش عيب صناعة أحب أوضح إن عربيتى القديمة عملت أكتر من 120 ألف كيلو فى 16 سنه وحادثة كسرت فيها موتور وفتيس ولم أعلم شكل عوامة البنزين طول 16 سنه ومتباعة العربية والعدادات كلها شغالة زى الفل (يا راجل ده أنا واحد قريبى معاة فيرنا بقوله عوامة البنزين وهو عارف العربية عاملة 20 الف قعد يضحك)
وأخيرا أنا عمرى مكنت هتكلم كده إلا إذا كان الكيل طفح وكل التوكيلات فيها صنايعية هم بيحسسوك إن هم بيشتغلوا مع صنايعية وباقى التوكيلات بتشغل دكاترة ومهندسين
وأخيرا المصر على خطا كالمستهزئ بمن أمامة (إنما كلنا بنغلط مفيش كلام لكن نفس الخطأ كل مرة لأ يبقى فيه حاجة محتاجة تتظبط)

[Samir Elshahawy]

مش عارف ليه و أنا بأقرأ مشاركتك و شكواك حاسس أني شوفت نفس الموضوع و عايشت موضوع مشابه و مع توكيلات أخري كبيرة و يابانية و أوروبية و كورية مش بس صينية

عارف أيه وجه الشبه ؟
أن كل هذه التوكيلات في مصر