من فضلك... ركب غاز

[ahmed2801]

مع وافر احترامى ل...أ/ أبو المعاطى.....و أ /أحمد 2801
أما بعد

خلونا نحسبها بطريقة تانية.. 250كم خليها مقياس للى هانقولة دلوقتى...بحساب سرعةمن100الى140 كم /س
يعنى 20 لتر بنزين =مسافة 250كم =37 ج م .
تفويلة 16م مكعب = ،،. 250كم = 7.20 ج م.
مسافة 100000كم=400 صفيحة بنزين فى 37ج =14800 ج م .بنزين 92 .
مسافة 100000كم=400 أسطوانة غاز ب 7.20ج =2880 ج م .
--------
الفرق بين الحالتين = 11920 ج م .
ثمن تركيب الأسطوانة----------------------ب =6500 ج م .
----- -
التوفيربعد خصم التركيب. ومصاريف التموين = 5420 ج م

فرق السحب لايذكر ..ومحتاج متخصص لملاحظته...هى .. هى العربية .مش فارقة بالجهاز الجديد..

أرجو أن أكون أوضحت وجهة نظرى...وشكرى العميق لمن ساهم أوسيساهم بالرد فى هذا الموضوع ..
وسامحونى على الاطالة...وهذا ماتيسر لى ...

سبحانك اللهم وبحمدك ، أشهد أن لا إله إلا أنت أستغفرك وأتوب إليك

السلام عليكم
مع شديد احترامى لرأى أ / ابوجنى2112 ولكل من شارك ف هذا الموضوع انا عن نفسى لا أحبذ تركيب الغاز فى سيارتى لاعتقادى الراسخ ان هذه المحركات صنعت للعمل بالبنزين ولا يصح عمل اى تعديل لهذا التصميم غير مضمون العواقب مهما كانت مغريات التوفير المادى.
وتقبلوا تحياتى.

[mohamedbook]

الموضوع مش محتاج بصو هنشوف الاول الغاز وبعدين البنزين ونعمل وسطين في طرفين

بالنسبة للغاز
كل 220 كيلو فلوسهم 7.2ج
كل 100000 كيلو قيمتهم هتكون هي (س)

اذا قيمة س =3273

بالنسبة للبنزين

كل 220 كيلو فلوسهم 37ج
كل 100000 قيمتهم هتكون هي (ص)

اذا قيمة ص=16819

وبطرح قمية ص من س او العكس مش فارقة
هيكون 16819-3273= 13546
وبطرح قيمة تركيب الغاز وهو 6500ج من القيمة المتبقية فرق الغاز من البنزين هيكون النتيجة بدون كسور
13546- 6500 = 7046
اذا الوفر هيكون سبعة الاف وستة واربعون جنها
بعتباري مشاي مائة الف كيلو
ولما امشي مائة الف كيلوا اخري هيكون الفرق 13546
اعتقد ان الغاز اوفر مع العلم انك هتخف من تغير فلتر البنزين وكذلك ثمن ترمبة البنزين الي بتتغير كل 100 الف كيلوا يعني ممكن تمنها يوصل ل 1500ج الالماني ونهيك عن لو حدث لا قدر الله ووقفت منك بسبب الطلمبة وجبتلها ونش يشلها لانها استحالة تدور معاك كمان معرض انك تغير الرشاشات بسبب انسداد الرشاشات من البنزين المهبب بتاعنا
اعتقد صفقة الغاز صفقة مربحة علي المدي الطويل
لكن مش هفتي في موضوع عمر الموتور دي لاني مش متاكد منها

[memos]

السلام عليكم انا عاجبنى اوى الموضوع وناوى اركب غاز بس انا مستنى اجمع مبلغ على الاقل 3500 عشان القسط يبقى 250 فى الشهر وانا حسبتها كويس لو انى بعد كل تفويله حططيت 10 جنيه على جنب لغايه ما الماتور يحتاج عمره هلاقى نفسى عملت على الاقل 8000 على اعتبار ان الغاز ممكن ينقص عمر الماتور فيفوت على 200000 بدلا من 250000 ساعتها هقدر اشترى ماتور تانى وبرضه انا موفر كتير الحسبه لازم تتحسب بهدوء وفى الاخر عقلك هيوديك ناحيه الاوفر

[مواطن مصرى]

استأذنكم ادخل معاكم فى الموضوع يا جماعه لو تكرمتم

فيه طريقة اسهل من كده بمراحل للحساب يا جماعه من غير الجمع و الطرح و الضرب و القسمة اللى عاملينها ..

كلنا متففين ان تفويله الغاز 16 متر = صفيحة بنزين 92 (بغض النظر هتعمل كام كيلو سواء عملت 150 او 200 او 220 او 250 كيلو كل ده حسب حاله الموتور و العربية و موديلها و طبيعه الطرق و الكلام ده كلو ) ..

تفويله الغاز = 7.40 ... و قول هتدى عامل المحطة نصف جنيه يبقى التفويله = 8 ج

صفيحة بنزين 92 = 37 جنيه .. و قول هتدى عامل المحطة جنيه هيبقى الصفيحة = 38 ج

الفارق بين الاثنين = 30 ج فى كل مره تمون فيها ...

لو بتمشى قليل بالعربية (يعنى بتحط كل اسبوع صفيحه بنزين واحده) :
هتمون غاز مرة فى الاسبوع و هتوفر 30 جنيه
يعنى فى الشهر هتوفر 120 جنيه ...
يعنى فى 12 شهر فى السنه هتوفر 1440 جنيه
يعنى فى خلال 4 سنوات و نصف هتجيب الـ 6500 جنيه مصاريف التحويل و بعد كده التوفير كله ليك ...


لو بتمشى كثير بالعربية (يعنى بتحط كل اسبوع 40 لتر بنزين)
هتمون غاز مرتين فى الاسبوع و هتوفر 60 جنيه
يعنى فى الشهر هتوفر 240 جنيه .
يعنى فى 12 شهر فى السنه هتوفر 2880 جنيه
يعنى فى خلال سنتين و 3 شهور هتجيب الـ 6500 جنيه مصاريف التحويل و بعد كده التوفير كله ليك ...

مش محتاجه حساب بالكيلومترات و لا العقد دى كلها ...

لو بتمشى قليل هتسترد الفلوس فى 4 سنوات و نصف
لو بتمشى كثير شويه هتسترد الفلوس فى سنتين و 3 شهور

مش هاقول انك لو بتسافر كثير او العربيه تاكسى هتسترد الفلوس فى سنه و شهرين او اقل من كده ...

اضيف عندك كمان انك مش هتغير فلتر البنزين كثير زى الاول ..

و مش هاتنظف الكاربيراتير او الرشاشات كل فترة زى الاول ..

و مش هاتشتكى من ازمه البنزين و الطوابير زى الاول ..

و مش هاتشتكى من البنزين المغشوش زى الاول ..

..

[ابوجنى2112]

السلام عليكم
مع شديد احترامى لرأى أ / ابوجنى2112 ولكل من شارك ف هذا الموضوع انا عن نفسى لا أحبذ تركيب الغاز فى سيارتى لاعتقادى الراسخ ان هذه المحركات صنعت للعمل بالبنزين ولا يصح عمل اى تعديل لهذا التصميم غير مضمون العواقب مهما كانت مغريات التوفير المادى.
وتقبلوا تحياتى.

احترام رايك واجب يافندم...كل الحكاية..
انى اعرض تجربة على اعضاء المنتدى للافادة منها.. فلك الحق ان تقبل او ترفض الفكرة ...
لأنها ليست ملزمة لأحد..
على فكرة ..محركات الغاز بها أيصا تانك بنزين ..وحساس ..ورشاشات على غرف الاحتراق مباشرة.
نفس الفكرة.. ولكن تانك البنزين فى هذة الحالة.بيكون صغير..
وياسيدى الفاضل :أحتساب ضمان العواقب لاقدر الله ..يحسب على تانك البنزين..لأنه هو القابل للأشتعال ..
وليس تانك الغاز...
ولو أى حد يحب يستفسر عن مدى اعتمادية وقوة الاسطوانة..عندهم فيديو مصور عن الاختبارات..
وانا حضرتك لاألزم اى فرد لتركيب الغاز ..ولكن هى طرح للفكرة ولسيادتك وجميع الأعضاء المحترمين
حرية الاختيار.....وهذا ماتيسر لى لأعرضة عليكم...
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[alaa0000000]

السلام عليكم

طبعا موضوع جميل جدا ومفيد و موفر جدا ......

بس يارب يسيبوا سعر الغاز فى حالة !!!! وما يطلعش واحد من(...........) ويقولك ان سعر الغاز عندنا فى مصر ارخص من الغاز فى جزر القمر !!!!!!!!!!!!!! هههههههههههه.

[ابوجنى2112]

ربنا يستر

[ابوجنى2112]

خد عندك الجديد...
وأنا بعمل الصيانة فى توكيل الأسكندرية..فولت من بنزينة غاز تك اللى على الطريق.
فاضية وهما مكنتين بس..
الأسطوانة أخدت كام متر...وهى على اللمبة الحمراء يعنى ممكن أمشى بيها كمان شوية...
فولت 18 متر مكعب.
. يعنى بزيادة 2 متر عن المعتاد..طب ليييييييييه....
علشان الضغط كان شديد فى التفويلة ..وانا لاحظتة فى العداد المتواجد عندى فى السيارة كان على320 بار
يعنى باختصار 2 متر مكعب...هايزودوا المسافة المنقطعة بالكيلو مترمن 250 ك م الى 270 ك م ..

والحمد لله على كل حال ..والله المستعان

[magedtohami]

ليه ..ياباشا كفى الله الشر...حضرتك عامل كام كيلو متر...ولو العمرة مش من الغاز ..
أتمنى أنه تشرح لنا تجربتك للأفادة..وبالنسبة لغيار الزيت.. أيه هو أفضل نوع... وهل بتحط أضافات عليه..
وشاكر لمرورك..وردك الجميل,,

اولا الفكرة مش فكرة كام كيلو الفكرة اني كنت لسه صغير وفرحان بالعربية فكنت بقرص جاااااااااااااااااااااامد بشكل يفوق قدرات العربية وده الي بوظها لكن الغاز رائع بصراحه غير مكلف تماما وخصوصا لي الي بيستخدم العربية كتير زيي وعربيته مابتركنش ساعتين على بعض فالشارع وكان بيديني عزم محترم جداااااااااااااااا 90% من البنزين يوم ماعطل مني صلحته ب35 جنيه والغاز يخلي الزيت ينزل نضيف غير البنزين وده بيخليك ممكن تأخر الغيارة شوية لان الزيت بيكون لسه دهبي وكنت بحط اس جي التعاون ومن غير اضافات خالص ولولا اني مش فاضي كنت قعدت للعربية عشان اروقها

[ابوجنى2112]

اولا الفكرة مش فكرة كام كيلو الفكرة اني كنت لسه صغير وفرحان بالعربية فكنت بقرص جاااااااااااااااااااااامد بشكل يفوق قدرات العربية وده الي بوظها لكن الغاز رائع بصراحه غير مكلف تماما وخصوصا لي الي بيستخدم العربية كتير زيي وعربيته مابتركنش ساعتين على بعض فالشارع وكان بيديني عزم محترم جداااااااااااااااا 90% من البنزين يوم ماعطل مني صلحته ب35 جنيه والغاز يخلي الزيت ينزل نضيف غير البنزين وده بيخليك ممكن تأخر الغيارة شوية لان الزيت بيكون لسه دهبي وكنت بحط اس جي التعاون ومن غير اضافات خالص ولولا اني مش فاضي كنت قعدت للعربية عشان اروقها

[bassem.naguib]

اخبار الغاز معاك أيه يا أبو جنى بعد الفترة دي ... شغال ولا مش شغال .. من حيث الاستهلاكات والتوفير والأداء ..

[ابوجنى2112]

اخبار الغاز معاك أيه يا أبو جنى بعد الفترة دي ... شغال ولا مش شغال .. من حيث الاستهلاكات والتوفير والأداء ..

بعد 7 شهور من تركيب الغاز..
التجربة مازالت ناجحة وفوق الممتازة..
موتورك مزبوط..قلترك نضيف..وده اهم حاجة..
السحب بيفضل سليم..وممتاز.وانا حبيت ااكد على كلامى بان فكرة التحويل مكسب وليس خسارة ..اشكركم

[ahmedalaahosny]

الف مبروك

الف مبروك بس سؤال هل التحويل للغاز مجدي اوي في البي واي دي؟

[ابوجنى2112]

الف مبروك بس سؤال هل التحويل للغاز مجدي اوي في البي واي دي؟

اعتقد بعد تطبيق 150لتر فى الشهر..هاتحس انك محتاجة فعلا

[ahmedalaahosny]

ياراجل

تصدق بالله انا معايا 35 الف وكنت عمال ادور علي عربية اكمل عليها باقية تعليمي سؤاء قيادة او ميكانيكا بس بعد الكام قرار اللي فاتوا قررت اني اشتري اديدس و لابنزين ولا بتاع