تجربتى مع زيت فالفولين التخليقى 5w-40

[elmanahry]

شكرا يا دكتور على الإفاده بس ليا سؤال , هو الجوان ده , حضرتك غيرته ليه ؟ يعن مثلا كان فيه صوت عالى على التسارع و لا حصل تغير مفاجىء فى اداء العربيه و لا ايه ؟

و هل الجوان ده له ماركات و أنواع ؟ و اللى حضرتك جبته كان ماركة ايه ؟ و بكام ؟

و هل فك القديم و تركيب الجديد بياخد غلبه و وقت و لا سهل عند أى حد بتاع شكمانات ؟

و مصنعية تغييره كام ؟


بس كده

احمد باشا الصوت كان عالى ولكن الصوت ابتدا يظهر اكثر وعندما ادرت السيارة امام احد الفهماء من الميكانيكية قال فورا جوان المشترك الامامى ارسلت لشرائة من التوكيل مع جوان اول علبة بحوالى 150 جنيه وتم تركيبه بسهولة عند اخصائى شكمانات واخذ خمسون جنيها والصوت هدى جدا والحمد لله

[peter magdy]

الصوت العالى اللى بيظهر بعد 120 مرتبط بعدة عوامل والشكمان قد يكون احداها بلا شك لكن انا ارى بعد خبرة السنين مع السيارة انه السبب الاساسى فى عزل كابينة السيارة عن الاصوات الخارجية بشكل عام وصوت المحرك بشكل خاص
احد الاعضاء المحترمين كان فور سيارته بالكامل لانه غاوى تعديل واكسسوار ففوجئ بانه التابلوه راكب على الصاج مباشرة وهناك بعض الفتحات خلف التابلوه غير مغلقة اساسا بجلب مطاط ولا يوجد لباد عازل اساسا فى حوض المحرك وطبعا كل ده لخفض تكاليف انتاج السيارة
يعنى انا لا اريد ان اعيب فى شركة الامل ولكن الامور دى واضحة والرسالة واصلة للجميع
وانا كان نفسى لو السيارة اغلى حتى ولو 5 الاف جنيه بس فيها كل الكلام ده

تقبل تحياتى

انا مع حضرتك ان يكون العزل فى السيارة على قدة
لكن هذا فى صالح السعر و على ما اعتقد بالنسبة لى انها تعتبر مقبولة فى العزل
شكرا لحضرتك على ملحوظاتك المفيدة

بصراحة ليك حق يااستاذ باسم واهم قطعة فى الشكمان هى جوان المشترك الامامى الخارج من الموتور بعدما غيرته صارت الامور افضل وايضا زيت الفالفولين كل وصف بيتر له صحيح

متكشر لحضرتك يا دكتور
و دايما بنتعلم من خبرات حضرتك
و دايما فى اتم صحة و حال

[peter magdy]

ممكن حد بقى يقولى هل كدة البنزين بتاع العربية كدة العادى بتاعة ولا فعلا الزيت الجديد بيوفر فى البنزين

[elmanahry]

ممكن حد بقى يقولى هل كدة البنزين بتاع العربية كدة العادى بتاعة ولا فعلا الزيت الجديد بيوفر فى البنزين

بيوفر في البنزين ولكن خبرتى مع ال byd f3 خلى رجلك خفيفة وسواقتك هادية هاتلاحظ الفرق ايام ماكانت رجلى سليمة ودوسات عنيفة كان الاستهلاك واضح

[peter magdy]

بيوفر في البنزين ولكن خبرتى مع ال byd f3 خلى رجلك خفيفة وسواقتك هادية هاتلاحظ الفرق ايام ماكانت رجلى سليمة ودوسات عنيفة كان الاستهلاك واضح

انا عموما سواقتى هادية يعنى مش بعدى rpm و بدى الغيار اللى بعدة
ربنا يديك الصحة و العافية و دايما فى احسن صحة و حال

[hanycapoo]

يا جماعه هل فيه حد فى مصر الجديده بيبيع الزيت ده ؟؟؟ وهل فيه اضافات من شركه فالفولين بتتحط على زيت الموتور بتهدى صوت العربيه وبتساعد فى استهلاك البنزين وسحب العربيه ؟؟

[medo_mony]

عزيزى الاستاذ احمد مادة ال engine flush او مادة ال motor clean التى هى ضعف القوة للمادة السابقة خطر جدا على الموتور الجديد والقديم الزيت التخليقى به مادة للتنظيف بنسبة تساعد على نظافة المحرك ونصيحتى لمن يستعمل زيت معدنى لفترة طويلة بان يستعمل زيت تخليقى ويجعل تغييره بعد خمسة الاف كيلو والمرة التالية سبعة الاف كيلو ثم تزيد المدة تباعا الى ان نصل الى عشرة وايضا خمسة عشر كيلو متر توجد عبارة ذهبية فى موقع car bible تقول مالم تضع شامبو او ايس كريم بدلا من الزيت فى الموتور لاتستعمل بتاتا مادة ال engine flush ولا حتى فى المواتير القديمة لانها تذيب بعض من ال black sludges التى تملا فراغات نتجت عن الاستعمال الكثير وهنا يقل كبس الموتور وتظهر الدخانة البيضاء
واحب اذكر عن صديق كانت معه سيارة نوبيرا وظل يستعمل زيت معدنى الى 30 الف كيلو ولجا لى ان انصحه بان يستعمل زيت تخليقى وكانت النصيحة غريبة بان يستعمل زيت لسيارات ديزل لمدة ثلاث الاف كيلو ويفرغه لان هذا الزيت به strong detergent ثم وضع الزيت التخليقى بنفس ال sequence التى شرحتها سابقا وكانت النتيجة رائعة واشكرك على التنويه والتذكرة بعدم استعمال مادة ال engine flush وشكرا جزيلا

السلام عليكم ورحمة الله وبركاتة كمالا لكلام حضرتك يا دكتور انا عربيتى من ساعة وهى زيرو كنت بستخدم زيت معدنى موبيل اكس اتش بى فضلت استخدمو من الزيرو لحد ما وصلت ل65000 الف كم وكنت بغيرو كل 5000 كم كمان مش 3000 زى ما الناس بتعمل وذلك الفترة مكنش عندى خبرة فى مجال الزيوت وبعد كدة لما فهمت قصة الزيوت واهمية التخليقى منها غيرت لزيت ليكو مولى مرتين او ثلاثة مش فاكر بدون فلاش ولا زفت واعدتة 9000 كم وبعد كدة وولف وبدون نقص زيت ولا اى حاجة الحمد لله ان الزيت المعدنى رغم المسافة دة كلها ملحقش يوسع خلوص الموتور والدنيا زى الفل مع التخليقى علطوول فطول ما الموتور بعد التغيير مبيحصلش تأكل او نقص فى الزيت التخليقى يبقى الدنيا زى الفل ان شاء الله

[saddam]

فالفولاين زيت كويس أرجو من اﻷخوة اﻷعضاء المواطنين مراجعة معلوماتهم بخصوص فلاش إنجن ودمتم للنضال