ارجوا مساعدتى ... عاوز اشترى ال f3

[cobrahi]

عجبنى كتير السيارة byd f3 لانى ركبت مع سائق ف المنصورة و كان الصالون روعه ف الوسع و الشنطه
و العفشه كانت كورولا فعلا لانى وقتها كان معايا العفشجى بتاعى و شوفت كمان الماكينه مكتوب عليها ميتسوبيشى و استغربت جدا

و عاوز اشترى واحدة لكن من بعد ما شوفت byd g3 2014 عجبنى شكلها جدا ع النت

ارجوا منك لو فيه اى عضوا اشترى الموديل 2014 byd g3 او byd f3 2014 انه يقولى تجربته مع هذة السيارة من جميع النواحى و خصوصا انى لاحظت من كل التقارير ان مفيش اى عضو اهتم انه يقولنا اخبار التكييف ايه و دة مهم عندى جدا جدا و ضرورى

انا تعبت بجد كتير من البحث خلال المنتديات ع تقارير كامله بكل شئ عن الجى 3 2014 و خصوصا التكييف فيها او ف موديل اف 3 2014

ارجو منكم المساعدة و الافادة ارجوكم

[cobrahi]

مفيش حد عبرنى خالص ليه كدة يجماعه الخير دة انا بستشيركم

ارجوا التفاعل و الرد عليه الله يكرمكم لانى ناوى اشترى واحدة

يرجى العلم بان اللون الاحمر مخصص فقط للمداخلات الادراية والاشرافية يرجى مراجعة قواعد المنتدى

مشرف 6 ب
5/10/2013
1.30am

[darooo]

مفيش حد عبرنى خالص ليه كدة يجماعه الخير دة انا بستشيركم

ارجوا التفاعل و الرد عليه الله يكرمكم لانى ناوى اشترى واحدة

الاخ الفاضل
يشرفنى ان ارد على حضراتكم بخصوص byd f3 2014 ، اكرمنى المولى عز وجل بشرائها من شهر تقريبا ، ممتازة ما شاء الله تبارك الله ، والتكيف بالاخص فوق الممتاز انا مظبته على ثلاث درجات اللى قبل درجة التبريد القصوى فى المفتاح وعلى سرعة واحد او اتنين بالكثير وممتاز وخصوصا ان الحرارة عندنا فى الصعيد فى الظهر اجارك الله ، اعمل استخارة وتوكل على الله ونصيحة هاتها من موزع او الوكيل مباشرة مش من معارض ، اما بخصوص g3 معرفش اى معلومات عنها. بالتوفيق ان شاء الله وربنا يهدينا واياكم لما فيه الخير، فى امان الله

[cobrahi]

مفيش حد عبرنى خالص ليه كدة يجماعه الخير دة انا بستشيركم

ارجوا التفاعل و الرد عليه الله يكرمكم لانى ناوى اشترى واحدة

يرجى العلم بان اللون الاحمر مخصص فقط للمداخلات الادراية والاشرافية يرجى مراجعة قواعد المنتدى

مشرف 6 ب
5/10/2013
1.30am

بعتذر عن اللون مكنتش اعرف و الله بس انا كتبت السطر دة باللون الاحمر علشان الناس تنتبه فقط لما اقوله

[cobrahi]

الاخ الفاضل
يشرفنى ان ارد على حضراتكم بخصوص byd f3 2014 ، اكرمنى المولى عز وجل بشرائها من شهر تقريبا ، ممتازة ما شاء الله تبارك الله ، والتكيف بالاخص فوق الممتاز انا مظبته على ثلاث درجات اللى قبل درجة التبريد القصوى فى المفتاح وعلى سرعة واحد او اتنين بالكثير وممتاز وخصوصا ان الحرارة عندنا فى الصعيد فى الظهر اجارك الله ، اعمل استخارة وتوكل على الله ونصيحة هاتها من موزع او الوكيل مباشرة مش من معارض ، اما بخصوص g3 معرفش اى معلومات عنها. بالتوفيق ان شاء الله وربنا يهدينا واياكم لما فيه الخير، فى امان الله

شكرا جدا اخى الغالى و ربنا يباركلك ف سيارتك و يحميك من كل شر

طيب انا مش من القاهرة اساسا و دورت كتير على عنوان المعرض الرئيسى للشركه مش عارف هوة فين ؟ لو تعرف ياريت تقولى

و هل فيه فرق فى الشكل بين موديل 2013 و 2014 اصل انا شوفت فيه اختلاف بين الشكلين ع كثير من المواقع و اليوتيوب ياريت لو تقولى

[medor74]

شركة الأمل توكيل byd في روكسي عند حديقة الميريلاند ممكن تسأل هناك وألف من يدلك

[cobrahi]

شكرا اخى medor74 ع الرد و اهتمامك

[د.عماد صلاح]

ال f3 ...ممتازه و متجربه و منتشره و كونها تشتغل تاكسي يبقي اولا بتستحمل ثانيا قطع غيارها منتشره
يعيبها التوكيل ضعيف شويه بس
الg3 موتورها صيني و 1500 بتكونولوجيا هوندا ....المشكله فيها انها لسه ما انتشرتش بسيب كسل التوكيل ....العربيات دي لو مع توكيل شاطر ماكنتش هتسمع عن صيني غيرها

[cobrahi]

شكر ا ليك اخى الغالى د.عماد صلاح ع النصيحــــــــــــه و جزاك الله كل خيــــــــــــر

[shrbiny]

لو انت من المنصوره زي مفهمت الموزع شركه الغد بجوار عيسي جنب المرور

[cobrahi]

لو انت من المنصوره زي مفهمت الموزع شركه الغد بجوار عيسي جنب المرور

لاء للاسف انا من بوسعيد مش من المنصورة لذلك يلزم عليه الذهاب الى فر ع المعرض الرئيسى بالقاهرة او معرض الشركه بالاسكندريه مش عارف مين فيهم اقرب الله المستعان
انا بس خايف من موضوع عضه الفتيس الى لاقيته كتير ف موضوعات بالمنتدى ف المانول !!
هل تم اصلاح عضه الفتيس بالمانول ف موديل 2014 و لا لاء مش عارف .. او حد عندة معلومه اكيد ياريت يقولهالى ارجوكم
و سعر المانول كام لشهر اكتوبر

[monami101]

لاء للاسف انا من بوسعيد مش من المنصورة لذلك يلزم عليه الذهاب الى فر ع المعرض الرئيسى بالقاهرة او معرض الشركه بالاسكندريه مش عارف مين فيهم اقرب الله المستعان
انا بس خايف من موضوع عضه الفتيس الى لاقيته كتير ف موضوعات بالمنتدى ف المانول !!
هل تم اصلاح عضه الفتيس بالمانول ف موديل 2014 و لا لاء مش عارف .. او حد عندة معلومه اكيد ياريت يقولهالى ارجوكم
و سعر المانول كام لشهر اكتوبر

ياريت ياجماعه حدج يطمننا على عضة الفتيس .. بفكر فى العربيه بجد .. وربنا يكرمنا جميعاً

[cobrahi]

ياريت بجد و انا متضامن مع الاخ monami101

[samy_laf]

النسخة الصيني مفيش عضة في الفتيس نهائيا
والعضة اللي في النسخة المصرية بتتعالج في الضمان

[cobrahi]

شكرا اخى الغالى samy_laf ع الرد و الاهتمام و المعلومه