اتسرقت و الحمد لله

[J A G U A R]

قدر الله ما شاء فعل ..
ربنا يعوض عليك ..

[hugan]

قدر ولطف
المهم ان العرببيه موجوده وسليمه

[ahmedselaraby]

ربنا يعوض ويخلف عليك يا أبو حميد .. هي حرقة الدم في المقام الأول هي الشعور أنك اتسرقت .. وعلى ما تفوق تاخد الصدمة التانية في الخسائر المادية اللي مكنتش على البال .. والحمد لله على كل شيء واعتبرها حاجة فدتك وفدت العيال وده أحسن بكتير .. والحمد لله على كل شيء

بس كدة الموضوع ناقص صور لطقم المسامير واللقمة اللي بتفكه .. وبتركب على أيه وبتتفك ازاي .. وهل هو فعلاً عملي ولا اشتغالة

هوه بيبقى مسمار عجل ذو رأس شاذة (و محدش يفهمنى غلط فى كلمة شاذة ديه) يعنى ماتركبش فى مفتاح عجل عادى ,, لازم تيجى وصلة ما بين مفتاح العجل العادى و المسمار الشاذ ,, هذه الوصلة اللى هى بيسموها لوقمة بيبقى ليها طرفين ,, طرف بيركب على رأس المسمار الشاذ (الوحيد اللى ممكن يعشق فيه) و الطرف لتانى بيركب (بيعشق) فى مفتح العجل العادى

و ديه لينكات بالمنتج ,, معلش للأسف أنا رميت الورقه بتاعت المسامير ,, بس اللينكات ديه كفاية شبه اللى فل سوق بالظبط

Locking Wheel Nuts | Milenco Limited | Caravan Products | Caravan Security | UK

BMW E46 325Ci M54 2.5L Wheels Locks ES#65870 Wheel Lock Kit With Key - Set Of Four - 36136786419

Honda Wheel Lock Kit Fits Most Hondas | eBay

4 x M12X1.5 LOCKING ALLOY WHEEL NUTS + REMOVAL KEY ANTI THEFT LOCK NUTS | eBay

http://www.amazon.com/s/ref=sr_hi_4?rh=n%3A15684181%2Cn%3A%2115690151%2Cn%3A15706571%2Cn%3A15706581%2Cn%3A15706751&ie=UTF8&qid=1391367672&ajr=0

Mcgard Wheel Locks for Rims - Installation at Belle Tire

أما مدى الفاعلية ضد السرقة ,, فالصراحة لسة ماجربتش و مش عايز أجرب

سلامى للكل و ربنا يحفظكم جميعا

[morabet8]

الحمد لله يا باشا خدت الشر وراحت

[peter magdy]

معلش يا استاذ احمد
ربنا يعوض عليك
انا رأى تجيل لمبتين نيون 120 سم و تنورهم و خصوصا لو الشارع مظلم
لان النور بيبعد الحرامية
و ربنا يسترها عليك و علينا

[mirra]

المسامير من جهه شاذه...هى شاذه فعلا!!! ده انا جبت مسمار بمفتاح الانكيه و كنت مفكره اختراع

[Ahmed_BYD_F0]

قدر الله وما شاء فعل
الحمد لله ان صحتك والاسرة الكريمة بخير
وفعلا موضوع قيم وانا استفدت منه جدا

[ahmedselaraby]

معلش يا استاذ احمد
ربنا يعوض عليك
انا رأى تجيل لمبتين نيون 120 سم و تنورهم و خصوصا لو الشارع مظلم
لان النور بيبعد الحرامية
و ربنا يسترها عليك و علينا

شوف يا بيبو

هو لو الحرامى كان فامباير (مصاص دماء) أو زومبى (الأموات الأحياء) ... ممكن اه أقولك ساعتها ان نور النيون حيطفشه

انما انت عارف .... الحرامية عندنا هنا فى مصر أوطى من كده صدقنى

ايـــــــه يا عم بــــــيـــبـــو

انت شكل الأفلام الأجنبى مأثرة عليك و عايش فى دونيه تانيه ,, شغل فيلم i am legend بتاع ويل سميث و فيلم 28 days later

لمض نيون ايه يا عم بيبو

مش كده يا عم بيبو

بطل تتفرج على أفلام أجنبى و إتفرج أحسن على أفلام نادية الجندى .. حتبقى كويس .. اه

حبيبى يا عم بيبو

صبح صبح

[mohhassan]

ولله قلبى بيقطع وحاسس فيك ربنا يعوض عليك ويكفينا شر الشرار

[moh_faheem]

قدر الله ماشاء فعل والحمد لله على كل شى

[ehabpopo]

قدر الله وماشاء فعل ... الحمد لله انها جت فى الفلوس .... ماحدش فينا عارف الخير فين

[hossam165]

لا حول ولا قوة الا بالله العلي العظيم
ربنا يعوض عليك يا عربي ويعوضك خير ان شاء الله
احساس وحش جدا انك تحس ان الناس استحلت مالك
مجربه قبل كده في العربية القديمة نزلت لاقيت الزجاج مكسور والكاسيت مسروق
وكله كوم ولفي علي زجاج الهواية ده كوم لواحده ودفعت علي حتت المثلث الصغيرة ديه ثمن زجاج امامي غير اللف والدوران عليه

[S O P H O S]

لا حول ولا قوة الا بالله
ربنا يعوضك خير معلش

[starlanos]

الحمد لله علي كل حاجه
جارنا سروقو الجنوط الاربعه وسبوها علي طوب
كويس سبولك2
والحمد لله انهم حطو طوب مرمهاش علارض
ايه قصه المسامير

[samer5000]

أحمد ربنا انها كدت لحد كده انا أخويا نزل ملقاش العربية كلها قضا أخف من قضا لكن ده إنذار ليك علشان تأمن عربيتك وتخلي بالك