تقرير عن byd at 2014 بعد 10.000 كم

[A7med AlMaGiC]

ربنا يبارك ليك فيها ويكفيك شرها .. وعقبال صيانة المليون وتفضل مبسوط منها دائماً .

ربنا يبارك فيك يا باشا ويارب فعلا تفضل العربيه علي نفس المستوي ده يارب

[bassemali]

تقرير ممتاز .. من شخص محترم .. لسياره راااااااااااائعه .. ربنا يديك خيرها ويكفيك شرها ..

[A7med AlMaGiC]

تقرير ممتاز .. من شخص محترم .. لسياره راااااااااااائعه .. ربنا يديك خيرها ويكفيك شرها ..

ربنا يخليك يا باشا

[mohhassan]

الفرش الجلد موجود ف التجمع الخامس في معرض سبير كار في شارع التسعين اول شارع البنوك وسعره كده معقول لأنه مقارب جدا للعباسية والتوفيقيه ومتنساش انه كده بالتركيب كمان

شكرا لردك ولكن بالعكس انا شايف انه كويس جدا مقارنة بالسعار بتاعة جينيز كار اقل فرش ارضية 400 وكراسي 900 وكمان اذكر ان عضو معانا تقريبا حمادة هنداوى ركب الفرش و الزينون وكشافات الضباب ب 3000 جنيه الكل فمعنى كده ان التنجيد لوحده غالى في جينز كار فعلشان كده انا بسأل عن الجودة !

[A7med AlMaGiC]

شكرا لردك ولكن بالعكس انا شايف انه كويس جدا مقارنة بالسعار بتاعة جينيز كار اقل فرش ارضية 400 وكراسي 900 وكمان اذكر ان عضو معانا تقريبا حمادة هنداوى ركب الفرش و الزينون وكشافات الضباب ب 3000 جنيه الكل فمعنى كده ان التنجيد لوحده غالى في جينز كار فعلشان كده انا بسأل عن الجودة !

لا الجوده تمام وكمان متاح ليك تختار مابين اشكال كتير جلد او قماش او جلد وقماش مع بعض وبردو كلهم بنفس السعر 380 جنية وبردو الارضيه والشنطة بيتغلفوا جلد وانت بتختار بردو الجوده وب 300 جنية انا عن نفسي شايف جوده الفرش كويسه واسعارة كويسه جدا لكن جينز كار غالي جدا

[tito32]

ربنا يخليك ياباشا

[A7med AlMaGiC]

ربنا يخليك ياباشا

ويخليك يا باشا

[J A G U A R]

تقرير جميل
ربنا يباركلك فيها

[A7med AlMaGiC]

تقرير جميل
ربنا يباركلك فيها

ويبارك فيك يا باشا

[tito32]

ربنا يبارك ياباشا

[A7med AlMaGiC]

ربنا يبارك ياباشا

ويبارك فيك ياباشا

[sfawzy]

طبعا السياره BYD AT 2014 وهي لغايت دلوقتي الحمد لله معملتش معايا مشاكل تذكر بمعني كلمه مشكله الحمد لله نبتدي بقي نتكلم علي حاجه حاجه مع بعض ولو نسيت حاجه وحد عايز يستفسر عنها انا موجود ف الخدمه
1.بالنسبة للفتيس فهو الحمد لله زي الفل الحساس بتاعه تمام طلعه العربيه من الثبات لوحدها من غير بنزين تمام بردو مش حاسس فيه بأي مشاكل الحمد لله
2.سرعه العربيه بزيد بيها يوم عن يوم بس مش بحب اقرص عليها اوي يعني 180 زي الفل والعربيه ثابتة علي الطريق بالاضافة انك تبقي مركز اوي مع الطريق لأنكوا طبعا عارفين الطرق عندنا حلوه ازاي والردارات
3.بالنسبة لصوت الماتور اتكلمنا فيه قبل كده هو عالي نسبيا بس بردو ارجع واقولكوا بتفرق من رجل ل رجل علي دواسه البنزين انا من غير التكيف بجيب 120 وال RPM علي 3 لكن انا بشوف ان صوتها مش وحش لدرجه ان ناس تقول عليه عالي اوي بالعكس غير لما يفتح المفاجئ بقي ده موضوع تاني صوتها بيبقي عالي جدا وال RPM بيوصل معايا ل 6 كمان
4.العربيه ساعات بتغابي فيها بغرز بصراحه او حاجه ويشتغل مني المفاجئ زي ما قولتلكوا ويعلي الامبير لغايت 6 وانا عارف ان ده غلط بس الحمد لله مأثرش علي حاجه
5.عفشه العربيه الحمد لله زي الفل مش بسمع فيها اصوات لأن في كل مره صيانه بتتربط لأن بيبقي فيها بدايه اصوات بس وبعد الضيانه بتختفي
6.كاوتش العربيه خشن جدا علي الطريق وناشف وده بيعلي صوت العربيه انا عارف بس بيني وبينكوا لما جربته في المطرة لا كان كويس جدا وده خلاني انسي فكره اني اغيره بواحد ميعملش صوت ع الطريق
7.فتحة السقف تمام كان في ناس بتخوفني منها وبتقولي الدراع مبيستحملش فتح وقفل كتير والكلام ده لكن الحمد لله مفيش فيها مشاكل
8.السي دي بتاعها تمام بردو مفيش فيه مشاكل بس الراديو بيستهبل في محطات معينة بتشتغل 15 ثانية وتتكتم نهائي لازم اغير وارجع ليها تاني وبردو 15 ثانية وتفصل ولما سألت في التوكيل قالولي لا ده ضمان الكاست مش عندنا
9.بالنسبة لل MP3 بتاع الولاعه منصحش حد يجيبه لأن فيه زنه لما بيعلي زياده ف خليكوا في AUX احسن
10.فرش العربيه البيج الجميل جدا اللي بيتوسخ من الهوا طبعا هغيره روحت سألت لقيت الارضيه بتاعت العربيه كلها بالشنطة ب 300 جنية جلد وفرش الكراسي ب 380 جلد بردو هعمله حاجه تمشي مع الطابلوه بردو والعربيه
11.بالنسبة للهاند بتاعت العربيه اتظبطت الحمد لله 5 تكات وبتقفش ع الارض مع التجربه طبعا
12.ظبطت شنطة العربيه بدل ما كانت بتترزع قولتلهم في الصيانه واتعملت الحمد لله
13.التكيف الحمد لله تلاجه ومحتجش اي صيانه في ال10.000 خالص
14.سحب العربيه مع التكيف تمام مش بيأثر اوي غير ف الجري لكن بتجري بردو وبتشد بس بتاخد وقت اقل علشان تجمع بس مش فرق كبير
15.سحب البنزين لغايت دلوقتي مش قادر احددة بالظبط لأن بتفرق معايا جدا لو في طرق زحمه مبتاخدش كتير لأن العربيه بتبقي ماشيه بالكتير 70/80 لو في طرق سريعه بتااااكل بنزين فوق 140/150 يعني في مره حسبتها اتحركت من موقف العاشر للوايلي ودخلت علي المطريه ورجعت علي شبرا خدت الدائري من بعد المؤسسة ورجعت تاني علي موقف العاشر ازود بنزين من محطة وطنية خدت 4 لتر بس !!! مش عارف ازاي
16.مساحه التانك بردو قد ايه محدش عارف يحددها واصدقاء كتير في المنتدي بيقولوا بتوصل معاهم ل 57 لتر مع ان في الكتالوج بيقولوا 50 لتر بس !! وانا مجربتش بصراحه الموضوع ده ياريت حد يبقي يعرفنا
اتمني اكون قدرت افيدكوا جزئيا من العربيه واي حد عنده استفسار انا في الخدمه

بالنسبه للبند (8) الخاص بمشكله توليفه محطات الراديو اللي بتشتغل وبتختفي بعد 20 ثانيه
انا المشكله دي كانت عندي والحمد لله اتحلت
دة مش عيب في الكاسيت
لكن في يمين الكاسيت اضغط علي زرار "Mode" ومنه اختار ANC
حتلاقيها علي ON غيرها وخاليها علي Off
وان شاء الله حتلاقي العيب دة اختفي معك
محلوظه : المعلومه دي منقوله من الاستاذ muh_nabil1979

[sfawzy]

طبعا السياره BYD AT 2014 وهي لغايت دلوقتي الحمد لله معملتش معايا مشاكل تذكر بمعني كلمه مشكله الحمد لله نبتدي بقي نتكلم علي حاجه حاجه مع بعض ولو نسيت حاجه وحد عايز يستفسر عنها انا موجود ف الخدمه
1.بالنسبة للفتيس فهو الحمد لله زي الفل الحساس بتاعه تمام طلعه العربيه من الثبات لوحدها من غير بنزين تمام بردو مش حاسس فيه بأي مشاكل الحمد لله
2.سرعه العربيه بزيد بيها يوم عن يوم بس مش بحب اقرص عليها اوي يعني 180 زي الفل والعربيه ثابتة علي الطريق بالاضافة انك تبقي مركز اوي مع الطريق لأنكوا طبعا عارفين الطرق عندنا حلوه ازاي والردارات
3.بالنسبة لصوت الماتور اتكلمنا فيه قبل كده هو عالي نسبيا بس بردو ارجع واقولكوا بتفرق من رجل ل رجل علي دواسه البنزين انا من غير التكيف بجيب 120 وال RPM علي 3 لكن انا بشوف ان صوتها مش وحش لدرجه ان ناس تقول عليه عالي اوي بالعكس غير لما يفتح المفاجئ بقي ده موضوع تاني صوتها بيبقي عالي جدا وال RPM بيوصل معايا ل 6 كمان
4.العربيه ساعات بتغابي فيها بغرز بصراحه او حاجه ويشتغل مني المفاجئ زي ما قولتلكوا ويعلي الامبير لغايت 6 وانا عارف ان ده غلط بس الحمد لله مأثرش علي حاجه
5.عفشه العربيه الحمد لله زي الفل مش بسمع فيها اصوات لأن في كل مره صيانه بتتربط لأن بيبقي فيها بدايه اصوات بس وبعد الضيانه بتختفي
6.كاوتش العربيه خشن جدا علي الطريق وناشف وده بيعلي صوت العربيه انا عارف بس بيني وبينكوا لما جربته في المطرة لا كان كويس جدا وده خلاني انسي فكره اني اغيره بواحد ميعملش صوت ع الطريق
7.فتحة السقف تمام كان في ناس بتخوفني منها وبتقولي الدراع مبيستحملش فتح وقفل كتير والكلام ده لكن الحمد لله مفيش فيها مشاكل
8.السي دي بتاعها تمام بردو مفيش فيه مشاكل بس الراديو بيستهبل في محطات معينة بتشتغل 15 ثانية وتتكتم نهائي لازم اغير وارجع ليها تاني وبردو 15 ثانية وتفصل ولما سألت في التوكيل قالولي لا ده ضمان الكاست مش عندنا
9.بالنسبة لل MP3 بتاع الولاعه منصحش حد يجيبه لأن فيه زنه لما بيعلي زياده ف خليكوا في AUX احسن
10.فرش العربيه البيج الجميل جدا اللي بيتوسخ من الهوا طبعا هغيره روحت سألت لقيت الارضيه بتاعت العربيه كلها بالشنطة ب 300 جنية جلد وفرش الكراسي ب 380 جلد بردو هعمله حاجه تمشي مع الطابلوه بردو والعربيه
11.بالنسبة للهاند بتاعت العربيه اتظبطت الحمد لله 5 تكات وبتقفش ع الارض مع التجربه طبعا
12.ظبطت شنطة العربيه بدل ما كانت بتترزع قولتلهم في الصيانه واتعملت الحمد لله
13.التكيف الحمد لله تلاجه ومحتجش اي صيانه في ال10.000 خالص
14.سحب العربيه مع التكيف تمام مش بيأثر اوي غير ف الجري لكن بتجري بردو وبتشد بس بتاخد وقت اقل علشان تجمع بس مش فرق كبير
15.سحب البنزين لغايت دلوقتي مش قادر احددة بالظبط لأن بتفرق معايا جدا لو في طرق زحمه مبتاخدش كتير لأن العربيه بتبقي ماشيه بالكتير 70/80 لو في طرق سريعه بتااااكل بنزين فوق 140/150 يعني في مره حسبتها اتحركت من موقف العاشر للوايلي ودخلت علي المطريه ورجعت علي شبرا خدت الدائري من بعد المؤسسة ورجعت تاني علي موقف العاشر ازود بنزين من محطة وطنية خدت 4 لتر بس !!! مش عارف ازاي
16.مساحه التانك بردو قد ايه محدش عارف يحددها واصدقاء كتير في المنتدي بيقولوا بتوصل معاهم ل 57 لتر مع ان في الكتالوج بيقولوا 50 لتر بس !! وانا مجربتش بصراحه الموضوع ده ياريت حد يبقي يعرفنا
اتمني اكون قدرت افيدكوا جزئيا من العربيه واي حد عنده استفسار انا في الخدمه

بالنسبه للبند (9) في وصلات بتتباع Aux ومن الناحيه الاخري USB يعني وقتها مش حتحتاج للبطاريه او للـ ام بي ثري

البند (10) انا لي اسئله لو تسمح:
1- فين المكان اللي حضرتك لقيت في الفرش والاسعار دي؟
2- لان معلوماتي ضعيفه برجاء توضح ايه هو فرش الارضيه والشنطه جلد؟
يعني بيشيل الموكيت اللي في الارضيه ويحط جلد مكانه زي الدوسات مثلا؟
3- فرش الكراسي جلد - هل يا تري بيكون نفس الخامه والشكل بتاع العربيه الاصلي ولا بيكون مختلف؟
يعني انا مثلا عاجبني بتاع العربيه وعاوز احافظ عليه فهل ممكن اركب فرش يكون شبه او زيه بالضبط؟

البند(15) حضرتك قدرت تحسب استهلاك البنزين ازاي ؟
يعني عرفت من فين انها 4 لتر ليه مش 5 مثلا
عذرا بس انا فعلا مش بعرف بيتحسب ازاي
يعني العلامه في العداد اعتقد 5 لتر
يا ريت توضح النقطه دي

البند (16) الخاص بالبنزين
انا لما اشتريت العربيه كانت لمبه البنزين منورة وفولتها بـ 55 لتر
فعلا مساحه التانك 50 لتر فقط اما الباقي الزيادة فدي بتكون الزور + المواسير

اخيرا الف شكر لمجهودك وربنا يبارك لك ويبارك فيك

[A7med AlMaGiC]

بالنسبه للبند (8) الخاص بمشكله توليفه محطات الراديو اللي بتشتغل وبتختفي بعد 20 ثانيه
انا المشكله دي كانت عندي والحمد لله اتحلت
دة مش عيب في الكاسيت
لكن في يمين الكاسيت اضغط علي زرار "mode" ومنه اختار anc
حتلاقيها علي on غيرها وخاليها علي off
وان شاء الله حتلاقي العيب دة اختفي معك
محلوظه : المعلومه دي منقوله من الاستاذ muh_nabil1979

ياريت تتحل المشكله دي هجرب واكيد لو اتحلت هعرفكوا وشكرا لحضرتك

[A7med AlMaGiC]

بالنسبه للبند (9) في وصلات بتتباع Aux ومن الناحيه الاخري USB يعني وقتها مش حتحتاج للبطاريه او للـ ام بي ثري

البند (10) انا لي اسئله لو تسمح:
1- فين المكان اللي حضرتك لقيت في الفرش والاسعار دي؟
2- لان معلوماتي ضعيفه برجاء توضح ايه هو فرش الارضيه والشنطه جلد؟
يعني بيشيل الموكيت اللي في الارضيه ويحط جلد مكانه زي الدوسات مثلا؟
3- فرش الكراسي جلد - هل يا تري بيكون نفس الخامه والشكل بتاع العربيه الاصلي ولا بيكون مختلف؟
يعني انا مثلا عاجبني بتاع العربيه وعاوز احافظ عليه فهل ممكن اركب فرش يكون شبه او زيه بالضبط؟

البند(15) حضرتك قدرت تحسب استهلاك البنزين ازاي ؟
يعني عرفت من فين انها 4 لتر ليه مش 5 مثلا
عذرا بس انا فعلا مش بعرف بيتحسب ازاي
يعني العلامه في العداد اعتقد 5 لتر
يا ريت توضح النقطه دي

البند (16) الخاص بالبنزين
انا لما اشتريت العربيه كانت لمبه البنزين منورة وفولتها بـ 55 لتر
فعلا مساحه التانك 50 لتر فقط اما الباقي الزيادة فدي بتكون الزور + المواسير

اخيرا الف شكر لمجهودك وربنا يبارك لك ويبارك فيك

تحت امرك يا باشا اول حاجه بالنسبة للفرش ف هو موجود في التجمع الخامس اول شارع البنوك من اول شارع التسعين معرض اسمه سبير كار
2-فرش الارضيه جلد والشنطة يعني بيفك الكراسي والكونصول بتاع المسند ده ويخلف الارضيه البيج بتاعت العربيه بجلد بيتحط فوق الفرش الاصلي بتاع العربيه يعني بس بيغطي الفرش الاصلي نهائي علشان ميتوسخش ويفضل موجود فابريقه
3-بالنسبة لفرش العربيه بيكون خامات مختلفه وانت تختار ع حسب السعر اللي يناسبك وبردو بيفضل الفرش الاصلي وبيركب الفرش الجديد عليه علشان يتحافظ عليه انه يتوسخ او كده
وبالنسبة لحساب ال 4 لتر انا رجعت تاني بعد المشوار ده كله ع البنزينه علشان افول العربيه مره تانيه واتأكد كام لتر بالظبط لأني كنت مفولها ع الاخر لغايت الزور ورجعت تان افولها لغايت الزور لقيتها خدت 4 لتر ودي حاجه كويسه جدا
واخيرا الف شكر لحضرتك واتمني اكون قدرت افيدك وانا تحت امرك في اي سؤال تاني اتشرفت بيك