أستفتاء جديد عن ال byd l3 أتوماتيك 2016

[Elsanady]

السلام عليكم

أنا جديد فى عالم السيارات و قد حاذ المنتدى على أعجابى الشديد بالمشاراكات و لهذا قررت التخلى عن المشاهدة و الأشتراك معكم للأستفادة من خبراتكم و لذلك هذة أول مرة فحياتى أقوم بالتسجيل فى أى منتدى و هذة أول مشاركة ليا :) .

بدون أطالة قد نويت شراء عربية جديدة و فى قمة و أشد الحيرة بين رينو لوجان أوتو 2016 أو ال BYD L3 أوتو 2016 , و قد قرأت مشاركات كثيرة عن الL3 و نالت أعجابى ولكن أغلب المشاركات الهامة لاحظت أنها قديمة (معظمها 2014) لذلك أرغب من أهل الخبرة فتح ملف هذة السيارة مرة أخرى بعد مرور قدر كافى من الوقت لأكتشاف عيوبها و تجربة أدائها, خصوصا و لى تخوفات من كونها صينى و من الفتيس و من الصيانات و التوكيل و قطع الغيار.

أرجو من الملاك و أهل الخبرة أبداء الرأى بين السيارتين و خصوصا ال L3 و مشاكلها و صيانتها.

و شكرا جزيلا

[سامح حمدى]

نرجو من الاخوة اصحاب الخبرة والتجربة الرد على الموضوع


انا سمعت ان من عيوب السيارة l3 وجود عيب فى الاستارت مع عدم امكانية الاصلاح و ايضا وجود مشاكل بالفتيس بجانب عدم توافر الاكصدامات ولا اعلم مدى

دقة المعلومة

و جزاكم الله خيرا

[egyptiandiver]

أنا يا أخي فكرت فيها و بصراحة ربنا آثرت السلامة و ذي ما بيقول هربت بجلدي... سامع إن في مشاكل شديدة في الفتيس الاتوماتيك و الاهم إن تقريباً التوكيل زي قلته - يعني زي مافهمت مبيعملش الصيانة الناجزة أو بيغير الفتيس و بيسيب الناس تتصرف بعيد عنو و خلاص! عوز متكونش ظالم و إحتمال العربية كويسة؟ جيب من الآخر و روح أقرب مركز صيانة معتمد للعربية دي و أقعد مع الناس أصحاب السيارات أنفسهم... و دول بقى يا حبيبي مهيكونش عندهم هوى - يعني مش مندوب مبيعات و عاوز يجيب الترجت بتاع عشان يصرف حوافز! لو مفيهاش الهوى حتى هتعرف مدى توفر قطع الغيار و اسعارها... كمان إنزل سوق السيارات بتاع مدينة نصر و شوف أسعار المستعمل بتاعها رنجه كام؟ و لو متوغوش يبقى جيب من اللاخر و جيبلك كورلا مستعملة بال-100 أو 120 إلي معاك يا سيدي بس يكون مكشوف عليها في التوكيل ذاته عشان يجيبولك لو فيها حتى الهوى... و تكلفة إصلاح كام؟ و أما تيجي تبيع هتكون فلوسك في جيبك بإذن الله و يمكن تكسب كمان! تويوتا عربيات ذي الحديد :)) ده رأيي المتواضع و برد شوف الاخوة يفيدوك، الله يعملك الاصلح إن شاء الله.

[Elsanady]

طب و أية أخبار اللوجان أتوماتيك 2016؟؟

[abou2000us]

من غير كدب انا اشتريتها هيا عربية مش وحشة ومش حلوة يعنى انا قابلتنى مشكلة فيها النهاردة للمرة الثانية بتبطل فجأة ومتدرش تانى الا لما تبرد بعد فترة حتى ولو لسة ماشى بها مسافة مش كبيرة وربنا يسهل واروح التوكيل واعرف سبب الحرارة الزيادة اللى بتحصل وبعدها العربية بتبطل ويظهر علامة الانجين الحمراء ولا تدور الا بعد فترة لكن لم يظهر لى اى حاجة غير كدة حتى اللحظة واظن انا العربية لو مظهرش العيب دة كانت بقت كويسة جدا جدا مقارنة بالسيارت الصينى الاخرى

[Elsanady]

حضرتك جايبها أتوماتك ولا مانيوال و موديل كام و لو أتوماتك مقابلكش أى نوع من المشاكل مع الفتيس؟؟

[abou2000us]

العربية اوتوماتك موديل 2016 مظهرش غير موضوع الحرارة الى الان ولم اكمل الالف كيلو

[Elsanady]

ألف مبروك ربنا يباركلك فيها و يسترها معاك , خلى بالك أنا سامع شكاوى كتييير من الفتيس الأوتوماتيك و ناس كتير بتنصح بتغيير الزيت الأصلى من الأول كدة عشان ردئ جداا ... تابعنا بأحوال السيارة و خصوصا الفتيس أنا ناوى أجيبها بردة بس موضوع الفتيس دة قالقنى جدااا

[egyptiandiver]

http://www.nilemotors.net/Nile/483467-a.html

[abokoko]

انتظر معرض اوتو ماك في مارس جايز تلاقي اختيارات اكتر

لو عايز تبعد عن الصيني مكن تفكر في بروتون اوتو سواء جين تو او بيروسونا

[Elsanady]

Abokoko طب و أية رأيك فى الرينو لوجان أوتو ؟؟

[abokoko]

عربيه كريسه كمنشا اوروبي
بس هي تبع داتشا احدي شركات رينو وبتتقدم في اوروبا علي انها سياره اقتصاديه
يعني مش زي الفلوانس او الميجان اللي بيتقيموا فعليا انهم تبع رينو
ثانيا الرينو و كل الاوروبي عربيات بتحب الوكيل او المركز المعتمد وغالبا بتتبهدل لو صينتها او صلحتها عند ميكانيكي عادي حتي لو كان شاطر

[volociximab]

ابعد عن الصيني
العربية الوحيدة الى يمكن احتمال ربما تكون واقفة على رجليها هى الجيلي و سمعتها فى الارض بره و جوه مصر
اشترى عربية مشيت في الشارع لو باظت تعرف تصلحها و تلاقيلها قطع غيار لان مفيش حاجه اسمها توكيل
و صدقنى مسالة الصيانة و توافر قطع الغيار مهمة جدا لان السيارة الة و اكيد في لحظه هتحتاج صيانة
لو تويوتا ٢٠٠٠ عندى احسن من صيني ٢٠٢٠ طالما قطع متوفره و صيانه سهله و استعمال نظيف
في النهابة الصيني ممكن يغدر بيك بعد الف كيلو..ممكن يغدر بيك على طريق سريع..لانه بمنتهى البساطة صيني

[Gallant]

جزاكم الله خيرا

[abokoko]

ابعد عن الصيني
العربية الوحيدة الى يمكن احتمال ربما تكون واقفة على رجليها هى الجيلي و سمعتها فى الارض بره و جوه مصر
اشترى عربية مشيت في الشارع لو باظت تعرف تصلحها و تلاقيلها قطع غيار لان مفيش حاجه اسمها توكيل
و صدقنى مسالة الصيانة و توافر قطع الغيار مهمة جدا لان السيارة الة و اكيد في لحظه هتحتاج صيانة
لو تويوتا ٢٠٠٠ عندى احسن من صيني ٢٠٢٠ طالما قطع متوفره و صيانه سهله و استعمال نظيف
في النهابة الصيني ممكن يغدر بيك بعد الف كيلو..ممكن يغدر بيك على طريق سريع..لانه بمنتهى البساطة صيني

الجيلي هي الاسؤ وسط العربيات الصيني
ومبيعاتها في تراجع باستمرار