إعـــــــلان

**noureldenadel4** · 26-06-2009, 03:12 AM

انا بشكرك كتير على التقرير الواضح و المفصل و الشامل عن الصيانه و انا برضه لسه عامل صيانة 1000 كيلو بس فى العباسية و قعدت برضه ساعتين بس ناس زى الفل ما شفتش منهم حاجه وحشه اطلاقا و فعلا عربية محترمه و لغاية دلوقتى صيانه محترمه ما شفتش منهم حاجه وحشه عشان روحت ليهم من اسبوع عشان اظبط التاره ما اعتقدتش نص ساعة و استلمت عربيتى و الدنيا من بعدها زى الفل على فكره انا مش عارف الاقى اسمك عشان اشكرك باسمك

**sv065** · 18-07-2009, 10:10 PM

يا تري باقي الزملاء الأفاضل فين ؟ يحكو لنا عن صيانة سيارتهم الـ byd

**hassan_mohamed21** · 19-07-2009, 02:31 PM

صيانة ال 1000 لسيارتى byd f3 r

السلام عليكم و رحمة الله
بالنسبة ليا لما عملت صيانة 1000 توجهت الى توكيل الامل فرع الاسكندرية انا معايا الهاتش باج

كان عندى مشكلة فى الفايز بتاع تنك البنزين و التكييف مكنش بالكفاءة المطلوبة

بعد اللى قراته هنا على النت قررت انى اتوجه الى فرع الاسكندرية منها اقضى يوم

بدل الحر اللى هنا و اعمل صيانة ال1000 و بالفعل رحت هناك الساعة 10 تقريبا كان فى قدامى سيارتين بعد شوية جالى الاستاذ محمود فرج ( العريس حاليا ) و اخد منى الملاحظات على السيارة و بدء فى ملىء الاجراءات المطلوبة

و اخد العربية و العمالة هناك كسوا الكراسى و الطارة بالبلاستيك علشان يحافظوا عليهم و دخلنا بالسيارة فى المركز ( عندهم تعليمات ان اللى جاى من القاهرة يدخل جوة المركز ) و ده طبعا قرار حكيم من مدير المركز الاستاذ المحترم احمد اللى شرفنى انى اتعرف عليه و اتكلم معاه

على السيارة لانه مقتنى واحدة اوتوماتك
المهم دخلت و قابلت المهندس اسامة شخص متميز جدا له حضور

عرف المطلوب بالسيارة و ابتدوا فعلا العمل فيها و بعد ما خلصوا الخرطوم التالف للفايظ خرج معايا المسئول و رحنا فولنا فى البنزينة و كان كله تمام التمام

رجعت تانى المركز و اتظبط التكييف و برضه جالى المسئول على التكييف و جربه ليه تمام التمام كل حاجة كانت بتم فى العربية كنت بقول راى فيها بعد ما تتم على طول و هما عملوا الحاجات الللى بتتعمل فى صيانة الالف تغير زيت و فلتر و ظبط الابواب و التاكيد على كهربة العربية و ربط العفشة يعنى تقريبا تشك عام على كل العربية بعد كده العربية اتغسلت و طبعا ده ميزة انا مشفتهاش فى اى توكيل تانى و جتالى زى العروسة بالظبط

مفيش بنى ادم هناك قبل انه ياخد اى مبلغ او اى اكرامية او ما شباه ذلك تمام على العلم انى كنت فعلا ده حاجة منى و بنفس راضية تمام بس كل محاولاتى قوبلت بالفشل فى الاتجاه ده مع كل اللى فى المركز

انا دفعت 154.00 جنيه

ده رسوم و تغير الزيت و الفلتر ( انا حاطط زيت xhp) و الحمد لله رجعت بالعربية و قتها زى الفل و اه كام يوم و رايح صيانة ال 5000
و بالتوفيق لكل مالكى السيارة

و مزيد من التوفيق و التقدم لتوكيل الامل فرع الاسكندرية

و مزيد من التقدم و علو الشأن كل من السادة المحترمين ( الاستاذ / احمد مدير الفرع - المهندس / اسامة مهندس المركز - الاستاذ العريس / محمود فرج بالاستقبال)

و مزيد من التقدم و الكفاءة للعمالة الفاهمة المدربة بالمركز

**sv065** · 19-07-2009, 08:19 PM

مشكور جدا أ/ حسن علي تقريرك الرائع ده

وطبعا مهما نقول من شكر وتقدير لكل الناس في فرع الإسكندرية مشنوفيهم حقهم

**muslem** · 21-07-2009, 06:35 PM

[OVERLINE]
تقرير متميز فعلا
و فعلا البنزين فى العربية عمل معى كده لما سافرت اسكندرية نزل شرطة واحدة فقط من القاهرة الى الاسكندرية و احنا مشغاليين التكييف و طبعا برضوة على سرعة 100
و طبعا اوعوا تعمل صيانة للعربية فى العباسية من حيث سمكرة خبطة او ما شابه لان لى تجربة مريرة فى فرع العباسية علشان سمكرة خبطة فى الباب لطعنى المهندس حسام منه لله شهر على سمكرة باب فقط مع انى اديته فلوس علشان ميلطعهاش !!
لكن من حيث الصيانة الدورية فهم بيهتموا بيها فعلا لكن علشان تسمكر او غيره ربنا معاك بقي و ممكن ترجع منقرة زى ما نقروا لى كابوت العربية اللى مكنش فيه حاجة يظهر كانوا بيحدفوا عليه عدة فعملت تنقير فى كابوت العربية
منه لله المهندس حسام ده لانه فعلا هو اساس المشكلة فى التوكيل بتاع العباسية
و انا بفكر جديا نبعت للشركة الام البي واى دى شكوى جماعية عن فرع العباسية يا ريت الاخوة يقولوا رايهم فى الموضوع ده نبعت شكوى جماعية للشركة عن فرع العباسية
[/OVERLINE]

**hassan_mohamed21** · 22-07-2009, 09:02 AM

انا سمعت من المهندس احمد مدير فرع الاسكندرية ان هيتعمل فى القطامية مركز خاص بى byd

و ان شاء الله يكون ناس زى المهندس احمد و اسامة و محمود فرج هما اللى مسئولين عن المركز ده

متهيالى وقتها هتتحل مشاكل التوكيل فنصبر شوية و نشوف هيصل ايه و كفاية ان كل الناس دلوقت عرفت ان فرع الاسكندرية اجود و امهر و ناس اخلاق و دى بتخلى الناس يروحوا هناك

و اكيد فى تقارير بتروح للادارة الام هيعرفوا منها ان فى خلال فى العباسية اللى يخلى العملاء يسفرو للاسكندرية من غير ما نبعت

او نعمل حاجة
ده راى عن نفسى شوفوا حضارتكم عايزين ايه و انا معاكم فى اى حاجة

**elmanahry** · 15-10-2009, 09:46 PM

شكرا للجميع على الخبرات التى عرفونا بها ولى سؤال عن السيارة فالسيارة بدون لمبة ضباب اماميه واتصلت اليوم بالتوكيل ولا يوجد عندهم لمبة ضباب والدراع الذى يتغير معها ولا يعرفوا متى ستتوفر واذا تم اتغيير خارج الضمان سيلغى ضمان السيارة هل عند احد معلومات عن هذا الموضوع

**hani945** · 16-10-2009, 05:49 PM

التقرير ده يخلى الناس تحب العربية دى

**hani945** · 16-10-2009, 05:50 PM

لإن المشاكل بتيجى من مراكز الصيانة

**sv065** · 18-10-2009, 08:47 PM

المشاركة الأصلية كتبت بواسطة elmanahry مشاهدة المشاركة

شكرا للجميع على الخبرات التى عرفونا بها ولى سؤال عن السيارة فالسيارة بدون لمبة ضباب اماميه واتصلت اليوم بالتوكيل ولا يوجد عندهم لمبة ضباب والدراع الذى يتغير معها ولا يعرفوا متى ستتوفر واذا تم اتغيير خارج الضمان سيلغى ضمان السيارة هل عند احد معلومات عن هذا الموضوع

السلام عليكم ورحمة الله وبركاته

الدكتور الفاضل

كيف أحوال حضرتك لعلك بخير ولعل سيارتك بخير

بالنسبة لنور الشبورة الأمامي فعلا السيارة ليست مجهزة به وإنما بها شبورة خلفي فقط وما بها من الأمام مجرد عواكس أو فانوس فارغ لا يعطي أكثر من مجرد شكل جذاب.

وسألت بالتوكيل عن إمكانية تركيب الفانوس قال إنهم يركبوا لمبة يدويا داخل العواكس اللي راكبة مع مفتاح مستقل لها طبعا وليس الذراع الأصلي لأنه حيحتاج تغيير كامل للجزء الخاص بذراعات المساحات والأنوار والإشارت الموجود وسط الدريكسيون فضلا عن إنه ليس متوفر عندهم أصلا.

والصراحة فكرة تركيب نور الشبورة الأمامي يدويا فكرة جيدة وأنوي أن أنفذها بنفسي في سيارتي إن شاء الرحمن علي مفتاح مستقل طبعا ليس الأصلي بذراع النور ولكن سيكون مشابه لنور الشبورة الخلفي وسأحاول أن أوصله بالدائرة الأصلية بضفيرة السيارة بحيث يعمل علي إضاءة لمبة بيان الشبورة الأمامي بالتابلوه عند تشغيله

وطالما يتم التركيب بعناية لا تقلق من موضوع الضمان كثيرا فهي مجرد لمبة بمفتاح ولكن المهم هو التوصيل جيدا علي الضفيرة بالمكان السليم حتي لا يحدث تلفيات كهربائية لا قدر الله وكثير من محلات الإكسسوارات المتخصصة تعلم جيدا كيفية التعامل مع الضفيرة ولون السلك المخصص للشبورة بالتحديد

وأتمني أن تخبرني عن أداء سيارتك بصورة عامة

السلام عليكم ورحمة الله وبركاته

**ahmedelnahas** · 01-11-2009, 04:58 AM

السلام عليكم يا شباب احب اقول تجربتي مع العربية والتوكيل في العباسية
اولا العربية الله اكبر عليها ممتازة بمعني الكلمة والاداء وكل حاجة ومش عايز اشكر فيها اكتر من كدة لان عربيتي عاملة لحد دلوقتي 40 الف كيلو ومشاء الله محصلش منها اي حركة ندالة نهائي اداء ممتاز ومتانة وثبات علي الطريق رائع وناعمة في العفشة انا جربتها علي صحراوي الاسكندرية جبت سرعة 170 وكان ممكن ازود تاني بس قلت كدة عظيم وتمام اوي والمهم في السرعة دي الثبات كان ممتاز لدرجة كنت مطمن جدا في الملفات في الطريق بسرعة عالية زي كدة

ثانيا التوكيل في العباسية انا متابع معاة وكان في مهندس هناك اسمة عماد مهندس رايق وشاطر ومكبر دماغة بس فاهم كويس وهم دلوقتي مشوة لانة حقاني وبيغير اي حاجة تستاهل تتغير ودة طبعا للادارة خسارة عليهم المهم انا اول 5000 كيلو غيرولي السنتر لوك لانة كان بيعمل صوت ودي الحاجة الوحيدة اللي اتغيرت في العربية في التوكيل اما الصيانة كانت رخيصة وتعتبر زيادة بحاجات لا تذكر عن برة يعني متفرقش لكن التوكيل عندي احسن

لاحظت بردو موضوع استهلاك البنزين دة ممتاز جدا جدا في المفتوح لكن في العادي او داخلي استهلاكها زي اي عربية اللتر يعمل مثلا 12 او 13 كيلو اما في السفر مش هقول علشان العين هههههههههههههههه

نهاية ضمان الاجزاء الكهربائية او الكهربا عموما عند ال 20 الف كيلو بعد كدة الضمان موتور بس وتقدر تعمل موضوع الشبورة برحتك وفعلا يتركب لمبة علي مفتاح مستقل

شكرا للمتابعة يا شباب واسف للاطالة

**sv065** · 02-01-2010, 12:09 AM

ياريت يا جماعة كل اللي عملوا صيانات في أي فروع الوكيل أو حتي برة التوكيل عند المراكز الخاصة يعرفنا تجربته سواء كانت حلوة ولا وحشة علشان نستفيد أكتر

**breadmould** · 26-02-2010, 02:37 PM

لو فى حد اشتر العربية ام 62 الف byd العادية عايز اعرف اية الحاجات اللى استلمها مع العربية وكام مفتاح معاها واين يوجد التوكيل بالضبط وشكرا

**aelhossan** · 26-02-2010, 03:29 PM

والله يا جماعه انا كنت ومازلت بقول ان العربيه دي انضف عربيه صيني دخلت مصر ربنا يباركلكم فيها

إعـــــــلان

.

تقرير هام عن صيانة 1000 كم لـ byd

تقرير هام عن صيانة 1000 كم لـ byd

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment