تقرير هام عن صيانة 1000 كم لـ byd

[sv065]

لو فى حد اشتر العربية ام 62 الف byd العادية عايز اعرف اية الحاجات اللى استلمها مع العربية وكام مفتاح معاها واين يوجد التوكيل بالضبط وشكرا

الحجات اللي حضرتك تستلنمها وتتأكد من وجودها

الإستبن + الكوريك + مفتاح العجل + شنطة العدة

كتالوج السيارة

دفتر الضمان 3 سنوات أو 60000 كم

الولاعة

عدد 2 مفتاح عادي بدون ريموت

التوكيل موجود في العباسية 4 شارع الطرابيشي خلف إتحاد الشرطة الرياضي

[sv065]

والله يا جماعه انا كنت ومازلت بقول ان العربيه دي انضف عربيه صيني دخلت مصر ربنا يباركلكم فيها

مشكور يافندم وعقبال ما نبارك لك عليها في مصر إن شاء الله

[mohamedhamam]

شكر جزيل لكل توكيل محترم و واضح جداً أن توكيل الأسكندرية و مركز خدمته جيد جداً بدليل أننى لاحظت ناس كتيرة بتيجى من القاهرة و المحافظات الأخرى للإسكندرية مخصوص علشان هذا التوكيل و مرحباً بكل أعضاء المنتدى فى الإسكندرية

[sv065]

السلام عليكم

خير يا جماعة معقول محدش بيروح يعمل صيانة خالص؟؟؟

عاوزييين نعرف رأي الناس إيه حتي لو مش كويس .....

علشان باقي الأعضاء يستفيدوا من خبراتكم ويقدروا يقيموا أفضل المراكز إيه؟؟

[hish172005]

الاخوه الافاضل ملاك الجميله byd حد جرب مركز خدمه القطاميه الجديد..المعامله هناك عامله ايه..لانى ناوى اشترى العربيه بس مش لاقى الفول اوبشن ..محدش عارف الفول اوبشن هتنزل امتى..ولكم جزيل الشكر..

[MAROUF_NEEMA]

السلام عليكم

خير يا جماعة معقول محدش بيروح يعمل صيانة خالص؟؟؟

عاوزييين نعرف رأي الناس إيه حتي لو مش كويس .....

علشان باقي الأعضاء يستفيدوا من خبراتكم ويقدروا يقيموا أفضل المراكز إيه؟؟

أعزائي الأضاء الأكارم :
السيد راعي ال BYD تحية كبيرة من بعد غياب :
آسف لعدم المشاركة الفعّالة ,, وذلك لعدم توفّر الوقت الكافي ... فالمعذرة ....
على كل حال أنا أحببت أن أقول بأني قد إقتربت من صيانة الألف كيلو ... ولم أتجاوزها بعد .... لذلك فور ذهابي لمركز الصيانة سأخبركم بالتفصيل الممل بكل الأمور ,,,, وآسف للمداخلة المؤجلة النتيجة ,,,,

[sv065]

أعزائي الأضاء الأكارم :
السيد راعي ال byd تحية كبيرة من بعد غياب :
آسف لعدم المشاركة الفعّالة ,, وذلك لعدم توفّر الوقت الكافي ... فالمعذرة ....
على كل حال أنا أحببت أن أقول بأني قد إقتربت من صيانة الألف كيلو ... ولم أتجاوزها بعد .... لذلك فور ذهابي لمركز الصيانة سأخبركم بالتفصيل الممل بكل الأمور ,,,, وآسف للمداخلة المؤجلة النتيجة ,,,,:f_eyeb1[1]::f_eyeb1[1]:

أهلا بحضرتك عودا حميدا إن شاء الله

كلنا في إنتظار مشاركاتك وتقاريرك المميزة

وربنا يكون في عونك........ كلنا نعاني من عدم توفر الوقت دائما

[seba]

افهم من كدة ان شاء الله ربنا لو اذن بامتلاك السيارة ممكن من الاسهل عمل الصيانة فى الاسكندرية

[sv065]

الصيانة ممكنة بفرع القاهرة والأسكندرية والصيانة العادية دون ملاحظات مطلوبة للإصلاح ليس بها مشاكل بفرع القاهرة لكن لمن يبحث عن الجودة والدقة أو لديه مشكلة معينة فعليه بفرع الإسكندرية إذا تيسر وبإذن الله فرع القاهرة - القطامية تحت الإنشاء وسيفتح قريبا

[muslem]

انا حصل عندى مشكلة من يومين ان مفاتيح العربية وقعت فى القاهرة و ضاعت و العربية مع العائلة فى الاسكندرية طلبت فرع القاهرة قالوا لى بعد ثلاثة شهور نجيب لك طقم الكواليين !!
كلمت فرع الاسكندرية لما كان لسه فى حد بيرد لانى حاولت بعد اتصل بعد ذهابي للاسكندرية علشان اعرف التغيير بالريموت ام فقط الكواليين فمش بيردوا حالياً للاسف !
قالوا لى التغيير ب1000 جنيه فحتى ردهم على التليفون فى القاهرة غريب !!
و بالمناسبة سألت ورشة بره التوكيل قال لى حيغير الكواليين ب300 جنيه
فعلشان كده كنت عايز افهم فى التوكيل بالريموت ام لا
و اذا حد يعرف نمرة تليفون البشمهندس محمود فرج فى الاسكندرية يدلنى عليها علشان اروح بيها التوكيل فى الاسكندرية قبل سفرى للقاهرة و جزاكم الله خيرا