اشتريت mg5 و فاقت كل توقعاتي

[abou_zead]

عملت بالعربية اكتر من 20 الف كيلو .. الحمد لله لسة منبهر بيها .. وهكلمك بشكل هكون صادق فيه مع نفسي و يمكن يفيدك وهو انا مريت بازمة مالية وفكرت ان ابيع العربية وملقتش غير كل انتهازية من اللي عاوز يشتريها .. الكل عارف انها نضيفة و بيدخل ينبهر جواها .. بس عاوزين يخدوها بثمن بخس .. وانا عربيتي ما شاء الله زيها زي اي عربية اختها في صالة العرض .. دوست على نفسي و بدأت اعدي الازمة و ربنا يباركلي فيها ..
عيب العربية الوحيد هو السوق المصري للسيارات العجيب .. سوق الامّعه .

و الله يا أخي بارك الله لك فيها

و فك كربك و يسر أمرك و قضى دينك

[mostafaay]

[QUOTE=abou_zead;3875999581]

ربنا يباركلك فيها

يا ترى ايه اخبار التوكيل وقطع الغيار والاعطال اللي انت قابلتها خلال ال 20 الف كم

[RedBull_30]

من اسبوع عملت صيانة ال 20 الف .. كنت جايب معايا زيت valvoline 5w-30 وطبعا اتغير هناك مع فلتر الزيت و فلتر البنزين وفلتر الهواء ..
اي مركز صيانة او توكيل بيبقى حابب يغير كل حاجة بس انا كنت حاطط شروطي من الاول قبل ما العربية تدخل الصيانة وهي انا جايب مع الزيت وكمان محدش منهم يقرب من البوجيهات ..
والحمد لله كان المهندس اللي استقبل العربية كان متفاهم و كمان انجزلي العربية بسرعه ..
تكلفة الصيانة كانت 510 كان منهم 220 مصنعية .. طبعا الزيت كان ليه تكلفة تانية ..

الصيانة تمت في مركز اليكس اوتو هو مركز معتمد لصيانة فورد برضو ..

بصراحة الناس عموما محترمين بيحاولو يرضو العميل بقدر الامكان ..

بالنسبة للسؤال الشائع ديما مع عربيتي وهو بخصوص قطع الغيار متوفرة او لا ؟
الحمد لله محصلش معايا لغاية الان موقف يخليني احتاج لقطعة غيار وملاقيهاش .
اتمنى بان اكون وافيت باي استفسار خاص بالصيانة وتحت امركم باي استفسار زيادة ..

[mohammadrashee]

الف مبروك عليك عربيتك ربنا يحفظهالك
انا فعلا عاجباني العربيه ديه
بس عايز اقول كلمة للناس اللي عماله تقول صيني
انا سافرت الصين مرات عديده بحكم عملي وركبت هناك جميع انواع العربيات كلها تصنيع صيني بي ام فولفو مرسيدس بونتياك كيا كلهم لا يعلى عليهم
الصضين فيها تكنولوجيا مش موجوده في مصر
لو واحد سافر هناك هيحس ان احنا اللي هنود - مع الاعتذار للهنود لانهم احسن ناس في البرمجيات دلوقتي-
باختصار يا ساده احنا بالنسبه للصين عالم تالت ودوله همجيه
العيب مش في الصين العيب في المستورد اللي بيجيي زباله عشان السعر يبقى رخيص
الصين عندهم ناشيونال كواليتي استاندرد يعني مش ممكن ينزل السوق المحلى منتج رديئ لكن ممكن يصدره للهبل اللى هيشتروه

[chef]

الف مبروك عليك عربيتك ربنا يحفظهالك
انا فعلا عاجباني العربيه ديه
بس عايز اقول كلمة للناس اللي عماله تقول صيني
انا سافرت الصين مرات عديده بحكم عملي وركبت هناك جميع انواع العربيات كلها تصنيع صيني بي ام فولفو مرسيدس بونتياك كيا كلهم لا يعلى عليهم
الصضين فيها تكنولوجيا مش موجوده في مصر
لو واحد سافر هناك هيحس ان احنا اللي هنود - مع الاعتذار للهنود لانهم احسن ناس في البرمجيات دلوقتي-
باختصار يا ساده احنا بالنسبه للصين عالم تالت ودوله همجيه
العيب مش في الصين العيب في المستورد اللي بيجيي زباله عشان السعر يبقى رخيص
الصين عندهم ناشيونال كواليتي استاندرد يعني مش ممكن ينزل السوق المحلى منتج رديئ لكن ممكن يصدره للهبل اللى هيشتروه

كلام منطقى وسليم مليون فى الميه بس المستهلك بيحسبها من ناحيه السعر وخصوصاا لو السعر مقارب بيضل الاطمئنان مع انتشار مراكز الخدمه واعاده البيع وده مش تقليل فى العربيه اد ماهو عدم انتشار كااااااافى مخلى الناس قلقانه منها والدليل ان جيلى امجراند منتشرة جداا هى وماركات صينى تانيه العيب الاساسى على التوكيل انه مش عارف لحد دلوقتى يسوق العربيه بالمقام اللائق بها

[misho502]

السلام عليكم و رحمة الله و بركاتة ,
الحقيقة كنت بأبحث عن اى معلومات عن سيارة mg5 فى مصر و هل الصيانة و خدمة ما بعد البيع متوفرة مع الوكيل ؟
خصوصا ان سعرها هى او mg350 مغريين جدا فى ظل جنون الأسعار المستمر او دة على حد علمى ممكن يكون فى مشكلة فى الوكيل نفسة ان الموديلات دى قديمة عندة فمزودش الأسعار ,
اسف على ارسالى بدون سابق معرفة بس لو ينفع اعرف رأى حضرتك فى mg عموما فى مصر يا ريت تفيدنى و لك جزيل الشكر.

[EmadFox]

MG750= Rover 75
ومواصفاتها الكاملة اهى

https://www.carfolio.com/specifications/models/car/?car=121968