سؤال عن الاكسبلوجن 2 باب

[eng_mkhalaf]

وكمان أبو غالى هو اللي منزل العرض مش منصور

يعنى هية دية إللى مزعلاك - طب نسحبها يا سيدى

أستاذ Powert
ليا سؤال عند حضرتك!! هو انت شوفت العربية اللي 85 الف دي في الشارع مش هاقولك ركبتها
انا عن نفسي مش بقول انها خرافة بس الفكرة نفسها مين قالك انها تسوى 40 ولا 50 ولا حته 2جنيه وربع (الربع دا علشان الجمارك)

بس الفكرة ليه نحكم على حاجة مجربنهاش حتى لو من كواوا لامبور

آسف اني صدعتك بكلامي بس هو سؤال خطر على بالي

لا تعليق

[وسام]

ياجماعه أنا عن نفسى فكرت فى العربيه دى هى شبابيه جدا وجميله وموتور 1600 عليها كويس انا كنت هجيب فيكترا 2003 2000سىسى أتوماتيك كامله بس محصلش نصيب لكن العربيه الجراند إكسبلوجين خايف منها ومفيش أى حد قال عنها أى تجارب أو أراء غيرإنها عربيه صينى وطبعا ده مش كفايه عشان لو فى حد هيتخذ قرار الشراء كل اللى الموجود بيقول إبعد عن الصينى أنا مش متحير للصينى ولا حاجه وأكيد طبعا هاكون متحيز للألمانى أو اليابانى ثم الكورى ثم الماليزى لكن أخيرا الصينى لكن برده محتاجين نعرف أكتر عن العربيه دى عشان لو لأى حد حب يعرف ونوى إنه يشترى أو حتى معلومة عامة عن العربيه وفعلا المسلمى منزل العرض بالنسبه للإكسبلوجن العاديه 30000 مقدم و660جنيه شهرية وللجراند إكسبلوجين 1600سىسى سعر كاش 80000 بدون فتحة سقف و85000 بفتحة السقف والمقدم ليها 40000 وشهريه 660 ياريت نسمع لإى حد إختبر العربيه دى لو معاه او يعرف حد معاه العربيه دى من كل النواحى للمعرفه وإفادة الأعضاء والمنتدى

[eng_mkhalaf]

هو دة الكلام الصح يا وسام قبل ما تقعد نفتى ونقول هية وحشة - وأوعدك بمساعدتك فى هذا التقييم مع أنى شايفة صعب لأن العربية دية مش أنتشرت خالص وعلى العموم فى لينك قديم لمداخلة ليا قديمة ممكن يفيدك

http://www.nilemotors.net/Nile/showthread.php?t=7837&page=2

ودة كمان

http://www.nilemotors.net/Nile/showthread.php?t=6833

http://www.nilemotors.net/Nile/showthread.php?t=4691

http://www.nilemotors.net/Nile/showthread.php?t=4964

http://www.nilemotors.net/Nile/showthread.php?t=603

[Sharky]

راى الشخصى أبعد عن الصينى حاليا حتى يثبت كفاءته
لإنها لسه تعتبر سيارات جديدة فى السوق و ذات جودة غير جيدة إلا نادرا منها
لكن ممكن بعد عدة سنوات تبقى بجودة أحسن و تاخد سمعة أفضل

لكن رأى الشخصى حاليا بلاش

[m_elkhishin]

حضرتك متأكد من موضوع 40000 و660 شهري؟؟؟

أنا سألت عند المسلمي في الزقازيق وقال مقدم 50000 و 2000 جنيه لمدة 20 شهر

[وسام]

يا أ/eng_mkhalaf شكرا لردك ومجهودك معايا ربنا يخليك بس انا بتكلم أكتر على الجراند إكسبلوجن 3 باب مش إكسبلوجين العاديه شكرا ليك.........

[وسام]

أنا معاك ياشاركى بس برده بعيد عن الصينى وعن العربيات عموما شوف فرق الاسعار وإيه البداثل المختلفه للعربيه مع مراعاة السعر ككاش وتقسيط أيضا

[وسام]

أ/m_elkhishin حضرتك لو إتصلت بالمسلمى اللى فى جسر السويس 30000 مقدم و660 شهريا للإكسبلوجن العاديه 5 باب و 40000 مقدم و 660 شهريا للجراند أكسبلوجين 3 باب

[PRO-DRIVE]

^^^ ازاي 3 باب اغلي !!!!

[Powert]

أستاذ Powert
ليا سؤال عند حضرتك!! هو انت شوفت العربية اللي 85 الف دي في الشارع مش هاقولك ركبتها
انا عن نفسي مش بقول انها خرافة بس الفكرة نفسها مين قالك انها تسوى 40 ولا 50 ولا حته 2جنيه وربع (الربع دا علشان الجمارك)

بس الفكرة ليه نحكم على حاجة مجربنهاش حتى لو من كواوا لامبور

آسف اني صدعتك بكلامي بس هو سؤال خطر على بالي

انا شوفت العربية دي في المعرض وبصراحة كفاية بس انك تفتح الباب بتاعها علشان تقدر تقيمها

خامات عربيتي البلونيز موديل 91 اضف منها واحسن منها 100 مرة دي عربيتي بنسبلها تبقى جديدة

eng_mkhalaf:( ولا تعليق
الخبير والمثمن العربياتى باورت - مشكور على التقييم الأكثر من رائع للعربية بعد أختبارات شاقة ومستنيين أكتر

ياريت من غير تريقة روح اركبها وشوفها على الحيقيقة

راى الشخصى أبعد عن الصينى حاليا حتى يثبت كفاءته
لإنها لسه تعتبر سيارات جديدة فى السوق و ذات جودة غير جيدة إلا نادرا منها
لكن ممكن بعد عدة سنوات تبقى بجودة أحسن و تاخد سمعة أفضل

لكن رأى الشخصى حاليا بلاش

+1

أنا معاك ياشاركى بس برده بعيد عن الصينى وعن العربيات عموما شوف فرق الاسعار وإيه البداثل المختلفه للعربيه مع مراعاة السعر ككاش وتقسيط أيضا

مش معنى انها رخيصة وتقسطها رخيص انها تكون عربيه هايلة

الصيني حتى اليوم لم يثبت نفسه يبقى اضحي بنفسي وعائلتي علشان خاطر كام الف ارخص

ما انت ممكن تجيب لانوس او فرنا وتقسيط و هيبقى نفس المبلغ تقريباً على الاقل عربية اعتمادية واثبت نفسها

في شوارع مصر

من امتى ومسلمي ده اصلاً توكيل هو كان عنده معرض عربيات قالك نضحك على الزبون المصري ونلبسه عربية صيني نكسب من وراها ملايين " ده فكر رجال الاعمال "

[وسام]

pro-drive فعلا ال 3 باب أغلى لإنها تعتبر أعلى من ال 4 باب وهى تقلييد التيوتا راف4 والجراند فيتارا بس على أصغر

[وسام]

يا powert انا مش متحيز للعربيه والصينى تقريبا أخر حاجه ممكن أفكر فيها وكمان العربيه مش رخيصه 80000 أو 85000 مش لعبه يعنى....أنا معاك إن الفيرنا أو اللانوس فعلا أثبتوا شخصيتهم فى السوق المصريه بس فى حاجه أنا بتكلم من ناحيه مبدأ التغير للعربيه يعنى تكون راكب حاجه شبه ال 4*4 بسعر ها يعنى تغيير ليس إلا ولكن بعد ماتثبت العربيه نفسها شويه من جميع النواحى طبعا وده للأسف محدش شافه فى شوارعنا ولإنى طبعا مش هقارن التيوتا راف4 أو الجراند فيتارا بيها لا وجه مقارنه غير الشبه شكلا فقط لكن متهيألى إنها كموتور ميتسوبيشى كويسه ويبقى فاضل فيها الأمان وده اللى إحنا عايزين نعرفه للمنفعه والعنصر ده لو إتحقق يبقى متهيألى كده مش ناقصها حاجه تانى غير اللى هقول عليه وهو المسلمى...انا عارف إن المسلمى مش توكيل ولا بتنجان حتى بس بعد كده لو العربيه ثبتت نفسها ومتهيألى إنها لسه شويه عقبال ماتعمل كده هيبقى ليك إنك تدور على الاسم اللى هو المسلمى وإستمراريته فى السوق المصرى كتوكيل معتمد للإكسبلوجين عامة

[وائل السويفي]

أستاذ Powert
انت عصبي ليه؟

[CryptonX]

أستاذ Powert
انت عصبي ليه؟

علشان عنده بولونيز و نفسه في جراند اكسبلوجن :)

[ihab]

بغض النظر عن كل اللى اتقال قبل كده
العربية دى بديل التيريوس( دايهاتسو - يابانى ) و ثباتها كان وحش جدا بعد ال 100
انا شايف انها مخاطرة ارمى 85000 الف فى عربية و انا عارف ان ثباتها مش كويس