تقرير عن جيلى ck2 مو2010

[د.محمود صلاح]

على فكره دا مش عيب بالعكس دا امان زياده و موجود فعربيات كتير, و معظم اجهزه الأنذار بتعمل نفس الموضوع و هو قفل السنتر بعد سرعه معينه (15-20 كم ساعه) او مع اول ضغطه لدواسه الفرامل

أوافقك الرأي مش عيب بل ميزة بالفعل .. ولكن المشكلة ان عشان الركاب ينزلوا وأمشي انا كنت لازم اما اطفي العربية أو استخدم زر المفتاح لفتح السنتر .. وتغلب على ذلك بمفتاح لفتح السنتر وضعته اسفل الدركسيون

[د.محمود صلاح]

على فكره العربيه والله مش وحشه بل بالعكس معقوله جدا وتعادل الدايو والفرنا

الدايو والفيرنا تتميز بانتشار قطع الغيار في الأقاليم وكنت بأعاني من هذا مع الجيلي ( انا من المنيا ) حيث انكسر الزجاج الخلفي للباب ودوخت عليه في المنيا .. وجبته من التوكيل ب 110 ج

[د.محمود صلاح]

لم اشتكي من الموتور الا في ضعف السرعة عن 160 170 بالكثير
غيرت علبة الباور بالكامل على حساب التوكيل عشان نقطت زيت
غيرت ماكينة سنتر على حساب التوكيل
كنت باسمع اصوات مع تحميل العربية بأشخاص جاية من الخلف عند السوست وكانت عبارة عن قطع بلاستيكية زيادة تم قصقصتها واختفى الصوت

السي دي حلو وصوته معقول وكان اوديو بس

الفرش فاتح كان ومشكلة انه بيتوسخ

الفوانيس الامامية بتتخربش وتبهت وده في كل العربيات اللي شوفتها

بوردة الكهرباء الخاصة بالزجاج الأمامي ظهر بها عطل غريب منعني من تغييرها في التوكيل

كان الزجاج الأمامي يمين يطلع وينزل في اول النهار عادي
وفي منتصف النهار تحديدا الساعة 11 او 12 ظهرا كان ينزل وما يطلعش الا بوحدات الرفع وليس بالزرار وبعدين يشتغل عادي باقى اليوم !!

وكنت مش عارف اروح التوكيل واشرح لهم ازاي العطل ده لأن هيقول لي هات العربية والعطل موجود !!

وروحت لكهربائي محترف وفضل ورا العطل لحد ما عرفناه وهو مقاومة في البوردة ( ثمن البوردة 1100 ج ) غيرنا المقاومة واشتغلت كويس

عدم وجود لمبة باب في التابلوه كان شيء مزعج وعملت لها واحده عند الكهربائي وضعتها اسفل الكاسيت ( ليد حمراء )

عند السير بالعربية كان السنتر بيقفل وعشان تنزل شخص ما راكب لازم تطفي العربية او تضغط على زر فتح السنتر من المفتاح وتغلبت على المشكلة دي بعمل مفتاح فتح سنتر اسفل الدركسيون

إضافة :-

مؤشر البنزين غلبني جداً جداً (كنت باستخدم بنزين 90 من بنزينه نظيفة )
بعد شهرين تلاتة من الاستخدام بدأ يلعب لفوق وتحت وغير ثابت
وعشان تفك العوامة لازم تفك التانك لأن مالهاش فتحة اسفل الكنبة الخلفية ( كنت ناوي أخرم في الصاج فتحة له )
وبعد فك العوامة وتنظيفها المؤشر يتظبط ... وبعد شهرين تلاتة يعطل تاني ويلعب

وفكيت التانك على حس المشكلة دي 3 مرات

[higazyeslam]

الدايو والفيرنا تتميز بانتشار قطع الغيار في الأقاليم وكنت بأعاني من هذا مع الجيلي ( انا من المنيا ) حيث انكسر الزجاج الخلفي للباب ودوخت عليه في المنيا .. وجبته من التوكيل ب 110 ج

انا غيرت الزجاج الخلفى للشاهين من 3شهور ب90 جنيه معنى كده ان حجاتها رخيصه بالاضافه لانتشارها فى القاهره والاسكندريه ووجود عربيات تاكسى كتير منها وتوافر مراكز الصيانه فى المدن الكبرى

[Superdriver]

انا حصورها وارفع لكم الصور

منتظرين الصور يا باشا
و ربنا يبارك لك فيها

[higazyeslam]

منتظرين الصور يا باشا

و ربنا يبارك لك فيها
:s_thum1[1]:

انا صورتها ومش عارف ارفع الصور كل ارفع صوره علىالنتدى بعد التحميل يقولى فشل التحميل برجاء حد يقولى ازاى ارفعهم مع الشكر

[د.محمود صلاح]

ادخل على موقع رفع صور مثل " العملاق لتحميل الصور "

خذ لنك الصورة بعد ما تترفع حيث ان الموقع سيزودك به " كود رابط المنتديات "

انسخه هنا

او خذ لنك مباشر للصورة من موقع الرفع
وضعه في خانة " ادراج صورة هنا "

[higazyeslam]

[higazyeslam]

رجاء حار لمشرف القسم

نرجو من سيادتكم تثبيت الموضوع حتى يتثنى للجميع الاستفاده وتناقل الخبره مع بعضنا وشكرا

[higazyeslam]

تقرير عن العربيه بعد3000

بسم الله الرحمن الرحيم
انا عملت صيانة الالف واتكلفت حوالى 135جنيه وتم فيها تغيير الزيت وامراجعه على العربيه بالكامل من اول الفرامل والتكييف والسنتر والزجاج الكهرباء و المتور وجربت العربيه بعد مخرجت من التوكيل
1 العربيه ثابته لحد140كم ومزودتش
2 التكييف معقوول جدا
3 التسارع معقول جدا والتجميع معقول
4 العزل مش اوى ولكن يعتبر معقول
انا قابلت واحد عمل بالعربيه 70000كم وسألته عن الاعطال فيها قالى مفيش ومشيه معايا زى الفل

[higazyeslam]

قابلتنى مشكله بالفرامل حيث كانت تطلق صفاره عند الضغط على الفرامل وتم الذهاب للتوكيل وحل المشكله فورا وبدون اى تكاليف

[MEDO84EG]

ربنا يباركلك فيها
بس في ناس كتير بتشكر في الجيلي و انا حاسس انها مظلومه في مصر