عاجل ..... كومود الاعصار الصينى القادم!!!!!!!!

[HOBBY]

سعرها كام اللاند روك ؟؟

سمعت ان فية مشاكل في تجميع الكومودو علشان كدة متأخرين في التسليم

الاند روك سعرها 139900 جنية و فعلا فى مشاكل فى تجميع الكومودو فى الغالب فى جمرك الموتور ودخولة أنا سمعت كدة من السبع

[pinkfloyd]

اللاند روك سعرها بيبدأ من 139 الف و149 الف و159 الف وكلهم منيوال والسعر اللى بيوازيها فى الكومودو هى اللى بــ 149 الف = 135 الف فى الكومودو فول اوبشن منيوال.

مفيش مشاكل فى تجميع الكمودو ولا حاجة العربية انا سقتها وإن شاء الله هتطلع زى الفل المشكلة فى ان مصنع الهيئة العربية للتصنيع تابع للحكومة طبعا والموظفين بيمشو الساعة 2 الظهر فطبعا لازم يبقى فى تأخير ادى الموضوع كلة.

[pinkfloyd]

كارثة حقيقية فى الكومودو
العربية بتعمل 140 كيلو فى الصفيحة (20 لتر).
والفتيس الاتوماتيك عامل مشاكل والاكس بيتكس علطول.
والضريبة 2% من ثمن السيارة.

[Adham]

كارثة حقيقية فى الكومودو
العربية بتعمل 140 كيلو فى الصفيحة (20 لتر).
والفتيس الاتوماتيك عامل مشاكل والاكس بيتكس علطول.
والضريبة 2% من ثمن السيارة.

140 كيلو في الصفيحه ممتاز جدا لعربية جيب و تقريبا حايبقى زي الشيروكي الاربعه سلندر ال 2500 سي سي

عربيتي بتعمل 80 كيلو في الصفيحه
طبعا لأن موتور الكومودو 2000 و الفرونتيرا 3200 و 24 صباب

انا سمعت برضة ان فية مشاكل في فتيس الكومودو, بس ماعرفش ان كان فتيس اوتوماتيك, سمعت انها نازلة مانيوال بس,
حكاية ان الاكس" بيتكسر" دي ماعرفهاش و لا سمعت عنها

لأ الضريبة بتاعه الكومودو مش 2 % من تمنها لأنها مش فوق ال 3000 سي سي

العربيات اللي بتتحسب ضريبتها سنوياً على اساس 2% من تمنها هية فقط العربيات فوق ال 3000 سي سي
واللي اعرفة ان الكومودو 2000 سي سي و 4 سلندر

[K.LOTFY]

140 كيلو في الصفيحه ممتاز جدا لعربية جيب و تقريبا حايبقى زي الشيروكي الاربعه سلندر ال 2500 سي سي

عربيتي بتعمل 80 كيلو في الصفيحه
طبعا لأن موتور الكومودو 2000 و الفرونتيرا 3200 و 24 صباب

انا سمعت برضة ان فية مشاكل في فتيس الكومودو, بس ماعرفش ان كان فتيس اوتوماتيك, سمعت انها نازلة مانيوال بس,
حكاية ان الاكس" بيتكسر" دي ماعرفهاش و لا سمعت عنها

لأ الضريبة بتاعه الكومودو مش 2 % من تمنها لأنها مش فوق ال 3000 سي سي

العربيات اللي بتتحسب ضريبتها سنوياً على اساس 2% من تمنها هية فقط العربيات فوق ال 3000 سي سي
واللي اعرفة ان الكومودو 2000 سي سي و 4 سلندر

تصحيح بس هي 2400 مش 2000

و كان مكتوب في البورشور بتاعها بتستهلك 7.5 لتر في 100 كيلو

[pinkfloyd]

السادة الزملاء

الكومودو 4 سلندر 2400 سى سى والبروشور بتعها مش صحيح .. الكلام اللى بقوله ده عن لسان ناس جربو العربية اكثر من مرة واكثر من شخص.

تصحيح بسيط .. بالنسبة للضريبة يا باشا تحسب 2% من ثمن السيارة للسيارات التى فوق 2030 سى سى وليس 3000 سى سى .. وتقدر تتأكد من المرور.

فعلا الفتيس عامل مشاكل انا اقصد الاتوماتيك طبعا لان المنيوال لسه لم تصنع حتى الان ومش هيكون قبل شهر مارس.. وكذلك الاكس بيتكسر بسرعة.

الغربي بقى ان كل الناس بتبيع العربية مش عارف ليه يعنى الوسيط بتاع يوم الجمعة 7/11 فى 3 عربيات للبيع والجمعة اللى قبلة عربية واللى قبلى عربية دة غير اللى معروض فى السوق وفى واحد عايز يبيع العربية بعد 800 كيلو.

[Adham]

صعب قوي عربية جيب بموتور 2400 سي سي و يقنعوا الناس انها ممكن تعمل 100كم ب 7.5 لتر بنزين يعني حوالي 280 كيلو في الصفيحه
دة اللانسر ال 1300 مابتعملهمش

فتيس اوتوماتيك بيعمل مشاكل في عربية متسلمة من شهرين دة يبقى تهريج في التصنيع
لا لو كدة تبقى عربية مقلب كويس بقى انا ماتسرعتش
كنت بافكر اجيبها زيرو بدل الفرونتيرا المستعملة

بس موضوع ان ناس كتير عارضة منها للبيع في الجرايد مش مقياس

فية ناس بتبقى حاجزة علشان تستلتم و تبيع و تستفيد بفرق السعر بين الحجز و الاستلام بعد 3 شهور و انها تبيع استلام فوري

اعتقد الحجز كان بسعر 130 الف او 139 الف بينما اللي بيبيعوا دلوقتي طالبين 175-180 الف كاش استلام فوري

[pinkfloyd]

الناس اللى عارضة فى الجرائد انا كلمتهم كلهم بعد الاعلان بكام يوم علشان اعرف عملوا ايه ... منا برضة عايز اعرف مصير العربية اللى انا حجزها ايه ... قالولى ان مفيش حد اشترى حاجة وكل الناس اللى كانو بتكلمو تقريبا اللى حجزين وعايزين يعرفوا مصير عربيتهم ايه ... المهم انهم راحوا رجعو الحجز وتقدرو تكلمهوهم عبر الهاتف وسيط الاسبوى الماضى.

[wageh]

يا ترى سعرها هيكون كام لو سمحتو

[pinkfloyd]

الاخ العزيز wageh

سلام عليكم

العربية مرمية فى المعارض مش لاقين اللي يشتريها والايصالات ملية الجرائد (الاهرام والوسيط).

نصيحة ابعد عنها الناس مش عارفة تبعها ولسه فى اهرام الجمعة 2/1 واحد عارضا عاملة 3000 كيلو وعايز يخلص منها ومعرض هاى كلاس اللى فى مصطفى النحاس عندة واحدة مش عارف يبعها وعمل عليها اعلان علشان يبعها بالتقسيط . وغيرة كثير

[Adham]

واضح انها مقلب صيني من العيار الثقيل تاني

[egyptianmafia]

until now I have not seen a single Komodo on the streets of Cairo and I saw ONE Gonow Landrock...lol.......


the funny thing...Komodo VLX has increased in price twice in 2 month...???!!!! why I dont know.....

heck no one is buying it...and if they do...they quickly sell their 2esalat....lol.....

[pinkfloyd]

يا جماعة العربية موجودة فى معارض كثير قوى ومش عارفين يبيعوها .. الوسيط والاهرام الاسبوع اللى فات واللى قبله مليان عربيات للبيع كثيرة ولسه برضه مش عارفين يبيعوها.. وفى عدد من الناس عايزين يبيعوها بعد 800 كيلو وبعد 200 كيلو. والله احد المعارض عايز يبعها بتمنها بالتقسيط. اكثر من كدة ايه.

ليا اثنين من اصدقائى اشتروا السيارة ومش قادر اوصفلكم مدى المعناه اللى بيوجهوها .. السيارة كل شويه تعطل والتوكيل مش عارف يعمل حاجة واستهلاك بنزين عالى جدا من 120 الى 130 كيلو فى الصفيحة (عشرين لتر). والكثير من المشاكل فيها.

[lawyer2006]

طمنا يا استاذ بينك التيجو عامله ايه معاك

[pinkfloyd]

يا هلا بيك سيد lawyer2006

التيجو يا باشا مشاء الله عليها زى الفل واى حاجة عايز تعرفها اسال يا باشا.

الحقيقة يعنى لا وجه للمقارنه بينها وبين الكومودو .. لو قلتلك انها برقبة الكومودو بمراحل كثيرة مش هتصدقنى.