عاوز اشترى عربية صينى من الاربع عربيات دول ؟

[egawady]

يا جماعة يا خبراء الصينى
انا عاوز اشترى عربية صينى من دول .... ترشحولى اية ؟
سبيرانزا 1600
شيرى ايه 11
شيرى ايه 15
بى واى دى اف 3

ايه رايكو ؟؟؟

[foxarc]

كلهم عربيات جامدة جدا بس انا ارشحلك اسبيرانزا لانها منتشرة و قطع غيارها متوفرة و بعديها شيري a15 عربية ممتازة

[hazem_khidr]

اشمعني كل احتياراتك صيني
ما تنوع اختياراتك علي حسب المبلغ المتاح ليك!!!!!!!

[فادى]

لا ينصح بأى سيارة صينى.
السيارات الصينية هى أكبر عملية غش تجارى تحدث الأن فى مصر.
فى هذا السعر عندك اختيارات أخرى أفضل كثيرا من ناحية الأداء و الاعتمادية :
- فيات باليو, سيينا.
- شاهين 1600, و شاهين 1400.
- لادا 2110, 2107.
- هيونداى فيرنا و فيفا.
- شفروليه افيو.
- دايو لانوس.
حتى الهيونداى و الدايو أفضل كثيرا من الاسبرانزا و سائر السيارات الصينية مجهولة المصدر.

[mohamed ibiza]

لا ينصح بأى سيارة صينى.
السيارات الصينية هى أكبر عملية غش تجارى تحدث الأن فى مصر.
فى هذا السعر عندك اختيارات أخرى أفضل كثيرا من ناحية الأداء و الاعتمادية :
- فيات باليو, سيينا.
- شاهين 1600, و شاهين 1400.
- لادا 2110, 2107.
- هيونداى فيرنا و فيفا.
- شفروليه افيو.
- دايو لانوس.
حتى الهيونداى و الدايو أفضل كثيرا من الاسبرانزا و سائر السيارات الصينية مجهولة المصدر.

متفق تماما مع رأي فادي ولو مصمم علي صيني انا رأيي a11

[eng / AhmeD]

A15
عربية بقالها سنتين مع واحد صاحبي
و بيفحتها
موتور قوي و تكيف قوي عزل محترم كماليات جامدة و صاج تقيل
بجد تحفة
و هبقي اخلي صاحبي يشترك معانا في المنتدي و يحكيلك تجربته معاها

[egawady]

أشكر كل الأخوة اللى ردو عليا .....
بس انا بفكر بجد فى الـ F3 لعدة أسباب ..
أولاً ان موتوها ميتسوبيشى 1600 وبيقولوا كمان الجير بوكس ميتسوبيشى .. بس مش متأكد من المعلومة دى .
ثانياً ان شكلها تويوتا كرولا تماما ... حتى الصالون من جوه هوا صالون الكورولا ...
بس انا لسه فى مرحلة التفكير والدراسة والمقارنات ... لسه مختدش القرار النهائى .
وربنا يسهل ان شاء الله

[lolo2884]

بى واى دى f3 هيا احسن عربية فيهم طبعا انا ليا شهور بسال على العربية دى وماحدش اشتكى منها اولا هيا شبة تويوتا كرولا عشان هيا عفشة تويوتا كرولا باتفاق مبرم بين الشركتين شركة البطاريات وتويوتا المحرك بتاعها ميتسوبيشى وهيا مافيش فيها مشاكل تذكر وبعدين انها واخده 3 نجوم فى الاختبارات الاوربية والعربية ثباتها ممتاز جدا جدا وده بعد سؤال الناس اللى جابوا العربية وكمان المحرك ماتسمعلوش صوت ولما تقفل الزجاج اكنك معزول عن العالم الخارجى موديل gli فيها abs و2 airbag وسنترلوك وريموت ومريات كهرباء وزجاج كهرباء وواسعة من جوة وشكلها من برة حلو وتقفيلها رائع وسعرها اقل من امكانيتها بصراحة

[Fouad Ezz]

وسعرها اقل من امكانيتها بصراحة

أيوة ....... كمل .... سعرها كام؟ في فئاتها المختلفة؟

[Islam_galal]

الراجل بيسأل علي العربيات الصيني
هو مقتنع و بيدور في الصيني بس
الكلام واضح

[ahmedalqat]

f3 هى أحسن عربية صينى

[sindbad2day29]

كلهم عربيات جامدة جدا بس انا ارشحلك اسبيرانزا لانها منتشرة و قطع غيارها متوفرة و بعديها شيري a15 عربية ممتازة

[sv065]

السلام عليكم

أرشح لك الـ byd عن تجربتي الشخصية

لأني كنت في نفس حيرتك وبأقارن بين كل الصيني وغير الصيني كمان

وبعد ماشف تقارير كتير عن كل نوع وآراء الناس اللي إستخدموهم

وجد ال byd أفضلهم بجدارة فضلا عن إنها فئة الصيني الوحيدة اللي نزل منها أوتوماتيك مع موتور ميتسوبيشي

والفيتيس ياباني 100% من شركة jatco اللي بتصنع الفتيس الأوتوماتيك لكل السيارات الياباني

وهي مش معايا من مدة كبيرة بس الحمد لله حتي الان فوق الممتازة في كل شيء

[elmanahry]

عزيزى sv065 اعرف مدى صدقك واخلاصك وياليت السائل يسمع كلامك لانك تكتب عن خبرة ودراسة

[medo980]

لا ينصح بأى سيارة صينى.
السيارات الصينية هى أكبر عملية غش تجارى تحدث الأن فى مصر.
فى هذا السعر عندك اختيارات أخرى أفضل كثيرا من ناحية الأداء و الاعتمادية :
- فيات باليو, سيينا.
- شاهين 1600, و شاهين 1400.
- لادا 2110, 2107.
- هيونداى فيرنا و فيفا.
- شفروليه افيو.
- دايو لانوس.
حتى الهيونداى و الدايو أفضل كثيرا من الاسبرانزا و سائر السيارات الصينية مجهولة المصدر
انا مع نفس رأى الأستاذ فادى ابع عن الصينى مشاكلة كتير وشوف مشاراكات الأعضاء الى بيشتكو منها دى صفقة خسرانة وادخل شوف على اليوتيوب اختبارات السلامة بتاعتها و قارنها بأى عربية كورى وشوف الفرق