عاوز اشترى عربية صينى من الاربع عربيات دول ؟

[Hacker5]

افضل الاسبيرانزا و الـ بى واى دى فقط
الـ F3 احسن من الاسبيرنزا بس توكيلها نايم
الاسبيرنزا منتشرة و توكيلها معروف طبعا

الByd F3 من المعتقد ان عمرها الافتراضى يكون اطول من الاسبيرنزا عشان موتورها و الفتيس ميتسوبيشى و شكلها اظرف شوية من الاسبيرنزا
و العربيتين قطع غيارهم منتشرة خارج التوكيل
يعنى لو عايز الترتيب بالأفضلية
1- Byd F3
2- Speranza A516
و كلهم عربيات عملية و زاى الفل :)
و متنساش الاستخارة

[sv065]

أشكر كل الأخوة اللى ردو عليا .....
بس انا بفكر بجد فى الـ f3 لعدة أسباب ..
أولاً ان موتوها ميتسوبيشى 1600 وبيقولوا كمان الجير بوكس ميتسوبيشى .. بس مش متأكد من المعلومة دى .
ثانياً ان شكلها تويوتا كرولا تماما ... حتى الصالون من جوه هوا صالون الكورولا ...
بس انا لسه فى مرحلة التفكير والدراسة والمقارنات ... لسه مختدش القرار النهائى .
وربنا يسهل ان شاء الله

السلام عليكم

أولا أتمني أن توفق لأفضل سيارة أيا كان إختيارك

وبخصوص الفيتيس أحب أوضح لحضرتك إني راسلت الشركة المنتجة بالصين بخصوصه واكدو لي أن الفتيس الأوتوماتيك منها ياباني من إنتاج شركة jatco المعروفة والموديل المانيوال الفتيس صيني بتكنولوجيا ميتسوبيشي في الصين يعني ممتاز طبعا

مشكور

[aks601]

عن تجرية

انا جربت سيارتين منهم هما byd - a15
byd هى الافضل غى الاطلاق فى كل الصينى
سيارة قوية وناعمة وافتصادية وتشعرك كما لو كنت تمتلك سيارة تويونا كورولا
a15 سيارة ممتازة فى الثبات على الطريق والموتور قوى والسحب ممتاز والصاج تقيل
بصفة عامة التقفيل الصينى افضل

[mido90]

انا برضة كان عندى نفس التفكير و قررت اشترى بى واى دى
بس استنى لغاية ما الشركة تنزل التجميع المصرى علشان حتكون ارخص و دة فى نص اغسطس حسب اخر تصريح ليهم

[sv065]

انا برضة كان عندى نفس التفكير و قررت اشترى بى واى دى
بس استنى لغاية ما الشركة تنزل التجميع المصرى علشان حتكون ارخص و دة فى نص اغسطس حسب اخر تصريح ليهم

ربنا يوفقك ويكون كلامهم صدق

لأني الصراحة شاكك في موضوع نص أغسطس ده

ياريت إذا حد عرف أي أخبار يبلغنا بيها

لأنه حقيقي إذا حصل حتكون دي سيارة مصر الأولي

[sindbad2day29]

السلام عليكم

أرشح لك الـ byd عن تجربتي الشخصية

لأني كنت في نفس حيرتك وبأقارن بين كل الصيني وغير الصيني كمان

وبعد ماشف تقارير كتير عن كل نوع وآراء الناس اللي إستخدموهم

وجد ال byd أفضلهم بجدارة فضلا عن إنها فئة الصيني الوحيدة اللي نزل منها أوتوماتيك مع موتور ميتسوبيشي

والفيتيس ياباني 100% من شركة jatco اللي بتصنع الفتيس الأوتوماتيك لكل السيارات الياباني

وهي مش معايا من مدة كبيرة بس الحمد لله حتي الان فوق الممتازة في كل شيء

الأسبيرانزا أحسن علشان توكيلها أحسن !!!!!!!!!!!!!!!!!

[mook_sgm]

عليك بالاسبرانزاسياره قويه وجميله وقطع غيارها متوفره

[blazer]

أشكر كل الأخوة اللى ردو عليا .....
بس انا بفكر بجد فى الـ f3 لعدة أسباب ..
أولاً ان موتوها ميتسوبيشى 1600 وبيقولوا كمان الجير بوكس ميتسوبيشى .. بس مش متأكد من المعلومة دى .
ثانياً ان شكلها تويوتا كرولا تماما ... حتى الصالون من جوه هوا صالون الكورولا ...
بس انا لسه فى مرحلة التفكير والدراسة والمقارنات ... لسه مختدش القرار النهائى .
وربنا يسهل ان شاء الله

انا برده سمعت من اكتر من واحد بيشكر فى العربيه دى
هى سعرها كام؟
عموما بلاش اسبيرانزا
مع واحد صاحبى مشينا بيها على 170-180 حوالى ربع ساعه الشكمان اللحام بتاعه فك !

[sv065]

أنا عربيتي الـ byd مشيت بيها علي 160 وكانت زي الفل ومنتهي الثبات