نصيحة لوجة الله بلاش تشتروا عربيات صيني و تضحوا بنفسكوا

[dr_abooody]

بصوا و اتفرجوا على اختبارات التصادم دة و المقارنة بينها و بين اي عربية اوروبية زي الفيات سيينا
في الروابط دة


http://www.youtube.com/watch?v=DZWy_...eature=related

http://www.youtube.com/watch?v=DZWy_...eature=related

http://www.youtube.com/watch?v=0bDsgz2Jmz8

يا جماعة و الله اتصدمت لما شوفت اختبارات التصادم crash test
دة و اهم حاجة هي مقصورة القيادة اللي السواق بيبقى اعد فيها شوف مدى التدمير الذي اصابها و الدمير الذي اصاب الدمية ذات نفسها مابال دة لو بني ادم
ربنا يعافينا و يسترها معانا
فعلا العربيات الصيني دة مفيهاش امان و ياريت محدش يشتريها لأنها اصلا رخيصة و الجمارك بتاخد فلوس كتير عليها و بتخلي سعرها زي العربيات التانية زي الكتكوتة كدا ب 53 الف استغلال بجد هي اصلا اخرها 10 الاف جنية و اقل منكدا و ممكن تاخدها هدية مع وجبة الأطفال
لو فكرتم فيها هتعرفوا لية التجار مغرقين البلد بعربيات صينى، العربية الصينى مكسبها لن يقل عن 300% بعد كل المصاريف طالما بيبيعوا بالأسعار العجيبة اللى احنا شايفينها دى، وبتبقى الفكرة كلها انهم مستنيين واحد "طيب" يروح يشترى عربية صينى بفرق 5 آلاف جنيه فقط عن مثليتها الكورية
و هي اصلا في الصين محدش بيركبها و بتصصدر بس للبلاد اللي زينا
لو حد بيتفرج على الالومبياد بكين هيلاقي ان كل العربيات هوندا و مرسيدس و تويوتا
و احنا متعودين من زمان ان الحاجة الصيني تعبانة هنجيب صيني في العربيات ؟؟؟؟
يبقى فعلا علية العوض

و ياريت محدش يزعل منى

[dr_abooody]

http://www.youtube.com/watch?v=BOFIt9iw1Fs&feature=related

نسيت الرابط دة

[CryptonX]

http://www.youtube.com/watch?v=BOFIt...eature=related

نسيت الرابط دة

دي عربية هوولدن كمودور و هي استرالية - امريكية .

ياريت تتحرى الدقة في النقل

و الموضوع نوقش قبل كدة 100 مرة و الروابط الي حضرتك حاططها كلها لسيارة واحدة قديمة اسمها Landwind و تم وقف انتاجها .

انا مش بدافع انا بس بصلح معلومات ناقصة .

[passat]

وبتبقى الفكرة كلها انهم مستنيين واحد "طيب" يروح يشترى عربية صينى بفرق 5 آلاف جنيه فقط عن مثليتها الكورية

أنا متفق معاك تماماً بس خلينا نسمي الأسم الصح قصدك واحد "****"
---------
تنبيه للعضو المحترم بعدم إستخدام كلمات تسئ للآخرين
الإدارة

[foxarc]

فين الادارة انا عايز اعرف ترد علي الالفاظ دي انا وجهلي انذار قبل كده بسبب نفس اللفظ!!!!!!!!
و بعدين فين احترام اراء الغير يا ريت كل واحد يحتفظ برايه لنفسه !!!

[dr_abooody]

يا ريت نحط فى اعتبارنا ان الصيني بيجي عندنا كمان بدون اير باجز و لا abs

عشان الجمارك ؟؟؟؟؟؟؟؟؟؟؟؟؟؟؟؟
و الله حاجة عجيبة المفروض الاير باجز دة و كماليات الامان دة يدخلوها بدون جمارك

و لكن الظاهر ان الحكومة بتعمل خطط عشان تقلل عدد السكان عشان الزحمة

[passat]

يا دكتور حضرتك مش معاك الحزام والمثلث والشنطة يبقا ايرباجز و abs ايه دى حاجات للدول المتخلفة بس

[جمال]

يا ريت نحط فى اعتبارنا ان الصيني بيجي عندنا كمان بدون اير باجز و لا abs

عشان الجمارك ؟؟؟؟؟؟؟؟؟؟؟؟؟؟؟؟

انا عربيتى صينى ( هايما فاميلى ) وفيها Air bages + ABS + EBD وجميع وسائل الامان الاخرى واعتقد ان ده موجود فى اغلب العربيات الصينى
الحاجات دى ( Air bags ,ABS,EBD (متشاله من العربيات الكورى ( فيرنا و كيا ) عل سبيل المثال

[dr_abooody]

يا دكتور حضرتك مش معاك الحزام والمثلث والشنطة يبقا ايرباجز و abs ايه دى حاجات للدول المتخلفة بس

هههههههههه

اصل عندنا هنا بيعتبروا ان ال اير باجز و ال abs دول حاجات دلع و لهاش لزمة

[dr_abooody]

أنا متفق معاك تماماً بس خلينا نسمي الأسم الصح قصدك واحد "****"

ارجو مراعاة مشاعر الأخرين

[dr_abooody]

انا عربيتى صينى ( هايما فاميلى ) وفيها Air bages + ABS + EBD وجميع وسائل الامان الاخرى واعتقد ان ده موجود فى اغلب العربيات الصينى
الحاجات دى ( Air bags ,ABS,EBD (متشاله من العربيات الكورى ( فيرنا و كيا ) عل سبيل المثال

العربية اصلا برة سعرها قليل بكل الكماليات بالمقارنة بالكوري اللي رخيص بردة بس مش قوي
و مش محتاجة انها يتشال منها الكماليات دة لأنهم كسبانين 300 % و لو شالوها يبقوا بيستعبطوا و دة اقل حاجة عشان تعوض الامان اللي مفتقداه بسبب البودي الضعيف

[hesham2004]

الحلال بيين و الحرام بيين ، كل واحد حر فى الى يعمله طلما ما بيضرش الأخرين ،
الناس اتكلمت كتيير عن المنتج الصينى و عيوبه ومدى صلاحيته للستهلاك الآدمى .
و فيه ناس عاجباها العربيات الصينى و بتدافع عنها و بترفض اى اساءة الى سمعتها ، طبعا ده حقهم ، و فى ناس تانيه بتكره الصينى لله فى لله ، و بتهاجمه على طول الخط ، و برده دول حقهم ، و فيه ناس تالته وسط ، بتحاول تنصح من غير تعصب بالأبتعاد ( مؤقتا فى الوقت الحالى ) عن المنتج الصينى ( لغاية ما يتحسن و يبقى عالمى ) حفاظا على استثماراتنا و اموالنا و ارواحنا و ارواح ولادنا . و فى ناس رابعة بتحاول تبرز حسنات المنتج الصينى باعتدال بدون تحيز و لا تعصب . فاحنا عايزين نسمع و نحاور الصنفيين الأخريين من الناس بس ن عشان نستفيد و ما نعصبش نفسنا على الفاضى .

بالنسبة لرأيى فى العربيات الصينى ، فهى لسه جديدة فى السوق المصرى و يمكن لسه ما دخلتش السوق العالمى ، فمش عايزين نندفع و نترمى فى حضن الشركات الصينية لمجرد انه سعر العربية ارخص من بنت عمها الكورى .
العربيه الصينى لسه ما كونتش شخصية مستقلة ، يعنى ملهاش تصميم و شكل مستقل
و ملهاش موتور او جيربوكس مستقل ، و ملهاش تكنولوجيا مستقلة ، بتفتقر لوسائل الأمان الأساسية . و فى المقابل سعرها رخيص ( المفروض فعليا يكون ارخص من كده يكتير ، لكن ده سياسة لحماية المجمع محلى ) فيها كماليات داخلية تزغلل و تلوح ، متوفرة عند الطلب ، قطع غيار رخيصة . متعددة الأزواق ، فى منها الى ينفع للسيدات و للبنات و للشباب و للكبار و لمحبى العربيات الرياضية و الدفع الرباعى و لمتوسطى الدخل و متوفرى الدخل . يعنى الى انت عايزه حتلاقيه عندنا المهم رضاك عنا فى الأول .

لسه شوية على العربيات الصينى ، بلاش نستعجل ، كل شىء باوانه ، الأسبرانزا على سبيل المثال ابتدت تكون شخصية مستقلة بعد معافرة اكتر من سنتيين ( بس برده لسه شوية ) ، الأنواع التانية لسلها شوية اكتر على الأقل عشان تنافس الموجود حاليا .
العربيات كتييييير بس فين النفس .

[جمال]

العربية اصلا برة سعرها قليل بكل الكماليات بالمقارنة بالكوري اللي رخيص بردة بس مش قوي
و مش محتاجة انها يتشال منها الكماليات دة لأنهم كسبانين 300 % و لو شالوها يبقوا بيستعبطوا و دة اقل حاجة عشان تعوض الامان اللي مفتقداه بسبب البودي الضعيف

دلوقتى عدم الامان بقى بسبب البودى الضعيف ؟!!
لعلمك بودى السيارة قوى جدا والسيارة ممتازة
ارجو عدم التعميم و ذكر مصادرك فى المعلومات او الارقام التى تذكرها, ولا يصح مهاجمة سيارات دولة بكاملها ( عدد سكانها اكثر من مليار و عندهم قنبلة ذرية و عملو دورة اولمبية ممتازة )بطريقة التعميم و بكلام مرسل بدون ادلة

تقبل تحياتى

[فادى]

و الله احنا غلبنا نوعى و نقول للناس بلاش صينى, بلاش تشترى المغشوش, بلاش....
بس هنعمل ايه, كل واحد يشوف العربية الصينى فيها كل الحبشتكانات مش عارف ايه اللى بينور و ايه اللى بيزمر و اللى بيقول بابا و ماما, يشتريها و كأنه بيشترى دبدوب لبنته!
و لما تقوله طب هات شاهين أو لادا أو حتى فيرنا, يقولك ياااى ديه عاملة زى الصندوق!
قلتها من قبل, بعض المستهلكين لا يستحقون أكثر من سيارة رديئة!

[Bossy_Fadl]

مينفعش نهاجم الصيني لمجرد انه صيني يا جماعه

في ناس معاها عربيات صيني و عاجباها جدا و كويسه و ماشيه تمام

و في ناس تانية معاهم و تعباهم

يبقي الصيني لسه مالوش قاعده ثابته

هو زي ما ناس كتير قالت زي البطيخه

ممكن تطلع حلوة و ممكن تطلع وحشه

انت و نصيبك

طبعا ده مش صح لان العربيه مش بتطلع في البخت دي المفروض ليها مواصفات و مقاييس ميختلفش عليها اتنين بس نقدر نقول ان هو ده العيب الاساسي في العربيه الصيني

انه مفيش تجربه ثابته تقول انها وحشه 100 في ال 100 او حلوة 100 في ال 100

مينفعش نقول ابعد عن الصيني و خلاص

ممكن نقول نستني شوية لحد ما يثبت كفاءة و يبقي له وكيل كويس و قطع غيار متوافرة

احنا نحييهم انهم قدرو يعملو عربيات بتكاليف قليله تناسب ناس كتير اوي

و فيها كل الكماليات

و العيوب المفروض يتم تلافيها مع الوقت

و عشان كده بنقول نستني شوية مش اكتر

و اللي جاب عربيه صيني خلاص ده نصيبه بقي

ممكن تبقي معاه حلوة جدا او وحشه جدا

زي ما قولت لسه مافيش قاعده ثابته للعربيه الصيني

انا مش بادافع عن الصيني و اصلا معنديش عربيه صيني يعني

بس يعني ياريت كمان لو نحترم مشاعر بعض و مالوش لازمة التجريح من اي نوع

و الف شكر علي الطرح

بوســــي