نصيحة لوجة الله بلاش تشتروا عربيات صيني و تضحوا بنفسكوا

[blazer]

مش كل العربيات و حشه و لا كلها حلوه
دى اولا مساله نسبيه تخضع لتقديرات صاحب العربيه
بس اهم حاجه الواحد يعمل اللى عليه
يشوف ال crash test بتاع العربيه
يحاول يعمل ال test drive بتاعها
يشوف تعليق المواقع الاجنبيه عن العربيه
لو حد اشتراها يسألهم عنها
يشوف التوكيل اخباره ايه
و طبعا بعد كل دا يقارن المبلغ اللى هيدفعه فيها مقارنه بللى هياخده من العربيه
و يتوكل على الله

[ahmed_bq]

الحلال بيين و الحرام بيين ، كل واحد حر فى الى يعمله طلما ما بيضرش الأخرين ،
الناس اتكلمت كتيير عن المنتج الصينى و عيوبه ومدى صلاحيته للستهلاك الآدمى .
و فيه ناس عاجباها العربيات الصينى و بتدافع عنها و بترفض اى اساءة الى سمعتها ، طبعا ده حقهم ، و فى ناس تانيه بتكره الصينى لله فى لله ، و بتهاجمه على طول الخط ، و برده دول حقهم ، و فيه ناس تالته وسط ، بتحاول تنصح من غير تعصب بالأبتعاد ( مؤقتا فى الوقت الحالى ) عن المنتج الصينى ( لغاية ما يتحسن و يبقى عالمى ) حفاظا على استثماراتنا و اموالنا و ارواحنا و ارواح ولادنا . و فى ناس رابعة بتحاول تبرز حسنات المنتج الصينى باعتدال بدون تحيز و لا تعصب . فاحنا عايزين نسمع و نحاور الصنفيين الأخريين من الناس بس ن عشان نستفيد و ما نعصبش نفسنا على الفاضى .

بالنسبة لرأيى فى العربيات الصينى ، فهى لسه جديدة فى السوق المصرى و يمكن لسه ما دخلتش السوق العالمى ، فمش عايزين نندفع و نترمى فى حضن الشركات الصينية لمجرد انه سعر العربية ارخص من بنت عمها الكورى .
العربيه الصينى لسه ما كونتش شخصية مستقلة ، يعنى ملهاش تصميم و شكل مستقل
و ملهاش موتور او جيربوكس مستقل ، و ملهاش تكنولوجيا مستقلة ، بتفتقر لوسائل الأمان الأساسية . و فى المقابل سعرها رخيص ( المفروض فعليا يكون ارخص من كده يكتير ، لكن ده سياسة لحماية المجمع محلى ) فيها كماليات داخلية تزغلل و تلوح ، متوفرة عند الطلب ، قطع غيار رخيصة . متعددة الأزواق ، فى منها الى ينفع للسيدات و للبنات و للشباب و للكبار و لمحبى العربيات الرياضية و الدفع الرباعى و لمتوسطى الدخل و متوفرى الدخل . يعنى الى انت عايزه حتلاقيه عندنا المهم رضاك عنا فى الأول .

لسه شوية على العربيات الصينى ، بلاش نستعجل ، كل شىء باوانه ، الأسبرانزا على سبيل المثال ابتدت تكون شخصية مستقلة بعد معافرة اكتر من سنتيين ( بس برده لسه شوية ) ، الأنواع التانية لسلها شوية اكتر على الأقل عشان تنافس الموجود حاليا .
العربيات كتييييير بس فين النفس .

الله يفتح عليك

انا مشوفتش اجمل من الكلميتين دول بجد
كلام عين العقل

اضيف عليه ان العربيات إرف وكل واحد وقرفته وفلوسه حلال ولا حرام تعبان فيها ولا ولا

[bassemali]

العربيات الصيني ياجماعه مشكلتها عدم وجود حدود دنيه للجوده يعني لو تويوتا جمعت عربيه في الصومال هتلاقي جودتها أقل من الياباني أه بس مش رديئه ولا سيئه لأن عندهم حدود دنيه للجوده مش ممكن بنزل عنها وكذلك كل الشركات أو بمعنى أدق كل الدول الصناعيه محدده حدود للجوده لايخرج المنتج من عندها ألا وهو مطبقها إنما الصين لأ ماعندهاش حدود للجوده ممكن تعملك عربيه بايظه خالص لو أنت عايز فيقوم التجار الشاطرين النصابين الطماعين اللي عندنا هنا يروحوا يشتروا العربيه اللي أقل مستوى موجود بأقل سعر وهنا يبيعوها بأضعاف ماشتروها ويكسبوا دهب وإحنا مش مشكله والنتيجه زيادة سوء سمعة المنتج الصيني والمشكلة دي مشترك فيها أكتر من طرف أولها الحكومه اللي سمعت لعربيات بالجوده المنخفضه دي أنها تدخل البلد وتتباع للناس وثانيها دولة الصين اللي بتنتج عربيات أو أي سلع عموما يعني بدون حدود دنيه للجوده وثالثها التاجر معدوم الضمير اللي بيروح يشتري البضاعه الرديئه ويجي يبيعها لنا هنا على أنها 5 نجوم ..... وشكرا
وأسف على الأطاله.

[islamkhidr]

موضوع جميل جدا

وربنا يسترها معانا

[dr_abooody]

العربيات الصيني ياجماعه مشكلتها عدم وجود حدود دنيه للجوده يعني لو تويوتا جمعت عربيه في الصومال هتلاقي جودتها أقل من الياباني أه بس مش رديئه ولا سيئه لأن عندهم حدود دنيه للجوده مش ممكن بنزل عنها وكذلك كل الشركات أو بمعنى أدق كل الدول الصناعيه محدده حدود للجوده لايخرج المنتج من عندها ألا وهو مطبقها إنما الصين لأ ماعندهاش حدود للجوده ممكن تعملك عربيه بايظه خالص لو أنت عايز فيقوم التجار الشاطرين النصابين الطماعين اللي عندنا هنا يروحوا يشتروا العربيه اللي أقل مستوى موجود بأقل سعر وهنا يبيعوها بأضعاف ماشتروها ويكسبوا دهب وإحنا مش مشكله والنتيجه زيادة سوء سمعة المنتج الصيني والمشكلة دي مشترك فيها أكتر من طرف أولها الحكومه اللي سمعت لعربيات بالجوده المنخفضه دي أنها تدخل البلد وتتباع للناس وثانيها دولة الصين اللي بتنتج عربيات أو أي سلع عموما يعني بدون حدود دنيه للجوده وثالثها التاجر معدوم الضمير اللي بيروح يشتري البضاعه الرديئه ويجي يبيعها لنا هنا على أنها 5 نجوم ..... وشكرا
وأسف على الأطاله.

معلك حق
الصين عندها تصنيع من 5 نجوم لولا نجمة
يعني تلاقي العربيات الصيني اللي بتروح اوروبا 5 نجوم طبعاا و سعرها قليل عشان مفيش جشع و لا جمارك
تيجي عندنا في مصر هنا التاجر يروح يسترخص و يجيب اردأ حاجة و يقوم تدخل البلد جمارك و ضرايب و بعدين هو عايز يحط الربحية بتاعتة اللي مش هتقل عن 30 و لا 50 %
تلاقي عربية عبيطة زي الكتكوتة كدا ب53 الف
و هي اصلا ما تسواش 5 الاف جنية لأنها رديئة جداااا
و كان واحد صاحبنا في المنتدى كان بيقول انة جاب عربية صيني كان كل ما يدخل جواها حاجة تتكسر زرار او دراع النور حاجة مهزلة بجد
و انا فاكر و انا صغير كنت في الكويت كنت بشتري لعب صيني و كانت بتعيش معايا كتير
اول ما نزلت مصر جبت لعبة مكماتش يومين
و دة دليل اننا هنا بيجيلنا الحاجات المعفنة الرديئة و تتباع عندنا بنفس اسعار الحاجات النضيفة ؟؟؟
لازم الحكومة و هيئة مراقبة الجودة تشوف حل في الحكاية دة يمنعوا دخول الحاجات الرديئة دة حرااام بجد بالذات العربيات :cuss: :cuss:

[habakikoo]

لماذاااااااااااااااااااااااااااااااااااااااااااااا اااااااااااااااااااااااااااااا

[ahmed_bq]

الكلام ده مظبوط على العربيات الصيني الكتير اللي نزلت طب والاسبرانزا اخبارها ايه ؟؟؟

[ehabthefirst]

هي اصلا في الصين محدش بيركبها و بتصصدر بس للبلاد اللي زينا
لو حد بيتفرج على الالومبياد بكين هيلاقي ان كل العربيات هوندا و مرسيدس و تويوتا

انا اؤكد هذه الملحوظه
لى صديق سافر الى الصين فى رحله عمل
و قد فوجىء بهذه الملحوظه

[galilio_mad]

العربيات الصيني ياجماعه مشكلتها عدم وجود حدود دنيه للجوده يعني لو تويوتا جمعت عربيه في الصومال هتلاقي جودتها أقل من الياباني أه بس مش رديئه ولا سيئه لأن عندهم حدود دنيه للجوده مش ممكن بنزل عنها وكذلك كل الشركات أو بمعنى أدق كل الدول الصناعيه محدده حدود للجوده لايخرج المنتج من عندها ألا وهو مطبقها إنما الصين لأ ماعندهاش حدود للجوده ممكن تعملك عربيه بايظه خالص لو أنت عايز فيقوم التجار الشاطرين النصابين الطماعين اللي عندنا هنا يروحوا يشتروا العربيه اللي أقل مستوى موجود بأقل سعر وهنا يبيعوها بأضعاف ماشتروها ويكسبوا دهب وإحنا مش مشكله والنتيجه زيادة سوء سمعة المنتج الصيني والمشكلة دي مشترك فيها أكتر من طرف أولها الحكومه اللي سمعت لعربيات بالجوده المنخفضه دي أنها تدخل البلد وتتباع للناس وثانيها دولة الصين اللي بتنتج عربيات أو أي سلع عموما يعني بدون حدود دنيه للجوده وثالثها التاجر معدوم الضمير اللي بيروح يشتري البضاعه الرديئه ويجي يبيعها لنا هنا على أنها 5 نجوم ..... وشكرا
وأسف على الأطاله.

الله ينور عليك
الحاجات الصينى الكويسة هى الماركات العالمية المصنعة او المجمعة فى الصين زى مستلزمات الكمبيوتر و بعض الاجهزة الكهربائية و بعض السيارات ..... الخ
لان فعلا بتبقى فى رقابة من الشركات الام و مراقبة جودة
اكيد مش نفس الحاجة فى بلدها الاصلى بس ما بتبقاش بايظة او تعيش 3-4 شهور و بالسلامة

العربية حاجة مهمة جدا , روحك و ارواح من معك معلقة على كفاءة السيارة و جودتها
يا ريت الناس تدقق شوية فى الاختيار و مترميش فلوسها بالساهل
مش بقول ما تشتريش كذا و اشترى كذا , جايز فى عربيات صينى كويسة الله اعلم
بس قبل ما تشترى اسأل على كل المتاح , مزايا و عيوب

حاجة اخيرة , العربية اللى طلعوا بيها السما ال Geely الفروتة اللى كان شكلها مش راكب على بعض, كانت عاملة زى عربيات الليجو :)
العربية دى انتشرت بشكل رهيب و فجأة اختفت من الشوارع , ليه معرفش ؟
اللى سمعته - بدون اى ادله على صحته او خطأه - ان العربيات دى اتكهن عدد كبير منها لتعدد الاعطال أو مشاكل بدون حل , و الله اعلم

[tote_ide]

أنا واحد قريبى من شهر تقريبا عمل حادثة وهو راجع من اسكندرية وعاه عربيى اسبرانزا الصغيرة دى وهو راجل كبير يعنى مش بيجرى
المهم دخل فى شجرة قسمت العربية نصين الشجرة وصلت لحد المرايا اللى فى الصالون وللأسف بنته توفت وهو فى حالة زى الزفت
المهم ايه اللى يخليك تركب عربية مفيهاش اى نوع من انواع الامان
وفى الاخر لما ودو العربية التوكيل عاوزة 50000جنيه عشان تتصلح وهى زيرو ب59000جنيه
ربنا يسترها

[dr_abooody]

أنا واحد قريبى من شهر تقريبا عمل حادثة وهو راجع من اسكندرية وعاه عربيى اسبرانزا الصغيرة دى وهو راجل كبير يعنى مش بيجرى
المهم دخل فى شجرة قسمت العربية نصين الشجرة وصلت لحد المرايا اللى فى الصالون وللأسف بنته توفت وهو فى حالة زى الزفت
المهم ايه اللى يخليك تركب عربية مفيهاش اى نوع من انواع الامان
وفى الاخر لما ودو العربية التوكيل عاوزة 50000جنيه عشان تتصلح وهى زيرو ب59000جنيه
ربنا يسترها

لا حول و لا قوة الا بالله
الله يرحمها و يصبره