افيدونى فى الاختيار بين الشانا بنى والجيلى باندا 2013

[AhmedGIS]

ياجماعة انا احترت والله فى اختيار سيارة اوتوماتيك فى رنج من 60000 الى 75000 جنيه

واللى فى الاخر رسى الاختيار ما بين :

• شانا بينى مينى اوتوماتيك 2013
• جيلى باندا او باندينو اوتوماتيك 2013

انا هتكلم عن المعلومات اللى قدرت اطلعها عن العربيتين وهسيبكم تتكلموا عن المزايا والعيوب او اى فروق اخرى بينهم

اولا : الشانا بينى مينى اوتوماتيك

نشوف صورها الاول







نيجى بقى للمزايا:

1. سعة المحرك : 1000 سى سى والعزم 70 حصان 2 كامة 16 صباب - يبانى سوزوكى بس تجميع صينى
2. استهلاك الوقود : 5.8 لتر \ 100 كم وده للمانيول مش عارف الاوتو كام؟
3. الفيتيس الاوتوماتيك : فتيس يابانى وكان راكب فى السوزوكى لوميا - مش عارف نزلت مصر ولا لاه؟
4. تكييف قوى - باور - 4 زجاج كهرباء - سنترال لوك - مرايات كهرباء - راديو فقط مع فتحة AUX
5. الارتفاع عن الارض : 15 سم تقريبا
6. عدد الركاب : بيقولوا انه ممكن 5 افرد يركبوا بس انا شايف انه لو الوزان متوسطة ممكن 4 افراد فقط
7. راحة الركاب: فى مسافة قبضة يد بين ظهرور الكراسى و ركب الركاب اللى فى الخلف يعنى مريحة
8. الصيانة و الضمان : فى جميع مراكز خدمة سوزوكى - 3 سنوات او 100 الف كم ايهما اقرب
9. الوكيل : الشركة العربية لتجارة السيارات - احدى شركات مجموعة سعودى
10. السعر : 65000 جنيه
11. سعر اعادة البيع : مش عارف بصراحة

ثانيا : جيلى باندا اتوماتيك

نشوف صورها الاول









نيجى بقى للمزايا:

1. سعة المحرك : 1500 سى سى والعزم 86 حصان وفى الهاى لاين 94 حصان - 2 كامة 16 صباب
2. استهلاك الوقود : 7.2 لتر \ 100 كم وده للمانيول مش عارف الاوتو كام؟
3. الفيتيس الاوتوماتيك : 4 سرعات وموديله JL-ZA142 BSC
4. تكييف قوى - باور - 2 زجاج كهرباء - سنترال لوك - مرايات كهرباء - راديو فقط مع فتحة AUX والهاى لاين CD\Mp3
5. الارتفاع عن الارض : موقع بيقول 12 سم وموقع تانى بيقول 16 سم تقريبا
6. عدد الركاب : 4 ركاب فقط
7. راحة الركاب: مفيش مسافة بين ظهرور الكراسى و ركب الركاب اللى فى الخلف يعنى مش مريحة
8. الصيانة و الضمان : فى جميع مراكز خدمة غبور - 5 سنوات او 100 الف كم ايهما اقرب
9. الوكيل : غبور اوتو
10. السعر : 75000 جنيه
11. سعر اعادة البيع : مش عارف بصراحة

دى المعلومات اللى عرفت اجمعهم عن العربيتين وياريت اللى يقدر يقولى اشترى اى واحدة فيهم يبقى كتر خيره مع العلم انى مش عاريز عربية مانيوال لانى عارف طبعا معظم الناس هتقول ماتجيب الاسبرانزا A113 بس للاسف مافيش منها اوتوماتيك.

وملحوطة كمان العربية دى هتكون للبيت يعنى مش العربية الاساسية.

وشكرا مقدما

[aliabdo]

نصيحه لوجه الله بلاش دى و لا دى لو حتقسط شوف حاجه اعلى و تكون معروفه و ليها قطع غيار و لو حتشترى كاش ادفع الفلوس دى مقدم عربيه محترمه و قسط الباقى حيكون حاجه بسيطه

[AhmedGIS]

نصيحه لوجه الله بلاش دى و لا دى لو حتقسط شوف حاجه اعلى و تكون معروفه و ليها قطع غيار و لو حتشترى كاش ادفع الفلوس دى مقدم عربيه محترمه و قسط الباقى حيكون حاجه بسيطه

شكرا على ردك aliabdo بس المشكلة ان اقرب عربية كانت اقرب للميزانية كانت السبارك الاوتوماتيك وفعلا كنت ناوى اجيبها وكانت عاملة 75000 تقريبا بس منزلتش السنة دى وسألت فى المصرية قالولى اننا كنا بنبيع فى موديل 2012 لحد من قريب

فمافيش عربية صغيرة للبيت مش عربية اساسية واوتوماتيك غير الاثين دول

وطبعا الماروتى والالتو والسلاريو مستبعدين لان اللى يجرب الاوتوماتيك صعب يغيره

واللى خلانى افكر فى الصينى انها مش العربية الاساسية يعنى يادوب للاولاد والمدام يروحوا النادى او يشتروا بيها طلبات وحجات خفيفة يعنى

اما بالنسبة لقطع الغيار فانا سألت على الشانا وقالولى انها موجوده فى مركز الخدمة بتاع ابو رواش وكمان فى ناس فى التوفيقية بيبيعوها - ده بالنسبة لاكسسوارات العربية - اما بالنسبة لميكانيكا وكهرباء العربية الداخلية فقالولى انه ممكن يركب عليها حاجات السوزوكى ألتو وسلاريو وماروتى لانها كلها مكونات سوزوكى بس متجمعة فى الصين

وبالنسبة للجيلى فأكيد غبور مش هياخد توكيلها ويشتريه عشان يفشلها فى السوق ويبعد العملاء عنها وان والله اعلم انا لسه مسألتش عنها بصراحة بس ده مجرد تخمين

فهو ده الموضوع كله وكمان انا مبفضلش المستعمل خالص وكمان معايش مبلغ كبير ادفعه فى المستعمل وانا هشتريها بالتقسيط على 3 او 5 سنوات ان شاء الله

[aliabdo]

عيب الصينى انه عامل زى صيحات الموضه بيطلع فجاءه و يختفى فجاءة يعنى عربيات كتير صينى طلعت و اختفت و انسى انك تلاقى قطع غيار او اعاده بيع و حتبقى خسرت تمنها كله تقريبا
ممكن تشوف البروتون سجا ب 87 بس عربيه معروفه و لسها سوق و اكبر من العربيات الى بتتكلم عليها و شوف برضو البيكانتو مع انى مستكتر عليها سعرها 94 و لو تقدر تصبر شويه يا ريت متوقع ان الاسعار تتحسن عشان الدولار الايام الى جايه دى

[lidosasa]

بالنسبة للبندينو لسه منزلتش السوق أصلاً يدوب لسه الحجز شغال ومحدش استلم يعنى محدش جرب العربية ولا عرف إيه عيوبها علماً بإن الإميجراند بتاعت غبور بعد ما كانت مكسرة الدنيا فى بداية نزولها كل اللى إشتراها بدأ يشتكى من عيوب للسيارة ويشتكى من التوكيل إنه مطنش العيوب دى ومش بيحلها نهائى ومبيعاتها تراجعت الشهر اللى فات بصورة رهيبة بعد ما كانت رقم 7 فى المبيعات خرجت تماماً من قائمة أفضل 20 سيارة فى المبيعات وممكن تراجع مواضيع كتير فى المنتدى بنفس المضمون وكمان حرام تدفع 75 ألف فى عربية بالمنظر ده وصينى كمان
وأنا مع الرأى اللى سبق إنك تبعد عن الأتنين وتشوف حاجة تانية أحسن ولو إنك تدفع اللى معاك وتقسط الباقى على سنة أو سنتين والفايدة مش حتبقى كبيرة وقتها لآن مش معنى إنها مش العربية الأساسية للبيت إنك تجيب عربية تعبانة تصرف عليها وتدوخك وتخسر فلوسك لو جيت تبيع

[lidosasa]

عيب الصينى انه عامل زى صيحات الموضه بيطلع فجاءه و يختفى فجاءة يعنى عربيات كتير صينى طلعت و اختفت و انسى انك تلاقى قطع غيار او اعاده بيع و حتبقى خسرت تمنها كله تقريبا
ممكن تشوف البروتون سجا ب 87 بس عربيه معروفه و لسها سوق و اكبر من العربيات الى بتتكلم عليها و شوف برضو البيكانتو مع انى مستكتر عليها سعرها 94 و لو تقدر تصبر شويه يا ريت متوقع ان الاسعار تتحسن عشان الدولار الايام الى جايه دى

كلام سليم جداً ماعدا إنه يصبر لآن سعر الدولار ينزل لسببين إن الدولار وارد جداً يزيد مش ينزل وحتى لو سعره قل حيبقى قروش بسيطة مش حتأثر فى سعر العربيات وكمان عندنا فى مصر جشع الوكلاء والتجار بيخلى أسعار السلع لما بتزيد عمرها ما بتنزل تانى .

[aliabdo]

ما المشكله فى التجار لو بيقللو السعر مع السعر الرسمى عشان هم بياخدو دولار من البنك مش من السوق السودا كان السعر نزل

[AhmedGIS]

بالنسبة للبندينو لسه منزلتش السوق أصلاً يدوب لسه الحجز شغال ومحدش استلم يعنى محدش جرب العربية ولا عرف إيه عيوبها علماً بإن الإميجراند بتاعت غبور بعد ما كانت مكسرة الدنيا فى بداية نزولها كل اللى إشتراها بدأ يشتكى من عيوب للسيارة ويشتكى من التوكيل إنه مطنش العيوب دى ومش بيحلها نهائى ومبيعاتها تراجعت الشهر اللى فات بصورة رهيبة بعد ما كانت رقم 7 فى المبيعات خرجت تماماً من قائمة أفضل 20 سيارة فى المبيعات وممكن تراجع مواضيع كتير فى المنتدى بنفس المضمون وكمان حرام تدفع 75 ألف فى عربية بالمنظر ده وصينى كمان
وأنا مع الرأى اللى سبق إنك تبعد عن الأتنين وتشوف حاجة تانية أحسن ولو إنك تدفع اللى معاك وتقسط الباقى على سنة أو سنتين والفايدة مش حتبقى كبيرة وقتها لآن مش معنى إنها مش العربية الأساسية للبيت إنك تجيب عربية تعبانة تصرف عليها وتدوخك وتخسر فلوسك لو جيت تبيع

بالنسبة للبندينو موجودة مركبتها فى معرض المصرية للسيارات بعمارات المروة عند كلية البنات

طيب ازاى اعرف ترتيب شركات السيارت فى مصر - برجاء كتابة رابط الموقع .

بالنسبة انى ادفع اللى معايا واقسط على سنة او اتنين - انا معايا مقدم 20000 جنيه بس وجه طبعا مايجيبش عربية كويسة بقسط على سنة او اتنين بس.

انا متفق معاك فى كلامك جدااا بس المشكلة انا مش عارف اجيب ايه غير الصينى ده وبمقدم 20000 وقسط 1100 جنيه مثلا على 5 سنوات بفائدة 8% يعنى عربية بـ 65000 جنيه او 7 سنوات يعنى عربية بـ 75000 جنيه, ياريت تقولى !!!؟؟؟؟

شكرا

[lidosasa]

بالنسبة للبندينو موجودة مركبتها فى معرض المصرية للسيارات بعمارات المروة عند كلية البنات

طيب ازاى اعرف ترتيب شركات السيارت فى مصر - برجاء كتابة رابط الموقع .

بالنسبة انى ادفع اللى معايا واقسط على سنة او اتنين - انا معايا مقدم 20000 جنيه بس وجه طبعا مايجيبش عربية كويسة بقسط على سنة او اتنين بس.

انا متفق معاك فى كلامك جدااا بس المشكلة انا مش عارف اجيب ايه غير الصينى ده وبمقدم 20000 وقسط 1100 جنيه مثلا على 5 سنوات بفائدة 8% يعنى عربية بـ 65000 جنيه او 7 سنوات ونصف ( 90 شهر ) يعنى عربية بـ 75000 جنيه, ياريت تقولى !!!؟؟؟؟

شكرا

على فكرة الإيمجراند كان ترتيبها رقم 2 فى المبيعات مش 7 زى ما سبق وكتبت والشهر ده خرجت تماماً من قايمة ال 20 سيارة الأكثر مبيعاً
والمعلومات دى من الموقع ده وهو ممتاز وفيه كل ما تتخليه عن السيارات
Egy Speed
ومشاكل العربية مش بتبان من مجرد إنك تركبها لكن بتبان فى السواقة الحقيقة على الطريق الحاجة الوحيدة اللى بتظهر فى المعرض هو الشكل وجودة الخامات والتقفيل والعزل
وأنا كنت معتقد إن معاك 75 ألف وكنت بقولك أدفعهم وقسط الباقى على اساس تجيب عربية كويسة لكن الأفضل دلوقتى تشوف حاجة مانيوال لآن القسط بيتحسب كالتالى
نفرض إن العربية سعرها 75 ألف جنيه دفعت 20 ألف مقدمة يتبقى عليك 55 ألف على 5 سنوات بسعر فائدة 7 % سنوياً يبقى 5 سنوات * 7 % = 35 % من الباقى يعنى 19250 + 55000 = 74250 / 60 شهر = 1237 جنيه قسط شهرى . دا غير إنه حيكون فيه رسوم إدارية حوالى 500 جنيه فى بداية التعاقد و 300 جنيه إستعلام وحوالى 3500 رسوم تأمين على السيارة يعنى التقسيط قصة كبيرة و مكلف جداً .والبنك الوحيد اللى بيقسط على 7 سنين ونص ( 90 شهر ) وبفايدة 6 % هو بنك ناصر ودا لينك للبنك

http://www.nsb.gov.eg/nsb/togaria/malaki.aspx

تقدر تعرف منه كل التفاصيل والمستندات المطلوبة وتقدر تحسب كمان سعر القسط وكل حاجة

[AhmedGIS]

على فكرة الإيمجراند كان ترتيبها رقم 2 فى المبيعات مش 7 زى ما سبق وكتبت والشهر ده خرجت تماماً من قايمة ال 20 سيارة الأكثر مبيعاً
والمعلومات دى من الموقع ده وهو ممتاز وفيه كل ما تتخليه عن السيارات
egy speed
ومشاكل العربية مش بتبان من مجرد إنك تركبها لكن بتبان فى السواقة الحقيقة على الطريق الحاجة الوحيدة اللى بتظهر فى المعرض هو الشكل وجودة الخامات والتقفيل والعزل
وأنا كنت معتقد إن معاك 75 ألف وكنت بقولك أدفعهم وقسط الباقى على اساس تجيب عربية كويسة لكن الأفضل دلوقتى تشوف حاجة مانيوال لآن القسط بيتحسب كالتالى
نفرض إن العربية سعرها 75 ألف جنيه دفعت 20 ألف مقدمة يتبقى عليك 55 ألف على 5 سنوات بسعر فائدة 7 % سنوياً يبقى 5 سنوات * 7 % = 35 % من الباقى يعنى 19250 + 55000 = 74250 / 60 شهر = 1237 جنيه قسط شهرى . دا غير إنه حيكون فيه رسوم إدارية حوالى 500 جنيه فى بداية التعاقد و 300 جنيه إستعلام وحوالى 3500 رسوم تأمين على السيارة يعنى التقسيط قصة كبيرة و مكلف جداً .والبنك الوحيد اللى بيقسط على 7 سنين ونص ( 90 شهر ) وبفايدة 6 % هو بنك ناصر ودا لينك للبنك

http://www.nsb.gov.eg/nsb/togaria/malaki.aspx

تقدر تعرف منه كل التفاصيل والمستندات المطلوبة وتقدر تحسب كمان سعر القسط وكل حاجة

شكرا على ردك يا باشا

انا فعلا بحسب بنفس طريقتك بس تقريبا دخلت الارقام غلط بس عموما انا مجرب بنك ناصر قبل كده وهو فعلا ارخص فائدة بين البنوك اللى هى 6.5% وكانت بالفعل 6% قبل شهر ابريل 2012 لكن البن ليه عيوب تانية اللى منها انه مش تبع البنك المركزى المصرى وانه تابع لوزارة التضامن الاجتماعى وفى 3 جهات رقابة مالية تانية بتشرف عليه عشان كده فايدته مش مرتبطة بالبنك المركزى بس ده عامل مشاكل للعملاء يعنى على سبيل المثال مالوش كروت صراف آلى مثلا عشان تاخد بيها بقية مرتبك المتحول ولازم ترووح للفرع اللى انت مشترك فيه عشان تسحب الفلوس وهما كانوا هيعملوا موضوع الكروت دى قبل ثورة يناير 2011 بس لحد دلوقتى لسه

يعنى ده مثال بس عن البنك لكن هو بنك رائع فى فائدته بدون شك وربنا يسهل هحاول اشوف حاجة مانيوال ولا انى والله كان نفسى اجيب اوتوماتيك عشان انت عارف الزحمة بقت عاملة ازاى

وشكرا مرة اخرى على مساعدتك

[medoking2006]

والله حرام عليكوا الراجل اتعقد كان هيجيب عربية اتوماتك خلتواه يغير وجهة نظروا وكل واحد بيكلم مش عن تجربة انا كان معايا جلى ck1 اربع سنين وكنت شريها مستعملة وصرفت عليها المصاريف العادية لاى عربية ولا عملت معايا حركة إلا خالص وبعتها ومخسرتش فيها وحجزت باندا كروس اتوماتك والصينى زى الفل و سعر كويس انا مش بقارن بالالمانى واليابانى بس الراجل بيقول عربية للاسرة والصينى بوجهه عام كويس الراجل مش عايز عربية هيحارب بيها وانا برشحلك الشانا وسعر الاتوماتك حلو منها انا اختى اشترتها اتوماتك بقالها 3 شهور ومبسوطة منها مع انى كنت ناوى انا الى اجبها بس عشان كده اخترت الباندا تغير والله الشانا عربية حلوة برقبة البيكانوا الى منتشرة

[lidosasa]

والله حرام عليكما الراجل اتعقد كان هيجيب عربية اتوماتك خلتواه يغير وجهة نظروا وكل واحد بيكلم مش عن تجربة انا كان معايا جلى ck1 اربع سنين وكنت شريها مستعملة وصرفت عليها المصاريف العادية لاى عربية ولا عملت معايا حركة إلا خالص وبعتها ومخسرتش فيها وحجزت باندا كروس اتوماتك والصينى زى الفل و سعر كويس انا مش بقارن بالالمانى واليابانى بس الراجل بيقول عربية للاسرة والصينى بوجهه عام كويس الراجل مش عايز عربية هيحارب بيها وانا برشحلك الشانا وسعر الاتوماتك حلو منها انا اختى اشترتها اتوماتك بقالها 3 شهور ومبسوطة منها مع انى كنت ناوى انا الى اجبها بس عشان كده اخترت الباندا تغير والله الشانا عربية حلوة برقبة البيكانوا الى منتشرة

أنا كلامى معاه كان عن البندينو فقط لآنها عربية جديدة والأحسن إنه يستنى لما يشوف أخبارها أيه فى السوق وعيوبها الخفية وإستجابة الوكيل لتلك العيوب لإن كلنا إنبهرنا بالإيمجراند ودلوقتى كفاية إنك تلف لفة فى المنتدى عشان تشوف الشكاوى منها والصمت القاتل من الوكيل ( غبور ) ياريت تراجع مشاركاتى فى الموضوع وأنا شخصياً مش ضد الصينى دا أنا حتى بفكر جدياً لما أعلى بإذن الله أشترى إسبيرانزا a113

[medoking2006]

أنا كلامى معاه كان عن البندينو فقط لآنها عربية جديدة والأحسن إنه يستنى لما يشوف أخبارها أيه فى السوق وعيوبها الخفية وإستجابة الوكيل لتلك العيوب لإن كلنا إنبهرنا بالإيمجراند ودلوقتى كفاية إنك تلف لفة فى المنتدى عشان تشوف الشكاوى منها والصمت القاتل من الوكيل ( غبور ) ياريت تراجع مشاركاتى فى الموضوع وأنا شخصياً مش ضد الصينى دا أنا حتى بفكر جدياً لما أعلى بإذن الله أشترى إسبيرانزا a113

بس العربية اصلا موجوده من 2010 ماهى الجيلى باندا والكروس ولو عايزين نعرف العيوب ممكن نبحث عن الجيلى باندا وهى موجودة من 2010 فى مصر بس قليل الى اشتكى منها والدفعة الى جاية ده من غبورة تقفيل صينى فالواحد يلحق قبل التقفيل المصرى مايشتغل بس شاكك انى جلى ايمجراندا عربيه زى الفل بس التقفيل هنا بيخرب العربية وده الطبيعى والله الواحد بيروح التوكيل تحس انك فاهم اكتر من المهندس الى بيعمل صيانة الحوار ده قابلنى كتير بصراحة شوف العربية لما نزلت السعودية مفيش نفس الشكاوى الى هنا لموديل 2012 عشان تقفيل المصنع الصينى أحانا تقفلنا زبالة ممكن تبقى عربية ملاكى وتتقفل فى مصر تلاقيها بقت نص نقل ههههههههههههههههه

[saddam]

صديقي المواطن خد الجيلي باندا وحيسموها تقريبا جيلي إمجراند 5 على.ما أفتكر ولو.عايز تبقه مميز هات الإمجراند 7 وغيرلها فتيس أوتوماتيك بتكلفة 5 آلاف جنيه وإطمع في العربية وخدها من مراتك وعيالك ودمتم للنضال وده هو التفكير خارج الصندوق

[mido]

حد عنده الشانا الاوتوماتيك ؟ انا بقارن بينها و بين الباندينو