افيدونى فى الاختيار بين الشانا بنى والجيلى باندا 2013

[S O P H O S]

طب ما تفكر فال a113

[omar_saad]

للعلم فقط
ال باندينو ليست الا باندا كروس

[Flamingo]

رينو سانديرو .... محترمة وممكن تعمل ليها تست درايف فى سور نادى الزمالك ... حتعجبك

[Shiemaa]

حضرتك جبت ايه في الاخر

انا كمان كنت عامله نفس الموضوع ده قريب واحترت اكتر هي بردو لي والنادي يعني مش اساسية

[AhmedGIS]

انا بشكر كل الناس المحترمين اللى أفادونى بآرائهم


وفعلا اكتر عربية عجبتنى وعرفت مدى اعتماديتها هى الرينو سانديرو

رينو سانديرو .... محترمة وممكن تعمل ليها تست درايف فى سور نادى الزمالك ... حتعجبك

وهى كمان مع اخويا بس المشكلة انى معايا لوجان وواكتر من واحد فى العيلة معاه يا لوجان يا سانديرو وانا بصراحة زهت من شكل التابلوه بتاع اللوجان لان هو هو بتاع السانديرو مع فروق طفيفة وكنت عايز اغير الشكل والماركة كمان


فلاقيت مافيش عربية هاتشباك واعتمادية وصغيرة وحريمى إلا الكيا بيكانتو انا عارف ان فى ناس كتير هتقول عليا مجنون انى ادفع المبلغ ده فى عربية لعبة - زى ما بيقولوا - وانا كنت منهم بردوا ومش حاسس انها فعلا عربية حقيقية

بس فعلا انا لما ركبتها وجربتها وشوفتها من جوه غيرت رأى فعلا واحترمتها وخصوصا انها عربية للبيت والاولاد مش العربية الاساسية فناا شايف انها يادوب مناسبة للمدام والاولاد

على فكرة انا جيبتها خليجى هاى لاين وطبعا الفرق شاسع بينها وبين الهاف اوبشن اللى مالية المعارض لانهم بيقولوا مافيش فول اوبشن منها

ودعواتكم ربنا يسترها معانا وتكون خير لينا ان شاء الله

وشكر على مساعدتكم مرة تانية

[Shiemaa]

الف مبروك وربنا يكفيك شرها

بس ممكن اعرف جيتها منين الخليجي وبكام ؟ وهل عليها ضمان

[AhmedGIS]

الف مبروك وربنا يكفيك شرها

بس ممكن اعرف جيتها منين الخليجي وبكام ؟ وهل عليها ضمان

الله يبارك فيكى

الخليجى بقى موجود دلوقتى فى معارض كتير منها معرض الليثى وسلطان والمتحدة

وانا جيبتها من معرض المتحدة

وهى خليجى هاى لاين وجيبتها بـ 105 ألف بها (فتحة سقف - مرايات ضم وكهربا -جنوط سبور 14 - الكاسيت الاصلى + بلوتوث - طارة مالتى فنكشن - 4 ابواب كهربا - فوج لايت - سنترال لوك بالريموت )

اعتقد دى الفروق بينها وبين الهاف والفل اوبشرز بتاعة الوكيل

بالنسبة للضمان هى مش بتيجى معاها ضمان بس انا عملتلها ضمان مع شركة aaa ودى شركة بتضمن السيارات الخليكى ضد عيوب الصناعة لمدة سنة او اتنين او تلاتة والاسعار كالاتى:

سنة واحدة بـ 1350 جنيه
سنتيـــــــن بـ 2000 جنيه
3 سنـــوات بـ 2500 جنيه

وطبعا دلوقتى او من فترة كمان وكيل كيا فتح صيانة سيارات كيا الخليجى وبدون مصاريف اضافية لكن لو فى حاجة فى عيوب الصناعة التوكيل مش هيعملها فعشان كده انا اشتريت ضمان ليها من شركة aaa وهما ليهم اكتر من مركز صيانة بتاعهم وكمان متعاقدين مع اكتر من مركز صيانة اخر متخصصين فى صيانة كيا ومنهم كمان مركز صيانة معتمد من كيا وهو القاهرة اوتو وده بقى لو فى حاجة فى الصيانة ظهرت وكان السبب عيب صناعة هيغيروها من غير فلوس لانهم تبع شركة الضمان نفسها يعنى كأن السيارة فى التوكيل.

انا فى الاول كنت خايف من موضوع الخليجى والضمان بس لما سألت اكتر من واحد وكمان الفرق الشاسع فى الاوبشنز اللى مش بعتبر معظمها رفاهيات زى مثلا المرايات الكهربا والسنترال لوك بالريموت وال 4 ابواب زجاج كهرابا كل ده شجعنى انى اتوكل على الله واشترى الخليجى وربنا يكرم