هشترى شانا ستار 2 عايز نصائحكم

[buksh]

بسم الله الرحمن الرحيم
السلام عليكم ورحمة الله وبركاته
انا ناوى بإذن الله عز وجل انى اشترى شانا ستار 2 (المينى فان)
وكنت عايز نصايح من حد اشتراها او يكون عارف معلومات عنها
مميزاتها وعيوبها
تكييفها عامل ايه
انا روحت التوكيل عشان اتفرج عليها
بصراحة عجبتنى جدا جدا
المواصفات بتاعتها
1300 سى سى - تكييف 2 قطعة ( للكونسول بتاع السائق وجزء خلفى للصالون ) - فوج لايت
السعر 68500 جندى مجند مصرى

ودى صورها

















وفى النهاية اتمنى انككم تنصحونى بعملومات عنها
تحياااااتى للجميع
وعليكم السلام ورحمة الله وبركاته

[mazagngi2010]

اعلى شويه وشوف الدايهاتسو او الجوكر الصينى بتاع شيفورليه

[buksh]

انا سألت على الدايهاتسو لاقيتها وصلت 98 الف جنيه وده طبعا مش فى امكانياتى
ونفس الشئ الجوكر بـ82 الف مكيفة والكل بيقولى توكيلها زفت زفت زفت ومنصور شفروليه مرفوع عليه قواضى
امكانياتى كحد اقصى 70 الف
ولاقيت دى فيها الكماليات اللى انا محتاجها

[buksh]

متااااااابع

[hugan]

الشفيروليه بكام

[buksh]

الشفروليه n300 بـــ 82 الف
حرام انى ادفع المبلغ ده فى عربية من عربيات منصور
وكمان العربية صينى
والتوكيل مرفوع عليه قواضى بسبب الاهمال والكذب والمشاكل
وكمان 1200 سى سى
انا عايز معلومات يا جدعاااااااان عنها او حد يكون سايقها

[walidzakzok]

هية الدايهاتسو الجران ماكس فيه منها كوب والا بضاعة بس؟

[buksh]

هية الدايهاتسو الجران ماكس فيه منها كوب والا بضاعة بس؟

الاتنين
بس تمنها 98 الف

[walidzakzok]

طيب انا هاقولك حاجة وهاحط نفسي مكانك

ارمي 70 الف فى عربية صيني كمان 5 سنين بالكتير هاتبقى شنايش

والا ادفع 98 فى عربية دايهاتسو ياباني تعبان بس هاتعمر على الاقل 10 سنين

لو مكانك هاجيب الدايهاتسو بس لو معاييش يكمل مش هاجيب الصيني

[walidzakzok]

وخلي بالك الدايهاتسو موتور 1500

[هانى ظرف منصور]

انت هتشترى العربيه استخدام شخصى ولا اجرة ؟
لو استخدام شخصى خليك فى الشانا لو اجرة واستخدام تجارى خليك مع الدايهاتسو

[buksh]

طيب انا هاقولك حاجة وهاحط نفسي مكانك

ارمي 70 الف فى عربية صيني كمان 5 سنين بالكتير هاتبقى شنايش

والا ادفع 98 فى عربية دايهاتسو ياباني تعبان بس هاتعمر على الاقل 10 سنين

لو مكانك هاجيب الدايهاتسو بس لو معاييش يكمل مش هاجيب الصيني

باشا حضرتك انا بكلمك فى فئة سعرية محددة
انا متفق معاك تماما ان الجران ماكس عربية متاز لكن انا مش معايا غير 68 الف والجران ماكس بـ 98 الف
يعنى فرق 29 الف وده مش معايا نهائى
ارجو تكون الصورة وضحت
ثم نا شايف غربيات صينى كتير فى الشارع معنى كده انها شفالة

[omar_saad]

السلام عليكم
الاخ الفاضل
لا انصح ابدا بسيارة صيني في تلك الفئة --- جار لي عمل عمرة موتور مرتين في خلال سنتين ل شيفرولية ان 200 -- لحد ما اتخنق و باع العربية و جاب شاهين

[walidzakzok]

انا شوفت الاستار 2 على الطريق بصراحة لامنظر والا شكل وخسارة فيها 40 الف مش 68

[walidzakzok]

الانتشار فى السوق المصري مش علامة للجودة فى بعض الاحيان بيبقى علامة للرداءة