هشترى شانا ستار 2 عايز نصائحكم

[MaZaGAngeE]

الشانا دي وكيلها ابوغالي ... و شفتها في المركز بتاع العبور و كان نازل منها ربع نقل و ميكروباص و فان و كان سعرها 55 اظن بس ده من سنة تقريبا
و كنت وقتها بدور على ربع نقل ارخص من الدبابة و عجبتني جدا جي ام سي و رحت مركز الصيانة و مخزن قطع الغيار بس مكانش فيه نصيب اني اجيبها ...

و لقيت الشيفورليه عند الميكانيكي بتاعي و انا بعمل صيانة و سالته حاللي ليه موتور العربية ؟ قاللي بعملها عمرة و هيه 2011 ... و رايه فيها انها عربية زبالة لا تستحق الفلوس ...

ولادي بيروحوا الحضانة بعربية شيفورليه السواق جابها في 2012 و شفتها من يومين لفيتها شكلها زي ما تكون من 10 سنين ... مع انها شغالة في الحضانة داخل مدينة نصر يعني لا موقف و لا شوارع مكسرة ...

لو انت هتشتري عندك السوزوكي رغم انها فقيرة لكن ماسكة نفسها كويس و هتحتاج تجنط عشان تزود ثباتها و كمان مش مكيفة و لا باور و لا اي نوع من الكماليات ..

او تاخد الجراند ماكس بس اللي اعرفه انها فان بس مش ركاب الا لو انت عندك معلومة جديدة ...

لكن الصيني يخوف في الفئة دي لحد دلوقتي

[buksh]

بجد بجد انا تعبت من المقارنات دى
دلوقتى انا عايز عربية فان مكيفة والسوزوكى استحالة يركبلها تكييف
عايز اعرف اجيب ايه
ومحدش يقولى الدايهاتسو عشان مش معايا تمنها وكمان مش نازلة بكراسى يعنى لنقل البضاعة فقط
ارجوكم افيدونى

[walidzakzok]

باشا لو مكانك هاجيب عربية منصور شيفورليه احسن الوحشين

[hugan]

باشا لو مكانك هاجيب عربية منصور شيفورليه احسن الوحشين

+1111111111111111

[mif]

لازم زيرو و لا ممكن مستعمل

[buksh]

ممكن مستعمل بس يكون مكيف وحالته كويسة

[هاى نت]

توكل على الله هات شانا ستار 2
انا ليا واحد صاحبي جيبها مديل السنة حلوة واكيد انت اللى هتبقى راكبها
يعنى هتحافظ عليها
بس خد بالك من التراخيص يعنى قبل ما تجبها روح اسأل فى المرور اللى انت تابع له
هل التراخيص شغال للعربية الفان ولا لا علشان فى بعض المرور فى مصر لا ترخص الفان الان
الشيفرلية الان سعرها
السيارة n300 ملاكي 8 راكب بالسائق راديو cd سعرها 76500
السيارة n300 ملاكي 8 راكب بالسائق راديو cd وتكييف هواء سعرها 79500
السيارة n300 ملاكي 8 راكب بالسائق راديو cd وتكييف هواء و باور ستيرنج و سنتر لوك و زجاج كهرباء أمامي و جنوط سبور و فوانيس شبورة و ريموت كنترول شامل جهاز الانذار سعرها 84500 ( يمكن اضافة مبلغ الف جنيه لطلب زجاج فيميه في هذه الفئة فقط )

****
التسليم بعد 3 شهور من تاريخ الحجز نظرا لزيادة الطلب على السيارة
وقيمة الحجز 25 الف والباقي عند الاستلام

اخى الغالى انا مسجل مخصوص لافيدك بهذه المعلومات
فرجاء الدعاء لى ولوالديا بظهر الغيب ولك بمثل
تحياتى واحترامى
اخيكم ابويوسف