وده كان تأكيد لرأيي في العربيات الصيني !!!!

[amelsahn]

هى فعلاً بصراحه و مع كل احترامى للى معاه عربيه صينى (أو هندى) أنا مش شايف ان دول يسوى تلاته تعريفه و بعدين تأكيداً لكلام حضرتك اتفرج على الـcrash test بتاع الBrilliance اللى هيا يعنى المفروض الـ"مرسيدس" بتاعه الصين... يا راجل ده كفايه انهم سموها
"Chineese Death Car"... يعنى ما بثمنها أشترى مدافن بحرى فى 6 أكتوبر أحسن و أهيه حتبقى أكبر من 5 راكب

http://www.youtube.com/watch?v=lvhuFvkX688

ربنا يستر على أصحاب العربيات ديه بجد و علينا جميعاً

[جمال]

ياترى هل كل من( قرر) ان الصينى او غيره زبالة وووووووو الخ فعلا جرب العربيات دى و لا سمع بس و لا معارضة و بس ولا ركوب الموجه
انا افضل ان كل من يدلى بدلوه فى الرأى فى اى عربية ايا كان مصدرها ان يكون عن تجربه او على الاقل بحث موثق , او لايدلى برأيه

[mga747]

العربيات الصينى مش كلها وحش
قاعدة عامة : كل ما تعلى فى السعر يعنى العربة أحسن

[M.Gamaledeen]

ياترى هل كل من( قرر) ان الصينى او غيره زبالة وووووووو الخ فعلا جرب العربيات دى و لا سمع بس و لا معارضة و بس ولا ركوب الموجه
انا افضل ان كل من يدلى بدلوه فى الرأى فى اى عربية ايا كان مصدرها ان يكون عن تجربه او على الاقل بحث موثق , او لايدلى برأيه

يااااا أستاااااااذ جمال
مع إحترامي لعربية سيادتك بس اللي حصل مع صاحبي دة صعب جدا
ده معناه إني ممكن في ملف جامد شوية ألاقي فردتين الكوتش مكسورين تحت العربية
إزاي آآمن على نفسي وأسرتي في عربية تعمل موقف زي ده
أنا سوقت عربيات كتير (من أول الـ بي إم الفئة 7 ولغاية عربيتي ومرورا بالمرسيدس واللاندكروزر والديسكفري ) واعرف الفرق بين العربيات كويس
العربيات الصيني دي ماتتركبش:k26:
ع الأقل هنا في مصر وخصوصا ان خامات العربية ضعيفة جدا ومش محتاجة مجادلة

[CryptonX]

Chana Benny

[M.Gamaledeen]

Chana Benny

+1000000 فعلآ هي دي المجرمة اللي قصدي عليها
تخيلوا إن العربية من جوه عجيبة
التابلوة عامل زي مايكون بلاستك ملزوق بأمير
والفرش بتاع الباب خاماتة خشنة جدا
وتقعد فيها تحس انك راكب عربية ملاهي او مراجيح المولد

[mohamed_hamdi]

طبعا كلام منطقي ان اللي ينتقد العربية الصيني لازم يكون ركبها او جربها الأول علشان الحكم يكون منطقي ولكن.......
المشكلة الكبيرة في مصر ان اصحاب السيارات الصيني - مع كامل الاحترام ليهم - مش بيقولوا حقيقة تقييم العربية و كمان بيضايقوا اما حد ينتقد العربية بعد ما يجربها.
يا جماعة الموضوع بسيط جدا ، ازاي عربية ب خمسين الف او ستين الف جنيه ( ده السعر شامل مكسب الوكيل لأن سعرها الحقيقي أقل كتيرمن اللي بتتباع بيه ) وتكون مساوية لعربية انتاج كوري حتى. طبعا مش بنقارن بالياباني او الألماني لا سمح الله. لسه بدري على الصين لما تعمل عربية يعتمد عليها كأمان و عزل داخلي و عفشة و خلافه حتى الكماليات اللي بيبيعوا على حسها غير معمرة و رخيصة.

[foxarc]

طبعا كلام منطقي ان اللي ينتقد العربية الصيني لازم يكون ركبها او جربها الأول علشان الحكم يكون منطقي ولكن.......
المشكلة الكبيرة في مصر ان اصحاب السيارات الصيني - مع كامل الاحترام ليهم - مش بيقولوا حقيقة تقييم العربية و كمان بيضايقوا اما حد ينتقد العربية بعد ما يجربها.
يا جماعة الموضوع بسيط جدا ، ازاي عربية ب خمسين الف او ستين الف جنيه ( ده السعر شامل مكسب الوكيل لأن سعرها الحقيقي أقل كتيرمن اللي بتتباع بيه ) وتكون مساوية لعربية انتاج كوري حتى. طبعا مش بنقارن بالياباني او الألماني لا سمح الله. لسه بدري على الصين لما تعمل عربية يعتمد عليها كأمان و عزل داخلي و عفشة و خلافه حتى الكماليات اللي بيبيعوا على حسها غير معمرة و رخيصة.

كلام فارغ من المعني و المضمون و سيادتك فاكر ان سعر العربيات الكوري كده بره !!! اؤكدلك ان مكسب التجار في الكوري و الياباني اكثر مليون مرة من الصيني و بعدين بلاش التعميم فيه عربيات صيني اثبتت وجودها و مليانة في الشوارع و بقت تاكسيات كمان معتقدتش سواق تاكس هيجيب عربية تعبانة و يقعد يلف بيها طول النهار عشان ينتحر بيها اخر اليوم يا ريت نفكر قبل ما نتكلم!!!

[mohamed_hamdi]

الى المهندس خالد شاهين

أولا : لازم الواحد يختار تعليقاته على الأعضاء الآخرين خاصة لما يكون في منتدى محترم.

ثانيا : احب اعرفك اني كنت امتلك الاسبيرانزا الكبيرة A620 كمان مش الصغيرة زي حضرتك يعني كلامي عن تجربة شخصية مش مجرد كلام خالي من المضمون زي ماحضرتك بتقول و يمكنك قرائة تجربتي مع هذه السيارة في المشاركة التالية :

http://www.nilemotors.net/Nile/showthread.php?t=40448

ثالثا: حضرتك منضم للمنتدى في 22 ابريل 2008 و معاك الاسبيرانزا الصغيرة a516 و مع ذلك بنتقد اللي بيتكلم عن الاسبيرانزا من واقع تجربة شخصية معها لمدة سنة كاملة ، طب ازاي تقييمك انت للاسبيرانزا يبقى موضوعي و في المضمون اكتر من اللي جرب A620 سنة كاملة.انت برضه بتأكد اللي قولته ان ملاك الاسبيرانزا بيفتحوا النار على اي حد يهاجم العربية كنه امتلك المصنع او صاحب ابو الفتوح شخصيا.

رابعا : مين اللي قالك ان سواقين التاكسيات اللي جابوا الاسبيرانزا و عملوها تاكسيات مبسوطين منها.

خامسا : انا مش ضد الصيني لمجرد الرفض و لكن تجربتي السابقة زي ماقلت هي اللي خلتني اقوا ان الاعتمادية وعزل الصوت واشياء اخرى هي السبب في قولي انه لسه بدري على الصين لما تعمل عربية صح ترقى لمستوى الكوري مش حتى الياباني أو الألماني لا سمح الله.

في جميع الأحوال انا مقدر شعورك بس لازم تتعود تتقبل الرأي و الرأي الآخر لأن ده اسمه منتدى يعني بيحوي كل الآراء الايجابي منها و السلبي

خالص شكري و احترامي للجميع

م / محمد حمدي

[احمدعبدالعزيز]

مش لازم نوع العربية علشان مايبقاش دعاية سيئة
بس المشكلة ان معظم العربيات الصيني خاماتها ضعيفة جدا بتفكرني بمحلات 2 جنية ونص

التعليق دى اصح واحد محلات 2.5 انا مره اشتريت منها شمع مش راضى يولع !!!!
:k48::k48::k48::k48::k48:

[M.Gamaledeen]

الى المهندس خالد شاهين

أولا : لازم الواحد يختار تعليقاته على الأعضاء الآخرين خاصة لما يكون في منتدى محترم.

ثانيا : احب اعرفك اني كنت امتلك الاسبيرانزا الكبيرة A620 كمان مش الصغيرة زي حضرتك يعني كلامي عن تجربة شخصية مش مجرد كلام خالي من المضمون زي ماحضرتك بتقول و يمكنك قرائة تجربتي مع هذه السيارة في المشاركة التالية :

http://www.nilemotors.net/Nile/showthread.php?t=40448

ثالثا: حضرتك منضم للمنتدى في 22 ابريل 2008 و معاك الاسبيرانزا الصغيرة a516 و مع ذلك بنتقد اللي بيتكلم عن الاسبيرانزا من واقع تجربة شخصية معها لمدة سنة كاملة ، طب ازاي تقييمك انت للاسبيرانزا يبقى موضوعي و في المضمون اكتر من اللي جرب A620 سنة كاملة.انت برضه بتأكد اللي قولته ان ملاك الاسبيرانزا بيفتحوا النار على اي حد يهاجم العربية كنه امتلك المصنع او صاحب ابو الفتوح شخصيا.

رابعا : مين اللي قالك ان سواقين التاكسيات اللي جابوا الاسبيرانزا و عملوها تاكسيات مبسوطين منها.

خامسا : انا مش ضد الصيني لمجرد الرفض و لكن تجربتي السابقة زي ماقلت هي اللي خلتني اقوا ان الاعتمادية وعزل الصوت واشياء اخرى هي السبب في قولي انه لسه بدري على الصين لما تعمل عربية صح ترقى لمستوى الكوري مش حتى الياباني أو الألماني لا سمح الله.

في جميع الأحوال انا مقدر شعورك بس لازم تتعود تتقبل الرأي و الرأي الآخر لأن ده اسمه منتدى يعني بيحوي كل الآراء الايجابي منها و السلبي

خالص شكري و احترامي للجميع

م / محمد حمدي

م / محمد
أحييك من كل قلبي على مرورك الكريم على الموضوع ومشاركتنا بتجربة سيادتك مع الصيني
وردا على كلام المهندس خالد بخصوص التاكسيات الصيني ف مش كل سواق تاكس حسبها صح في اختيارة
طبعا احنا شوفنا الفترة اللي فاتت تاكسيات لانسر ونوبيرا واوبترا وكورولا وحتى ال ياريس
ودي كلها عربيات ماتستحملش رزعتين تلاتة في الباب كل شوية مثلا ده غير اسعار قطع غيار العربيات دي واللي أكيد اكبر من ميزانية اي سواق تاكسي

[farfasha]

يا جماعة بلاش تحامل على السيارة بينى لأن محدش عارف ظروف اللى سايق كانت أيه وقتها..دى حاجة..الحاجة التانية أنا شخصيا معايا البينى وبسافر بيها طنطا أسبوعيا..ده غير الفحت اليومى اللى بعمله بيها..وسافرت بيها مطروح وكنت ماشى على 130 كيلوا...ده غير انى أخدت نفس الموقف اللى حصل مع أخونا اللى حاول يفادى فروع الشجر بس انا فاديت حفرة كبيرة و انحرفت جامد بالعربية وكانت محملة بأسرتى كاملة و أخدت مطب كان كفيل يكسر مقصات العربية...كلامى ده مش دفاع عن الصينى لأجل الدفاع..لكن أنا بتكلم عن واقع تجربة يوميا عايشها معاها..أنا مش بقول أنى راكب مرسيدس أو يابانى أو حتى كورى..لكن راكب عربية أمكانياتها متوسطة..و بنفس تمن اللادا...ولازم ياجماعة نحط فى أعتبارنا ظروف الحادثة اللى مر بيها أخونا..لأن استحالة يتكسر الجنط بالطنابير بالشكل ده عشان أنحراف جامد..وبرضه الكلام اللى بقوله ده مش من فراغ..ده حصل معايا بالنص فى عربيتى ال128 اللى كانت معايا قبل البينى..واللى كسر وعوج الجنط فيها..كان السبب فيه أن بتاع الكاوتش بعد ما خلص شغل فى العجلة اللى ورا..شبط المسامير و نسى يربطها وحصل معايا نفس اللى حصل مع أخونا اللى معاه البينى!!هل معنى كدة أن ال128 وحشة ؟؟

[M.Gamaledeen]

يا جماعة بلاش تحامل على السيارة بينى

السيد العضو الكريم إليك آخر اخبار عربية صاحبي :
انا قلت انه راح التوكيل ف طلبوا منه 11000.00 جم تحت الحساب فقرر انه يصلحها بره وكان الآتي :
1- المساعدين : مالقاش زيهم في السوق ولا في التوكيل فركب مساعدين بتاعة دايو ماتيز
2- كمبروسر التكييف : مش موجود فركب كمبروسر بتاع سوزوكي سويفت
3- الجنوط (الجنوط القديمة اتكسرت على الرصيف) ملقاش في المحلات كلها جنوط نفس المقاس (لأن الجنوط العجيبة بتاعتها أربع مسامير بس) جاب من الوكالة جنوط بتاعة عربية فولكس واجن موديل حاجة وتمانين
4- الطنابير : لايزال البحث جاري عن طنابير للعجل الخلفي لأنه مش موجود في اي مكان والتوكيل قاله " هانبعت نجيبه من بره إن شاء الله" ولاتزال العربية مرفوعة على 3 عجلات و"حجر"

[foxarc]

السيد العضو الكريم إليك آخر اخبار عربية صاحبي :
انا قلت انه راح التوكيل ف طلبوا منه 11000.00 جم تحت الحساب فقرر انه يصلحها بره وكان الآتي :
1- المساعدين : مالقاش زيهم في السوق ولا في التوكيل فركب مساعدين بتاعة دايو ماتيز
2- كمبروسر التكييف : مش موجود فركب كمبروسر بتاع سوزوكي سويفت
3- الجنوط (الجنوط القديمة اتكسرت على الرصيف) ملقاش في المحلات كلها جنوط نفس المقاس (لأن الجنوط العجيبة بتاعتها أربع مسامير بس) جاب من الوكالة جنوط بتاعة عربية فولكس واجن موديل حاجة وتمانين
4- الطنابير : لايزال البحث جاري عن طنابير للعجل الخلفي لأنه مش موجود في اي مكان والتوكيل قاله " هانبعت نجيبه من بره إن شاء الله" ولاتزال العربية مرفوعة على 3 عجلات و"حجر"

انا شايف ان دي ميزة مش عيب

[M.Gamaledeen]

انا شايف ان دي ميزة مش عيب

ان العربية مرفوعة على حجر ولا
إن الواحد يركب عربية "انترناشيونال"