وده كان تأكيد لرأيي في العربيات الصيني !!!!

[amr_elrashidy]

استاذى العزيز...حبيت اقولك ان واحد قريبى جايب نفس العربية و حصلة موقف مشابه على سرعة قليلة فى طريق 6 اكتوبر و خبط فى طوبة كسرتله جنط امامى و برضو راح جابه بالعافية من التوكيل..انا عامل موضوع كامل على العربية دى لانها فعلا من حيث الشكل جميلة و جذابة لكن الجوهر..حدث ولا حرج...اخرها تتباع عند التوحيد و النور فى قسم لعب الاطفال

[M.Gamaledeen]

أخي العزيز
كان الله في عون قريبك وصاحبي وأي حد معاه العربية دي
ولا تزال عربية صاحبي ع الحجر !!!!

[farfasha]

أخوتى الأعزاء..للمرة المليون أجد تحامل على سيارة شانا بينى بدون أى مبررات..صديقى العزيز اللى بيقول أن أخرها تتباع فى التوحيد والنور عند لعب الأطفال..ده يا أخى نقد غير موضوعى بالمرة حتى لو قلته على مرسيدس..أحنا بنتكلم ونقول أراءنا وتجاربنا عشان نفيد غيرنا..لازم لما نقارن بين عربيتين يكونوا نفس الفئة..مثلا شانا بينى و سوزوكى ألتو..أنا شخصيا ليا زميلة فى الشغل جايبة الألتو..هل تصدقوا يا أخوانى أن عربية تانية ريحت على العجلة الخلفية ترييحة لا تكاد تذكر..الرولمان بلى بتاع العجلة الخلفية باظ!!!!!! لدرجة أنها لما طلبت منى فى التليفون أنى أروح أشوف العربية كنت مستغرب لأنى أعتقدت أنها اتخبطت خبطة جامدة ..ولما رحت فوجئت أن العربية من ورا مفيهاش خدش..والبلية كانت بتعمل ونه جامدة..وهى قلبت الدنيا عليها ومالقيتهاش فى التوكيل او برة التوكيل؟!!!!!!!!!ليه محدش كتب فى اى منتدى أن الألتوا عربية أى كلام وأخرتها تتباع عند التوحيد والنور فى قسم لعب الأطفال؟؟؟؟؟....تانى نقطة...الزميل اللى بيقول أن المساعدين مش موجودين فى التوكيل..أنا معايا الشانا بينى وبروح الصيانة الدورية دايما..والعربية عاملة معايا 21 ألف كيلو ولما سمعت تزييقة من ورا قلت لهم فى الصيانة عليها..وانا فى الأستراحة لقيت المهندس نادالى ودخلنى الورشة وورانى المساعد اللى بايظ وغيرهولى ببلاش وقالى أن ده عيب تصنيع و أنت فى الضمان..وشفت بنفسى المساعد الجديد بيركب قدامى!! وقبل ما حد يطلع القطط الفاطسة فى العربية ويقول أزاى المساعد يبوظ..أنصح أى حد من أخوتى الأعزاء أنهم يدخلوا فى المنتدى بتاعنا على السيارات اليابانية قسم سوبارو ويشوفوا أحدى الشكاوى من سوباروا أمبريزا اللى المساعدين الأماميين بتوعها جابوا زيت من أول 5000 كيلو..وطبعا دى تمنها 135 الف مش صينى ب50 ألف!! النقطة الأخيرة الخاصة بالجنوط...زى ما قلت ياخوانا لازم نقارن بنفس الفئة..يعنى نقارن جنوط الألتوا بجنوط السبارك والشيرى كيو كيو والبيكانتو والبينى...عايزين تقولولى أن العربيات اللى فاتت دى كلها حديد والبينى بس هى اللى بتتكسر؟؟الصديق اللى دخل فى طوبة بسرعة قليلة والجنط أتكسر...السرعة دى كانت كام؟ والزاوية اللى دخل بيها ؟ وهل اللى خبط فيه ده مجرد طوبة ولا حجر كبير من حجارة الأرصفة..؟؟لازم نفهم ده كله قبل ما نحكم أن العربية أى كلام ولا لأ ؟...أنا شخصيا كنت ماشى على 95 كيلو بيها على الأوتوستراد فى أتجاهى ل 15 مايو بالليل..كان فيه قدامى على اليمين بعد مدخل المرصد تقريبا كابينة تليفونات أو بلاعة مربعة منخفضة عن الطريق وما شفتهاش من الضلمة..نزلت فيها بالجنب اليمين لدرجة أن العربية أترقعت من قدام..طبعا مقدرتش أقف ألا بعدها فى حته نور وكنت خايف يكون المقص أتكسر..والحمد لله محصلش أى حاجة...أخر حاجة أحب أقولهالكم..أنا كنت فى مأمورية شغل عند مركز خدمة أسكودا ولقيت جنط أسكودا أوكتافيا A5 متكسر بشكل غريب..فسألت مدير المركز عنه..فقالى أن صاحب العربية دى خبط فى الرصيف!! هل معنى كده أن الa5دى ضعيفة عاملة زى فوانيس رمضان؟؟ولا دى محدش يقدر يتكلم عليها عشان اسكودا؟؟

[mohamed_hamdi]

أخوتى الأعزاء..للمرة المليون أجد تحامل على سيارة شانا بينى بدون أى مبررات..صديقى العزيز اللى بيقول أن أخرها تتباع فى التوحيد والنور عند لعب الأطفال..ده يا أخى نقد غير موضوعى بالمرة حتى لو قلته على مرسيدس..أحنا بنتكلم ونقول أراءنا وتجاربنا عشان نفيد غيرنا..لازم لما نقارن بين عربيتين يكونوا نفس الفئة..مثلا شانا بينى و سوزوكى ألتو..أنا شخصيا ليا زميلة فى الشغل جايبة الألتو..هل تصدقوا يا أخوانى أن عربية تانية ريحت على العجلة الخلفية ترييحة لا تكاد تذكر..الرولمان بلى بتاع العجلة الخلفية باظ!!!!!! لدرجة أنها لما طلبت منى فى التليفون أنى أروح أشوف العربية كنت مستغرب لأنى أعتقدت أنها اتخبطت خبطة جامدة ..ولما رحت فوجئت أن العربية من ورا مفيهاش خدش..والبلية كانت بتعمل ونه جامدة..وهى قلبت الدنيا عليها ومالقيتهاش فى التوكيل او برة التوكيل؟!!!!!!!!!ليه محدش كتب فى اى منتدى أن الألتوا عربية أى كلام وأخرتها تتباع عند التوحيد والنور فى قسم لعب الأطفال؟؟؟؟؟....تانى نقطة...الزميل اللى بيقول أن المساعدين مش موجودين فى التوكيل..أنا معايا الشانا بينى وبروح الصيانة الدورية دايما..والعربية عاملة معايا 21 ألف كيلو ولما سمعت تزييقة من ورا قلت لهم فى الصيانة عليها..وانا فى الأستراحة لقيت المهندس نادالى ودخلنى الورشة وورانى المساعد اللى بايظ وغيرهولى ببلاش وقالى أن ده عيب تصنيع و أنت فى الضمان..وشفت بنفسى المساعد الجديد بيركب قدامى!! وقبل ما حد يطلع القطط الفاطسة فى العربية ويقول أزاى المساعد يبوظ..أنصح أى حد من أخوتى الأعزاء أنهم يدخلوا فى المنتدى بتاعنا على السيارات اليابانية قسم سوبارو ويشوفوا أحدى الشكاوى من سوباروا أمبريزا اللى المساعدين الأماميين بتوعها جابوا زيت من أول 5000 كيلو..وطبعا دى تمنها 135 الف مش صينى ب50 ألف!! النقطة الأخيرة الخاصة بالجنوط...زى ما قلت ياخوانا لازم نقارن بنفس الفئة..يعنى نقارن جنوط الألتوا بجنوط السبارك والشيرى كيو كيو والبيكانتو والبينى...عايزين تقولولى أن العربيات اللى فاتت دى كلها حديد والبينى بس هى اللى بتتكسر؟؟الصديق اللى دخل فى طوبة بسرعة قليلة والجنط أتكسر...السرعة دى كانت كام؟ والزاوية اللى دخل بيها ؟ وهل اللى خبط فيه ده مجرد طوبة ولا حجر كبير من حجارة الأرصفة..؟؟لازم نفهم ده كله قبل ما نحكم أن العربية أى كلام ولا لأ ؟...أنا شخصيا كنت ماشى على 95 كيلو بيها على الأوتوستراد فى أتجاهى ل 15 مايو بالليل..كان فيه قدامى على اليمين بعد مدخل المرصد تقريبا كابينة تليفونات أو بلاعة مربعة منخفضة عن الطريق وما شفتهاش من الضلمة..نزلت فيها بالجنب اليمين لدرجة أن العربية أترقعت من قدام..طبعا مقدرتش أقف ألا بعدها فى حته نور وكنت خايف يكون المقص أتكسر..والحمد لله محصلش أى حاجة...أخر حاجة أحب أقولهالكم..أنا كنت فى مأمورية شغل عند مركز خدمة أسكودا ولقيت جنط أسكودا أوكتافيا A5 متكسر بشكل غريب..فسألت مدير المركز عنه..فقالى أن صاحب العربية دى خبط فى الرصيف!! هل معنى كده أن الa5دى ضعيفة عاملة زى فوانيس رمضان؟؟ولا دى محدش يقدر يتكلم عليها عشان اسكودا؟؟

و الله كلام جميل جدا و موزون تماما بس حضرتك بكلامك عن الاسكودا و السوبارو تقصد ان اللي حصل مع اصحابها ده قضاء و قدر لأنهم تيسروا اسباب الحصول على الأمان بشرائهم سيارة من شاركة ذات موثوقية ولكن الحاصل مع السيارات الصيني - طبعا قدر من عند الله برضه - لكن اسباب تجنب الحدث غير موجودة لانعدام الأمان بالصيني تماما. مافيش داعي تضايق نفسك و الحمد لله في جميع الأحوال و الله خير حافظ للجميع مهما تعددت الأسباب.
م / محمد حمدي

[farfasha]

أخى العزيز مهندس محمد حمدى...كلام حضرتك صحيح بالنسبة للسكودا وهى فعلا قضاء و قدر..أما السوبارو فعيب تصنيع..وهذا لا يعيب سوبارو فى شىء..لأن مهما كانت الشركة متفوقة لازم وجود نسبة من العيوب..فمثلا كل 10 سيارات نلاقى واحدة معيوبة..بعكس شركات أخرى مثل الشركات الصينية..نجد كل 10 سيارات بينهم 4 معيوبين..و أنا قصدت أن أبين أن لكل شركة عيوب فى بعض موديلاتها..وبعض الشركات تقوم بأصلاح العيب بسرعة زى الدايو لانوس أول ما نزلت ..كان فيه مشكلة فى طرمبة البنزين وكانت بتقطع بأستمرار وصلحوها على طول..وفيه شركات تانية بتتهاون فى المسألة دى... أما بالنسبة لمسألة الأمان فى السيارات الصينية فكلام حضرتك صحيح 100 فى ال100..ولكن أنا شخصيا متتبع المسألة دى من قبل شراء البينى..واللى حكمنى فى شرائها السعر+ الأمكانيات العالية مقارنة بنفس فئتها من سيارات اخرى..هل تتخيل أن معدل الأمان المنخفض فى البينى مساوى لمعدل الأمان فى شيفروليه سبارك و دايو ماتيز؟؟وهل تتخيل كمان أن معدل الأمان فى اللانسر الكريستاله منخفض جدا؟!!!! ويمكن للأخوة الدخول على اليوتيوب ومعرفة درجة الأمان بالظبط..و أنا شخصيا لى صديق توفى فى اللانسر على كوبرى 6 أكتوبر..و طبعا ده قضاء وقدر..لكن أنا أقصد أن كان قدامى ساعة الشراء سبارك و سوزوكى ألتو و شيرى كيو كيو أو لادا ..ودى سيئة جدا..وكل دول معدل الأمان فيهم منخفض تماما...يعنى أنا أخترت أفضل الوحشين..وعارف كدة كويس..وبتمنى أن ربنا يكملها معانا بالستر..وبمشى بما يرضى الله بدون غرز أو جرى..حتى لو ربنا كرمنى بعربية معدل الأمان فيها عالى زى المرسيدس...وربنا يسترها علينا و عليكم يارب ماحد يتعرض لأى مكروه ويكفيكم شر الطريق !

[M.Gamaledeen]

العضو الكريم farfasha
انا و الله مافيش عداوه بيني وبين حد من الصين ولا حاجة
بس هجومي على السيارات الصيني سببه المغالاه الفظيعة في اسعارة ودي سببها طمع وجشع التجار والوكلاء في مصر
ويمكن من هجومنا ونقدنا على المستوى العام يقل الطلب على العربيات دي ونجبر الوكيل أو المستورد انه يتنازل عن نسبة أكبر من الربح ويقدم خدمة أفضل لما بعد البيع
"يعني مثلا ما ينفعش ان عربية موديل 2007 ومش موجود قطع غيار ليها في التوكيل"
وبالتالي نوفر لنفسنا وسيلة انتقال بسعر مناسب وكماليات وتجهيزات مش بطالة