إعـــــــلان

**volvo** · 23-01-2009, 01:08 AM

سيبك من الصينى يوم ما تفكر تبيعو بينزل النص فى السعر

**K.LOTFY** · 23-01-2009, 02:27 AM

بصراحة أنا شايف الجيلي دي من أسوأ الماركات الصيني
شوف أي عربية جيلي في الشارع ده اذا لقيتها حتلاقيها متبهدلة

**CryptonX** · 23-01-2009, 02:39 AM

نصيحة اخوية بلاش جيلي خالص .

انا مش ضد الصيني و لا حاجة .

لو عايز حاجة صيني محترمة استنى شهرين بالكتير

و اسبرانزا A3 حتنزل و حتبقلى برده في حدود 84 الف شكلا و موضوعا تحفة !

**goofy_in_love** · 23-01-2009, 03:32 AM

بلاش جيلي بجد تعتبر من اسوأ السيارات الصيني ممكن تشتري ال Frv او تستني الاسبيرانزا زي ما الشباب قالتلك انما جيلي لااا

**SAMER_ENGINES** · 23-01-2009, 03:32 AM

رأيي الشخصي أبعد عن الصيني......
كماليات و أوبشنز ملهاش حل ايوة..
سعر أقل و يعتبر منافس بالنسبة للكماليت ايوة..
بس أنت أعقلها كماليات أكتر بكتير و سعر أقل يبقي ايه؟؟
يبقي خامات أقل و تقفيل سئ و ماركة غير معروفة أو موثوق بيها و توكيل الله و أعلم شكله أيه.
و الجيلي بالذات محدش جربها كتير و بصراحة مشفتش حد شكر فيها و لا حتي ذم فيها.
و انا عارف اني الموضوع ده انا قلته قبل كدة بتاع الموبيل الصيني انا كنت جبته و كان شغال معايا و زي الفل و الأوبشن اللي فيه اد النوكيا تلت اربع مرات و مع ذلك مرتحتش ليه و بعته أخيرا لكن وحياتك خسرت فيه يمكن اكتر من تلتين تمنه و كل واحد يشوفه و اقوله عايز في كذا يقولي يا عم ده صيني و هي دي العقدة, انا عارف أني الموضوع بعيد شوية عن العربيات بس صدقني أول ما تيجي تبيعها أول حاجة حتسمعها كلمة يا عم دي صيني, فياريت نفكر في اعادة البيع لاني هيجيلك يوم برضه و بالذات بعد نزول الجمارك و حتفكر تبيع و تشتري حاجة تانية فشوف ساعتها الأفيو بيعها حيكون ازاي و الجيلي بيعها حيكون ازاي عربية شايلة علامة غريبة اسمها جيلي و محدش تقريبا يعرفها و خبرة الناس فيها قليلة و كل اللي يعرفوه عنها انها صيني و عربية تانية تحمل علامة لا تحتاج لكلام كتير و هي ماركة شيفروليه و طبعا القرار في الأخر لحضرتك و ياريت تقول لنا استقريت علي ايه و ايه الاخبار سواء الجيلي أو الشيفروليه.

**Busquets** · 23-01-2009, 04:07 AM

even its shape isnt great

**SemSem_eg** · 23-01-2009, 03:59 PM

أولا انا بشكر كل الإخوة الأفاضل اللي تكرموا بالرد على الموضوع

لكن انا كده بصراحة احترت أكتر وأكتر

يا جماعة الأول لازم نتفق على حاجة وهي ان الصين كصناعة هي مستمرة في التطور وبيحاولوا يتفادوا الأخطاء السابقة بجدية

يعني مثلا الاسبيرانزا 2006 كان فيها مشكلة بتخلي الموتور يسخن وبعد كده عدلوها ، أكيد إنتاج 2009 هيتفادى المشكلة دي وغيرها من المشاكل حتى اللي محدش اشتكى منها

يعني أي موديل جديد بيكون أكيد أحسن من اللي قبله

وفيه حاجة مهمة عايز أنبه حضراتكم ليها وهي الجدية في البحث عن متطلبات السوق مش مجرد إنتاج وبيع

يعني مثلا العربية اللي بتكلم عليها جيلي Fc كانت الأول بفتحة سقف و1800 Cc وكان سعرها هيبقى 115 ألف ، وبناء على طلب من الوكيل المصري تم إلغاء فتحة السقف وبقت 1500 Cc عشان تبقى في متناول شريحة أكبر

يعني باختصار الدنيا عندهم في تطور مستمر وإصرار على المنافسة مش مجرد بيع واجري .

يا جماعة انا بصيت في العربية حتة حتة وبصراحة ملقيتش غلطة

وكمان كان فيه رجل محترم بيتفرج عليها وسألته عن رأيه في العربية وقلت له لو عنده أي ملحوظة يقول لي

الراجل قال لي : هي فيها عيب جامد

قلت له ايه هو ؟

قال لي : لون الأبنوس في الأبواب مش ماشي مع الفرش !!!!

مع العلم ان الراجل المحترم ده كان سنه فوق الخمسين وبيركب عربيات من قبل ما انا اتولد .

أرجوكم عايز رأي نهائي لأني فعلا احترت أكتر .

**ahmed1981** · 23-01-2009, 05:08 PM

أنا لو مكانك ممكن أفكر فيها
وبرضه هقارنها مع سيارات جاك الجديدة
وهقرنهم بالسيارات المقاربة للسعر ده في السوق
وفي النهاية هشتري أفضل الخيارات حتى لو صيني

**menabigboss** · 23-01-2009, 08:50 PM

i`ve a question
if the car is bad, how is the insurance of the car is FIVE Years or 100000 KM....?how they did this insurance?thank u

**SemSem_eg** · 23-01-2009, 09:03 PM

المشاركة الأصلية كتبت بواسطة menabigboss مشاهدة المشاركة

i`ve a question
if the car is bad, how is the insurance of the car is FIVE Years or 100000 KM....?how they did this insurance?thank u

فعلا كلام منطقي جدا وانا نسيت أقول النقطة دي في مداخلتي

العربية عليها ضمان 5 سنين أو 100.000 كيلو يعني أكتر من الأفيو

شكرا على الملحوظة أستاذ مينا

يا ترى فيه آراء جديدة ؟

**Chery_fulwin** · 23-01-2009, 10:55 PM

http://www.fannat.com/Magazine.aspx?NewsID=1202

تجربة قيادة

**طائر الليل** · 24-01-2009, 12:12 AM

جيلىfc مانيوال ولا اوتوماتيك

**foxking_369** · 25-01-2009, 12:52 PM

السادة الزملاء اللى بيهاجموا الجيلى و يقولوا اسوء عربيه صينى ياريت يقولونا اساس الادعاء دا لانى مثلا معايا الفروته و قربت على 3 سنين و الحمد لله معملتش اى حركه نقص معايا و سافرت بيها الساحل اكتر من 10 مرات فى الصيف اللى فات هى مشكله جيلى لما الوكيل القديم ساب التوكيل و هو اصلا كان واخد توكيل اكتر من عربيه صينى من بس الجيلى بس الوكيل الجديد ماشى على خطى كويسه علشان يرجع اسم جيلى تانى للسوق

بس العيب الاساسى للصينى فعلا هو سعر اعاده البيع و انا كنت عرضت عربيتى للبيع قبل كده ( بصراحه كان قدامى لانوس لقطه ) بس السعر كان فى الارض و قررت احتفظ بيها و مش هبيعها خالص و ربنا يكرمنى و اجيب واحده اكبر

و بعدين شئ غريب فعلا تقول اجيب اسبرانزا يقلولك لا وحشه هات بريليانس تقول اجيب بريليانس يقولك وحشه و تقول جيلى يقولوا اسبرانزا او بريليانس و فى الاخر ابعد عن الصينى خالص
بصراحه اللى عايز يشترى اى عربيه يشوفها كويس لو عجباه بجد يشتريها و يريح نفسه لان كده كده عمر مهيكون فى اتفاق على اى سلعه بين كل البشر و ربنا يبارك لنا كلنا فى عربياتنا حتى لو كارو .

Comment

إعـــــــلان

.

المرسيدس الصيني .. جيلي Fc الجديدة

المرسيدس الصيني .. جيلي Fc الجديدة

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment