المرسيدس الصيني .. جيلي Fc الجديدة

[ahmad alshaaer]

انا عندي الحل ليك ان شاء الله
اولا هتصلي استخاره
ودي اهم نقطه وحدد في صلاتك النوعين دول واللي هتجيبها تبقى هي والله الخير ليك ان شاء الله
وحاجه تانيه بأه ابعد عن الافيو خصوصا
2009 الكوري والاوتوماتيك
انت بتقتل نفسك بالافيو
بجد سي~ه للغايه
واانا واحد من اللي ركبوها 6 شهور وبعتها
وماعرفتش اني كنت راكب حنطور الا لما ركبت جين 2
بجد الافيو لااااااا
حتى التوكيل هيقرفك
يااخي ادخل على الشيفروليه وشوف الناس بتقول ايه عن الافيو 2009
سلاااااااام عليكم
يعني قصدي انك تقارن مثلا مع نوع تاني
ايه رايك مثلا في الجين 2
ادخل منتدى البروتون وشوف
عيوبها بعض عيوب التقفيل الخفيفه في الصالون
ولكن امكانيات وثبات وموتور
ادخل بقه منتدى بروتون وشوف
والاستخااااااااااااااااااره اهم حاجه

[madawbs]

بص ياباشا علشان تريح نفسك التجربة اهم حاجة انا واحد صاحبى معاه جيلى mk 1600 مانيوال بقالها سنة وشوية معاه وزى الفل وعاملة حوالى 16000 كيلو دلوقتى وفاحتينها كل اسبوع الغردقة وراس غارب والسخنة ماشتاكيتش خالص وبيشكر فى التوكيل الجديد بتاعها جدا top gear

المشكلة عند ناس كتير انهم بيتكلموا على الجيلى القديمة (ودى كانت عربية مش كويسة) وكمان التوكيل اتغير والصيانة بقت احسن وصاحبى ده كمان شايف ان احسن حاجة فيها قطع غيارها الرخيصة ( زى ال128 تقريبا)

بس على فكرة الحاجة الوحيدة الى انا شايفها مش حلوة فيها ان الاكصدام الى ورا اتفك المسمار بتاعه. غير كدة العربية زى الفل وانا مش بادافع عنها لاى سبب لا انا راكبها ولا هاشتريها ( انا مبسوط بعربيتى والحمد لله ) ولا صاحب التوكيل يبقى جوز خالتى ولا حاجة دى كلمة انا شايف انها حق والله اعلم

[doctor1]

والله يا جماعه انا احترت وعندى سؤال

السلام عليكم
والله يا جماعه بجد انا احترت معانا هو السؤال ايه بالظبط ... تعالوا نحدد نفسنا فى سؤال واحد ونجاوب كلنا عليه
ياترى احنا فى مصر دلوقتى لسه الفكر بتاعنا زى زمان والسوق عندنا لسه زى زمان ؟؟؟؟
بمعنى زمان كان الواحد مننا بيشترى العربيه وبيحط فيها فلوسه كنوع من انواع الإستثمار المضمون لما بيفكر يبيع هيكسب فيها وان لا قدر الله ماحصلش نصيب وكسب يبقى اكيييد مش ممكن يخسر زيها زى الدهب كده
لكن انا متأكد ان السوق والفكر المصريين دلوقتى اتغيروا تماما وتحولنا الى سوق وفكر استهلاكى
بالظبط كده زينا زى دول الخليج ليه مش مهم نتكلم دلوقتى فى الأسباب ولكن هى دى النتيجه والحقيقه
يبقى لازم لما نيجى نشترى انهارده اى عربيه المفترض ان معاييرنا الشرائيه بتتغير تبعاً للفكر الجديد
صينى ايوه صينى وايه المانع
طالما انا كمشترى شايف انها بتوفرلى الكماليات اللى انا محتاجها ويمكن زياده فى الرفاهيه كمان وبسعر تنافسى كبير جدا ورهيب فى معظم الحالات وبصراحه انا أولى بالكماليات والرفاهيه دى وبفرق الفلوس دى كلها
انما المهم هنا .... والأهم كمان ....
انى زى ماباشترى اى نوع او ماركه حتى لو امريكى او يابانى او حتى اوروبى محترم باعتمد على ايه ؟؟؟
اول شىء لازم افحص العربيه دى كويس جدا واتأكد ان مافيهاش عيوب تصنيع مثلا
وان يكون لها فترة ضمان لعيوب التصنيع من الشركه المصنعه لها ومن توكيلها هنا كمان
وان قطع الغيار لها موجوده ومتوفره بشكل مايعطلنيش عن مصالحى لو احتجتها وبسعر مناسب غير مغالى فيه
وبعد كده العيوب اللى ممكن تظهر فى العربيه نتيجة سوء استخدامى لها فده حاجه بترجع ليا انا واستعمالى للعربيه واعتقد انكم توافقونى ان استعمالى للعربيه نتيجتة هتكون واحده على اى نوع وماركه للعربيه مهما كانت بلد التصنيع او جودتها
ارجوكم سامحونى على التطويل فى تعليقى واتمنى انى اكون قدرت اوصل وجهة نظرى لكم
واشكركم

[doctor1]

وكمان طبعا لو احتجنا فى اى وقت اننا نبيع وهنضطر نخسر فيها فلوس ليه مانفكرش ان قيمة الخساره الماديه اللى هنخسرها دى تمن ويمكن يكون تمن بسيط فعلا للكماليات اللى انا استمتعت بيها طوال فترة اتعمالى للعربيه دى
واعتقد انى بكده مش هاعتبرها خساره فادحه
على الأقل دى طريقتى فى التفكير ووجهة نظرى فى الشراء والبيع فى حياتى
وشكرا

[Rsarabia]

وكمان طبعا لو احتجنا فى اى وقت اننا نبيع وهنضطر نخسر فيها فلوس ليه مانفكرش ان قيمة الخساره الماديه اللى هنخسرها دى تمن ويمكن يكون تمن بسيط فعلا للكماليات اللى انا استمتعت بيها طوال فترة اتعمالى للعربيه دى
واعتقد انى بكده مش هاعتبرها خساره فادحه
على الأقل دى طريقتى فى التفكير ووجهة نظرى فى الشراء والبيع فى حياتى
وشكرا

طيب ليه متدفعش فلوسك فى عربية لما تيجى تبيعها متسخرش فيها كتير و بردو هتستمع بنفس الكماليات اللى موجودة فى الصينى

[ahmed1981]

طيب ليه متدفعش فلوسك فى عربية لما تيجى تبيعها متسخرش فيها كتير و بردو هتستمع بنفس الكماليات اللى موجودة فى الصينى

لو نفس الفئة وبنفس السعر طبيعي نجيبها ومنجبش الصيني
لكن فين؟

[m_a_gamal]

هو انا لاحظت حاجة في العربية دي، من جوة هي نفس الكورولا الشكل القديم بتاع 2003-2007 ومن برة تقريبا نفس الشكل مع اختلاف الفوانيس بس حتى اكر الابواب نفس بتاعة الكورولا، دي ملاحظة شخصية من الصور بس.

[SaMeR-PrOtOn ]

انا بصراحة ضد اي عربية صينية وانا مابنصحك في الافيو نهائيا شوف اختبار التصادم بتاعها وحكوم عليها بنفسك وبسعر 84000 ممكن تشتري اي عربية تانية احسن منها ولو ماكان فيها كماليات متل الجيلي وعلى الأقل رح تكون مجربة لسنين طويلة وسمعتها معروفة وموثوق بها انصحك بالكيا سيراتو أو بروتون جين2 أو هيونداي ألانترا أو هيونداي فيرنا أو هيونداي i30
وانا اسف اذا كان في فرق كبير بين اسعار العربيات اللي اقترحتها عليك لاني لا اعرف اسعار العربيات في مصر والسلام عليكم

[CBR]

صيني؟ وجيلي؟

عمري ما شفت سياره جيلي لحد دلوقتي تقعد في مصر كام شهر استعمال

الا لما القيها بقت مهلبيه قصدي متخبطه وتحس انها متبهدله وعايزه تتشد

سواء شكل خاجري او متور او عفشه حتقولي ححافظ عليها

حقولك الناس حافظة عليها بس بتخرب على طول

واسئل الي جرب ماركة جيلي ديه وشوف حيقولك ايه

ارشحلك الافيو حتى لو مش جامده اوي

بس قطع غيار موجوده وتصليح موجود وبتستحمل

مش جيلي وكريم كراميل